الجمال ولا النسب والعائله ..... ساعدونى !!!!

[maka]

http://www.nilemotors.net/Nile/311855-a.html

[المنسي]

حط الاتنين فى كفتين وقارن بينهم فى كل حاجة المستوى الاجتماعى - التدين - الاخلاق - وحاجات من دى بس ابعد عن الجمال لان الجمال متفاوت ومش كل واحدة حلوة تبقى كويسة ومش كل واحدة وحشة تبقى مش كويسة

[Ahmed_selmy]

انا اعتقد ان الزملا قالوا كل اللى ممكن يتقال, وانا معاهم فى كل كلمه هما قالوها , وحقولك كلمه واحده تخليك تنسا خطيبتك الاولنيه, انها زى ما كلمتك تانى وهى مخطوبه من واحد تانى ممكن تعمل اكتر من كدا معاك لو انت رجعتلها وانا اسف فى اللفظ اللى حقوله بس الحقيقه انك لو رجعتلها حتعيش طول حياتك " طرطور" انا اسف مرة تانيه , بس هى دى الحقيقه اللى لازم تحطها قدام عنيك .
ربنا يوفقك لما يحب ويرضا.

[dodo2000]

الموضوع منتهى و مفيش مجال للمقارنة و غير كده انت مع الوقت و التعامل هتلاقى نفسك بتحب التانية من احترامها و لباقتها فى الكلام و اسلوب الناس المتربيين فى التعامل

[amr011111]

بصراحه الاولانيه مش فيها اى ميزه
انسانه انتهازيه من طريقة كلامك عليها
ليس اكثر
وبالتالى لن ترتاح معها بعد الجواز

[amdd]

طبعاً الغالى صاحب الموضوع اونلاين طول الفترة دى حتى مكلفش نفسه يتفاعل معانا فى اى رد وفرحان بزيادة المشاركات
على العموم الناس كلها قدمت النصيحة الاصح وانت ودماغك

[M.ABDOU]

افتكرت كلمه لعماد حمدى كان بيقولها لفيلم كانت تقريبا لبعد الحليم حافظ

كان بيقوله وهوا تقريبا بيزعقله

ياااا ابنى انا لما كنت فى سنك عرفت بنات ومشيت مع بنات كتيييييييييييير

لكن لما جيت اتجوزت

اتجوزت امك

هوا ممكن الاتنين ينفعوا بصراحه بس واحده للمصاحبه والتانيه للجواز

اختار انت بقى

[Gamal.Eid]

المسألة واضحة والقرار كمان واضح امامك لو تقبل ناصيحة اخ اكبر منك ومحامى من اكتر من 13 سنة ومرت امامى الكثير من التجارب العائلية والتجارب العملية فى شغلى اوعى تفكر مجرد تفكير فى خطيبتك الاولى دى واسرع فى اتمام زواجك من الثانية لانها هى دى اللى تحافظ عليك وانت جوة البيت وبرة البيت اظفر بذات الدين الجمال نسبى وممكن يروح فى لحظة لكن جمال الروح والاخلاق والعائلة المحترمة لايمكن تعوضهم تانى لو راحوا منك ده جواز مش فسحة وتخلص دى واحدة هتحمل اسمك طول عمرك وبعد عمرا طويل وهتكون ام لاولادك لازم تختار نطفك زى ما الرسول امرنا لازم تختار ام صالحة لاولادك مش ام جميلة ليهم

[BESO516]

للاسف هى دة المعادلة الصعبة البنت الجميلةو خصوصا لو مستوها الاجتماعى كمان عالى هدوخك و هتتعب علشان تعرف تسيطر عليها لانها عارفة انها جميلة و البنت العادية هتريحك جداا لانها عارفة انها عادية

كلام مقنع وده فعلا اللى كنت حاسس يسه مع الأول

انا مبحبش اتدخل ابداً برأى فى المواضيع اللى زى دى لما بقرأها
رغم ان الواحد بيستفذ بطريقة فظيعة

