نصيحة بخصوص الفلاتر وميه الحنفية

[casperinoo]

بانسونيك ممتاز وتقنيه احدث ..والوحيد اللي مصرح بيه من وزارة الصحه

[S O P H O S]

فعلا الواحد لازم ان شاء الله يشتري
لان الميه حتي طعمها غريب وبيبقي فيها كور كتير

[M.Osama]

يعني لو جبت مرحله واحده باناسونيك دا كويس ؟ ولا لازم اجيب فلتر فيه عشروميت مرحله !

[Ahmed_Adham]

waterworld

ده أمريكي بس هل له توكيل في مصر الواحد يعتمد عليه في الصيانه وقطع الغيار؟

يعني لو جبت مرحله واحده باناسونيك دا كويس ؟ ولا لازم اجيب فلتر فيه عشروميت مرحله !

واللهي أنا مبسوط من لون وريحه وطعم الميه منه بس معرفش أقيس كفائته في التنقيه والقضاء على البكتريا.

[lordnykon]

باناسونيك عندي انا كمان جبته من ٣ سنين ب ٢٤٠ جنيه، دلوقتي في كارفور ب ٥٣٠ جنيه تقريبا
و في وسط البلد ب حوالي ٣٩٠ أو ٤٠٠ جنيه.
الشمعة بتاعته دلوقتي ب ١٣٠ جنيه و بتتغير علي عدد الليترات مش الوقت،
يعني تحسب استخدامك قد إيه تقريبا في اليوم و تشوف هاتعيش قد إيه وقت.
انا شايف انه أحسن من حاجات تانية زي مثلا ماركة اسمها tank ولا ليه أي لازمة.

[Ahmed_Adham]

باناسونيك عندي انا كمان جبته من ٣ سنين ب ٢٤٠ جنيه، دلوقتي في كارفور ب ٥٣٠ جنيه تقريبا
و في وسط البلد ب حوالي ٣٩٠ أو ٤٠٠ جنيه.
الشمعة بتاعته دلوقتي ب ١٣٠ جنيه و بتتغير علي عدد الليترات مش الوقت،
يعني تحسب استخدامك قد إيه تقريبا في اليوم و تشوف هاتعيش قد إيه وقت.
انا شايف انه أحسن من حاجات تانية زي مثلا ماركة اسمها tank ولا ليه أي لازمة.

خد بالك فلتر باناسونيك فيه منه 4.5 لتر/الدقيقه وفيه 6 لتر/الدقيقه وانا جربتهم الاتنين وطبعا الصغير عايز طوله بال شويه في الملو لكن الكبير سريع في تدفق الميه. ده اللي انا اقصده

Products - Water Purifier - Carbon Filtration System - PJ-6RF

فعلا عمر الشمعه 10-12 الف لتر بس الواحد صعب جدا يحسب الاستهلاك باللتر فمجازا بتعتبر 6 شهور داخل بيت انما لو في مكان استهلاك عالي زي مطعم مثلا هيبقى فيه فرق. بس بقت ب 130 جنيه طبعا بعد زياده الدولار. أنا هجيب قريب عشان ال 3 اللي كنت شاريهم ركبت أخر واحده منهم من شهرين.

أنا فعلا مقتنعتش بتانك والكلام الفاضي ده حتى لو عملوه 20 مرحله مادمت مش واثق في كفائه التصنيع واعتماديته.

[احمد 70]

عايز اجيب فلتر نوعه محترم ويكون صحى مفيش منه ضرر لانى قريت كلام كتير عن مخاطر للفلاتر
وهيشتغل على مياه جوفيه (يسون) ماسوره فى بير جوفى
يعنى مفيش كلور ولا روائح للمياه وفيها نسبة املاح عاليه شويه
وياريت الفلتر يكون نوعه بيعالج الاملاح مش بيشلها خالص
والمفروض يكون كام مرحله

[alfath8]

يعنى نجيب بانسونيك طيب الموديل ايه والسعر كام