خلاص انا ههاجر يعنى ههاجر ومش راجعها تانى بجد

[أحمد كمال]

انت بتحكم لمجرد سماع الموضوع من برة بس و متعرفش التفاصيل ولا رد الواد كان ايه

الموضوع من اوله غلط ..... ما ينفعش والده يقول له شيل الموتوسيكل لان الشارع ملكية عامة

[AHMEDCAR]

الموضوع من اوله غلط ..... ما ينفعش والده يقول له شيل الموتوسيكل لان الشارع ملكية عامة

احمد باشا عندى فى الشارع برضو واحد بيركن الموتوسيكل بتاعه و بياخد مكان عربيه لما مبلاقيش مكان بقوله يشيله و يحط الموتوسيكل بالطول على الرصيف يعنى بين عربيتتين بدل ماهو حاطه بالعرط وواخد مكان عربيه

يمكن ده اللى كان والده قصده عليه

[khaled_sabry]

انت ما قلتش هو عمل ايه مع والدك بالظبط ، بس انت اللى معاك مطواه وطلعتها الاول وعورته وانت اللى صبيت عليه "بنزيم" وانت اللى خبطته بحجر الرصيف !

يا ترى لما هتهاجر هتخلى المطواه في جيبك برضه

ما تزعلش منى انت غلطان

مع احترامى ليك لكن انتا اللى صعدت الموضوع و خليته بدل مايبقى زعيق ياخد المنحنى الدموى ده
انا عارف انك انفعلت علشان والدك و عندك حق طبعا - لكن انا اللى شايفه انك انتا اللى صعدت الموضوع و التانى كان تقريبا بيدافع عن نفسه
هو يادوب جاب سنجه - لكن انتا غرقته بالبنزين و كنت حتحرقه و انتا اللى جبت خرطوش
على فكره انا كمان بفكر فى الهجره بس بسبب فتح الصدر و التصعيد الغير مبرر اللى انتا و غيرك بتعملوه ده
يأ اخى ده مره كنت داخل فى الشارع بتاعى و كنت برجع بضهرى علشان اوسع لعربيه تطلع و كان فيه واحد و البنت بتاعته بيعدو ورا العربيه بالراحه خالص و مش واخدين بالهم
فانا بقولك امشى بسرعه شويه علشان العربيات اللى متعطله و الشارع اللى واقف - لاقيته جهه و عاوز يقل ادبه يقولى انتا بتتكلم كده ازاى و حزعلك و مش حزعلك و شكله كده كان بيتلكك علشان يعمل منظر قدام صاحبته - و انا معايا سلاح فى تابلوه العربيه و كان ممكن اكبر الموضوع بس قولت الحكايه مش مستاهله خناقه اصلا

الموضوع من اوله غلط ..... ما ينفعش والده يقول له شيل الموتوسيكل لان الشارع ملكية عامة

انا على فكره ما اهتمتشى بسبب الخناقه قد اهتمامى بتطور الخناقه - احنا فعلا مانعرفشى هو راكن ازاى الموتوسيكل و راكن فين و عرض الرصيف نفسه علشان نقدر نحكم
ده غير ان الموتوسيكل ممكن يتركن على الرصيف و تبقى ريحت الدنيا كلها
فيه واحد جارى بيحب دايما يركن بحيث يبقى واخد مكان عربيتين - و مره لاقيته زاقق عربيتي لورا لدرجة انه قفل مدخل البيت عندى علشان يعمل نفس الحركه و يسيب قدام عربيته 2 متر و وورا 2 متر تانين لو طبقنا قاعدة الشارع ملكيه عامه يبقى عنده حق فيها !!!

[SaSa.FireBlade]

انت ما قلتش هو عمل ايه مع والدك بالظبط ، بس انت اللى معاك مطواه وطلعتها الاول وعورته وانت اللى صبيت عليه "بنزيم" وانت اللى خبطته بحجر الرصيف !

