لو مكانى تعمل ايه؟؟؟؟؟؟؟؟؟

[midoabdeen]

السلام عليكم ورحمه الله وبركاته
من عشر شهور بالظبط كنت متقدم فى كذا شغل واتقبلت فى اتنين مع بعض منهم شركه قطاع خاص و المكان تانى سغل حكومى
المهم سمعت كلام والدى ودخلت الحكومه من باب الامان والجو دا
اللى انا فيه دلوقتى بقى مرمطه بمعنى الكلمه مرتبى فى الشغل 850ج طبعا ولا ليهم اى لازمه دا عليا كل شهر 1200ج جمعيات بس دا طبعا غير مصاريفى
واضطريت انى اشتغل بعد الظهر بخلص شغلى الساعه 4 واطلع على شغلى التانى انا شغال فى مجال المعمار وطبعا اروح كل يوم الساعه 1 و2 باليل وعامل زى الطور اللى مربوط فى ساقيه
دا من الناحيه الماديه وطبعا من الناحيه النفسيه زى الزفت شغل روتينى من الدرجه الاولى ومطحون فى الشغل كانك فى قطاع خاص واكتر كمان على 850 فى الشهر
والمفروض اننا بتثبت بعد 3 سنين ياعنى المفروض انى استنى ال فتره دى علشان اعرف اعمل اجازه بدون مرتب واشوف حاجه تانيه

المهم بقى الشركه اللى كنت قدمت فيها واتقبلت فى الاول انا على اتصال بحد فى الشركه وهما فتحوا قسم والراجل كلمنى وقالى عايزينك معانا وهبدا من 3000ج

فتحت الموضوع مع والدى اتخانق معايا بما فيه الكفايه
هو مين الصح بقى ومين الغلط
انا من وجهه نظرى انى عايز اطحن فى الشغل بس اتعلم حاجه ياعنى فى الحكومه انا شغال كاتب بعد التعليم دا كله ياعنى من الاخر ال3 سنين اللى هقضيهم مش هستفاد منهم لا خبره ولا فلوس
انما لما اطحن فى الشغل فى القطاع الخاص حتى لو سبت الشغل ممكن الاقى حاجه تانيه بخبرتى فى المجال دا وكمان المبلغ اللى هاخدته هقدر اكون بيه نفسى وفى نفس الوقت اقوى نفسى بكورسات لان ساعتها هيبقى عندى الوقت اللى اقدر اعمل فيه كده غير دلوقتى من شغلانه للتانيه وكمان الشركه اللى رايحلها ليها فروع برا مصر كتير ياعنى فى فرصه انى اسافر اى فرع برا مصر للشركه ودى بصراحه امنيه حياتى
مين بقى الصح ومين الغلط
اسف جدا على الاطاله
وشكرا.........

[ابو لؤى]

نفس قصه حضرتك واشتغلت فى القصر العينى ومرتب 160 جنيه وسبتها بعدها وحاليا قطاع خاص وطبعا قامت الثوره قووووم اييييه الناس كلها اتعينت هههههههههههههه بعد منا مشيت بشهرين الناس كلها اتعينت اللى كانت معايا نصيب

[Land_Cruiser]

