ضرب نار واشتباكات عندنا ياجدعان والدنيا خربانه

[Dr.Mostafa Anwar]

هى نغمة "البلطجية" دى مش حتخلص
انتوا ليه مش مصدقين ان المسيرات دى لما بتعدى جنب منطقة شعبية بالذات
الناس دى بتتعصب وبتشوف ان دول شوية عيال ولازم يتضربوا (دى وجهة نظرهم بصرف النظر صح ولا لا)
والناس دى السنج والمطاوى عندها عادى خالص

على فكرة الكلام ده كان بيحصل ايام المجلس العسكرى برده وبرده يقولك الجيش مطلع بلطجية يحموه
والدليل على كده ان النهضة وغمرة ورمسيس وشبرا هى اللى حصل فيها مشاكل
لكن رابعة حتى الان ولا الهوا والسكان بيقولك اخرهم بيقولك حنقدم بلاغ للنائب العام :)

انزلوا لارض الواقع شوية بقى

يا سلام سلم

يعني هوا ان السكان يشيلوا سلاح دي مش "بلطجة" ؟؟

محتاج اراجع نفسي بقى لحسن اطلع إرهابي صحيح زي ما بيقولوا علينا في الإعلام

إرهابي أعزل سلاحه الدعاء والتظاهر السلمي :)

[Dr.Mostafa Anwar]

عاجبني جدا جدا التوقيع بتاعك ... فعلا لو كل واحد في البلد بدأ بنفسه حاجات كتير هتتغير ..

ربنا يصلح حال مصر

[besso]

ياجماعه اهدوا شويه

انا غلطان يعنى انى عملت الموضوع

انا مرضيتش اتكلم فى السياسه خالص علشان ده قسم اجتماعى
تقومو انتو تقلبوها سياسه

ايان كان اللى حصل اللى طالعين بمسيره دول بنى ادمين ومواطنين زى اى مصرى فى البلد من حقه يطلع فى مظاهره اوك متفقين على كده(المظاهرات دى بتحصل فى عهد مبارك والمجلس العسكرى ومرسى يعنى مش جديد علينا)

كون بقى ان المظاهرات دى تقلب باشتباكات وقلق متعرفش مين السبب فيه دى حاجه تانيه لكن مش كل حاجه بلسها فى اللى عاملين المسيره بدون دليل سواء مؤيدين او غيرهم
اساسا اساسا احنا شعب معندوش ثقافه تقبل الاخر ومندفعين فى كل حياتنا
ده انا طلعت فى مظاهره ايام ثوره 25 فى مره وكانت مع مؤيده لمبارك(مكنتش فاهم حاجه ساعتها....الله يسامح الاعلام بقى)
الناس اللى مكانتش طايقه مبارك ومش عاجبها المسيره طلعوا علينا وفرقوا الناس علشان محدش يطلع
يعنى داء فينا ان اى حد مش عاجبنا نعترض طريقه

[hossam_elwani]

حسبنا الله ونعم الوكيل فيهم كلهم

السيسي والبرادعي والطرطور واللي معاهم كلهم ...

+111111111111

ربنا على الظالم والقاتل

[hossam_elwani]

فعلا ربنا ينتقم منهم جميعا

عشان عاوزين البلد يبقى فيها حرية وكرامة

عشان ما احنوش رؤوسهم لبيادة العسكر

عشان عطلوك يعيني 6 ساعات على الطريق والعسكر عطلوا مصر 60 سنة وعاوزين يكملوا 200 سنة كمان

معلش سعادتك إحنا آسفين على عطلتك والمهمة العظيمة اللي حضرتك كنت رايح تعملها

أكيد أنت عالم صواريخ وكان وراك أبحاث مهمة والعطلة دي سببت فشل أبحاثك

إحنا آسفين يا صلاح

وشكرا للأهالي الطيبين المسالمين اللي طلعوا شايلين السلاح على اهلهم واخواتهم في الوطن والدين

هوا صحيح لما الطريق الزراعي اتقطع من قيمة شهرين كده عند بنها وقعد مقفول يجي 16 ساعة كاملة محدش من الاهالي الشرفاء طلع بالسنج والمطاوي عشان يفتح الطريق ليه؟

اه صحيح أصل الأهالي الشرفاء دول ما بيطلعوش إلا ضد اللي الإعلام عاوز يقنع الناس بالعافية انهم اخوان وبس في حين انهم من كل اطياف الشعب المصري الرافض للعبودية والعودة لحكم العسكر

معلش معلش .. بأقولك ... ابقى ادعي علينا وانت بتفطر وبتصلي التراويح انهم يقتلونا كلنا عشان ضميرك ما يوجعكش وعشان البلد ترتاح بقى .. بلا هم

