أخر سعر صرف الدولار

[M.ABDOU]

كده شكلها داخله على ايام سوده يعنى اكيد ولا ايه؟؟؟؟

يشيل ويحط عليك يا رب

[رحالة]

كده شكلها داخله على ايام سوده يعنى اكيد ولا ايه؟؟؟؟

يشيل ويحط عليك يا رب

ياريت نحاول نبص على الجانب المشرق
في الاول كنا خايفين من حدوث انهيار اقتصادي
دلوقتي الانهيار الاقتصادي حصل وخلاص

اللي بعد الانهيار الاقتصادي بقى يجي
الانهيار الاجتماعي والاخلاقي
هي دي الايام السودة بجد

[Karim Alaa]

كلامك قد يكون منطقي . لعله يكون بالفعل ده المقصود بس أحب أوضحلك إن مش كل التجار بتستورد برقوق أسباني و كيوي و لوز و كاجو فلما يغلوا السعر نسبة من اللى كانوا بيشتروا حيمتنعوا و بذلك تحل أزمة الدولار فى السوق . نسبة السلع اللى زي البرقوق و العنب الأسود و عين الجمل الأمريكي و أكل القطط و الكلاب لا تزيد عن 5-10 % من إحتياجات السوق للإستيراد . حديلك شوية أمثلة لحاجات لازم تيجي من برة بالدولار أبو 10 أو حتى لو وصل 15 و مينفعش نستغنى عنها :

1- قطع غيار السيارات : مثلا تيل الفرامل - البوجيهات - المساعدين - الفوانيس .....إلخ إلخ . دي حاجات لا بنصنعها و لازم نستوردها و لو زاد سعرها 3 أضعاف كلنا مضطرين نجيبها و إلا عربياتنا تقف قدام البيت و متحسرين عليها .
2- خامات الورق اللى كلنا بنستعمله لازم تيجي من برة و إلا حنرجع نكتب على رقاع الجلود و عظام الحيوانات . بما فى ذلك الأقلام و الأحبار اللى بنكتب بيها . حتى لو بنستعمل أقلام بيك مصنوعة فى مصر الخامة الأولية مستوردة .
3-كيس البلاستك اللى بنحط فيه الحاجة لغاية البوليمرز اللى بتدخل فى صناعة كل البلاستيكات و البى فى سي اللى حياتنا معتمدة عليه حتى لو بنصنعه فى مصر . الخامة بتيجي من برة
4- أى مصنع أو ورشة قطاع عام أو خاص تحتاج قطع غيار و مستهلكات مستوردة من الخارج .
5- كل الملابس اللى بنلبسها و مصنوعة فى مصر (إن وجدت ) الخامات الأساسية أو حتى المساعدة و الآلات من الخارج . (عمرك شوفت ماكينة خياطة صناعة مصرية )
6- ندخل على الأكل و حدث و لا حرج : عبوة المياة المعبأة البلاستيك بتاعها من برة و مواد التنقية و التكرير من برة و معدات الضغط الأسموزى من برة و الفلاتر من برة .....حتى لو قلنا على المياة من الحنفية برضه قطع غيار و مستلزمات التنقية فى محطات الحكومة من الخارج .
7- الفول و الفلافل دلوقتى بيحطوا عليها مواد مستوردة زى حاجات تسرع تسوية الفول و بودرة بتتحط على العجينة تخليها هشة مدة أطول ....

إمسك أى حاجة فى إيدك و شوف هل مصنوعة 100% فى مصر و كمان الآلة اللى صنعتها 100 % مصرية . لو فعلا كدة يبقى فكرة محافظ البنك حتجيب نتيجة

