سمعة البلد بتضرب بسبب شوية ناس ربنا يرحمنا منهم

[eslamrace]

والله يا جماعه ياما قولنا المشكله فى التعليم ثم التعليم ثم الشرطه المحترمه ومفيش نهضه حصلت فى اى بلد كانت زينا من غير تعليم سواء ماليزيا او تركيا الاهتمام بالتعليم ومن ضمنه التعليم الاخلاقى جوه المدارس بيطلع اجيال عندها استعداد للنهضه غير كده والله لو عملنا اى حاجه عمرها محتجيب نتيجه .
والله خالتى فى امريكا عايزه تنزل تطمن على والدتها والله من كتر مخوفناها جوزها حيسيب شغله هناك وينزل معاها وحيسيبوا عيالهم هناك لوحدهم بالرغم ان شغله حيرجع عليه بخساره بس هو حلف انه لازم ينزل معاها ومن غير العيال خوفا ان حد يخطفهم ولا حاجه .
نفسي حد يفهم المسؤلين ان النهضه ولا بالمصانع ولا بقناه السويس من غير تعليم حقيقى "مش اى باد مع الطلبه لا مناهج وتاهيل للمدرسين بدل مبنسمع عن مدرس متحرش او مدرس بيسب او مدرس بيحشش " وامن اللى بيتعمل ده كله زيه زى اللى كان بيعمله مبارك عمره محيطلعنا خطوه قدام .

الواحد لو فتح فى الكلام مش حيخلص بصراحه قلبتوا علينا المواجع.

[mohammedabdallh]

يا نهار أسود!!
خلاص البلد دي مبقاش فيها أمل و الفئة دي منتشرة و عمالة تنمو وللأسف مفيش رادع ليها..

[/center]

ربنا يخلى السبكى والافلام الهابطه

[S O P H O S]

هنقول ايه بس
ربنا يصبرنا ويصبر الناس

[rahmanboud]

إنما الأمم الأخلاق ما بقيت

فإن هم ذهبت أخلاقهم ذهبوا

شعب فرعون عايز يتحكم بالحديد والنار هكذا تعلمنا من التاريخ على مر العصور من إستعباد فرعون لشعبه

لبناء الأهرام بالسخرة - لحفر قناة السويس بالكرباك - يؤسفنى قول هذا لكنها الحقيقه إحنا محتاجين حكومة قويه جدا

تضرب على يد الظالم والمخرب والمسيئ للبلد وتنصف الضعيف غير كده سنتراجع الى الهمجيه والتخلف بسرعة الصاروخ

[hossam_elwani]

شعب قال ايه حضارى وبتاع حضاره وسبع تلاف سنه وثوره يناير المجيده هههههههههه

شيفونيه قذره

[mahmoud_afifi]

ربنا بيعاقب البلد وبيعاقبنا بسبب وجود الفئه القذره دي.

[تامر.محمد]

" احنا مش رجالة عشان نخلى كدة البنت دية تنزل سليمة من غير مانعملها حاجة "

ما الهجام بيقول على نفسه شاطر و مجدع برده

[Amr2004IBM]

الكرباااك
هو الحل فى الكربك بس الى يمسكه جﻻد عادل يعرف ربنا
ربنا يبعتهولنا فى اقرب وقت
للاسف احنا شعب يخاف ما يختشيش... اﻻمن رحم ربه

[mr_green]

لا إله إلا أنت سبحانك إنا كنا من الظالمين

اللهم لا تأخذنا بما فعل السفهاء منا و ارحمنا فأنت أرحم الراحمين

[manfromegy]

من أمن العقاب أساء الأدب.للأسف مصر مافيهاش منظومة للعقاب طول مافيه معلش و علشان خطري و الكلام اللي لا بيودي ولا يجيب غير إنه يضيع الحقوق.منظومة العقاب تتكون من شرطه تقوم بواجبها و قضاء بفرض أحكامه بعدل و سرعة و قوة.لما يتمسك بلطجي ﻻزم يتعاقب مش يتخلي سبيله تاني بوم لان وكيل النيابه ولا ااظابط خايف من المظاهرات اللي فدام النيابه و القسم ولا الظابط خايف ينزل لانه هايموت بطلقه و عياله هايتيتموا.لازم منظومة رادعه لكل اللب بيستحلي المخالفات مش في المرور بس ﻷ في كل نواحي الحياة.و شكرا