لو حضرتك لسه في بدايه حياتك العمليه اهم هدف المفروض يبقي عندك انك تتعلم شغلك كويس و تبقي شاطر فيه و عندك خبره لان ده الأساس اللي هتعتمد عليه بعد كده وهيخلليك مطلوب في سوق العمل و بالنسبه للفلوس هي مهمه طبعا بس في المراحل الأولي بيبقي اكتساب الخبره اهم و لذلك انصحك بانك تختار الوظيفه اللي تساعدك علي اكتساب الخبره حتى و ان كانت بمرتب قليل في البدايه وطول ما انت مجتهد و بتحب شغلك ربنا هيكرمك بحاجات افضل و هتلاقي المرتب بيتحسن . من الوضع اللي حضرتك بتحكيه هتبقي محتاج حل وسط يرضي جميع الاطراف و ده يبقي بانك تخليك في شغل الحكومه الصبح انما هتحتاج تشتغل بعد الضهر في حاجه قطاع خاص تاخد منها خبره في المقام الاول و تحتها مليون خط و برضه فلوس و معلش هتتعب زياده بس لحد ما تتثبت في الحكومه و بعد كده تبقي تختار براحتك بعد ما هتكون جربت الشغلتين و كمان اتثبت في الحكومه و في الاول و الاخر انت بتبني مستقبلك فلا بأس ببعض المجهود الزياده في مقابل ذلك و اعتقد ان الحل ده هو الانسب لك لانك لو اعتمدت علي شغل الحكومه فقط مش هتاخد اي خبره و بعد كام سنه هتلاقي نفسك بقيت بعيد عن سوق العمل و معندكش اي خبره أما لو اخترت القطاع الخاص هتضيع منك مرتب مضمون و شويه امتيازات و كمان الحاله الاقتصاديه مش تمام اليومين دول فالقطاع الخاص مش مستقر ووارد انه يستغني عن العماله غصب عنه فترجع ساعتها تقول يا ريتني ما كنت سيبت الحكومه وده الحل اللي بيعمل زيه تقريبا دكاتره الكليات تلاقيه الصبح بيدرّس للطلبه علشان الناحيه النظريه و البرستيج و بعد الضهر في القطاع الخاص علشان الخبره العمليه و الفلوس طبعا قبل اتخاذ اي قرار عليك بالاستخاره و بالتوفيق لما فيه الخير

[Y a r i s]

انا لو مكانك لا طبعاً هسمع كلام ابويا
واروح ابوس ايدو وش وظهر واحب على راسو كمان واقولوا سامحني يابه وانا كنت غلطان وهسمع كلامك وهفضل في وظيفة الحكومة الي لا بتودي ولا تجيب ... وبعد ما تخلي ابوك يرضى عليك. اطلع على الشغل تاني يوم قدم استقالتك في الحكومة ورح اشتغل في الخاص هو انتا هتعيش كام سنة وولا. العمر بعزئة ... صحتك هتروح مع الحكومة على الفاضي بس متقلوهوش بقه علشان ميزعلش .

بس لو مجال وظيفتك في الحكومة فيها رشاوي وكدة .... يعني حتى لو عشرة من هنا او عشرين جنية من هنا اهو بريزة على ريال على شيلن لا طبعاً ساعتها اقولك خليك في الحكومة اضمن واحسن بلاقطاع خاص بلا وجع قلب . ... وبالتوفيق انشاء الله

[أحمد كمال]

والدك بيفكر بفكر الستينات

اقلب ...... يا عم انت بتقول المرتب اكتر من 3 اضعاف ...... طيب يعني لو رفدوك - لا قدر الله - بعد سنة هتبقى كانك قبضت قبض 3 سنين حكومة و يبقى معاك سنتين تدور على شغل !

و بعدين خلي بالك لو طولت في الحكومة هتتحرق و مش هتنفع تروح القطاع الخاص تاني لان ساعتها مش هيبقى فيه اي نوع من انواع الخبرة خالص


القطاع الخاص سهل تكبر و تتنقل من شركة لشركة و مرتبك يزيد و ممكن يجيلك شغل برة كمان


توكل على الله و انقل ....... و حاول تفهم الحاج بهدوء ان الرزاق ربنا و موضوع الامان و الجو ده ما يأكلش عيش

[Dr.Karim Emam]

بلا حكومة بلا وجع قلب
انفد بجلدك

[marsguy]

عاوز أوجه نظرك لحاجه تانيه

إنت لو إشتغلت في الحكومه فتره كبيره عقليتك هاتبقى شبه اللي حواليك

يعني مثلاً: لما بتروح بنك حكومي بتلاقي عقلية الموظفين إنه عادي أهزر براحتي وأشرب وأكل وأنا قاعد على الشباك ومش مشكله الناس تستنى يا عم ما هم كده كده قاعدين وحتى لو حد إشتكي المدير نفسه مش هايعمله حاجه.

