خلاص انا ههاجر يعنى ههاجر ومش راجعها تانى بجد

[mr_vampire]

المشكلة ان السلاح ف متناول الجميع ,,, ايه الحل بقى ؟[/color]

وهل لما حد يرفع عليا سلاح ارفع عليه سلاح ( او يبقي التصعيد للدرجة اللي حصلت فالموضوع هنا من مطوة وبنزين و18 طلقة ).. تمام الراجل معذور وليه حق يرد اعتبار والده بس بقدر مماثل انما شوفت لما رفع مطوة وعمل اللي عمله الواد راح جبله سلاح هو كمان. هل ده مقبول ؟؟؟؟

امال فين الفرق بقي بين المتربي والغير متربي... وبين المتعلم والجاهل .... والبلطجي والمحترم ؟؟؟؟؟؟؟؟؟

[Y a r i s]

ياترى ضربك بالمطوة فين !
لو في الخد هتبقى علامة طول العمر الناس تبعد عنك وتقول عليك رد سجون وميعرفوش ان الموضوع موضوع موتسيكل. وساعت شيطان وكده ... هيفتكروا على طول انك قطاع طريق ورد سجون .... ولو الموضوع اتطور وفقعت عينو ياترى هل يرضيك تخليه يعيش طول عمروا اعمى علشان هو واد مش متربي اكيد لأ .. طيب ياترى لو قتلتوا ووقفت قدام القاضي مش هنقول وقفت قدام ايد رب العالمين .... وقفت قدام القاضي او وكيل النيابة وقالك قتلتوا ليه هتقولوا اصلو قال كزا كزا كزا لابويا ومرضاش يسمع الكلام ويشيل الموتسيكل

انا معاك انوا موقف مستفز وبالذات العيال الشمامة بتوع الموتسيكلات وفكرين نفسهم ياما هنا وياما هناك وهو كلوا على بعضوا بمكنتوا بسلطاتوا بي بابا غنوبوا ميسواش تمن حتى تمن موبايل واحد في جيبك .... وهو فاكر انو ملك الكون بالمكنة بتاعتوا دي ومن حقوا ياخود مكان عربيتين ... مع انو ممكن يوقفها بالورب كده .... بس برضوا قلت ادبوا وسفلتوا مستواش ضربت المطوة الي خدتها والبلي الي خدتو في رجلك حياتك اغلى من ده كلو. .... انا عارف ان وحشه في حقكم. ان حد يعلم عليكم في السوق وان مكنش ردكم قووي هتبص تلاقي كل من هب ودب يعمل فيكم اكتر من كده بس يا اخي احنا في رمضان برضوا. والرحمة حلوة المهم ايه هو الكذلك ده شكلوا ايه !

[eleanor]

ياترى ضربك بالمطوة فين !
لو في الخد هتبقى علامة طول العمر الناس تبعد عنك وتقول عليك رد سجون وميعرفوش ان الموضوع موضوع موتسيكل. وساعت شيطان وكده ... هيفتكروا على طول انك قطاع طريق ورد سجون .... ولو الموضوع اتطور وفقعت عينو ياترى هل يرضيك تخليه يعيش طول عمروا اعمى علشان هو واد مش متربي اكيد لأ .. طيب ياترى لو قتلتوا ووقفت قدام القاضي مش هنقول وقفت قدام ايد رب العالمين .... وقفت قدام القاضي او وكيل النيابة وقالك قتلتوا ليه هتقولوا اصلو قال كزا كزا كزا لابويا ومرضاش يسمع الكلام ويشيل الموتسيكل

انا معاك انوا موقف مستفز وبالذات العيال الشمامة بتوع الموتسيكلات وفكرين نفسهم ياما هنا وياما هناك وهو كلوا على بعضوا بمكنتوا بسلطاتوا بي بابا غنوبوا ميسواش تمن حتى تمن موبايل واحد في جيبك .... وهو فاكر انو ملك الكون بالمكنة بتاعتوا دي ومن حقوا ياخود مكان عربيتين ... مع انو ممكن يوقفها بالورب كده .... بس برضوا قلت ادبوا وسفلتوا مستواش ضربت المطوة الي خدتها والبلي الي خدتو في رجلك حياتك اغلى من ده كلو. .... انا عارف ان وحشه في حقكم. ان حد يعلم عليكم في السوق وان مكنش ردكم قووي هتبص تلاقي كل من هب ودب يعمل فيكم اكتر من كده بس يا اخي احنا في رمضان برضوا. والرحمة حلوة المهم ايه هو الكذلك ده شكلوا ايه !