يا ترى لما هتهاجر هتخلى المطواه في جيبك برضه

ما تزعلش منى انت غلطان

اولا المطوة دى بخليها سعات معايا كدة عشان لو اتثبت او حاجة زى كدة وسعات بيبقا معايا اليكتريك بس انتا لو مكانى هتسمى علية ؟؟؟

[SaSa.FireBlade]

الموضوع من اوله غلط ..... ما ينفعش والده يقول له شيل الموتوسيكل لان الشارع ملكية عامة

طب تعالا نقلها كدة واحد راكن موتوسيكل بمكان عربية ونص ابويا بيقولو شيل الموتوسيكل قدام شوية قالو لاء قالو لاء ازاى يبنى انا عايز اركن العربية قدام محلى بجح وقل ادبو انتا لو مكانى هتعمل اية ؟؟؟؟؟

[SaSa.FireBlade]

انت غلطان و والدك غلطان

المحل بتاع والدك بس الشارع مش بتاعكم و اللي عايز يركن يركن و والدك يركن في مكان تاني لو المكان مشغول


و انت اللي بدات البلطجة و احب اقول لك انك لو كنت في دولة عربية (مش هاقول لك امريكا و لا اوروبا و لا استراليا) كنت هتتنفخ ميري

انا لو كنت فى دولة محترمة مكنش واد زى دة هيقل ادبوا ويرزع فى العربية لراجل اكبر من ابوة

[SaSa.FireBlade]

وعلى فكرة انا اول مرة فى حياتى اعمل حاجة زى كدة بس انا خلاص فاض بيا مبقتش قادر استحمل اى حاجة تانى والى لاحظتو فعلن ان انا بعد ما عملت الشويتين دول بقا يتعملى الف حساب فى الشارع بتاع المحل صحيح مغلطش الى قالها
(عالم تخاف متختشيش)

[أحمد كمال]

انا لو كنت فى دولة محترمة مكنش واد زى دة هيقل ادبوا ويرزع فى العربية لراجل اكبر من ابوة

و لو في بلد محترمة و صاحب محل قال لي ما تركنش قدامه عشان اركن عربيتي هاطلب له البوليس ! و ساعتها ما تزعلش !!

[أحمد كمال]

طب تعالا نقلها كدة واحد راكن موتوسيكل بمكان عربية ونص ابويا بيقولو شيل الموتوسيكل قدام شوية قالو لاء قالو لاء ازاى يبنى انا عايز اركن العربية قدام محلى بجح وقل ادبو انتا لو مكانى هتعمل اية ؟؟؟؟؟

ازاي موتوسيكل واخد مكان عربية و نص ؟؟؟؟؟؟

[shaddadfalcon1]

والد حضرتك غلطان لانه ملوش يقوله شيل الموتوسيكل
حضرتك غلطان لانك انفعلت وعملت كل ده علي حاجه متستهالش

تفتكر لو سمعنا الحكايه من الولد التاني هتبقي شكلها عامل ازاي؟
واحد قالي شيل الموتوسكيل وحصل شوية تجاوزات في الكلام وهوبا لقيت ابنه داخل عليا وضربنا بممطواة ورمي عليا بنزين وعايز يحرقني ووووووو
تفتكر لو كنتو رحتو القسم كان هيحصل ايه ؟ علي افتراض يعني ان القسم فيه حد محترم؟

لو شايف ان اللي انت عملته صح يبقي انصحك تهاجر علي اول طيارة بس ياريت متعملش كده بره عشان هتتبهدل

[noureymo]

بصراحة انا لو كنت مكانك مش عارف كنت هعمل ايه
لكن الي انا عارفه انك غلطان في الي انت عملته ده
انت راجل محترم وابن راجل محترم
لكن للاسف الي حصل ده ما ينغعش يطلع غير من الناس الي مش مظبوطة
انا مقدر انفعالك فعلا

لكن انت فعلا ما قلتش الواد عمل ايه
انت الي عملت كل حاجة

وبعدبن يا اخي
الراجل موقف الموتوسيكل في الشارع
معناه ايه انك او والدك الفاضل يقوله شيل الموتوسيكل علشان انا اركن
انا لو ركنت وجه حد قالي امشي من هنا علشان انا اركن
عمري ما همشي مهما حصل
لكن في نفس الوقت مش هقل ادبي على الناس زي ما الولد ده عمل مع والدك الفاضل
عموما حاول تهدى في تصرفاتك وخد بالك ان الي انت عملته ده ممكن يكون عاجبك انت وصحابك
لكن للاسف الناس المحترمة في المنطقة الي انت ساكن فيها خلاص عرفوا انك بلطجي(للاسف)
ربنا يهدي نفسك
وارجوك طول بالك واحسب 100 حساب لاي حركة هتصدر منك
يعني مثلا انت طلعت المطوة (الاوتوماتيك )