[mesaharaty]

أنا حزين ومتمرر جدا

[monamize4]

1- الناس دية بجد بتسوء سمعة مصر فى الخارج " الا من رحم ربى " لان فعلا بيعاملوا الاجنبى على انة مكنة فلوس خد منها على قد ماتقدر

للاسف المبدا دا موجود اصلا بين المصريين و بعضهم

2- ان الست زوجة الاجنبى دة , راحت سبة الدين لمصر كلها واليوم اللى جت فية مصر وفكرت اصلا انها تنزل مصر , وانا مقدرتش ارد عليها لانها الصراحة كانت منهارة من الخضة لانها كانت خايفة على زوجها وبتعيط
مش عارف اقولك ايه الصراحة


وموقف اخر
الحمد لله قدرت اتصدى لهذة النقطة انى جيبتهم مكانى عشان يبعدوا عنهم
لكن طبعا ماغلبوش وراحوا من الناحية التانية ,
ربنا يكرمك و يكتر من امثالك و ان شاء الله ثوابك عند ربنا كبير

" احنا مش رجالة عشان نخلى كدة البنت دية تنزل سليمة من غير مانعملها حاجة "
والغريبة لقيت اجماع لا بأس بة على الفكرة وتعالت الضحكات
*&^$#$@^%#$%&%^*&^) و %$#@@$^&&

فى مره راكب ميكروباص والاجره ايامها كانت 75قرش ووحده اجنبيه بتتكلم عربى مكسر كده ركبت المهم دفعت 10 ج بقول للولد الكمسرى اللى على الباب ده ابعت يابنى الباقى بتاع العشره يقولى لا للاجانب سعر تانى اتنرفزت منه جداا استغلال اوى المهم كنت هنزل فضلت واقف لحد ماتخنقت معاه هو والسواق واخدت باقى العشره وطبعا الناس كلها سخنت على الواد واطمنت ونزلت ان الباقى رجعلها

هى دى تصرفات الرجالة ,, مش هقول غير كدة



يا جماعة هو الواحد بيفكر ف الهجرة من قليل و ان شاء الله ربنا يسهل الامور و اعرف اطلع بره و اللى عاجباه مصر يخليه فيها

[maryano]

حاجة تقرف بجد مهو شباب بيتفرج علي عبدة مؤته و بيسمع اغاني هابطة و بيتضحك لما تامر حسني بيتحرش بالبنات و سب الدين عندهم عادي ولا فيه عادله ولامن و عقاب مهو لازم يعمل كدة

[amdd]

لو الفراعنة يعرفوا احنا بنعمل ايه دلوقتى مكنوش عملوا حضارة وسابوها لينا
للاسف انا دلوقتى كرهت البلد والشغل والناس وعايش فى حالة اكتئاب بنسبة 90% هى دى الحقيقة فعلا
لو اشتغلت صح تلاقى 100 بيهدوا وراك
ولو اشتغلت غلط تلاقى نفسك مش عارف تسجد فى الارض من الكسوف
ولو مشتغلتش تلاقى نفسك ولا ليك اى لزمه فى الدنيا
الحقيقة الفعليه اننا بقينا شعب همجى بمعنى الكلمة فى كل حاجه
الناس بقى مزاج وكيف عندها العكننه والخبط فى بعض
القبح بقى باين فى كل مكان عينى عينك من غير رادع
لو عرفت تسرق اسرق ..لو عرفت تشتم اشتم ...لو عرفت تصلى صلى ..كل واحد يعمل اى حاجه مش مهم حلوه وحشه الكل بيعمل حاجته فى الشارع كده قدام الناس ولا همه حد
طب الواحد يعمل نفسه عبيط ويكبر دماغه عن كل حاجه ولا ايه بالظبط الحل
طب العيال اللى الواحد جابهم يربيهم ازاى ويفهمهم ازاى
فعلا بلد بقت طينه

[fepsceasar]

احيي صاحب الموضوع على ايجابيته
انا بس خايف ييجي الوقت اللى التصرفات الغبية دى ما تلفتش نظر حد وكانه شئ عادى