نصيحة بخصوص الفلاتر وميه الحنفية

[Karim_Monir]

اللي معاه فلوس ومقتدر ماديا ومعاه ثمن فلتر الميه
وبيشرب هو وعيال من ميه الحنفية والله هايكون اثم في حق نفسه وحق عياله

منظر شمعات التنقية اكثر من بشع ورائحتها قذرة محبتش اوريكم المنظر بطنكو تقلب
بس تخيلو كل ده كليتكم هاتلاحق عليه ازاي
يا ريت اللي معاه فلوس فعلا يشتريها فورا
واللي مش معاه يجيب حتى الفلتر ابو مرحلة واحدة او مرحلتين اللي تمنه 100 جنيه ده
فعلا هايفرق كتير معاكو
ربنا يعينا

[أحمد كمال]

قلتها من زمان

الشمعة الاولانية كانت بتخش لون الحليب

تطلع بعد 3 شهور لون الشوكالاتة و ملزقة و ريحتها تقرف


الشمعة التانية و التالتة كانت بتطلع صدأ و بودرة زي الطباشير المطحون

غير بقى اللي ال membrane او الغشاء المسامي بيشيله


هااررررررر اسود


الاظرف اني اشتريت جهاز من امريكا قد القلم الماركر بتاع السبورة

بتحطه في المية يقيس الشوائب الصلبة الذائبة


شوائب الحنفية : 300

شوائب الفلتر قبل وحدة اعادة تمليح المياه : 2 او 3

بعد اعادة التمليح (دي كده مش شوائب دي املاح صحية الفلتر بيضيفها) : بين 25 و 30


هار اسود !!!!!!

[yaserbasha2000]

قلتها من زمان

الشمعة الاولانية كانت بتخش لون الحليب

تطلع بعد 3 شهور لون الشوكالاتة و ملزقة و ريحتها تقرف


الشمعة التانية و التالتة كانت بتطلع صدأ و بودرة زي الطباشير المطحون

غير بقى اللي ال membrane او الغشاء المسامي بيشيله


هااررررررر اسود


الاظرف اني اشتريت جهاز من امريكا قد القلم الماركر بتاع السبورة

بتحطه في المية يقيس الشوائب الصلبة الذائبة


شوائب الحنفية : 300

شوائب الفلتر قبل وحدة اعادة تمليح المياه : 2 او 3

بعد اعادة التمليح (دي كده مش شوائب دي املاح صحية الفلتر بيضيفها) : بين 25 و 30


هار اسود !!!!!!

احمد ربنا ان بعد 3 شهور بتكون لشمعه الاولي بلون الشكولاته

انا باغيرها كل 14 يوم و بتكون عباره عن طين

اما جهاز القياس ده مش بيقيس شوائب ده بيقيس نسبه الاملاح الذائبه و بتكون في المياه المعبأه- اللي بنقول عليها معدنيه مجازا- بتكون 150 تقريبا

[mohamed handy]

فعلا الواحد بيشوف شكل الشمعه وهوا بيغيرها بيبقى صعبان عليه نفسه من الميه دى

[أحمد كمال]

احمد ربنا ان بعد 3 شهور بتكون لشمعه الاولي بلون الشكولاته

انا باغيرها كل 14 يوم و بتكون عباره عن طين

اما جهاز القياس ده مش بيقيس شوائب ده بيقيس نسبه الاملاح الذائبه و بتكون في المياه المعبأه- اللي بنقول عليها معدنيه مجازا- بتكون 150 تقريبا

مش الاملاح بس

اي مواد صلبة ذائبة

TDS= Total Dissolved Solids

سواء كانت املاح صحية (زي المية المعدنية) او شوائب غير صحية (زي مية الحنفية) ....... هو ما بيفرقش لان باختصار هو بيقيس مقاومة المية للكهرباء ...... المية كل ما كانت نقية (من غير املاح و لا شوائب) بتبقى عازل للكهرباء ..... كل ما يزيد فيها شوائب (سواء ملح او معادن ثقيلة او اي حاجة) بيزيد توصيلها للكهرباء

[Karim_Monir]

كان بقالي كتير مابشوفش الشمعات
النهاردة جت الشركة تغير وكمان غيرت الممبرين كان ضرب يا كمال
نيهه
انا قرفت اشيل الشمعات ارميهم مش متخيل ده بينزل على الكلي عندنا

[أحمد كمال]

كان بقالي كتير مابشوفش الشمعات
النهاردة جت الشركة تغير وكمان غيرت الممبرين كان ضرب يا كمال
نيهه
انا قرفت اشيل الشمعات ارميهم مش متخيل ده بينزل على الكلي عندنا

انا اول مرة غيرت من اكتر من 5 سنين اتصدمت و الله من المنظر

غير ان الغسيل الكيماوي بتاع الميمبرين بيقولوا بينزل طحالب و فطريات و بلاوي


و الله ربنا يعين اللي مش قادر و بيضطر يشرب من الحنفية

[ياسر مصطفي]

سبحان الله ولسه عايشين وبنتنفس .