+111111111111

حكم الهوى لا العقل

والهوى بيقوله العن ابو الاخوان يبى هيا كده وخلاص مفيش نقاش

[hossam_elwani]

ياشباب علشان بس مانسمكش في بعض بسبب حقائق واضحه زي الشمس :

الشرطه دلوقتي بتنقل - البلطجيه - في عربيات الشرطه لما يكون فيه مظاهره للاخوان
علشان يضربوهم وده اللي حصل في شبرا امبارح و في ميدان النهضه .... و عل الطريق الدائري امبارح

الحكومه الحاليه بتستنسخ شغل بشار الاسد - الشبيحه علني
الحكومه الحاليه بقياده الفريق اياه - مسئوله عن اي احداث او ارهاب حصل او هايحصل عل مواطنين ابرياء
منك لله يا االي في بالي بلعت الطعم زي الغبي - و ناوي تدخل البلد في متاهه ...

انا زهقت فعلااااااااا

كلام سليم بس للى يفكر

[hossam_elwani]

يا سلام سلم

يعني هوا ان السكان يشيلوا سلاح دي مش "بلطجة" ؟؟

محتاج اراجع نفسي بقى لحسن اطلع إرهابي صحيح زي ما بيقولوا علينا في الإعلام

إرهابي أعزل سلاحه الدعاء والتظاهر السلمي :)

هههههههههه

فعلا زمن اختلت فيه المفاهيم

[mmolazem]

+111111111111

حكم الهوى لا العقل

والهوى بيقوله العن ابو الاخوان يبى هيا كده وخلاص مفيش نقاش

كرهى للإخوان خلانى بقيت ............

التلميحات غير مقبولة على الإطلاق و سيتم معاملتها معاملة كمخالفة عادية
م ع 3

[wawamoha]

انا كنت فى قلب الاحداث امبارح ياجماعه
كنت الساعه 2 ونصف العصر فى شبرا الخيمة فى طريقى للزراعى طبعا لاقيت الطريق واقف
والمرور بيخلينا ندخل عكسى وقالوا فى ناس مؤيدين لمرسى قاطعين الطريق فى قليوب
المهم بعد اللف والدوران والمحاولة انى امشى عكسى معرفتش ورجعت تانى لحد ما وصلت تحت الدائرى بالظبط كان فى اتجاه بنها القاهرة فى دبابات واقفه والمتظاهرين واقفين حواليها وقاطعين الطريق فى الاتجاهين وكانوا هيعتدوا على الافراد فوق الدبابات فالجيش ضرب نار فى الهواء انا طبعا كنت نزلت من عربيتى وقفلتها وروحت اتفرج لان الطريق كده كده واقف
فجاءة لقينا المؤيدين ماشيين ناحية شبرا وبدأت الناس المخنوقه من قطع الطريق(الناس اللى واقفه فوق الدائرى) بالقاء الطوب عليهم من فوق الدائرى وهما كانوا بيردوا عليهم
طبعا كلنا خفنا على العربيات علشان متتكسرش (انا سبت العربيه ووقفت تحت الدائرى علشان مفيش طوب يجى فيا )
وبعدها ب 10 دقايق لقينا اهل قليوب وميت نما شايلين سنج ومطاوى وبيجروا ورا المؤيدين علشان يفتحوا الطريق
لحد هنا مشوفتش حاجه تانيه
انا اخدت 5 ساعات من شبرا الخيمة لحد كوبرى قليوب فقط
وطبعا انا كنت رايح بنها ووصلت بعد الافطار ربنا ينتقم منهم

بالظبط ده اللي حصل بس من تحت الكوبري .. من فوق الكوبري بقى كانت عربيات الشرطه هيا اللي بتنزل - اهالي شبرا و ميت نما الشرفاء - او ما يسميه الخرفان بلطجيه ...
حاشا لله ان يكون اهالي شبرا بهذه الاشكال التي يندى لها جبين البشريه .. فهم مثل شعب مصر الطيب محترمين في حين الاشكال اللي شفناها ............زصعب بصراحه الوصف
و ملحوظه مره تانيه : بعد ما مسيره الرافضين للانقلاب نزلت تحت الكوبري و البلطجيه - قصدي الاهالي الشرفاء - مش طايلينهم قام ركبم البوكسات و مدرعات الشرطه تاني و نزلم علشان يلفم من وراهم و يكملم مسلسل البطش

حسبي الله عل كل ظالم
ملحوظه : حتى تكتمل الصوره في ذهنكم انا ارفض بشده ان تكون هناك مظاهره في هذا المكان الحيوي من اي فصيل حتى لا تتعطل مصالح الناس بهذا الشكل الفظيع حيث وقفنا من سع 1:30 ووصلنا سع 7:30 بيوتنا

