هااااام جدااااااااااا وعاااااااجل

[friendship7897]

لا حول ولا قوة إلا بالله
ربنا يصبرك على سوء المنظر
لأنك مش من السهل تنساه
الغريب الواحد في المواقف دي
بيكون عارف إنه فيه منظر هيجرح مشاعره ومع ذلك مش بيقدر يتحكم على نفسه وبيبص برضوا - معرفش ليه !
بس ليا سؤال !
وانا اسفه لو هجرح مشاعرك تاني بالسؤال
أنت ليه ما وقفتش لمحاول الإتصال بالإسعاف أو محاولة إنقاذ ما يمكن إنقاذه ؟
وهل ندمت انك ما أخدتش قرار الوقف بعد الموقف دا ؟
ولو حصل كدا تاني أمامك هل هتقف ولا برضوا هتمشي؟
أصل أنا رغم أني مش راجل بس لما بشوف حادثة لاقدر الله أو موقف لعربية سيدة بالأخص ، بيفضل عقلي يجبني ويوديني - أنتي ليه ما وقفتيش - أنتي ليه ما وقفتيش !؟
ربنا يصبرك ويكفيك ويكفينا جميعاً شر الطريق

[S O P H O S]

لا حول ولا قوة الا بالله

[ahmed legend]

لاحول ولا قوة الا بالله ..ربنا يتولاهم برحمته.

[M I D O]

ربنا يتولاهم برحمته بس هى غلطه الام

الغلط واقع علي الام و صاحب العربية الام لانها كانت لازم متبصش علي بنتها وتدقق النظر تاني لو حد جاي و الغلط الاكبر علي صاحب الكيا لان مينفعش كوبري وسط البلد و علية مشاة كتير يمشي علي سرعة عالية ممكن توصل ل 90 في تقديري الشخصي ويمكن اكتر والله لان شكل الام وهية طايرة في الهواء كان عالي بشكل غريب

[M I D O]

الكلام ده على الكوبري العلوى بتاع الاستاد ولا كوبري المحطة اللى بيودى علي سيجر ؟؟؟؟

لا الكوبري العلوي بتاع الاستاد عند السلم التاني بالظبط بس الناحية التانية للي داخل البحر مش الي رايح الاستاد

[M I D O]

لا حول ولا قوة إلا بالله
ربنا يصبرك على سوء المنظر
لأنك مش من السهل تنساه
الغريب الواحد في المواقف دي
بيكون عارف إنه فيه منظر هيجرح مشاعره ومع ذلك مش بيقدر يتحكم على نفسه وبيبص برضوا - معرفش ليه !
بس ليا سؤال !
وانا اسفه لو هجرح مشاعرك تاني بالسؤال
أنت ليه ما وقفتش لمحاول الإتصال بالإسعاف أو محاولة إنقاذ ما يمكن إنقاذه ؟
وهل ندمت انك ما أخدتش قرار الوقف بعد الموقف دا ؟
ولو حصل كدا تاني أمامك هل هتقف ولا برضوا هتمشي؟
أصل أنا رغم أني مش راجل بس لما بشوف حادثة لاقدر الله أو موقف لعربية سيدة بالأخص ، بيفضل عقلي يجبني ويوديني - أنتي ليه ما وقفتيش - أنتي ليه ما وقفتيش !؟
ربنا يصبرك ويكفيك ويكفينا جميعاً شر الطريق

