استفسار للي عامل عمليه lasik

[alavokatooo_o]

ياريت الي عامل عمليه lasik (تصحيح النظر) يقولي علي العمليه ما لها وما عليها لاني ناوي اعملها قريب وشكرا مقدماً

[احمد المصرى]

انا عاملها من 3 سنوات ممتازه بكل المقاييس عيبها الوحيد معاها بتسبب جفاف العين بس انا اساسا عندى مشكله جفاف وهيا زوددها بس عادى بستخدم نوع قطره كل لما بحتاجها وعادى جداااااااااااااااااااا


اهم حاجه الدكتور ال هيعملها لانك لازم تعمل اختبار قرنيه دا على اساسه هتعرف ينفع تعملها ولا مينفعش

[alavokatooo_o]

انا عاملها من 3 سنوات ممتازه بكل المقاييس عيبها الوحيد معاها بتسبب جفاف العين بس انا اساسا عندى مشكله جفاف وهيا زوددها بس عادى بستخدم نوع قطره كل لما بحتاجها وعادى جداااااااااااااااااااا


اهم حاجه الدكتور ال هيعملها لانك لازم تعمل اختبار قرنيه دا على اساسه هتعرف ينفع تعملها ولا مينفعش

شكرا علي رد حضرتك بس يعني ايه جفاف العين انا اول مره اسمع عنه وبالنسبه لاختبار القرنيه انا كشفت وقالي العمليه تنفع لي

[salodas]

أنا عملتها من 5 سنوات والحمد لله ماشية الأمور ..... عموما أنت هتروح المركز الى هتعمل فيه العملية وهيعملو لحضرتك بعض الفحوصات وبعدها هيقررو أن كانت تنفع ولا لأه ..... طبعا هتدفع تمن الفحوصات مقدما علشان لو مش هتنفع متكتش وتمشى ههههههههههه .
أهم حاجة استنضف مركز ودكتور متمرس .
جفاف العين دى حالة مشهورة وتصيب العين ... ببساطة الغدد الدمعية لا تقوم بعملها بكفاءة ..... عشان كده بتاخد قطرة مرطبة تعالج جفاف العين .... توكل على الله القصة كلها 15 دقيقة

[matrix_it]

الناس اللى عملتها الزغللة راحت بعد اد ايه ؟ انا عاملها من 3 اسابيع

[alavokatooo_o]

الناس اللى عملتها الزغلله راحت بعد اد ايه ؟ انا عاملها من 3 اسابيع

هو في زغلله بعد العمليه وبتبقي ازاي كده ممكن تشرحهالي وبتفضل اد ايه ؟

[matrix_it]

بيبقى فى زغللة تروح و تيجى لازم تبربش عشان تروح ! و طبعا قطرات بتحطها على عينك فترة معينة انا عاملها من اسبوعين كدة و عادى كمبيوتر و تليفزيون

[sherifbatista]

اتوكل على الله واعملها دى عمليه سهله انا عملتها من 3 شهور بتاخد تقريبا 5 دقايق
حيبقى فى زغلله وجفاف فى العين (انك بتحس بجسم غريب فى عينك ) بس بتستعمل قطرات مرطب للعين
والزغلله راحت بعد شهرونص تقريبا لكن الجفاف موجود بس قل عن الاول
اهم حاجة بعد ما تعملها عدم حك العين وانك ما تتعرضش للشمس وتلبس نظارة شمس وما تدخلش مياه او صابون فى العين وتستعمل شامبو جونسون بتاع لادموع بعد اليوم للاطفال علشان عينك ما تلتهبش

[alavokatooo_o]

بيبقى فى زغلله تروح و تيجى لازم تبربش عشان تروح ! و طبعا قطرات بتحطها على عينك فترة معينة انا عاملها من اسبوعين كدة و عادى كمبيوتر و تليفزيون

بتحصل معاك الزغلله دي كل اد ايه كده وبتستخدم القطره اد ايه كام مره في اليوم والكومبيوتر والتليفزيون عادي ولا لازم نقلل منهم شويه بعد العمليه

[mr_vampire]

- باختصار هتشوف الدنيا بمنظور تاني خااااااااااالص.
-انا عاملها من 6 سنين والحمد لله تمام. لما دخلت كنت مقلق وبالذات قبلي بنت دخلت وطلعت مفرفرة فقولتلهم قولولي انها كانت بتولد مش بتعمل نفس عمليتي عشان اثبت للاخر الله يكرمكو.