لكن لما بتروح بنك خاص بتلاقى العقليه بتاعت الموظف إن الناس ما ينفعش تستنى بدون سبب ولازم أشتغل بسرعه على قد ما أقدر عشان ما حدش يتضايق ويشتكيني

لو إنت إشتغلت فتره في الحكومه هاتطبع بطباعها ولو حبيت تنقل شركه قطاع خاص محترمه غالباً مش هاتعدي الإنترفيو أصلاً ولو قبلت فيها هاتتعب عشان هاتعمل حاجه إنت مش متعود عليها خالص

[mr_safwt]

قطاع خاص طبعا

[Adel.Nasr]

القطاع الخاص افضل طبعا كفايه ان الشهر فيه يعادل ٣ شهور في الحكومي وغير كده بيبقى قدامك انك تكتسب فرص وخبره اكتر ترفع من مستوى معيشتك و بالتوفيق ان شاء الله

[AlGazar2]

سيب الحكومة و اشتغل قطاع خاص
شغل الحكومة ده كان زمان ايام الستينات دلوقتى بقى شغل تعب على الارض
ده غير ان شغل الحكومة لا خبره ولا فلوس شغل القطاع الخاص الى قدامك خبرة و فلوس و ده المهم فى المعمار

[midoabdeen]

اولا طبعا انا شاكر جدا على نصائح حضراتكم

نفس قصه حضرتك واشتغلت فى القصر العينى ومرتب 160 جنيه وسبتها بعدها وحاليا قطاع خاص وطبعا قامت الثوره قووووم اييييه الناس كلها اتعينت هههههههههههههه بعد منا مشيت بشهرين الناس كلها اتعينت اللى كانت معايا نصيب

نصيب بقى يا باشا

لو حضرتك لسه في بدايه حياتك العمليه اهم هدف المفروض يبقي عندك انك تتعلم شغلك كويس و تبقي شاطر فيه و عندك خبره لان ده الأساس اللي هتعتمد عليه بعد كده وهيخلليك مطلوب في سوق العمل و بالنسبه للفلوس هي مهمه طبعا بس في المراحل الأولي بيبقي اكتساب الخبره اهم و لذلك انصحك بانك تختار الوظيفه اللي تساعدك علي اكتساب الخبره حتى و ان كانت بمرتب قليل في البدايه وطول ما انت مجتهد و بتحب شغلك ربنا هيكرمك بحاجات افضل و هتلاقي المرتب بيتحسن . من الوضع اللي حضرتك بتحكيه هتبقي محتاج حل وسط يرضي جميع الاطراف و ده يبقي بانك تخليك في شغل الحكومه الصبح انما هتحتاج تشتغل بعد الضهر في حاجه قطاع خاص تاخد منها خبره في المقام الاول و تحتها مليون خط و برضه فلوس و معلش هتتعب زياده بس لحد ما تتثبت في الحكومه و بعد كده تبقي تختار براحتك بعد ما هتكون جربت الشغلتين و كمان اتثبت في الحكومه و في الاول و الاخر انت بتبني مستقبلك فلا بأس ببعض المجهود الزياده في مقابل ذلك و اعتقد ان الحل ده هو الانسب لك لانك لو اعتمدت علي شغل الحكومه فقط مش هتاخد اي خبره و بعد كام سنه هتلاقي نفسك بقيت بعيد عن سوق العمل و معندكش اي خبره أما لو اخترت القطاع الخاص هتضيع منك مرتب مضمون و شويه امتيازات و كمان الحاله الاقتصاديه مش تمام اليومين دول فالقطاع الخاص مش مستقر ووارد انه يستغني عن العماله غصب عنه فترجع ساعتها تقول يا ريتني ما كنت سيبت الحكومه وده الحل اللي بيعمل زيه تقريبا دكاتره الكليات تلاقيه الصبح بيدرّس للطلبه علشان الناحيه النظريه و البرستيج و بعد الضهر في القطاع الخاص علشان الخبره العمليه و الفلوس طبعا قبل اتخاذ اي قرار عليك بالاستخاره و بالتوفيق لما فيه الخير

