ضرب نار واشتباكات عندنا ياجدعان والدنيا خربانه

[besso]

الدنيا خربانه عندنا ياجدعان
اللى شوفته مظاهره كانت طالعه عندنا فى منطى-شبرا الخيمه عادى زى اى مسيره وفجاه ضرب نار واشتباكات وشوم والعمليه معجونه والناس عماله تجرى فى الشارع عندنا كاننى فى ايام الثوره بالظبط لما المساجين هربوا وقلق جامد
طلقات الخرطوش زى الرز
مش فاعم ايه الحكايه وفجاه المحلات كلها قفلت والشوارع بقيت صحراء
بيقولو اصلا دى مسيره وطالعه من عرابى عندنا فجأه اتقلبت حرب شوارع عندنا

ربنا يستر

[RIDER 2050]

الكلام ده فين ف شبر الخيمه بالظبط يا بيسو
انت قلقتنى يا عم

[besso]

اه
والمسيره رجعت تانى اهى و خدوا بعضهم دلوقتى ومش عارف راحو على فين حتى مش عارف اكلم حد من اصحابى اللى ساكنين قريب من عرابى اعرف الوضع ايه هناك

[prof2013]

ربنا يصلح الاحوال

[Ahmed Nasser]

ربنا يسترها بكرة لانى سامع كلام يخوف

[hugan]

ربنا يسترها بكرة لانى سامع كلام يخوف

خبر ايه اللي ها يحصل بكره

[mmolazem]

إمسك
كسر التعتيم الإعلامى .

[dedi]

ربنا يستر بس اية الذى سمعتة عن بكرة

[besso]

ايه اللى هايحصل بكره يا استاذ ahmed nasser

انا بردو يوم الخميس اللى فات سمعت كلام ان يوم الجمعه هايحصل فيها قلق

فيه حاجه مش مظبوطه اليومين دول

[mr_vampire]

طب والمظاهرة ده كانت مؤيدة ولا معارضة ؟؟؟؟؟

عشان بس نعرف اللي هاجموهم دول ممكن يبقو ايه .

زي اللي حصل فالمنصورة كدة. ناس ماشية بتتظاهر بلطجية طلعو عليهم وضربوهم .

لا حول ولا قوة الا بالله.

[windofchange]

Mohamed Abo El Magd
------------------------------
كل التحية لرجالة شبرا الخيمة.. اجدع رجالة

منذ قليل حاول البلطجية تكرار سيناريو مذبحة المنصورة حينما قاموا بمهاجمة النساء اللاتي كن في آخر مسيرة مسجد التقوي، وذلك عند وصولها لمنطقة أم بيومي.
المهم إخوان شبرا الرجالة في غمضة عين كانوا مرجعين 100 بطل أمنوا النساء واشتبكوا مع البلطجية بعنف، وكان في أخ برنس معاه خرطوش وواحد تاني معاه طبنجة صوت، والنتيجة انهم حطوا ع البلطجية بمساعدة الأهالي الشرفاء.. ولم تمس أخت بخدش.

تحية من القلب لرجال شبراااااا

[besso]

طب خير

النهارده انا كنت جاى من الشغل على طريق مصر اسكندريه الزراعى وبركب من حته فى الطريق اسمها الشعار

المهم الطريق رايح جاى واقف ليه متعرفش المهم اخر ما زهقت قمت واخدها مشى لحد كوبرى ميت نما ومن هناك اكمل على عندنا هعمل ايه يعنى طبعا لاقيت ناس كتير اوى بردو ماشيه لما قربنا من ميت نما اصلا هناك فيه مزلقان لاقينا زحمه كتير على شريط القطر وصوت ضرب نار وصوت ضرب نار اول مره اسمعه (صوته كان مميز) انا قلقت الصراحه المهم كملت وطبعا محدش من اللى واقفين عارف حاجه
المهم دخلت ميت نما بسأل فيه ايه
اللى يقوللى ناس قاطعه الطريق والجيش بيضرب فيهم على الدائرى (ميت نما دى قبل الدائرى على طول)
واللى يقوللى دى مسيره طالعه من قليوب وناس اعترضتهم وضربوا على بعض نار مشيت وانا مش عارف حاجه

تقريبا لحد دلوقتى الطريق واقف
ياجدعان اللى عنده مشوار من على الطريق ده او مسافر يأجل المشوار دلوقتى لحد ما نشوف الدنيا فيها ايه
وربنا يستر

[hossam_elwani]

يالله خليها خربانه كده بلفوضى وعدم الاستقرار منكم لله يالى فى بالى

[Dr.Mostafa Anwar]

غريبة .. الموضوع ما اتمسحش لحد دلوقتي !!

انت فيك شئ لله

[SaSa.FireBlade]

Mohamed Abo El Magd
------------------------------
كل التحية لرجالة شبرا الخيمة.. اجدع رجالة

منذ قليل حاول البلطجية تكرار سيناريو مذبحة المنصورة حينما قاموا بمهاجمة النساء اللاتي كن في آخر مسيرة مسجد التقوي، وذلك عند وصولها لمنطقة أم بيومي.
المهم إخوان شبرا الرجالة في غمضة عين كانوا مرجعين 100 بطل أمنوا النساء واشتبكوا مع البلطجية بعنف، وكان في أخ برنس معاه خرطوش وماللك فرحان اوى بية كدة ؟ وواحد تاني معاه طبنجة صوت، والنتيجة انهم حطوا ع البلطجية بمساعدة الأهالي الشرفاء.. ولم تمس أخت بخدش.

تحية من القلب لرجال شبراااااا