هي السجائر حلال في رمضان

[S O P H O S]

في ناس فعلا لكن مش مقياس لينا فشئ

[Y a r i s]

السجاير حلال على اساس ايه انشاء الله
على اساس انها شوية بخور الواحد بيشمهم ... ولا نفس نظرية الولية الي بتطبخ فبتشم ريحة الاكل. وبشمها ده مبتفطرش. ... الحكمة في تحريم السجاير انها رغبة اي بالبلدي انتا بتبقى خرمان على نفسيين ... والرغبة هيا شهوهة. اي تشتهيهاااا ... والصيام هو انك بتصون نفسك وبتحرمها من جميع الشهوات وجميع. المسيئات البشرية. ... بتصون لسانك بتصوم عنيك بتصوم بقك .... الخ الخ .

ومهما عملنا. كل عمل ابن ادم له معادى الصيام فهو لله وحده ... وفي الاول والاخير اعمالك هتبقى قدام رب العالمين هو الي هيحدد يتقبل منك او لا يتقبل منك .... لان احياناً بتبقى صايم عن الاكل والشرب والشتايم والسجاير وكلوا كلوا بس قاعد متمدد كده عمال تفكر في البت مريم ولا البت انجي الجو بتاع زمان فتبوظ صيامك ... فربنا يتقبل منا اجمعين قادر يا كريم ويصلح احوالنا قادر يا حق .... وتحياتي

[تامر.محمد]

فى عهد النبى صلى الله عليه وسلم كان هناك من يسرق ومن يزنى ومن يقتل(طبعا مع الفارق الشاسع بين هذا المجتمع وبين مجتمعاتنا المتدنية حاليا ) بس قصدى اقول ان مفيش مجتمع نقى بنسبة 100% ولا ما تبقاش دى الحياة الدنيا وميبقاش فيه خطائين علشان الله تعالى يغفر لهم !
هو زى ما الأخ قال ان نسبة البجاحة زادت اوى اللى كان بيعمل كدة زمان كان بيتدارى علشان محدش يشوفه دلوقت بقى البجح يحط عينه فى عينك عادى. من اسبوعين كدة على اول الشارع وانا رايح الشغل الصبح شايف كام عيل شحط فى سن 18 سنة كدة قاعدين جنب بعض وكل واحد فيهم فى ايده ساندوتش اد دماغه ونازل حت فيه والساعة كانت لسه مجتش 9 الصبح.. اللهم عافنا واعف عنا.

كلام سليم
و للاسف البجاحة في المعصية دي جت من مبدأ اسيء استخدامه اسمه الحرية الشخصية
بمعنى
مفروض ﺍﻟﺤﻖ ان فلان مجاهر بالمعصية فهو شخص حقير لكن ماحدش هايدوس له على طرف
اساءة الاستخدام اتحطت على ان فلان بيعمل المعصية الفلانية و دي حاجة تخصه و ماحدش له فيها و اللي مش عاجبه هو اللي حقير
ده بقى الباطل :)

[mohamed handy]

انا يوم السبت الى فات كنت مسافر الصبح ماشى فى الشارع الناس كلها بتشرب سجاير والناس ماليه القهاوى وشاى وشيشه والله العظيم اتصلت بالجماعه بقولهم هوا رمضان خلص وانا مش حاسس
الى يخوف ان الناس مبقتش بتتكسف اصلا
ربنا يهدينا يارب

[MUSTANG 54]

ياباشا كل واحد حر , يعمل اللى هو عايزة , فى الاخر هو اللى هيشيل الليلة لوحدة , لما يتحاسب قدام ربنا , ساعتها كلة دة هيطلع علية

انت لو قعدت تدور فى سلوكيات الناس اثناء نهار رمضان , اعتقد هتقول حاجة واحدة " هو احنا فى رمضان ولا رمضان لسة ماجاش "

انا ملاحظ ان 50% من الشعب فاطر بس فى الاول وى فى الاخر مليش دعوة مش انا الى هحسبة

قوله تعالى : كانوا لا يتناهون عن منكر فعلوه فيه مسألتان :