ما هز المشكله ان شغل الحكومه بتاعى اسم وبس لكن الشغل طحن زى الخاص واكتر وكمان بخلص شغلى الساعه 4 ياعنى على ما اوصل مكان تانى فيها للساعه 5 مين هيشغلنى فى الوقت دا

انا لو مكانك لا طبعاً هسمع كلام ابويا
واروح ابوس ايدو وش وظهر واحب على راسو كمان واقولوا سامحني يابه وانا كنت غلطان وهسمع كلامك وهفضل في وظيفة الحكومة الي لا بتودي ولا تجيب ... وبعد ما تخلي ابوك يرضى عليك. اطلع على الشغل تاني يوم قدم استقالتك في الحكومة ورح اشتغل في الخاص هو انتا هتعيش كام سنة وولا. العمر بعزئة ... صحتك هتروح مع الحكومة على الفاضي بس متقلوهوش بقه علشان ميزعلش .

بس لو مجال وظيفتك في الحكومة فيها رشاوي وكدة .... يعني حتى لو عشرة من هنا او عشرين جنية من هنا اهو بريزة على ريال على شيلن لا طبعاً ساعتها اقولك خليك في الحكومة اضمن واحسن بلاقطاع خاص بلا وجع قلب . ... وبالتوفيق إن شاء الله

هههههههههههه والله ضحكتنى
رشاوى ايه بس دا انا بطلع من الساعه 7 الصبح ل 2 و 3 بليل علشان اكسب من الحلال يا راجل

والدك بيفكر بفكر الستينات

اقلب ...... يا عم انت بتقول المرتب اكتر من 3 اضعاف ...... طيب يعني لو رفدوك - لا قدر الله - بعد سنة هتبقى كانك قبضت قبض 3 سنين حكومة و يبقى معاك سنتين تدور على شغل !

و بعدين خلي بالك لو طولت في الحكومة هتتحرق و مش هتنفع تروح القطاع الخاص تاني لان ساعتها مش هيبقى فيه اي نوع من انواع الخبرة خالص


القطاع الخاص سهل تكبر و تتنقل من شركة لشركة و مرتبك يزيد و ممكن يجيلك شغل برة كمان


توكل على الله و انقل ....... و حاول تفهم الحاج بهدوء ان الرزاق ربنا و موضوع الامان و الجو ده ما يأكلش عيش

والله هو دا اللى بقوله بالظبط الخبره والفلوس اهم من التثبيت والكلام اللى يعود الواحد على الراحه دا

بلا حكومة بلا وجع قلب
انفد بجلدك

عندك حق

عاوز أوجه نظرك لحاجه تانيه

إنت لو إشتغلت في الحكومه فتره كبيره عقليتك هاتبقى شبه اللي حواليك

يعني مثلاً: لما بتروح بنك حكومي بتلاقي عقلية الموظفين إنه عادي أهزر براحتي وأشرب وأكل وأنا قاعد على الشباك ومش مشكله الناس تستنى يا عم ما هم كده كده قاعدين وحتى لو حد إشتكي المدير نفسه مش هايعمله حاجه.

