أستطلاع : فرصة سفر

[Tamer-Ezzat]

اذا وجدت فرصة سفر جيدة فى وانت عندك 35 سنة

• اسافر فوراً
• مصر هى أمى مينفعش اسافر
• كان ممكن بس السن دة مينفعش

[AhmedElsayed]

فى راى الموضوع مش موضوع سن بس
انا عن نفسي محبذش السفر
بس لازم الابعاد كلها لازم يتبص عليها
يعنى هل وضعك هنا مش كويس اوى واالفرصة هناك اكبر بشكل كبير يبقى ساعتها ممكن تسافر
لكن لو وضعك كويس والدنيا ماشية فى وضع معقول نسبياً يبقى بلاش السفر ايا كان سنك اد ايه
ده راى الشخصى والله اعلم
وربنا يوفقك لقرار سليم

[iBiZa]

على رأى الفيلم, متقولش مصر دى امى, امك نايمة جوة

اية فرصة سفر فى اى وقت لاى حتة مش هسيبها

[MomoMedo]

انا عشت 3 سنين في السعودية
بتوع الثانوية العامة
مش هقولك امريكا ولا اوروبا
بس نفسي اخلص الجامعة واخلع على هناك تاني
البلد هنا حالها ميسرش عدو ولا حبيب

[AlmAhAtmA]

السفر لو حيضيف ليك يبقي توكل علي الله

و الموضوع في الاول و الاخر نسبي تماما
السفر بيناسب ناس و ناس لا

لكن
لو حيضيف لك خبره
لو حيحسن دخلك
لو حيوفر وقت تحقيق اهدافك

توكل علي الله

[samehafez]

كل واحد وليه ظروفه ........ يعني اللي يمشي معايا ميمشيش معاك .........
انا عن نفسي مش ممكن اسيب مصر

[أبو عبدالله]

والله ده بيعتمد على الوظيفه هناك
يعني لو حاجه كويسه وهتعيشك كويس يبقى هناك بصراحه

[osamaesm]

انا مش ممكن اسيب مصر رغم اني كاره العيشه فيها لاني بحس اني مواطن درجه عاشره عليا التزامات ومليش اي حقوق
ومع ذلك مش ممكن اسيب مصر اهلي وصحابي عيشتي كلها

[mokhtar]

اسافر فورا ومن غير تردد مجرد الخروج من البلد دى فى الوقت الحالى ده لوحده مكسب والله حتى لو الواحد مش هيعرف يكون ثروه او مدخرات بره بس يكفينى الحياه تبقى سهله وبسيطه وابعد عن القرف اللى هنا بالرغم من المتاعب اللى لازم تقابل الواحد فى سفره وبعده عن اهله واصدقائه انما البلد......ماعدتش تنفع لاى حاجه



..mokhtar..

[Ahmed Samy]

سفر شغل ؟؟ تبقى غلطان

سفر هجرة ؟؟ سافر و ابعتلى :)

[إسلام شاهين]

السلام عليكم ورحمة الله وبركاته
هو طببعا خضرتك مش موضح إذا كان سفرك هجرة ولا شغل ؟
بالنسسبة للسن أنا مش شايف إن فيه مشكلة تماما أنا مثلا لسه مسافر من حوالي 4 شهور فقط لقطر ومفيش مشكلة بس حضرتك حط في بالك ما يلي :

1- لا يمكن تسافر لوحدك لازم ولادك وأهلك يكونوا معاك مفيهاش نقاش
2- لازم في الأول هتتعب شوية عقبال ما تستقر أوضاعك من سكن وسيارة وخلافه ثم تبدأ في إجراءات استقدام الأهل والموضوع مش هياخد أكثر من شهر
3- الحياة بره ميزتها الوحيدة إنك بتشعر بإنسانيتك وآدميتك هنا بيعرفوا يعني إيه بني آدم ويعني إيه إنسانية والإنسان له احترامه
4- طبعا أكيد لو مسافر شغل هتبقى ديه فرصة لتحسين وضعك المالي بس حذاري إن يكون وجودك بره سبب في بعدك عن أولادك أو عدم اهتمامك بيهم أوعى تغلط الغلطة ديه
5- يعيب العسفر للخارج إن هذه البلاد بلا حياة يعني حياة اصطناعية فإنت بالكثير شهر وهتكون لفيت البلد وحفظتها ومفيش جديد وطبعا مفيش زيارات لأهل ولا لأقارب فهتمل بس طالما ولادك معاك حاول تشغل وقتك بمذكرتهم وتعليمهم


أخيرا أنصحك بشدة بالسفر بس المهم يكون العائد المادي يساوي ويزيد عن غربتك علشان يكون الموضوع مستاهل وبأكرر وبأكد وبشدد عليك إن لازم يكون ولادك وأهلك معاك لكن لو لوحدك في السن ديه والله أعلم بظروف كل واحد مش هينفع .

أتمنى ربنا يوفقك .

[Chicco]

.....أنا في كندا

[Ahmed Samy]

.....أنا في كندا

و اديني باقوللك للمرة الألف

اوعى ترجع

تعالى أشوفك و ارجع تاني :)

[Chicco]

و اديني باقوللك للمرة الألف

اوعى ترجع

تعالى أشوفك و ارجع تاني :)

إلي لقاء قريب يا أخي الفاضل إن شاء الله

[KoDaK_Gti]

أخيرا أنصحك بشدة بالسفر بس المهم يكون العائد المادي يساوي ويزيد عن غربتك علشان يكون الموضوع مستاهل وبأكرر وبأكد وبشدد عليك إن لازم يكون ولادك وأهلك معاك لكن لو لوحدك في السن ديه والله أعلم بظروف كل واحد مش هينفع .

أتمنى ربنا يوفقك .

+1111
الراجل ده بيقول كلام زى الفل