ملحوظه اخيره : كان فيه ناس شقر كتير في المسيره ..غالبا سوريين ... و الله العظيم حاجه صعبه

[wawamoha]

ياجماعه اهدوا شويه

اساسا اساسا احنا شعب معندوش ثقافه تقبل الاخر ومندفعين فى كل حياتنا
ده انا طلعت فى مظاهره ايام ثوره 25 فى مره وكانت مع مؤيده لمبارك(مكنتش فاهم حاجه ساعتها....الله يسامح الاعلام بقى)
الناس اللى مكانتش طايقه مبارك ومش عاجبها المسيره طلعوا علينا وفرقوا الناس علشان محدش يطلع
يعنى داء فينا ان اى حد مش عاجبنا نعترض طريقه

كلامك سليم 100% هو ده السبب

[mahmoudysf]

الواحد عنده الحرية يدخل و يعلق على المواضيع اللى تعجبه و يطنش اللى ملوش اهتمام بيها اوى ده صحيح. . . لكن احيانا الواحد مرارته بتتفقع من الكلام اللى بيتقال و من اللى بعض الناس عايزة تبيعهوله او عايزاه يصدقه. . . بشار ايه و شبيحة ايه . . . هو عشان الاخوان او مناصريهم عمالين بيحلموا يسوقوا ان مصر هتبقى او عايزين يعملوها زى سوريا و بيسوقوا ده سواء للخارج- و خاصة للخارج اللى ابتدى يفهم هذيانهم و بالتالى يطنشهم- او للداخل عشان يهيجوا الناس و تتعاطف معاهم تانى و تنزل معاهم فى ثورة يحلمون بها او بشكل ادق يتوهمونها و يوقعولهم النظام تانى عشان يتفضلوا يركبوا و يحكموا تانى. . . ارحمونا بقى. . . ما الناس شافتكم على حقيقتكم خلاص و جربتكم و فاض بيها الكيل منكم لغاية لما نزل ضدكم اللى عمره ما كان فكر ينزل الشارع فى مظاهرة. . . نزل هو و مراته و عياله و ابوه و امه الكهول و عيلته كلها. . . فى مشهد اصابكم بلوثة عقلية افقدتكم النطق و الفهم و الاستيعاب و كالمعتاد كل ردود افعالكم متأخرة زيكم و بليدة و لا تتناسب مع ايقاع الاحداث و بالتالى يعبر عليها الزمن و تظلون تتوهمون و تعيشون فى عالم وهمى من صنعكم. . . فوقوا بقى. . . كل الناس فاقت الا انتم. . . فوقوا و اتصالحوا مع نفسكم و مع الناس جايز الناس تديكم فرصة تانية فى يوم من الايام. . . بدل ما تحكم عليكم بالاعدام المعنوى و الرفض الى الابد. . .

الكلام ده عام و مش موجه لحد بعينه بس من كتر فقع المرارة اللى الواحد بيشوفه. . . ارحمونا يرحمكم الله و افيقوا يرحمكم الله

طب خود دول اسلى بيهم يمكن مرارتك تخف

الله اكبر على بلطجية مصر فعلا فداء
مش هاين عليهم يخلو اخواتنا عساكر الامن هم اللى يضربونا ..
لالالالا هم قالولهم خليكم انتو احمو ضهرنا واحنا هنظبط ....

شوف من... هنا لازم نستفيد معنى وقيمة جديدة هى الايثار ..
شايف ..........البلطجية فى حماية الأمن .يعنى مش بيقبضوا عليهم وهما بيقتلونا .وبيضربوا غاز عشان يساعدوهم فى قتلنا .لما تشوف الصورة دى حجة عليك فى تكرار الأكاذيب

[فتح الباب]

وليه ماتقولش ان ده الشعب اللى وعد الشرطه بالوقوف جنبا الى جنب فى مواجهة البلطجيه ليعطى للشرطه معنويات مرتفعه
لو هفسر على مزاجى ممكن احلل براحتى وانت لو هتفسر على مزاجك هتحلل براحتك
انما قل اين الحقيقه ساعتها انا اقولك الحقيقه مع من تدفقوا مثل المياه اعلى الكبارى وجميع ميادين مصر

[hobiko]

سلاما

همممممم

اول حاجة شكرا انك فكرتنى بالأية الكريمة من سورة الفرقان

(وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا)

انت كده نعتنى ضمنيا بالجهل ........ رغم انك ماتعرفنيش و لا تعرف مستوى تعليمى و لا شهاداتى و لا ثقافتى