لكن لما بتروح بنك خاص بتلاقى العقليه بتاعت الموظف إن الناس ما ينفعش تستنى بدون سبب ولازم أشتغل بسرعه على قد ما أقدر عشان ما حدش يتضايق ويشتكيني

لو إنت إشتغلت فتره في الحكومه هاتطبع بطباعها ولو حبيت تنقل شركه قطاع خاص محترمه غالباً مش هاتعدي الإنترفيو أصلاً ولو قبلت فيها هاتتعب عشان هاتعمل حاجه إنت مش متعود عليها خالص

نفس الكلام باردوا هو دا اللى بفكر فيه

سيب الحكومة و اشتغل قطاع خاص
شغل الحكومة ده كان زمان ايام الستينات دلوقتى بقى شغل تعب على الارض
ده غير ان شغل الحكومة لا خبره ولا فلوس شغل القطاع الخاص الى قدامك خبرة و فلوس و ده المهم فى المعمار

على فكره الشغل مش فى مجال المعمار
مجال المعمار دا انا شغال فيه من زمان انا اصلا كنت شغال فى النقاشه من صغرى وبقيت بمسك شغل لحسابى من وانا فى اولى جامعه لغايه دلوقتى هى شغلانه بتكسب اه بس على حساب حاااااااااجات كتير اوووى صحتك و مظهرك ووقتك ......

[AlGazar2]

حتى لو الشغل مش فى مجال المعمار
شغل الحكومه كان زمان لكن لو قدامك قطاع خاص و هايتأمن عليك و خبره اعلى و فلوس اكتر يبقى ايه الميزه فى الحكومة بقى ؟؟

[midoabdeen]

طيب انا خلاص استقريت انى هنقل على الشركه دى
بس خايف شويه من اللى بيحصل فى البلد اليومين دول لانى قلقان وحاسس ان فى مشاااااكل كتير هتحصل فى الفتره اللى جايه
ولا ايه رائيكوا فى الموضوع دا

[أحمد كمال]

طيب انا خلاص استقريت انى هنقل على الشركه دى
بس خايف شويه من اللى بيحصل فى البلد اليومين دول لانى قلقان وحاسس ان فى مشاااااكل كتير هتحصل فى الفتره اللى جايه
ولا ايه رائيكوا فى الموضوع دا

الرزاق ربنا

[bekatcho]

بص الحكومة عمرة ما هيخليك تحوش قرش
انا والدتى كبير مهندسين كهرباء وكانت عايزة تعينى عندها والكهرباء مرتبتها حلوة جدا
بس من الاخر عمرها ما فى البداية هتكفى مصاريفى الشخصية وتخلينى احوش واكون نفسى
اشتغلت فى مجال خاص بمرتب يعتبر كويس بس مش بيكفينى
وبصرف من جيبى شهريا فى حدود 1000 جنية شوفت بقى
جات والدتى قالتلى لو جالك التعين الكهرباء هتعمل اية
قلتلها من الاخر لو الدنيا اتهدت مش هدخلها
لية ومش لية وحلوة وحوافز ومش عارف اية وانا مرتبى وصل كام والكلام دة
قلتلها بالعقل انتى مرتبك حلو جدا بس انتى واحدة ليكى 25 سنة شغالة
لكن انا فى البداية يوم ما يضرب الدم هاخدلى كام 1000 او 1500 ولا يعملو اى حاجة فى الزمن دة
لكن المجال الخاص مفتوح وفلوسة كويسة
وصممت على رائى
انا ضد مبدا ان الاهل يتحكمو فى حياتى الشخصية
دى حياتى
انا الى هعيشها مش اهلى
اة يقدمولى النصيحة وانا اخد بيها او لا انا حر
لكن اشتغل الى يريحنى واجوز الى تناسبنى انا واعيش حياتى انا مش حياة حد
وعلى فكرة بخصوص المعمار لو شايف ان مجالة حلو ليك كمل فية بما انك بتفهم فية
وحبة حبة يبقى عندك شركتك والعمال بتوعك
انا واحد كان واخد شقتنا بيظبطها
تشوفة برة الشقة قمة الشياكة والاحترام
فمش قلة قيمة ولا حاجة نهائى