انت مشكله والله سبت كل حاجه ومسكت فى الكذلك

[monamize4]

وهل لما حد يرفع عليا سلاح ارفع عليه سلاح
لو حد رفع عليك سلاح يبقى ترفع عليه سلاح ,, اومال هتدافع عن نفسك ازاى؟

( او يبقي التصعيد للدرجة اللي حصلت فالموضوع هنا من مطوة وبنزين و18 طلقة )..
تمام الراجل معذور وليه حق يرد اعتبار والده بس بقدر مماثل انما شوفت لما رفع مطوة وعمل اللي عمله الواد راح جبله سلاح هو كمان. هل ده مقبول ؟؟؟؟
عارف يا باشا ,, الواحد ممكن يسامح ف حق نفسه لكن لو لقيت حد بيعمل كدة ف والدك ,, اكيد الدم هيغلى ف دماغك

امال فين الفرق بقي بين المتربي والغير متربي... وبين المتعلم والجاهل .... والبلطجي والمحترم ؟؟؟؟؟؟؟؟؟
يعنى ياباشا المفروض المحترم المتعلم المتربى لو شاف والده بيحصل معاه كدة يعمل ايه ؟!!!!

[mr_vampire]

بصراحة بتختلف من واحد للتاني ممكن واحد اترفع عليه سلاح ميرداش ينزل للمستوي ده واينعم هيبقي دمه بيغلي ويرجع البيت حاسس انه اتعلم عليه ( زي ماشباب هنا حصل معاها مواقف ومسكت نفسها ).

وانا معاك ان حاجة في حق الاب والام بالذات بتبقي جامدة بس برده العقل مطلوب وميبقاش التصعيد لدرجات اعلي تتسبب انك تضيع نفسك.

علي فكرة انا قولت انه معذور وليه حق انه يعمل اي حاجة بايده عشان يرد اعتبار اهانة والده. بس ميبقاش هو اللي بدء انه يطلع سلاح ويبدء هو السكة ده.

مع اني اصلا مش عايز احكم بزيادة عالوضع لاني سمعت من وجهة نظر واحدة وده مش كفاية. بس البداية اصلا غير مقبولة ان حد يقول لحد شيل الموتوسيكل او العربية ده من هنا ( كلنا بنتعرض للموقف ده لما تيجي تركن ادام محل ومتهيالي كلنا بنبقي زهقانين وماصدقنا لقينا ركنة )... وفي نفس الوقت معتقدش ان يكون رد فعل الواد ( وبالذات انهم معرفة او جيران فالمحلات ) انه يغلط وش كدة فراجل اد ابوه ويمسك فيه.

اعتقد في جزء متحكاش.

[eslamrace]

بص مش حتلاقى اتفاق على راي واحد ان اللى انت عملته ده صح ولا غلط ورد فعلك كان على مستوى الموقف ولا انت افورت شويه بس انا حابب اعلق على شويه نقط وده مش للموقف اللى انت اتحطيت فيه لان اكيد اللى بيسمع غير اللي حصله الموقف انما تعليقى عام وعلى حال البلد اللى عايشينه دلوقتى :
*مينفعش كل واحد يشيل سلاح ويقول انه بس للدفاع عن النفس لان ممكن فى ساعه شيطان يكون وسيله عدوان وترتكب بيه حاجه تندم عليها ومتقدرش تصلح اللى حصل ، اللى المفروض يحصل ان اى مواطن يشاف ماسك سلاح بدون ترخيص او سلاح ابيض يتحاكم وتتغلظ عقوبته لان ترخيص السلاح بيكون لاشخاص محدده لاننا فى دوله مش عايشين فى صحراء لازم تكون جهات محدده هى اللى شايله سلاح وفساد المنظومه مش معناه نمشي غلط ونبرر الغلط .

*لو فاكر بره الدنيا لطيفه ومفيش قلق ولا بلطجه احب اقولك البلطجه والغباء وقله الادب والفقر موجود فى كل بلاد العالم بدليل ان ابن خالتى فى امريكا لسه من شهر بالظبط خلص شغل وهو مروح البيت بالليل وقف فى البنزينه اتثبت واتاخد فلوسه ولما طمعوا فى الساعه وكانت عزيزه عليه ورفض يديهالهم اخد 12 غرزه فى ايده واتضرب لما اتعدم واخدوا الساعه برضه وانا شخصيا وانا هناك سمعت بلاوى من طبقه معينه فى السود والشغل هناك على عصابات وسلاح تقيل وتار وكده وشفت بعينى على الطرق السريعه شحاتين طبعا اسلوب الشحاته مختلف "بيقعد فى حاله وماسك يافطه مكتوب عليها انه محتاج مساعده" ولكن فى الاخر شحاته برضه فكل بلد فيها من كل لون .

