الناس بتبيع وتشترى فينا كده ليه

[prince91720]

السلام عليكم ورحمة الله وبركاتة

انا فعلآ اتخنقت من كل حاجه

ينعل ابو الجواز اللى مخلى البنى ادم عرضه ان حد يبيع ويشترى فيه.......................

حبيبى انت جيت على الوجيعه
ليه تزعل نفسك ؟؟؟
بكره تتجوز وتعمل كده


معلش الشهوه بتبقى عميانا وبتخلينا نتخدع فى البنات
و الحقيقه اللى احنا مش شايفنها اهيه


وطبعا رجالة نايل موتورز ماقصروش معاك
زى الصورة دى بالظبط


بعدين انت تحمد ربنا ان كل ده حصل و انت ع البر
وما اتعملش فيك زى الفَتَكَه المصرية ما كنت عاوزه تعمل فى المنيل خطيبها
(ملاحظه هامه : كلمة فَـتَـكَـه هى مفرد كلمة فتكات)


لأن للأسف الجواز من البرنسيسه الرقيقه المطيعه الطيبه المخلصه الطاهره المصرية بقى كده
وده مش كلامى ده كلام الاجانب
جتهم نيله فضحونا اودام الاجانب
اتفرج يا عم


فى ناس بتقولى ان لسه فى اسر مصريه بتدور على الرجوله والاخلاق قبل الفلوس والمظاهر
وانا أول ما سمعت الكلام ده ضحكت زى الحاج ده

ههههههههاى هأو ههههههههههه

وشهد شاهد جامد من اهلها


خلى بالك فى ناس كتير بتحسدك على النعمه اللى انت فيها وانت مش حاسس
والصورة الجايه خير دليل

و ربنا يصلح الحال للجميع

[aldesha989]

اولآ اشكركم كلكم على نصايحكم وجبركم بخاطر كل شاب فى حلاتى مش انا بس

تانى حاجه الجواز مش بس علشان الشهوه لان لو التفكير فى الشهوه فقط يبقى احنا مش عايزين نتجوز احنا عايزين حاجه تانيه وهيكون تفكيرنا زى الحيوانات

البنى ادم بيتجوز علشان يكون معاه انسانه تشاركه كل حاجه حلوه وحشه صعبه سهله
علشان لما يكون مخنوق يتكلم معاها
علشان هى كمان لما تكون مخنوقه تتكلم معاه

علشان حاجات كتير اخر مشوار ليها هو الشهوه

بالنسبه ليا الجواز محتاجه علشان كل حاجه لان فى فطره وفى افكار وفى شباب بيروح هباء فى الوحده
لان ربنا خلقنا اه مش علشان بس نتجوز بس لاننا المفروض نتجوز على الاقل من اول ما نوصل 21 سنه

ايام الرسول عليه الصلاه والسلام
ماكنش فيه مهر غير قرآن وماكنش فى سن معين للزواج وماكنش فى اى تعقيد طبعآ على الشكل ده

الاجانب نفسهم يقللو الشعوب العربيه واحنا بزناخة مخنا بنعمل كده فى نفسنا بهدف ان مافيش حد يأخد بنتى يمرمطها معاه على اساس ان اللى بيروح طالب حلال ربنا بيكون طالبه بهدف تعذيب بنى ادمه

طب ليه الاهل ما فكروش ان الزوج ممكن يعمل كل اللى هما عايزينه والبنت هى اللى تطلع عين ام الزوج .؟ وده بيحصل مش كدب ولا تخمين لا دى حقيقه وبتحصل ومعظمكم من اللى كاره الجواز او اتجوز ومش عاجبه الجواز بسبب حاجه زى دى

وانا مش هحل مشاكل الكون لوحدى ولا مشكلة الجواز لوحدى لان الانسان بمجرد من انه بيوصل للهدف اللى عايزه بينسى اى حد تانى ودى للاسف طبيعة المجتمع العربى

انه عايز يجيب عربيه بيعمل حمله على اسعار العربيات وبمجرد من انه يجيب العربيه بيقفل الحمله او بيطبل للشركة اللى جاب منها العربيه ودى بقى الطبيعه العربيه مع الاسف

ما علينا من ده كله الواحد بيحب يفضفض مع اخواته وخصوصآ ان اصدقائى فى الحياه معدودين ومش بقابل حد كتير وبقى صعب انك تلاقى حد كويس تفضفض معاه بسرعه وانت اهل لده كفايه عليا نصايحكم وجزاكم الله خيرآ وربنا يرزقنا جميعآ رزقآ طيبآ حلالآ وفيرآ ويجمعنا فى الجنه ويصلح الحال للجميع ويرزق الجميع الذريه الصالحه والزوجات الصالحات

[khalid_adel]

احب اقولك ان حظك وحش مش اكتر وان شاء الله حتلاقي ناس يقدروك
ومتقلقش لسه فيه ناس كويسه

[el diesel]

أنا يمكن 21 سنة بس عندى اقتناع ان وسائل الاتصال الموجودة دلوقتى سهلت الموضوع ده كتيييييير
بمعنى ان التعارف بينك و بين اى شخص عن بعد باستخدام وليكن الفيس بوك أو المنتديات العربية أو الشات روم
بيدى فرصة أكبر فى التعارف و التقارب فى وجهات النظر وبيبقى الموضوع بدون اى احراج او مشاكل لأن الكلام بيبقى عن بعد مش وجها لوجه وده بيديلك وبيدها فرصة ان لو ماحصلش نصيب يبقى الموضوع انتهى بدون اى احراج او مضايقة سواء منك او منها
و انا بقولك عن اقتناع تام ان لسة فى بنات مصرية عاوزة تعيش ولسة فيه أسر مصرية بتشترى الراجل قبل الشقة والكماليات بس للاسف بقوا قليلين لكن موجودين
وادخل هنا وادعيلى https://www.facebook.com/groups/5atba/