شكرا على التنبيه ..

[Lessismooore]

طيب يا جماعه حد يقولنا أفضل نوع نشتريه ، و نغير الشمعه كل آد إيه بحد أقصى؟
و نشتريه منين في القاهره أو الجيزه ، و بكام ؟ و سعر الشمعه كام ؟

[Samah AbdAllah]

هوو ايه الحاجة اللى شكلها اسطوانى اللى بتبقا فوق الفلتر فوق الشماعت دى ؟
وهل بيفرق في الفلتر اذا كانت موجودة او مش موجودة
يعنى الفلتر لو 3 شمعات بس ومفيش اى حاجة متوصلة بالكهربة ولا اى اضافة تانية شغال برضه ولا

[ICE_MAN]

طيب يا ريت حد يعملنا موضوع متكامل عن الفلاتر بماركاتها و اسعارها وأماكن الشراء وأى تفاصيل أخرى للافاده

[Tamer_Merit]

انا عندي فلتر 6 مراحل من 2004 ومداوم على الصيانه وتغيير الشمعات بانتظام , قبل رمضان لقيت على النت مواضيع كتير بتتكلم عن اضرار المرحله الرابعه ( الممبرين ) وانه بيشيل جميع الاملاح الذائبه في المياه ولا تعوضها المرحله السادسه ( مرحله اضافه الاملاح ) مما يجعل شرب هذه المياه بالغ الخطوره لانها تقوم بامتصاص الاملاح من الجسم .... وان منظمه الصحه العالميه حددت الحد الادنى للاملاح الذائبه في مياه الشرب ب 120 تقريبا والاقصى 500 ولكن مياه هذه الفلاتر تقل عن الحد الادنى بكثير , وان هذه الفلاتر مصممه للاستخدام مع المياه المالحه او مياه الطلمبات فقط ......... طبعا الموضوع محير جدا والواحد مش عارف يصدق مين , بس انا في الاخر فصلت الثلاث مراحل الاخيره واكتفيت بالثلاثه الاولى فقط لحين التأكد من الموضوع . انا حبيت اوضح الموضوع حسب ما توصلت اليه من باب النصيحه ولو حد عنده اي افاده اكون شاكر .

[M.Osama]

ياريت نصيحه ف فلتر محترم بسعر معقول عشان انا من كتر الانواع والشركات محتار ما بينهم.. شكرا

[Ahmed_Adham]

انا عندي فلتر باناسونيك يتصنيع ياباني كامل بس مرحله واحده وسعره كان 400 جنيه من سنه والشمعه كربون مش سيراميك وبتتغير كل 6 شهور (أنا بغيرها كل 3 شهور) وأخر مره اشتريت 3 شمعات كان الواحده تمنها 105 وقبله كان عندي نفس الفلتر بحجم أصغر (بيفرق في قوه خرج الميه) وعمري ما بحس للميه بطعم ولا لون ولا ريحه يعني بتطلع زي ما الكتاب بيقول. طبعا معنديش حاجه أقيس بيها نسبة الشوائب والاملاح ولا وجود بكتريا ضاره من غيره بس أنا لقيت كل الفلاتر اللي في السوق (اللي واصله ل 7 مراحل) مش ماركات ولا حاجه تدي ثقه فاخترت انحاز لباناسونيك وخصوصا انه تصنيع داخل اليابان.

الفلتر موجود في كارفور وسبينيس وهايبر وأنا عندي استعداد أغيره لو فيه حاجه تانيه يكون فيها اعتماديه أكتر. كان قدامي فلتر أمريكي في الكويت كان سعره داخل في 4000 جنيه بس مش قادر أفتكر اسمه. السعر لوحده يحسس الواحد انه وهوه مركب أي فلتر تاني يبقى لسه بيشرب من الحنفيه.

ياريت لو حد يعرف ماركه بروفيشنال يقولنا حتى لو سعرها غالي لأن الفشل الكلوي مرض مش هين وتمن الفلتر ميجيش حاجه في بهدله المرض ده ولا حتى تكاليفه.

[أحمد كمال]

Waterworld