آسف للرغي الكتير بس الموضوع مش مجرد كاجو و فستق

بص يا باشا ان واحد مستفيد تماما من علو سعر الدولار كشخص بيشتغل بيه و بيجليه من برا بس هقولك على حاجه ايه الى بيخلى صناعات كتير تبوظ و ده كلام واحد صاحب مصنع غزل قال انو فضل يشتغل بالمصنع كتير حتى بعد الاستيراد مشتغل بس مشكلته كانت ان المستوردين بيهربو البضايع من برا و مبيدفعوش جمارك و الدوله عماله تعلى الجمارك و هما بيهربو صاحب المصنع بقى عمل ايه ؟ قالك حولته مخزن و بقيت يستورد زيهم انا اهم حاجه عندى دول "القمح و البنزين و الادويه و الديون الى علينا برا لاى جهه او بنك" عشان ميتحطش علينات x فى اى نظام مالى عالمى غير كده يا باشا انا مستعد اشترى زيت غالى و اى حاجه تانيه غاليه لحد ميبقى ام التصنيع هنا مربح اكتر من اى شىء يا باشا انا عايز الى كان بيصنع فوانيس يرجع يصنعها زى مرخصها من برا خلا كله يقفل و يستعمل الدولار و يضغط عليه على الفاضى ده غير ان مبقاش فيه ايدى عامله شغاله فى اى حاجه يرجع بقى غصب عنه عشان الى من برا بقى مستحيل يتباع بسبب السعر الغبى ده يصنع و نبطل نستخدم عمله مش عملتنا على انها الحياه


و انا هنا بتكلم على الصناعات الطبيعيه و السهله جدا زى لعب الاطفال و الفوانيس و شويه مواد غذائيه الى مش محتاجه شىء من برا بس الاستسهال و فشل الحكومات المتتابعه وصلها ان اى حاجه من برا ارخص و اسهل لحد مبقى الدولار زى الميه و الهوا

و الفكره دى فى دماغى من شويه بس للاسف مش متاكد اذا كان ده قصد محافظ البنك المركزى و لا تخبط و فشل و خلاص

و برضه ده كلام واحد مستفاد جدا من الى بيحصل على مستوى شخصى لكن بجد يولع كل شخص بيستورد حاجه ملهاش لازمه او ممكن تتصنع هنا بجد يعنى الدولار مش مشكله فى دوله غير هنا و بس عشان كله قفل و مكسل يشغل اى حاجه ( رغم انه كان مشغلها الاول فى نفس الظروف دى ) و استسهل و بقينا دوله مكتب استيراد و بس

[ahmedwagdy03]

بص يا باشا ان واحد مستفيد تماما من علو سعر الدولار كشخص بيشتغل بيه و بيجليه من برا بس هقولك على حاجه ايه الى بيخلى صناعات كتير تبوظ و ده كلام واحد صاحب مصنع غزل قال انو فضل يشتغل بالمصنع كتير حتى بعد الاستيراد مشتغل بس مشكلته كانت ان المستوردين بيهربو البضايع من برا و مبيدفعوش جمارك و الدوله عماله تعلى الجمارك و هما بيهربو صاحب المصنع بقى عمل ايه ؟ قالك حولته مخزن و بقيت يستورد زيهم انا اهم حاجه عندى دول "القمح و البنزين و الادويه و الديون الى علينا برا لاى جهه او بنك" عشان ميتحطش علينات x فى اى نظام مالى عالمى غير كده يا باشا انا مستعد اشترى زيت غالى و اى حاجه تانيه غاليه لحد ميبقى ام التصنيع هنا مربح اكتر من اى شىء يا باشا انا عايز الى كان بيصنع فوانيس يرجع يصنعها زى مرخصها من برا خلا كله يقفل و يستعمل الدولار و يضغط عليه على الفاضى ده غير ان مبقاش فيه ايدى عامله شغاله فى اى حاجه يرجع بقى غصب عنه عشان الى من برا بقى مستحيل يتباع بسبب السعر الغبى ده يصنع و نبطل نستخدم عمله مش عملتنا على انها الحياه


و انا هنا بتكلم على الصناعات الطبيعيه و السهله جدا زى لعب الاطفال و الفوانيس و شويه مواد غذائيه الى مش محتاجه شىء من برا بس الاستسهال و فشل الحكومات المتتابعه وصلها ان اى حاجه من برا ارخص و اسهل لحد مبقى الدولار زى الميه و الهوا

و الفكره دى فى دماغى من شويه بس للاسف مش متاكد اذا كان ده قصد محافظ البنك المركزى و لا تخبط و فشل و خلاص