لكن لو بتتكلم جد ... يبقى انت محتاج تتعالج مش محتاج رأى من حد

فيين المقارنة ... هاتولى مقارنـــــــــــــة
هيسب الناس بقى تكمل
ولا اقولك علشان ما ابقاش دخلت وخرجت بدون تعليق مفيد بالنسبالك


يذهب الجمال الشكلى بعد الزواج ... ويتبقى الدين والطباع والاصول والتربية

ربنا يوفقك لما فيه خير وصلاح لك ... على حسب نيتك

رغم ان كلامك جامد شويه
بس كفايه اخر سطرين دوول فيهم كل حاجه

ياراجل ايه بس اللى مش عارف
الموضوع يا اخويا واضح زى الشمس وخد بالك كويس والله ما بالجمال ابدا لانك بكره هتتعود عليه ومش هتلاحظه ابدا
اولا : ابعد عن الاولى نهائيا ومتعرفهاش انك هتخطب واحده تانيه واقطع اى علاقه بيها
ثانيا: مادام الاهل موافقين على الثانية وكمان اهلها وعندك القبول لها مستنى ايه ..وزى مابيقولوا دا نسب يشرف
ثالثا: متفكرش كتير فى اتجاهين فى وقت واحد ..اتجاه فيهم خاين وصدقنى هيخونك بعد كده واتجاه فيهم من كلامك مفهوش مشاكل
رابعا: من اخ كبير بكرر تانى ومليون واسمع كلامى مش بالجمال صدقنى بعد الزواج مبتقولش انا اتزوجت اجمل واحده لكن بتقول انا ربنا رزقنى انسانة محترمة ومتدينة وخلوقه واهلها بيحبونى واهلى كمان بيحبوها وكفايه انها مستحملانى
خلص الكلام بس خليك على تواصل معنا فى موضوعك وقلنا بتفكر للخطوه الجايه ازاى
اه نسيت امسح الاولى من هارد ديسك دماغك واعملها شيفت ديليت

اللى يبيع مره يبيع مليوووووون ده اللى انا حاطه قدامى الفتره دى

ياباشا لو على الجمال مراكز التجميل مخلتش حاجة ومش حرام ده هتبقى مراتك

ابحث عن الاخلاق والاهل اولا

اكيد ..... بس اقولها لازم تعملى عمليه تجميل ؟؟!

من رايي المتواضع الاخلاق اولا طالما البنت دي مابتسيبش صلاة تبقي تمسح مية واحدة زي خطيبتك الاولانية وكمان التربية والذوق حاجات لايمكن تشتريها

من ناحيه التربيه والأخلاق والعيله لا توجد مقارنه من الأساس

[Mo3taz Selim]

أستاذى الفاضل ... أعتقد إن المقارنه محسومه لصالح الثانيه و الإخوه فى المنتدى ماشاء الله قالوا لك كل المفيد مش هأقدر أضيف على كلامهم أى حاجه... وكما قال الرسول عليه الصلاة و السلام:" تنكح المرأة لأربع : لمالها ولحسبها وجمالها ولدينها ، فاظفر بذات الدين تربت يداك."

- الجمال ده شىء نسبى للغايه بمعنى اللى أنا شايفه جميل ممكن بالنسبه لغيرى قبيح و لأخر عادى هى مسألة أذواق مش أكثر... اما الجمال الداخلى أو جمال الروح و جمال العشره فلا يختلف عليه إثنان

- سؤال بس هل تعتقد إن فى إنسانه تكون مخطوبه لشخص و بعد ما يفركشوا الخطوبه ممكن إنها تتخطب لشخص أخر فى مدة أسبوع من غير ماتكون عارفاه من قبل كده و تكون عقدت مقارنات بينهم و بناءا على كده أخذت قرارها إنها تسيب الأول و تتخطب للثانى؟؟؟!!!!!(أعذرنى)

[أبو صلاح]

اكيد ..... بس اقولها لازم تعملى عمليه تجميل ؟؟!