يعني ايه مطوة اتوماتيك ؟؟؟؟؟؟؟؟؟؟؟؟؟؟؟؟؟؟؟؟؟؟؟

وبعد كده خفت اول ما الولد ده راح جاب كزلك
طب ينفع كده
تعمل حاجة وبعد كده تخاف من رد الفعل
ولا الاول تشوف رد الفعل ممكن يكون ايه قبل ما تتصرف
تاني مرة
احسبها الاول قبل ما يصدر منك اي فعل
وكل سنة وانت طيب

[monamize4]

امانة عليك يا باشا لو لقيت اى هجرة ابقى ابعتلى معاك
لان بجد البلد دى مافيش منها امل
و اللى يغيظ بجد لما حد يطلع يقولك احنا شعب متدين بطبعه


و نصيحة ليك ,, حاول تعمل كنترول على نفسك شوية

[casperinoo]

بعد ماقريت الكلام اللي انت كاتبه من طرف واحد ..واللي اكيد التفاصيل تدينك اكتر من كده ..
اقدر اقولك انك غلطان مليون في المايه ..

[monamize4]

قدم هجره كندا واستراليا اكتر بلدين نوعا كويسين فى الهجره والمجال

استراليا ماشى ,, و للعلم الهجرة هناك مبقتش بسهولة زمان
لكن الهجرة لكندا صعبة جدا لكنها فعلا من افضل الاماكن اللى يتعاش فيها ف العالم

انت غلطان و والدك غلطان

المحل بتاع والدك بس الشارع مش بتاعكم و اللي عايز يركن يركن و والدك يركن في مكان تاني لو المكان مشغول


و انت اللي بدات البلطجة و احب اقول لك انك لو كنت في دولة عربية (مش هاقول لك امريكا و لا اوروبا و لا استراليا) كنت هتتنفخ ميري

انا عملت like للبوست دا بالغلط و كان قصدى اعمل like للبوست اللى بعده

خلينا نتكلم بشكل عام بعيد عن الحوار دا
احنا مش عايشين ف امريكا او استراليا ,, احنا ف مصر
و فى مثل مشهور بيقول when in Rome , do as the Romans do
و لو احنا ف استراليا و حصلت مشكلة , هيبقى تصرف الطرفين مختلف

عشان كلامى يبقى واضح ,,
انا مش بأيد اننا نعيش ف غابة او بمعنى اصح حديقة حيوانات
لكن لو اتحطيت ف موقف ,, يبقى لازم تسد و مش هتقول ساعتها (الناس ف استراليا بيتصرفوا ازاى؟)

ارجو ان كلامى ميكونش ضايقك

[abou_ruqi]

الموضوع ده استفزني جدا بصراحة! هو خلاص بقى الطبيعي في البلد قلب ميزان العدل ؟

تهاجر فين يا طيب حضرتك غير مرحب بيك في مجتمعات زي استراليا وكندا ، سيب الناس هناك عايشة في سلام

اولا والد حضرتك الكريم عاوز ياخد حاجة مش من حقه وبيستهين بالموتوسيكل وشايف ان عربيته احق! ده اسمه ايه ؟ مين اداله الحق انه يطلب منه يحرك مكانته حتى ولو بالذوق ؟ الراجل لقى مكان فاضي وركن فيه بسلام! لو شايف ان ده من حقه ارجوك ماتسافرش استراليا او كندا

ثانيا ، حضرتك بتتخانق مع الولد قمت بافتح عليه المطواه ، حضرتك في الاسلام ده اسمه اشهرت سلاحك في وجه المسلم
قال صـلى الله عليه وسلم قال « من حمل علينا السلاح.فليس منا » وقــــال « من أشار إلى أخيه.بحديدة فإن الملائكة تلعنه ، وإن كــــان أخاه لأبيه.وأمه.

والولد ده مظلوم سواء منك او من والدك ودعوته لا ترد ، ولو هو ماشي قال حسبنا الله ونعم الوكيل ، حضرتك تنتظر عقاب الله في الدنيا لانه لن ينتظر للاخرة
انصحك بالتوبة والندم

الخلاصة اللي انت عملته اسمه بلطجة يعني حضرتك بلطجي زي بقية البلطجية اللي مالوا البلد ، تسيبها وتروح فين يا راجل خليك قاعد ، انت حتعرف تعمل كده في اي دولة محترمة في العالم!

وكمان بتحكي للناس في منتدى على الانترنت ؟ انت غريب جدا بصراحة