هقول لحضرتك انا ماوقفتش لية .. اولا لاني كنت في المقابل بتاع الكوبري ومكنتش هعرف اقف غير اني انزل بعد الكوبري واركن واطلع علي رجلي وانا ولاول مرة في حياتي اكون مندهش بالاسلوب دة ومش حاسس بنفسي و الموقف بيتكرر قدام عيني كل لحظة و اول ما سمعت الاذان جسمي قشعر جامد اوي ومبقتش حاسس بنفسي غير اني عمال اقول اشهد ان لا اله الا الله و اشهد ان محمد رسول الله وعيني عمالة تدمع جامد ومش عارف ابطل اتشاهد ولا اوقف دموعي لان دي اول مرة في حياتي اشوف حادثة وعقبال ما نزلت من الكوبري ولفيت قلت هركن واطلع ماقدرتش بصراحة اطلع تاني حسيت ان قلبي بيتقطع و المنظر برضو مازال قدام عيني ولما قربت من الكوبري تاني وانا مش عارف اركن واطلع ولا لا لاقيت ناس كتير ملمومين وواقفين وناس كتير بتتكلم في الموبايل قلت كدة يبقي حد طلب الاسعاف وبصراحة ماقدرتش اقف وقلت هروح لاني كنت منهار ورجلي علي دواسة البنزين عمالة ترتعش كل مافتكر منظر الست وبنتها وهما بيتخبطو وانا بصراحة لو كان معايا عربية مساعداني شوية اقسم بالله كنت في ثواني هلف واجري ورا الي خبطهم لحد ما اجيبة حتي ولو موتني بس للاسف انا راكب فيات وهوة كيا سبورتاج يعني مفيش مجال اني افكر اصلا ولو الموقف اتكرر تاني وملاقتش حد وقف للست انا كنت هروح واطلب الاسعاف بس مادام الناس اتلمو وطلبو الاسعاف خلاص انا هبعد لاني قلبي مبيطاوعنيش اشوف الحجات دي بصراحة وربنا يرحمهم يارب سواء عايشين او توفو

[M I D O]

هايروح من ربنا فين ؟؟؟؟

ربنا ينتقم منة .. في حد طالع علي كوبري وفية مشاة وطاير بالعربية و الي يجن الواحد انة ماوقفش ولا هدي اصلا داخل بكل سرعتة في الست وبنتها هوة شكلة تخيل انهم هيشوفوة هيرجعو بس ساعة القضاء يعمي البصر هما مشافهوش وهوة تكاسل حتي انة يهدي السرعة حتي ميقفش كان وقتها هيبقي اصابات احسن من حالات وفاة وربنا ينتقم منة ومن امثالة

[M I D O]

ربنا يصبر الام وبنتها ويشفيهم لو كانوا عايشين
والموقف ده صعب اوى الحكم عليه فى بلدنا
اللى سايق العربيه ممكن يكون هيخاف يقف لانه فى قضيه وسين وجيم
وممكن يكون خايف لاحسن الناس تموته من الضرب على اساس انه راكب عربيه وبيدوس على الناس
وممكن يكون مستهتر ومش هيقف
مع انى الواحد لو مكانه وموقفش ضميره هيفضل وراه لحد ما يروح يسلم نفسه

بس لو لا قدر الله انا اتخبطت وحد جرى وموقفش هتحسبن عليه ليل نهار

بس المشكله بقى فى ايه
انا ماشى بعربيتى على كوبرى الجيزة النهارده الصبح وفجأة لقيت واحد قدامى راكب عجله طالع من اقصى الشمال وعاوز يدخل اقصى اليمين فرملت على الاخر والحمدلله الموقف اتلم بس بقى انا لو معايا حد راكب كان ممكن خبط فى التابلوه اتصاب
نتيجه ان واحد مهمل ماشى قدامى

المشكله مشكله بلد مفيش فيها مرور ولا اى حاجه
تبقى ماشى على كوبرى تلاقى كارو قدامك بالليل ولا مركب اشارات ولا مثلث عاكس حتى :)
السيستم كله بايظ

طيب الحمد لله ان حضرتك فرملت هوة بقي شايفهم قدامة ومحطش رجلة علي الفرامل خالص غير لما خبطهم وساب فرامل تاني وكمل جري و الحمد لله ان حضرتك بخير ولازم تتوقع اخطاء الغير

[M I D O]

ربنا يسترها علينا جميعا ان شاء الله

الموقف دا حصل معايا من كام شهر على الدائرى عند طلعه المعادى ولقيت شاب راكب عربيه لانسر خابط موتوسيكل ومرمى على الارض 3 افراد وهو خابط موتوسيكل والشاب شكله محترم جدا ومش بتاع جرى بساله ايه ال حصل بيقولى لقيت الموتوسيكل واقف على طالعه الكوبرى

مين ال غلطان ساعدها الراجل علشان ماشى فى طريقه ولا صاحب الموتوسيكل ال واقف فى مكان ممنوع فيه الوقوف اساسا