انا قلت مراكز التجميل مش عيادات التجميل في فرق كبيييييييير
اللي هيا ياباشا الكوافير الحريمي ومراكز السبا والجمانيزيوم والكلام ده

[BESO516]

عايز رأيى انجز وتوكل على الله المعانى الحقيقيه فى صحة النسب والخلق وياسيدى بكره الجمال فيها كأنثى حيظهر فى بيتك وتتغير نظرتك ليها

ربنا يقدم اللى فيه الخير

خلينا كده ناخد الموضوع من ناحيه تانيه

المقارنه بين واحده اقل منك في المستوي الاجتماعي و المادي لا و ايه لعبيه و اخلاقها عليها علامات استفهام
بواحده بنت عيله و حسب و نسب زي ما بيقولوا و فوق كده احترام و اخلاق و دين و الاهم من كل ده تفكير متوافق معاك

فكر كده في وجهة النظر دي و قول انت هتختار مين تبقي شريكه حياتك و ام عيالك

المقارنه لاتوجد من الأساس الا من ناحيه الجمال اكتر من كده يبقى حرااااااااااااااااااااام عليا

أخي الحبيب
بما إنك صليت بطلب إستخارة الله فعليك الان ان تجعل الامور تسيير بشكل طبيعي وتعلم جيداً بداخلك أنك طلبت راي الله وعونه وتوفيقه فاي شىء سيحدث فى الموضوع سيكون هو الخير الذي أراده الله عز وجل لك وكمان حاول تكرر الاستخاره كل فتره إذا استطعت ، وبعد هذا التصرف المثالي عايز أبلغك رأي رجاله كتير وكمان شيوخ افاضل أصحاب علم وفقه أن الجميع متفق أن جميع النساء فى مسأئله الجمال الظاهر ليس بينهم اختلاف أبدا بعد الزواج ولكن عليك أن تنظر بعين المستقبل إن شاء الله هل ستكون شخصية الزوجة المنتظره وكذلك شخصيتك أنت مكملين لبعض وممكن تكون تفاصيل الحياة بينهم إزاى ويا ترى لما يكون في اولاد حنقدر مع بعض نربيهم بشكل يرضى الله وينفع المجتمع وبالتاكيد هناك أفكار واشكال كتير ممكن تتخيلها لشكل الحياة والمسئوليه حيكون إزاى

والله المستعان فلا حول ولا قوة إلا بالله العَلي العظيم

ونعم بالله

هي الاولانيه ديه مش هتريحك طول عمرك
حاول تكرهها علشان متفكرش فيها وتوقف حياتك عليها
ماديه وكفايه انها اتخطبت بعدها بشهر
ولو اتجوزتها لو جبتلها نجمه من السما مش هترضى
والله اعلم

حقيقه واكتشفتها فأكتر من موقف

انا في نفس سنك بالظبط وهقولك رأيي.
الجمال اه مطلوب بس ممكن تتنازل عنه في حالة توافر شروط اخرى (الدين-الاخلاق-الاهل). لو الجمال موجود كمان يبقى bonus :))
اما بالنسبه للبنت الأولى بلاش منها خالص لأن الجمال هيزول ويتبقى قدامك قرد لا مؤاخذه :) وكمان قرد شمال لا مؤاخذه برضه :))

ههههههههههه
زى اخويا الصغير يقولى لولا الحظ مال مكناش قابلنا الشمال ( بيرمى عليا )

[أبو صلاح]

- سؤال بس هل تعتقد إن فى إنسانه تكون مخطوبه لشخص و بعد ما يفركشوا الخطوبه ممكن إنها تتخطب لشخص أخر فى مدة أسبوع من غير ماتكون عارفاه من قبل كده و تكون عقدت مقارنات بينهم و بناءا على كده أخذت قرارها إنها تسيب الأول و تتخطب للثانى؟؟؟!!!!!(أعذرنى)

الله ينور عليك هي دي زبدة الموضوع

[BESO516]