و برضه ده كلام واحد مستفاد جدا من الى بيحصل على مستوى شخصى لكن بجد يولع كل شخص بيستورد حاجه ملهاش لازمه او ممكن تتصنع هنا بجد يعنى الدولار مش مشكله فى دوله غير هنا و بس عشان كله قفل و مكسل يشغل اى حاجه ( رغم انه كان مشغلها الاول فى نفس الظروف دى ) و استسهل و بقينا دوله مكتب استيراد و بس

أنا كمان مستفيد من علو الدولار من ناحية إنه بيخفض الأقساط اللى عليا بكن برضه الأسعار بتزيد عليا من ناحية تانية
بالنسبة لمحافظ البنك المركزي أكيد ما يقصدش أى قرار إنما هو فعلا إستمرا التخبط و الفشل اللى إحنا عايشينه من أكتر من 60 سنة . لو فكرت شوية حتلاقى محافظ البنك المركزى مش هو العبقرية الفذه أو الشخصية الواو قوى اللى حينقذ البلد و حيصلح الكون . هو كان أيام مبارك ماسك البنك الأهلي و مكانش فيه إنجازات ملموسة ليه و الكل عارف إنه علشان يوصل لمنصب زى ده مع مبارك يبقى مش لازم يكون بيفهم من الأساس .
لما يجي مسئول يلغي كل اللى عمله اللى قبله و يبدأ من جديد بدل ما يكمل عليه يبقى إحنا كدة حنوصل سنة 8763 . زى محافظين إسكندرية بالضبط من أول فوزى معاذ لغاية اللى ماسك دلوقتى و معرفش إسمه ميعرفوش غير تكسير رصيف الكورنيش و عمله تانى ( ما عدا المحجوب )

[هيثم مجدي]

بص يا باشا ان واحد مستفيد تماما من علو سعر الدولار كشخص بيشتغل بيه و بيجليه من برا

هو الكلام دا مش دقيق أوي. الدولار بيزيد بنسب ضئيلة. الحقيقة ان الجنيه هو اللي بينهار. لو لاقدر الله استمر الوضع زي ماهو. انت مش هتلاقي حاجة تشتريها ولا بجنيه ولا بدولار حتى لو وصل الدولار ل 100 جنيه. المشكلة الحقيقية هي التضخم وانهيار قيمة الجنيه. الناس كلها هيكون معها فلوس لكن مفيش سلع نشتريها.

لو تسمحو المناقشت الثرية دي انقلوها في مواضيع خارج الموضوع دا عشان فيه اعضاء في المنتدى ممكن يفيدونا اكتر فيها بدل ما الموضوع دا يبوظ

[ahmed1981]

بجد يعنى الدولار مش مشكله فى دوله غير هنا و بس عشان كله قفل و مكسل يشغل اى حاجه ( رغم انه كان مشغلها الاول فى نفس الظروف دى ) و استسهل و بقينا دوله مكتب استيراد و بس

مش هنا بس يا ريس
أغلب الدول تحت حكم فردي دكتاتوري والفساد مستشري فيها بيكون فيها مشكلة الدولار
زي زمبابوي مثلاُ
على فكرة بالطريقة دي مصر في طريقها لزيمبابوي

ـ

[eng.m7md.ali]

النهاردة ٩-٣ .. ياتري الدولار بكام؟

[Karim_Monir]

اخر ابديت للسعر كام بيع وشراء في القاهره

[eng.m7md.ali]

عدي ال ١٠ ولا لسة؟؟؟

[mikho83]

عرفت انه نزل حبة صغيرة بسبب ضخ الحكومة لدولارات للمستوردين. عموما انا محتاج أتشري لو حد عايز يبيع

[deadway]

انا معايا عاوز كام

[eng.m7md.ali]

انا معايا ١٠٠٠٠ دولار يااخونا للي عايز

[mikho83]

حد عنده فكرة السعر النهاردة كام؟

[Karim_Monir]

انا عابيز ١٠ الاف دولار بس مستني السعر يهدى سيكا
قدامي ب ٩.٧٥ ومستغليه

[ahmedwagdy03]

9.30 بيع للصرافة الآن

مش عارف علشان يمكن النهاردة الخميس آخر الأسبوع أو يمكن القرارات جابت نتيجة