*الفرق الوحيد بين بلدنا والدول المتقدمه ان عندهم نظام وقواعد اهمها احترام الملكيه العامه والملكيه الخاصه فالشارع ملك للجميع ومش من حقك تفرض سيطرتك على جزء منه باى داعى واملاكك الخاصه ملك ليك ومش من حق حد ييجى عليها ولو بنص سم .

*لو كل واحد فينا قال انا بتعامل بالشكل ده علشان اعرف اعيش او علشان المجتمع هو اللى فارض الاسلوب ده لازم نعرف ان مجموعه الافراد هى اللى بتكون المجتمع يعنى كل واحد فينا جزء سواء من صلاح المنظومه او فسادها ولو كلنا فكرنا نهاجر علشان بره الجو افضل يبقى مصر هتتفضل للغوغاء ويضيع منها الاحترام فالهروب من الوضع مش هو الحل .

*الغربه ليها ضريبه خصوصا لو حتنزل بمستواك اللى انت عايشه فى بلدك وتبدا من الصفر فى بلاد النجاح فيها اصعب من بلدك بمراحل مش بس نجاح تعليمى انما نجاح فى اى مجال فمتفتكرش ان الدول الاخرى حتاخدك بالاحضان وتحقق ذاتك بسهوله وعلشان كده اللى بينجح بره لما تتكلم معاه تعرف قد ايه الشقى موجود فى كل حته لان النجاح مش سهل .

*كان لازم تحط فى اعتبارك انك اخدت حقك بدراعك وده اسهل طريق لاخد الحق بس احتمالات ان حقك يضيع بزياده اكبر يعنى انت ضربت شخص لانه ازاك طيب لو هو مشي وانت حسيت بالنصر وجاب ليك عيلته مدججين بالسلاح وعايزين حق البنى ادم ده بنفس الطريقه تفتكر وضعك حيكون ايه ولو انت جبتلهم عيلتك اكيد الشرطه حتدخل وساعتها حيكون فى دم والشرطه مش حتفرق بينك وبين البلطجى وساعتها فعلا حتحس بضياع نفسك واحترامك ليها .

*فى الغالب اللى تلاقيه بيعمل رد فعل عنيف على شئ هايف تعرف ان اكيد ضغوط الحياه ومشاكلها جايه على البنى ادم ده ولازم تحتويه علشان لما تبقى فى نفس ظروفه غيره يتحملك لان كلنا ساعات بنيجى على حد بسبب حاجه هو ملهوش زنب فيها ويمكن لو رد فعلك كان اهدى شويه وجبت للشخص ده كبير واتكلمت معاه كان اعتزر لوالدك لانه اكيد عارف ان اللى حصل كان غلط ومكنتش كسبت عداوه شخص ممكن الزمن يجبرك تتعامل معاه فى وقت من الاوقات .

*الله يحرق السبكى ومن على شاكلته اللى ربي الجيل الجديد على ان شخصيه عبده موته والالمانى هى اللى بتجيب الحق وهى البطل وجان السينما اللى علي الشباب يكونوا زيه وما شاء الله بقالنا 3 سنين كده مفيش الا نوعين من الافلام يا القذاره دى يا قذاره جنسيه وطبعا كل اللى عايز يدخل سينما محصور بين النوعين دول ولان مفيش اهل بيربوا لان الشغل واخد كل الوقت علشان الظروف الاجتماعيه ولان لازم الام تشتغل علشان تحقق زاتها وبرضه نكمل بقيه الشهر ولان المدارس والمدرسين اصبحم ميغه ووكر للفساد والمدرسين هم المفسدين فالاجيال الجديده لها التلفزيون السينما والشارع يربيهم .
ولنا هنا عتاب على جميع من ادار البلاد انه لم يهتم بالتعليم ولا حتى د/ مرسي بالرغم ان التعليم مش محتاج غير تعديل المناهج والنظم التعليميه وتاهيل المدرسين وعندنا الكفاءات اللى ممكن تنفذ ده بسهوله بس واضح ان التعليم مش من اولويات النظم الحاكمه .

