Tweet
بسم الله الرحمن الرحيم
انا مش عارف ابتدي ازاي يا جماعة وبصراحة شئ فظيع انك تشوف حادثة قدام عينك مفيش بينك وبينها 10 متر .. ام وبنتها بيعدو الكوبري و الام بتبص جمبها علي بنتها عشان تمسك ايدها وجاي عليهم عربية كيا سبورتاج طايرة بتاع الكيا المفروض كان وقف بسرعة بس هوة تقريبا قال هما هيشوف العربية جاية بسرعة هيقفو بس للاسف الام كانت باصة الناحية التانية مش ناحية مطلع الكوبري الي جاي منة العربية وفجأة !!! السبورتاج ضربت الام وبنتها وطارو في الهواء خبطو في الرصيف تقريبا وردو تاني لاقيت الام مرمية في الارض في نص الكوبري وماشفتش البنت وماعرفش حصل اية بعد كدة وانا كنت جاي في المقابل بتاع الكوبري وشفت المنظر دة قدام عيني و الغريب اني ماقدرش اقفل عيني ولا ابص الناحية التانية وتنحت للموقف وطبعا بتاع الكيا طار وموقفش وللاسف مشفتش لا رقم العربية ولا شفت ملامح الي راكبها حتي وبعد الموقف دة قلبي كان بيدق بسرعة جدااا خصوصا ان البنت الصغيرة تقريبا 9 سنين او 10 ووقت الحادثة بالظبط سمعت اذان العصر وفضلت استغفر ربنا واتشاهد وبعدين روحت وماعرفتش اية حصل .. رجاء لوجة الله اي واحد يخلي بالة وهوة ماشي خصوصا لو طالع كوبري في وسط البلد وناس بتعدي دايما وكمان يبقي طالع براحة مش طاير عشان لو لاقدر الله وحصل حاجة زي دي يلحق نفسة ويقف وربنا يقوم الام وبنتها بالسلامة لو عايشين ويرحمهم لو ماتو وربنا يحفظ جميع المسلمين ويحفظلنا طريقنا ويرجع كل واحد لاهلة بخير دايما
انا مش عارف ابتدي ازاي يا جماعة وبصراحة شئ فظيع انك تشوف حادثة قدام عينك مفيش بينك وبينها 10 متر .. ام وبنتها بيعدو الكوبري و الام بتبص جمبها علي بنتها عشان تمسك ايدها وجاي عليهم عربية كيا سبورتاج طايرة بتاع الكيا المفروض كان وقف بسرعة بس هوة تقريبا قال هما هيشوف العربية جاية بسرعة هيقفو بس للاسف الام كانت باصة الناحية التانية مش ناحية مطلع الكوبري الي جاي منة العربية وفجأة !!! السبورتاج ضربت الام وبنتها وطارو في الهواء خبطو في الرصيف تقريبا وردو تاني لاقيت الام مرمية في الارض في نص الكوبري وماشفتش البنت وماعرفش حصل اية بعد كدة وانا كنت جاي في المقابل بتاع الكوبري وشفت المنظر دة قدام عيني و الغريب اني ماقدرش اقفل عيني ولا ابص الناحية التانية وتنحت للموقف وطبعا بتاع الكيا طار وموقفش وللاسف مشفتش لا رقم العربية ولا شفت ملامح الي راكبها حتي وبعد الموقف دة قلبي كان بيدق بسرعة جدااا خصوصا ان البنت الصغيرة تقريبا 9 سنين او 10 ووقت الحادثة بالظبط سمعت اذان العصر وفضلت استغفر ربنا واتشاهد وبعدين روحت وماعرفتش اية حصل .. رجاء لوجة الله اي واحد يخلي بالة وهوة ماشي خصوصا لو طالع كوبري في وسط البلد وناس بتعدي دايما وكمان يبقي طالع براحة مش طاير عشان لو لاقدر الله وحصل حاجة زي دي يلحق نفسة ويقف وربنا يقوم الام وبنتها بالسلامة لو عايشين ويرحمهم لو ماتو وربنا يحفظ جميع المسلمين ويحفظلنا طريقنا ويرجع كل واحد لاهلة بخير دايما
Comment