الأولى : قوله تعالى : كانوا لا يتناهون أي : لا ينهى بعضهم بعضا : لبئس ما كانوا يفعلون ذم لتركهم النهي ، وكذا من بعدهم يذم من فعل فعلهم . خرج أبو داود عن [ ص: 188 ] عبد الله بن مسعود قال [OVERLINE]قال رسول الله صلى الله عليه وسلم : إن أول ما دخل النقص على بني إسرائيل كان الرجل أول ما يلقى الرجل فيقول يا هذا اتق الله ودع ما تصنع فإنه لا يحل لك ثم يلقاه من الغد فلا يمنعه ذلك أن يكون أكيله وشريبه وقعيده فلما فعلوا ذلك ضرب الله قلوب بعضهم ببعض ثم قال : لعن الذين كفروا من بني إسرائيل على لسان داود وعيسى ابن مريم ذلك بما عصوا وكانوا يعتدون إلى قوله : فاسقون ثم قال : كلا والله لتأمرن بالمعروف ولتنهون عن المنكر ولتأخذن على يدي الظالم ولتأطرنه على الحق ولتقصرنه على الحق قصرا أو ليضربن الله بقلوب بعضكم على بعض وليلعننكم كما لعنهم وخرجه الترمذي أيضا ، ومعنى لتأطرنه لتردنه . [/OVERLINE]

الثانية : قال ابن عطية :والإجماع منعقد على أن النهي عن المنكر فرض لمن أطاقه وأمن الضرر على نفسه وعلى المسلمين ; فإن خاف فينكر بقلبه ويهجر ذا المنكر ولا يخالطه . وقال حذاق أهل العلم : وليس من شرط الناهي أن يكون سليما عن معصية بل ينهى العصاة بعضهم بعضا ، وقال بعض الأصوليين : فرض على الذين يتعاطون الكؤوس أن ينهى بعضهم بعضا .

واستدلوا بهذه الآية ; قالوا : لأن قوله : كانوا لا يتناهون عن منكر فعلوه يقتضي اشتراكهم في الفعل وذمهم على ترك التناهي ، وفي الآية دليل على النهي عن مجالسة المجرمين وأمر بتركهم وهجرانهم ، وأكد ذلك بقوله في الإنكار على اليهود : ترى كثيرا منهم يتولون الذين كفروا


من الاخر مينفعش تقول انا مش هحاسبه او مليش دعوه او هو حر ...انت لو شايفه واحد ممكن تكلمه وحاسس انه ممكن يسمعك "ابن ناس يعنى" يبقي كلمه ..وكله بالحسنى .. ودخله حلوه كده.. اما لو من بعيد حاسس انه ممكن يعند" مثلا يقولك طب والله لروح اشترى علبه تانيه" او من اللى ف الشوارع وكده طبعا المصلحه هنا انك مش تكلمه لان لو كلمته تبقي مفسده سواء ليك او عليك ... لكن تنكر المنكر ده بقلبك على الاقل ..وكله بالسينس :) من الاخر ... ده ينطبق على اى حاجه منكر مش رمضان او صيام بس
وتذكر ان خيريه هذه الامه فى الامر بالمعروف والنهى عن المنكر بالموعظه الحسنه
( كنتم خير أمة أخرجت للناس تأمرون بالمعروف وتنهون عن المنكر وتؤمنون بالله ولو آمن أهل الكتاب لكان خيرا لهم منهم المؤمنون وأكثرهم الفاسقون ( 110 ) )

[mr.foxman]

حرام في رمضان و في غير رمضان
باعتبار انها بعد الفطار طبعا

[3mr Farrag]

انا ليا واحد صاحبي مسيحي
ايام الكليه والله كان يعتبر بيصوم معانا
ولا ياكل ولا يشرب ولا حتا من ورانا
مره رايح اقابله عند الكشك جنب الكليه ومحدش واقف معاه
ولقبت ازازه سفن مفتوحه وماتشربش منها حاجه
بقوله ايه ده....قاللي نسيت وكنت هشرب
كان بيعمل كده مراعاه للمسلمين ويتكسف يشرب قدمهم وهما عايزين يشربوا او يكلوا
يعرفهم او ما يعرفهمش

بس هو مسيحي فعلا علشان ماحدش يقولي ده اسلم بس مش عالن