....فى الاخر عايز اقول لصاحب الموضوع لو كلنا حصلنا اللى حصلك وعملنا نفس تصرفك واخدنا نفس قرارك فالبلد بعد 5 سنين حتتحول لبلد من الغوغاء بلا محترمين واما ان اللى عايش فيها يتحول لسلوك اللى عايشين فيها ييهاجر هجره غير شرعيه لان اكيد الطرق الشرعيه حتكون اتقفلت بعد تصنيف البلد انها بلد سلوك شعبها اصله الاجرام

عايزك تهدى وتراجع نفسك وتحاول تصلح فى سلوكك وسلوك اللى حواليك علشان نقضى على الفئه الضاله اللى فى البلد وبعد 5 سنين الناس تتمنى تهاجر لبلدنا تفائل واعرف ان العنف عمره مبيكون الحل الامثل لاى مشكله ولكن هو الحل الاسهل
تحياتى.

[mr_vampire]

*
.................................................. .................................................. ............ز
الله يحرق السبكى ومن على شاكلته اللى ربي الجيل الجديد على ان شخصيه عبده موته والالمانى هى اللى بتجيب الحق وهى البطل وجان السينما اللى علي الشباب يكونوا زيه وما شاء الله بقالنا 3 سنين كده مفيش الا نوعين من الافلام يا القذاره دى يا قذاره جنسيه وطبعا كل اللى عايز يدخل سينما محصور بين النوعين دول ولان مفيش اهل بيربوا لان الشغل واخد كل الوقت علشان الظروف الاجتماعيه ولان لازم الام تشتغل علشان تحقق زاتها وبرضه نكمل بقيه الشهر ولان المدارس والمدرسين اصبحم ميغه ووكر للفساد والمدرسين هم المفسدين فالاجيال الجديده لها التلفزيون السينما والشارع يربيهم .
.................................................. .................................................. .........
.

تسلم ايدك والجزء ده فعلا مهم. ان دلوقتي كله بقي يقلد اللي بيشوفه.

دلوقتي كمان فيلم علي نفس الشاكلة اسمه ( قلب الاسد ) فيه كـــــــــــــــــــــــل اللي تتخيله وكافي وكفيل انه يبوظ جيل.

[eslamrace]

تسلم ايدك والجزء ده فعلا مهم. ان دلوقتي كله بقي يقلد اللي بيشوفه.

دلوقتي كمان فيلم علي نفس الشاكلة اسمه ( قلب الاسد ) فيه كـــــــــــــــــــــــل اللي تتخيله وكافي وكفيل انه يبوظ جيل.

واضح ان السبكي مش ناوى يعتزل الانتاج الا بعد ضياع الجيل الصغير بالكامل
ربنا يرحمنا من امثاله .

[mahmoudysf]

يا نهار ملوش ملامح
حرب عالمية في الشارع عشان ركنة
عموما لا اقدر اوفقك ولا ااقدر الومك

[SaSa.FireBlade]

ماشى مادام اعتدى على والدك طبيعي انك ترد الاعتداء بدون التفكير فى مين اللى غلطان و مين لاء
و انا شخصيا كنت حعمل كده على فكره
لكن ماكنتش حفتح مطوه - كنت حضربه بأيدي لكن مش حفتح مطوه و لا ادلق عليه بنزين و لا جو ابراهيم الابيض ده
انا كذا مره اتعرض لمشاده او خناقه و الدم يغلى فى عروقى و رغم عن كده عمرى ما طلعت المسدس اللى فى تابلوه العربيه اللى ممكن يخلص الموضوع كله فى دقيقه

طيب واحد داخل عليك هيضربك خلاص انتا كمان دة بعد كل الى عملوا فى ابوك تعمل اية ؟؟؟ هتقلوا اتفضل اضربنى وانا واثق انو كان هيضربنى لو سبتوة لان دة بلطجى بعمنى الكلمة وعلى فكرة نص الشارع بيشكرنى على عملتوا معاة عرفتوا نفسوا قدام الناس : الى خلانى عملت كدة لانى خلاص بقا زهقت هفضل طول عمرى ينداس علية يعنى ؟؟؟ دة من ونا فى المدرسة كانت العيال على طول بتتلم علية وتضربنى فضلت على الحال دة كدة لحد 2 اعدادى والمصحف كرهت المدرسة بسبب الاشكال دى لكن هفضل كدة طول حياتى انا لحد اولى ثانوى طابور العيش كان بيتاخد منى عافية!!!!