[aldesha989]

أنا يمكن 21 سنة بس عندى اقتناع ان وسائل الاتصال الموجودة دلوقتى سهلت الموضوع ده كتيييييير
بمعنى ان التعارف بينك و بين اى شخص عن بعد باستخدام وليكن الفيس بوك أو المنتديات العربية أو الشات روم
بيدى فرصة أكبر فى التعارف و التقارب فى وجهات النظر وبيبقى الموضوع بدون اى احراج او مشاكل لأن الكلام بيبقى عن بعد مش وجها لوجه وده بيديلك وبيدها فرصة ان لو ماحصلش نصيب يبقى الموضوع انتهى بدون اى احراج او مضايقة سواء منك او منها
و انا بقولك عن اقتناع تام ان لسة فى بنات مصرية عاوزة تعيش ولسة فيه أسر مصرية بتشترى الراجل قبل الشقة والكماليات بس للاسف بقوا قليلين لكن موجودين
وادخل هنا وادعيلى https://www.facebook.com/groups/5atba/

اولآ جزاك الله كل خير

بس عايز اقولك ان حتى ده انا ما سلمتش منه لانى ارتبطت اكتر من مره من الفيس

وارتبط ببنت من القاهره وكنت ناوى جد وبرضه ماكنش فيه نصيب

هو انا مريت بتجارب كتير اوى مع ان عمرى مش كبير برضه انا 25 سنه بس شوفت فى الكام سنه اللى فاتو حوالى التلات سنين اللى فاتو تجارب كتير جدآ انا حتى فعلآ نسيت اعدهم من كترهم وولا مره كنت ناوى غير الخير وربنا يباركلك

[rahmanboud]

زى ما فى ناس مش حتقبل بوضع معين ومستوى مادى معين فى ناس تانيه كل اللى يهمها إنها تدى بنتها لراجل عنده دين وأخلاق وده مش معناه إن بنتهم وحشه ولا ناقصها حاجه لأ طبعا بس هما متأكدين إنهم لو بنتهم إتجوزت من أمير الأمراء وأخلاقه زفت يبقى كده بنتهم دخلت السجن بدل ما تدخل قصر الامير
إصبر أخى الكريم وظروفك هى ظروف كتييييير من الشباب لكن ليا نصيحتين لك الأولى حاول تشوف شغل ثابت لأنى أنا شخصيا ممكن أقبل أجوز بنتى لراجل متوسط الحال لكن لا أقبل أن أزوجها لراجل شغله متقلب وغير ثابت
النصيحه التانيه إنك تعرف الأول طريقة تفكير البيت اللى إنت داخله علشان ما تتصدمش وربنا يكرمك ويوفقك لما فيه الخير لك

[aldesha989]

زى ما فى ناس مش حتقبل بوضع معين ومستوى مادى معين فى ناس تانيه كل اللى يهمها إنها تدى بنتها لراجل عنده دين وأخلاق وده مش معناه إن بنتهم وحشه ولا ناقصها حاجه لأ طبعا بس هما متأكدين إنهم لو بنتهم إتجوزت من أمير الأمراء وأخلاقه زفت يبقى كده بنتهم دخلت السجن بدل ما تدخل قصر الامير
إصبر أخى الكريم وظروفك هى ظروف كتييييير من الشباب لكن ليا نصيحتين لك الأولى حاول تشوف شغل ثابت لأنى أنا شخصيا ممكن أقبل أجوز بنتى لراجل متوسط الحال لكن لا أقبل أن أزوجها لراجل شغله متقلب وغير ثابت
النصيحه التانيه إنك تعرف الأول طريقة تفكير البيت اللى إنت داخله علشان ما تتصدمش وربنا يكرمك ويوفقك لما فيه الخير لك

انا شغال فى مجال الانترنت مع شركة مغربيه بقالى سنتين وقبلها كان عندى مكتب خاص بنفس الشغل وقفلته بسبب ثوره تونس وقبلها كنت شغال مع شركة من دمياط تلات سنين

الشغل مش ثابت لانى تقريبآ قدمت ورقى فى كل مكان وماحدش عبرنى

[Ahmedezz2000]

ببساطة احمد ربنا
جايز كنت تتجوز واحدة منها وتعيش باقي عمرك يائس وحزين
ده نصيب وان شاء الله ربنا يوفقك ببنت الحلال اللى تحبها وهيا تقدرك وتقدر ظروفك

[Survival]

اللى تفركش الخطوبة على ماديات تعرف على طول انها مش بتحبك و انك مش مالى عنييها. البنات اللى بتعانى من عقدة النقص هتفضل طول عمرها ناقصة و هتقرفك و هتفضل تبص على غيرها طول حياتها.
لو لاقيت واحدة راضية بيك من غير اسباب اعرف ان هى دى الانسانة المطلوبة.
وان شاء الله لاقى انسانة تستريح معاها و تكون ليك عون فى الحياة لان 99% منهن عبارة عن اتب (حمل تقيل و رخم و رزل و مقرف) على ضهرك و كاتم على نفسك و يكرهك فى الناس و العيشة و اللى عيشينها.