هي السجائر حلال في رمضان

[janagabr]

كل عام وانتم بخيرتقبل الله منا ومنكم صيامنا وقيامنا وسائر اعمالنا وغفر لي ولكم
ايه موضوع السجائر اللي الناس بتشربها الصبح في الصيام
الموضوع بقي منتشر جدا ومتلاحظ
وعيني عينك زي ما تقول فخور انه بيشرب والناس لا تقريبا بيحس انه متميز عن الاخرون
ومسلمين علي فكره
هل في شيخ من شيوخنا الروشين طلع فتوي للناس ده ولا ايه
اكتر نكتة بسمعها وببقي عايز ارجع
الشعب المصري متدين بطبعه
مش عارف انا بتوع الاخوان والسلفيين اللي قرفنا ببند الدستور وعايزين يكتبوا ان مصر بلد اسلامية
اسلامية ايه يا اسطي انت وهوده احنا شوهنا الاسلام ياريت يكتبها بوذية عشان لما العالم يشوف تصرفات الشعب المصري يقول الدين البوذي دة دين منحط وارهابي ومتخلف
وبكدة نبقي احنا كمصريين خدمنا الاسلام وضربنا عصفورين بحجر
اول حاجة شوهنا صورة الدين البوذي بتصرفتنا
تاني حاجة حمينا الاسلام من الافتراءات التي تقال عليه من تحت راسنا
شوفتوا بقي اني سياسي داهية
مكار من يومي ههههههههههههه

[micromoud]

انا فاكر برضه مرة على كورنيش النيل فى نهار رمضان كنت شايف بنت وولد قاعدين على الكرسى وواحد حاطط فرشة وبيبيع شاى وبيخدم عليهم .... أما بالنسبه للمدخنين الناس دول موجودين من زمان انا فاكر وانا صغير كنت بشوف القهاوى شغاله فى رمضان العصر وحاطين على الباب ستارة والناس جوا بتشيش ,,, بس تقدر تقول دلوقتى البجاحه زادت أووووووووى بدعوى الحريه اللى كان بيعمل الحاجه فى الدرا بيعملها فى العلن واحنا خلاص اتعودنا على كده وبنقول "عادى" ,,,,

[Mohamed_Hamid]

فى عهد النبى صلى الله عليه وسلم كان هناك من يسرق ومن يزنى ومن يقتل(طبعا مع الفارق الشاسع بين هذا المجتمع وبين مجتمعاتنا المتدنية حاليا ) بس قصدى اقول ان مفيش مجتمع نقى بنسبة 100% ولا ما تبقاش دى الحياة الدنيا وميبقاش فيه خطائين علشان الله تعالى يغفر لهم !
هو زى ما الأخ قال ان نسبة البجاحة زادت اوى اللى كان بيعمل كدة زمان كان بيتدارى علشان محدش يشوفه دلوقت بقى البجح يحط عينه فى عينك عادى. من اسبوعين كدة على اول الشارع وانا رايح الشغل الصبح شايف كام عيل شحط فى سن 18 سنة كدة قاعدين جنب بعض وكل واحد فيهم فى ايده ساندوتش اد دماغه ونازل حت فيه والساعة كانت لسه مجتش 9 الصبح.. اللهم عافنا واعف عنا.

[micromoud]

فى حاجه برضه متناقضه فى مجتمعنا ... يعنى مثلا احنا عارفين ان الصلاة فرض زيه زى الصيام فرض ... ليه بنعظم ذنب فرض عن فرض ؟ بمعنى اننا مثلا ممكن نكون شايفين واحد فاطر وبنبقى متدايقين اوى وواحد ما بيصليش فى وقت صلاه وبنشوفها عادى مع ان الاتنين فروض ؟؟

[Mohamed_Hamid]

^^^
كلام سليم برضه

[Mostafa.Mahran]

على فكرة فى ناس ملهاش علاقة برمضان خالص ولا اكنه موجود و للأسف مسلمين و عادى جدا

وبالنسبة لموضوع السجاير ايام الكلية كان فى واحد بيشرب سجاير فى رمضان و لما كنت بقوله ايه الى انت بتهببه ده قالى الصيام عن الاكل و الشرب و انا مش باكل ولا بشرب ده مجرد دخان بيدخل و يطلع تانى