بخصوص الموقف ال احنا فيه حاليا دا مش برضوا البنت وامها يشولوا 90 فى الميه من الغلط اولا ممنوع تعديه طريق سريع من الاساس ثانيا مش باصه على العربيه وهيا بتعدى وصاحب العربيه غلط انه ماشى بسرعه وغلط انه معرفش يقدر الموقف صح

ثالثا :- هو ممكن يكون جرى علشان خايف وهيسلم نفسه فى اقرب نقطه بوليس والله اعلم


نسال الله العافيه والستر

الام غلطت ماشي انها ما بصتش تاني بس هوة غلطة اكبر شايفهم مازالو ماشيين ومحطش رجلية علي الفرامل خالص غير لما خبطهم وكمل جري موقفش يعني حتي محاولش يتوقع خطئ الغير ويهدي السرعة لا طاير زي ما هوة ولا اكن في بني ادمين ماشيين جسبنا الله ونعم الوكيل فية وفي امثالة

[M I D O]

يا جماعة انا مش عارف ابطل افكر في الحادثة دي اعمل اية بشوفها كل شوية قدام عيني

[Ahmed_selmy]

لا اله الا الله....ولا حول ولا قوة الا بالله.

[طارق _عبد السلام]

ربنا يلطف بيهم يارب
والله ياجماعه انا حصل معايا موقف انا هقوله لكم علشان موضوع اللى بيخبط حد ويجرى ده
انا كنت ذاهب لقريه جنب المحله بعربيتى بس ابن عمى خليته هو اللى يسوق انا كنت مرهق وهو بيسوق كويس جدا
ووصلنا مدخل القريه وكان فيه مطب صناعى من الرزل جدا يعنى العربيه شبه متوقفه وبعد المطب واقف مقطوره جرار وولد بيجرى ورار بنت صغيره انا شفتهم لانى بكلم ابن عمى اللى سايق ونظرى موجه ناحيه المقطوره ولقيت البنت طالعه جرى من قدام المقطوره ووقفت فجأه اتزحلقت تحت العربيه من المنتصف يعنى هو حتى استحاله يشوفها لانها فى المنطقه العمياء له انا قلت له حاسب ملحقتش اكمل ولقيت العربيه اترفعت من وراء
دوسنا بالعجله الخلفيه عليها هو ايه ده قلتله انت دوست على بنت صغيره همه كله ان يجرى قلته اقف قالى هنموت والعربيه هتتكسر قلتله اقف وفتحت الباب ونزلت جرى انا رحت شلت البنت من على الارض همى كله اشوف دوسنا عليها ازاى الحمد لله كان على رجلها فى ثوانى لقيت البلد اتلمت علينا والستات صريخ واللى نام على العربيه قلت خلاص هنموت دلوقت بس كان الاهم عندى اطمن على البنت انا حسيت انها بنتى والله
وواحد لقيته طلع من وسط الناس قال لهم هما مش غلطانين طبعا كنت بسمع كلام لايوصف وانا مش مهم عندى المهم اقولهم عايز حد معايا اروح بيها اقرب مستشفى ومش عايز اسيب البنت من ايدى وشويه وجه ابوها وامها
والله الذى لا اله الا هو موقف الاب والام لايتخيله احد الاب خد البنت منى وقالى توكل على الله والام تقول لى فداك كفايه اللى شوفتوه وكفايه انكم وقفتم وانا مصمم اطمن على البنت مش عايز امشى الاب قالى ابوس ايدك امشى دلوقت واحنا هنشوف البنت انا وبن عمى ركبنا العربيه طبعا اعصابنا منهاره ومشينا وصممت انى ارجع بعد ساعتين ووعرفت بيتهم هو كان جنب المشكله على الطريق واطمن على البنت ووالله اتعمل واجب ضيافه لا يوصف لنا والبنت الحمد لله كان شويه مشاكل فى الجلد مع تورم فى القدم
لكن انا عكيت وطلبت الروشته عايز اعمل اى حاجه وده خلاهم انقلبوا وزعلوا جدا
انا قلت الموضوع ده بس بنقل تجربه علشان اللى بيخبط ويجرى يمكن انا كان ربنا معايا والناس طلعت بتفهم بس لازم نعمل اللى علينا

