أستطلاع : فرصة سفر

[eng/muhamad]

انا لو جالى فرصه سفر لاى مكان
حتى لو مدغشششششششششقر هساااااااافر

[الريس]

انا لو هحكي عن تجربتي المتواضعة
انا سافرت برة كتير نظرا لطبيعة شغلي (مجال البترول)
لكن مقدرتش اسيب مصر و اهاجر نهائي
اسباب كتيرة منها الاهل و الاصحاب و بقايا القيم اللي بيمسحوها من شعبنا بمية نار كل يوم
لكن نصيحتي سافر برة و اشتغل و حافظ على فلوسك
و ارجع مصر اعمل لنفسك حياة افضل
وفعلا المشكلة في بلاد برة هي الملل الرهيب (خصوصا لو انت انسان ملتزم دينيا)
و الوجع الغريب اللي بيعض قلبك لما بتسمع كلمة مصر
او تعرف اي حاجة وحشة حصلت في البلد

[Ghamrawy]

سافر و توكل على الله
البلد دى اخرها 5 سنيين بالكتير لو فضلت على الحال الاسود ده

[boody2]

السلام عليكم ورحمة الله وبركاته
هو طببعا خضرتك مش موضح إذا كان سفرك هجرة ولا شغل ؟
بالنسسبة للسن أنا مش شايف إن فيه مشكلة تماما أنا مثلا لسه مسافر من حوالي 4 شهور فقط لقطر ومفيش مشكلة بس حضرتك حط في بالك ما يلي :

1- لا يمكن تسافر لوحدك لازم ولادك وأهلك يكونوا معاك مفيهاش نقاش
2- لازم في الأول هتتعب شوية عقبال ما تستقر أوضاعك من سكن وسيارة وخلافه ثم تبدأ في إجراءات استقدام الأهل والموضوع مش هياخد أكثر من شهر
3- الحياة بره ميزتها الوحيدة إنك بتشعر بإنسانيتك وآدميتك هنا بيعرفوا يعني إيه بني آدم ويعني إيه إنسانية والإنسان له احترامه
4- طبعا أكيد لو مسافر شغل هتبقى ديه فرصة لتحسين وضعك المالي بس حذاري إن يكون وجودك بره سبب في بعدك عن أولادك أو عدم اهتمامك بيهم أوعى تغلط الغلطة ديه
5- يعيب العسفر للخارج إن هذه البلاد بلا حياة يعني حياة اصطناعية فإنت بالكثير شهر وهتكون لفيت البلد وحفظتها ومفيش جديد وطبعا مفيش زيارات لأهل ولا لأقارب فهتمل بس طالما ولادك معاك حاول تشغل وقتك بمذكرتهم وتعليمهم


أخيرا أنصحك بشدة بالسفر بس المهم يكون العائد المادي يساوي ويزيد عن غربتك علشان يكون الموضوع مستاهل وبأكرر وبأكد وبشدد عليك إن لازم يكون ولادك وأهلك معاك لكن لو لوحدك في السن ديه والله أعلم بظروف كل واحد مش هينفع .

أتمنى ربنا يوفقك .

انا معاك يا اسلام 100 في 100

الاولاد و الزوجة يا جماعة

انا غاطان الغلطة دية صحيح انا كل شهرين بكون في مصر 15 يوم بس برضه البعد عن الاولاد ما ينفعشي و للاسف صارف فلوسي علي الطيران

و بعدين عيوب السفر هي كالاتي
1- البعد عن الوالد و الوالدة و هما في سن كبير
2-حتقعد بره 5 او 6 سنين حتحوش كام و بعدبن حترجع بعدهم من غير شغل او معاش تفتكر الفلوس مهما حوشت دي حتعملك ايه؟

انا بعد سفر 3 سنين انا لا اؤيد السفر الا اذا ك بعائد مغري جدااااااااااااااااا و يكون معاك الزوجة و الاولاد

مل

[blazer]

السفر فى اى دوله برده مصر لو هيأمنللك عمل كويس و حياه كريمه يبقى اسافر بدون تردد

[SS]

.....أنا في كندا

و اديني باقوللك للمرة الألف

اوعى ترجع

تعالى أشوفك و ارجع تاني :)

طيب ما ينفعش احنا نروح نشوفه و نرجع تانى؟:)
بدل ما نشيل ذنب مجيه هنا

[Chicco]

طيب ما ينفعش احنا نروح نشوفه و نرجع تانى؟:)
بدل ما نشيل ذنب مجيه هنا

يا باشا أنت تشرفنا بس أنوي أنت بس

[SS]

يا باشا أنت تشرفنا بس أنوي أنت بس

يا باشا ماتقولش كده ...الشرف لينا احنا
يا دكتورنا اذا كان عن النية ...خالصة و موجودة و تمام التمام.
بس هل النية فقط تجيز اخذ التأشيرة؟...لو كده هتلاقينى عندك من بكرة
عموما يا دكتور انا سعيد جدا برد حضرتك...و ده طبعا مش غريب ع زوق ولباقة حضرتك المعهودة فى كل مشاركاتك..
و اتمنى اشوفك لما تنور مصر..بس ما تبقاش تقول ان محدش حذرك (;

[Chicco]

يا باشا ماتقولش كده ...الشرف لينا احنا
يا دكتورنا اذا كان عن النية ...خالصة و موجودة و تمام التمام.
بس هل النية فقط تجيز اخذ التأشيرة؟...لو كده هتلاقينى عندك من بكرة
عموما يا دكتور انا سعيد جدا برد حضرتك...و ده طبعا مش غريب ع زوق ولباقة حضرتك المعهودة فى كل مشاركاتك..
و اتمنى اشوفك لما تنور مصر..بس ما تبقاش تقول ان محدش حذرك (;

كلك ذوق يا باشمهندس و أدام الله المعروف و المحبة اللي موجودة في منتدانا.... إن شاء الله نتقابل قريب
طبعا النية هي أول خطوة ...و بعديها عدة خطوات تانية .....
بجد مصر كلها وحشتني .....رغم التحذيرات

[MoToRiZeR]

سافر و توكل على الله
البلد دى اخرها 5 سنيين بالكتير لو فضلت على الحال الاسود ده

انا متفق معاك تماماَ .. البلد دلوقت عالحافة و مفيش أي بشاير إنها هتتجه للأحسن
فا أخرها 3 ولا 5 سنين و هتجيب أخرها و الناس فعلا هتقتل بعض في الشوارع

سافر و إنفد بجلدك