[hnh_75]

الاعلام المصري يقوم بقتل كل القيم والمبادئ في الشعب المصري ويقوم بقتل هيبة فعل المحرمات فس نفوس الناس لكن نقول حسبنا الله ونعم الوكيل .....واي انسان يريد ترك التدخين يوجد حبوب اسمه شامبكس وهي حبوب الالمانية الصناعة وهي غالية وهي عبارة عن كورس لمدة ثلاث شهور وهي مجربة وانا شخصيا استفادة منه والحمدلله وتركت التدخين منذو اربع سنوات والحمد لله

[SAMEH_FOUAD]

ياباشا كل واحد حر , يعمل اللى هو عايزة , فى الاخر هو اللى هيشيل الليلة لوحدة , لما يتحاسب قدام ربنا , ساعتها كلة دة هيطلع علية

انت لو قعدت تدور فى سلوكيات الناس اثناء نهار رمضان , اعتقد هتقول حاجة واحدة " هو احنا فى رمضان ولا رمضان لسة ماجاش "

[Medicalist]

فعلا الموضوع زايد بس كلها اشكال غلط و سواقين تكاتك وبطلجيه

[SaSa.FireBlade]

انا ملاحظ ان 50% من الشعب فاطر بس فى الاول وى فى الاخر مليش دعوة مش انا الى هحسبة

[طارق _عبد السلام]

نسوا الله فانساهم انفسهم

ويجاهرون ويتباهون بالمعصيه

[طارق _عبد السلام]

[khaled_sabry]

و الله انا كنت عامل استاتس على الفيس بوك بخصوص الموضوع ده
"#خواطر اتذكر من 20 عاما بأنه كنت لاتجد فى الشارع من يجاهر بالافطار فى نهار رمضان حتى لو كان مسيحي و اتذكر والدى (عليه رحمة الله) بأنه كان يسب اى شخص يراهه يشرب سيجاره مثلا حتى لو كان داخل سيارته
اتذكر نظرات المجاهر بالافطار بأنها كانت نظرات مذعوره مررتبكه كأنه يفعل فعل فاضح و يخشى رؤيه الناس له

و الان
اصبح الجهر بالافطار شئ عادى جداا و بين المسلمين ايضا - و لا تجد نظره الذنب السابقه على وجهه و اصبح رمضان شهر المسلسلات التلفزيونه و تقليل اوقات العمل فقط"

[khaled_sabry]

انا كنت من يومين مسافر فى القطر لأسيوط علشان اجدد رخصه العربيه و فى الرجوع ماكنتش حاجز وانا راجع و طبعا المشوار كله كنت واخده واقف فى اخر عربيه القطر و الحته دى التكييف مش بيوصلها و كنت غرقان فى العرق و الحر
و اللى كان واقف جنبى كان معاه كذا زجاجه ميه ساقعه "و مشبره" و قاعد يشرب منهم الطريق كله و انا بشيل عيني من عليهم بالعافيه
و الشيطان كان بيلعب فى دماغى انى افطر انا كمان لأنى على سفر لكن الحمد لله اللى صبرنى لغايه وقت الافطار
بس وقت الافطار بقى انتقمت منه لأنى كنت مالى شنطتى عصائر و سندوتشات و فضلت اكل و اشرب قدامه من غير ما اعزم عليه عزومه مراكبيه و كنت حاسس انه باصصلى فى اكلى , بس و الله لو كان صايم كنت عزمت عليه فعلا

[nona_yaris]

بالفعل هناك اشخاص يطلق عليهم الاعلام لقب شيوخ ومفكرين لهم اراء غريبة
مثلا فيه اشخاص ( بدون ذكر اسماء ) يرو ان التدخين لا يفطر الصائم
وطبعا الاعلام بتاعنا كان بيقول عليهم مفكرين اسلاميين وعباقرة وسابقين عصرهم

خالف تعرف