عموما ده مثال جميل و بسيط فى نفس الوقت لكيفية استخدام الأخوان اللى زى حضرتك ....... للدين

من غير ما أسال شيخ او متخصص ....... أكيد العزيز الحكيم لم يقصد بنزول الأية الكريمة ديه ان يتم استخدامها عن طريق عباده لشتم و سب بعضهم البعض و نعتهم بالجهل

زى ما عملت انت كده

بتلوا عنق الدين و تطوعوه لأغراضكوا و مصالحكوا و تحرفون المقاصد عن مواضعها ...... و فى الأخر تقولوا الأسلام هو الحل

انا اتفق الأسلام هو الحل ............... و لكنكم انتم المشكلة

حضرتك كمثال تانى ........... عملت موضوع عن أختك اللى توفت الله يرحمها ....... و هى احد شهيدات مصر فى المنصورة و هى من جماعة الأخوان المسلمين ........ قلت فى موضوعك ان لا يعنيك كونها من الأخوان لتترحم عليها و تزعل عليها ....... هى نفس لأخت مسلمة مصرية و عشان كده انت زعلان عليها

جميل اوى

بس حضرتك على مدار سنتين و نصف من الثورة و حتى الأن ............ مالكش موضوع واحد يوحد الله رثاء او غضب او حزن او ترحم لأيا من الأرواح الكتيييييير او اللى ازهقت فى احداث كتير فاتت

محمد محمود ... مجلس الوزراء .... ماسبيرو .... بورسعيد ... سيناء ... كشوف العذرية ... الأتحادية الأولى ... حتى ايام 25 يناير

الناس الوحيدة اللى أثروا فيك اوى لدرجة انك عملت موضوع ليهم و حطت صورة التوقيع ليهم ....... هم الأهل و العشيرة ............... فقط

انا و غيرى كثيرين نترحم على الجميع .......... هم مصريون مسلمون و حتى و ان كانوا غير مسلمين ............. أليست نفسا (كما قال اشرف الخلق)

اما انتم لا ترون الا الأهل و العشيرة و الجماعة .......... انتم ترون انفسكم من طبقة ارقى افضل اطهر ........... اما عامة الشعب امثالنا فهم اما اداة للوصول للهدف اما وقود لأغراضكوا

لذلك خسرتم ......... لذلك انهرتم ......... لذلك فشلتم

و الله غالب على امره و لكن اكثر الناس لا يعلمون

[تامر.محمد]

شكرا صاحب الموضوع على شهادتك
عملت اللي عليك و ربنا يجعله في ميزان حسناتك
ليا اكتر من صديق حضروا اكتر من مسيرة و هو هو نفس السيناريو اللي بتوصفه هو اللي بيحصل

ما توجعش دماغك بقى بمين صدق و مين ما صدقش و مين تعاطف و مين شتم
ولا تتعب نفسك ولا تقرف نفسك , انت قلت اللي انت شفته و كل واحد حسابه مع ربنا دنيا و آخرة عموما

هى نغمة "البلطجية" دى مش حتخلص
انتوا ليه مش مصدقين ان المسيرات دى لما بتعدى جنب منطقة شعبية بالذات
الناس دى بتتعصب وبتشوف ان دول شوية عيال ولازم يتضربوا (دى وجهة نظرهم بصرف النظر صح ولا لا)
والناس دى السنج والمطاوى عندها عادى خالص

على فكرة الكلام ده كان بيحصل ايام المجلس العسكرى برده وبرده يقولك الجيش مطلع بلطجية يحموه
والدليل على كده ان النهضة وغمرة ورمسيس وشبرا هى اللى حصل فيها مشاكل
لكن رابعة حتى الان ولا الهوا والسكان بيقولك اخرهم بيقولك حنقدم بلاغ للنائب العام :)

انزلوا لارض الواقع شوية بقى

كانوا بيبقوا بلطجية برده
و بمناسبة رابعة , بيحصل عليها هجمات برده , بلطجية على موتسيكلات لكن ما بتأثرش كده لأنه بيبقى هجوم خفيف و الواقفين على بوابات الاعتصام بيبقوا كتير و واقفين ورا حواجز
حصلت اول امبارح الفجر مع مسيرة داخلة رابعة من ناحية عباس العقاد , قسم اول ضربوا عليهم نار و غاز و قتلوا واحد (واحد صاحبي كان في المسيرة دي)
و حصلت الليلة اللي فاتت مع مسيرة كانت داخلة من صلاح سالم , برده اتضربت بالنار

[A.Saad]

هو محدش سأل ليه الاخوان جاعلى النساء فى مقدمة الصفوف
اول مرة اشوف النساء بتكون فى مقدمة الصفوف
هل انعدام النخوة ولا الخوف على نفسهم