دخلت وسطحت تحت ايده ( الممرضة كانت ملطفة الجو بصراحة ) فعمال ارغي وهو شغال ايه الصوت ده ؟؟؟؟ وايه الريحة ده ؟؟؟؟ قالي اسكت بقييييييييييييي ( مصلحة ) بقيت عمال اكلم الممرضة لو سمحتي اسالي الدكتور ان الدنيا ضلمت ده عادي ولا ايه ؟؟؟؟ وانا شامم ريحت شياط ده عادي ولا ايه ؟؟؟؟؟؟؟؟ قام الدكتور شكني بحاجة كدة هههههههههه عشان اسكت. قومت قولتله حضرتك محتاج عملية برده علي فكرة عيني فوق ده ايدي يادكتور.

بس ياسيدي وخرجت وعمال اقولهم عيني مزغلله هاتو فلوسي هههههههههههه.

الزعلله ده باختصار علي كلام حلاق الصحة اللي عملهالي. ان الليزك بيعمل صدمة للخلايا العصبية والبصرية فالعين بتبقي مش مستقرة وعشان كدة بيبقي في زغلله فترة وبعدها بتروح. والجفاف برده بسبب الليزك وعشان كدة بيكتب قطرة تلطف الجو عشان متبقاش ناشفة وكدة يعني. ومبتاخدش نص ساعة الاتنين ( الحلاق اللي بيحلقلك بياخد اكتر .. تخيل ... دول بيحلقولك باسلوب تاني بقي فالسريع وبالفات )

واللي يعملها. يلبس كافر كدة علي عينه وهو نايم عشان ميدعكش عينه بايده وهو نايم. ونضارة شمس طبعا عشان التراب والشمس فالاول. وبلاش كمبيوتر وتليفزيون كتير فالاول.

وبالتوفيق. وحاولو تستنضفو الممرضة. هههههههههههه قصدي التمرجي ومركز الشباب اللي هتعملو فيها العملية ده.

[JAM]

ربنا يطمنكو انا كمان ناوى اعملها قريب

[amz2011]

و انا كمان بفكر اعملها عشان زهقت من النضاره
هى بتتكلف كام

[alavokatooo_o]

- باختصار هتشوف الدنيا بمنظور تاني خااااااااااالص.
-انا عاملها من 6 سنين والحمد لله تمام. لما دخلت كنت مقلق وبالذات قبلي بنت دخلت وطلعت مفرفرة فقولتلهم قولولي انها كانت بتولد مش بتعمل نفس عمليتي عشان اثبت للاخر الله يكرمكو.

دخلت وسطحت تحت ايده ( الممرضة كانت ملطفة الجو بصراحة ) فعمال ارغي وهو شغال ايه الصوت ده ؟؟؟؟ وايه الريحة ده ؟؟؟؟ قالي اسكت بقييييييييييييي ( مصلحة ) بقيت عمال اكلم الممرضة لو سمحتي اسالي الدكتور ان الدنيا ضلمت ده عادي ولا ايه ؟؟؟؟ وانا شامم ريحت شياط ده عادي ولا ايه ؟؟؟؟؟؟؟؟ قام الدكتور شكني بحاجة كدة هههههههههه عشان اسكت. قومت قولتله حضرتك محتاج عملية برده علي فكرة عيني فوق ده ايدي يادكتور.

بس ياسيدي وخرجت وعمال اقولهم عيني مزغلله هاتو فلوسي هههههههههههه.

الزعلله ده باختصار علي كلام حلاق الصحة اللي عملهالي. ان الليزك بيعمل صدمة للخلايا العصبية والبصرية فالعين بتبقي مش مستقرة وعشان كدة بيبقي في زغلله فترة وبعدها بتروح. والجفاف برده بسبب الليزك وعشان كدة بيكتب قطرة تلطف الجو عشان متبقاش ناشفة وكدة يعني. ومبتاخدش نص ساعة الاتنين ( الحلاق اللي بيحلقلك بياخد اكتر .. تخيل ... دول بيحلقولك باسلوب تاني بقي فالسريع وبالفات )

واللي يعملها. يلبس كافر كدة علي عينه وهو نايم عشان ميدعكش عينه بايده وهو نايم. ونضارة شمس طبعا عشان التراب والشمس فالاول. وبلاش كمبيوتر وتليفزيون كتير فالاول.

وبالتوفيق. وحاولو تستنضفو الممرضة. هههههههههههه قصدي التمرجي ومركز الشباب اللي هتعملو فيها العملية ده.

انت فصلتني من الضحك بجد وعلشانك انت هعملها

[alavokatooo_o]

و انا كمان بفكر اعملها عشان زهقت من النضاره
هى بتتكلف كام

انا هعملها ب 2600

[mr_vampire]

انت فصلتني من الضحك بجد وعلشانك انت هعملها

علي فكرة انا برده من بنها بس حاليا مسافر برا. بس كنت عاملها في اسكندرية.
بالتوفيق ان شاء الله.