باشا... أنا قريت فعلا كل كلامك وطلعت منه بالآتي:
خطيبتك السابقة انت حبيتها لسبب واحد بس جملها. غير كده مفيش. والأنقح إنك مش مآمنلها بدليل إحساسك بالذنب (ودي حاجة تحسبلك) إن انتم بتتكلمو بعد ما هي اتخطبت
البنت اللي والدتك اقترحتها عليك فيها كل حاجة الشاب يحلم بيها (حتى موافقة وترحيب أهله بيها موجودين) بس انت مش متقبل شكلها بتاتا
والتصرف إيه طيب؟
أولا انسى خالص الأولى. باختصار كده مش هتنفعك (ولو إنك ماقلتش إيه سبب الفشكلة وغريبة إنها فشكلت معاك السبت واتخطبت السبت اللي بعده يبس مش موضوعنا)
ثانيا البنت التانية، لو انت هتقدر تحبها (مش بس تتقبلها) لأ تحبها زي ما هي كده بشكلها العادي جدا ... وكمان تحبها لشخصها (والقبول الحمدلله موجود ودماغها وتربيتها داخلين دماغك) يبقى اتوكل على الله واقرأ الفاتحة معاهم وفرح نفسك وأهلك وأهلها
لكن أنا حاسس إن المشكلة إنك خايف تتقدم للجديدة وانت مش قادر تنسى القديمة، ودي حلها إنك تعرف إن حرام تظلم بنات الناس وتتقدم وانت لسه قلبك متعلق بحد تاني وإن الحد التاني ده باب مقفول حرام على رجولتك زي مانت نفسك قلت إنك تفتحه تاني
وبيس يا مان

والله ابدا
ولو على سبب الفركشه هقولك زى ماقالت بالنص : انا مش حاسه نفسى معاك
بالكلمه وبالنص كده

اقراء موضوع معايير اختيار زوجة للمهندس احمد فودة ahmed1981

تم

أظفر بذات الدين!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!
القرار ده بتاعك أنت لوحدك.أبقى طمنا عليك ومتنساش تعزمنا كلناااااااااا.

بس كده تنورونى كلكو اكييييد

الاخوة الاعضاء الافاضل ..... قالوا كل حاجة

من الاخر خليك فى ال اخترهالك اهلك هتريحك
وبالنسبة للجمال فعلا مطلوب والحمد لله فى مراكز تجميل زى ما الناس قالت وديها فى مركز تجميل محترم وهتبقى ملكة جمال

بالنسبة للاولى (فى وجهة نظر انا مقتنع بيها تماما كل ما الشخص يبقى جميل جدا لازم بتطلع فية عيوب ملهاش حدود وغير مقبولة نهائى)
وفى حاجات تانية بس لا يصح انى اقولها .... افهمها انتى بقى

فهمت ..... وصل المعنى كاااامل

حط الاتنين فى كفتين وقارن بينهم فى كل حاجة المستوى الاجتماعى - التدين - الاخلاق - وحاجات من دى بس ابعد عن الجمال لان الجمال متفاوت ومش كل واحدة حلوة تبقى كويسة ومش كل واحدة وحشة تبقى مش كويسة

والله مفيش مقارنه خااااااااااااااااااالص غير من ناحيه الجمال بس اكتر من كده يبقى بظلم التانيه وبظلم نفسى

[dede_dodo88]

أنا هقول بس رأيي في الخطوبة الأولى..
و غالباً دي كانت أول تجربة ليك.. فالشاب في الغالب في أول تجربة أكتر حاجة بتلفت نظره هي الشكل و المظهر الخارجي و بيكون مستعد للتنازل أو التغاضي عن كل الحاجات التانية.. فالعيوب الحقيقية بتغمض عينيك عنها لأنك واقع تحت أفتتان المظهر الخارجي.. يعني مجرد Infatuation "أفتتان" مش حب.. و ده في الغالب بيبقى أول تجربة لكل شاب أنه مش عارف يفسر مشاعره بشكل صحيح..
أنت بتقول أنه كان في فرق في المستوى العلمي و الأجتماعي.. و دول كافيين لأنهاء أي علاقة حتى لو كانت مجرد صداقة.. فأي تفاهم متبادل موجود في الأول بيتلاشى مع الوقت لأن كل واحد بيظهر شخصيته الحقيقية بعد كده,, فأي خلاف بعد كده في الرأي هينتج عنه مشاكل كبيرة لأن مفيش أرضية مشتركة بين الأتنين..