[Rsarabia]

طيب حضرتك ليه مركنتش على جنب و نزلت شفت الناس دى جرالها ايه ؟ جايز محتاجين مساعدة ؟؟

[M I D O]

ربنا يلطف بيهم يارب
والله ياجماعه انا حصل معايا موقف انا هقوله لكم علشان موضوع اللى بيخبط حد ويجرى ده
انا كنت ذاهب لقريه جنب المحله بعربيتى بس ابن عمى خليته هو اللى يسوق انا كنت مرهق وهو بيسوق كويس جدا
ووصلنا مدخل القريه وكان فيه مطب صناعى من الرزل جدا يعنى العربيه شبه متوقفه وبعد المطب واقف مقطوره جرار وولد بيجرى ورار بنت صغيره انا شفتهم لانى بكلم ابن عمى اللى سايق ونظرى موجه ناحيه المقطوره ولقيت البنت طالعه جرى من قدام المقطوره ووقفت فجأه اتزحلقت تحت العربيه من المنتصف يعنى هو حتى استحاله يشوفها لانها فى المنطقه العمياء له انا قلت له حاسب ملحقتش اكمل ولقيت العربيه اترفعت من وراء
دوسنا بالعجله الخلفيه عليها هو ايه ده قلتله انت دوست على بنت صغيره همه كله ان يجرى قلته اقف قالى هنموت والعربيه هتتكسر قلتله اقف وفتحت الباب ونزلت جرى انا رحت شلت البنت من على الارض همى كله اشوف دوسنا عليها ازاى الحمد لله كان على رجلها فى ثوانى لقيت البلد اتلمت علينا والستات صريخ واللى نام على العربيه قلت خلاص هنموت دلوقت بس كان الاهم عندى اطمن على البنت انا حسيت انها بنتى والله
وواحد لقيته طلع من وسط الناس قال لهم هما مش غلطانين طبعا كنت بسمع كلام لايوصف وانا مش مهم عندى المهم اقولهم عايز حد معايا اروح بيها اقرب مستشفى ومش عايز اسيب البنت من ايدى وشويه وجه ابوها وامها
والله الذى لا اله الا هو موقف الاب والام لايتخيله احد الاب خد البنت منى وقالى توكل على الله والام تقول لى فداك كفايه اللى شوفتوه وكفايه انكم وقفتم وانا مصمم اطمن على البنت مش عايز امشى الاب قالى ابوس ايدك امشى دلوقت واحنا هنشوف البنت انا وبن عمى ركبنا العربيه طبعا اعصابنا منهاره ومشينا وصممت انى ارجع بعد ساعتين ووعرفت بيتهم هو كان جنب المشكله على الطريق واطمن على البنت ووالله اتعمل واجب ضيافه لا يوصف لنا والبنت الحمد لله كان شويه مشاكل فى الجلد مع تورم فى القدم
لكن انا عكيت وطلبت الروشته عايز اعمل اى حاجه وده خلاهم انقلبوا وزعلوا جدا
انا قلت الموضوع ده بس بنقل تجربه علشان اللى بيخبط ويجرى يمكن انا كان ربنا معايا والناس طلعت بتفهم بس لازم نعمل اللى علينا

قصة تحترم من شخص محترم جدا وحضرتك فعلا شخصية محترمة وكويسة عشان كدة ربنا حفظك وخلي الموضوع ميكبرش وجات سليمة الحمد لله

[M I D O]

طيب حضرتك ليه مركنتش على جنب و نزلت شفت الناس دى جرالها ايه ؟ جايز محتاجين مساعدة ؟؟

بقول لحضرتك العربية الكيا كانت تقريبا علي سرعة من 70 ل 90 و الست وبنتها طارو في الهواء وانا كنت علي كوبري وماقدرش اركن وكنت حاسس اني تاية ومش بعمل حاجة غير اني عمال اتشاهد وعقبال ما لفيت لاقيت الناس كلهم ملمومين حواليهم وبيتكلمو في الموبايل يعني اكيد حد طلب اسعاف وانا بصراحة مستحملتش اشوف الموقف لان دي اول مرة في حياتي اشوف حاجة زي دي