استفسار للي عامل عمليه lasik

[احمد المصرى]

انا عملتها من حوالى 5 شهور, طبعا كنت بحط قطرات مرطبة و مضاد حيوى كل ساعتين اول 3 ايام و بالتدريج قللتها , حاليا مرة فى اليوم و احيانا مفيش خالص
طبعا فى الفترة دى لبست نظارة شمس و كدة, طبعا الدكتور هيقولك كل التفاصيل دى من نفسه.
الزغلله قلت بالدريج فى خلال 3 اسابيع, بس انا حظى وحش شوية, لأنها لسة فى زغلله بسيطة جدا معايا لحد دلوقتى, تقريبا الدكتورة اللى عملتهالى ماخدتش مقاس نظرى صح قبل العملية فعنى اختلاف بسيط فى الرؤية بين اليمين و الشمال عامل الزغلله دى, كشفت عند دكاترة تانيين قالولى فى فرق بسيط نص درجة و مش مشكلة قوى, بس أنا متضايق لأنى ماخدتش كشف نظرى القديم و اتأكدت انها خدت مقاس نظرى صح
و الدكاترة قالولى ممكن اعمل ليزك تانى بعد مرور 6 شهور من المرة الاولى لو الوضع لسة مضايقنى
بس انا حالتى دى فردية و نادرة شوية
كدة انا عقدتك طبعا بس توكل على الله لأن حالتى مش مقياس, و الحياة من غير نظارة احسن بكتييير, كفاية انك تعرف تشترى و تلبس اى نظارة شمس

النص درجه دى الدكتور سايبهالى برضوا والزغلله بتروح وتيجى وبعد فتره هتروح خالص ال بيحصلك دا حصل معايا بالظبط لا تقلق خالص


الزغلله بتروح نهائى بعد 6 شهور من العمليه وخلال ال 6 شهور بتروح وتيجى

[swimmer25]

للي عملوا العملية..مقاس النظر بعد العملية طلع كام لأن أعرف حد عملها وكان نظره سالب ونظره طلع موجب نص تقريبا بعد العملية
ده طبيعي ولا ايه؟

[alavokatooo_o]

للي عملوا العملية..مقاس النظر بعد العملية طلع كام لأن أعرف حد عملها وكان نظره سالب ونظره طلع موجب نص تقريبا بعد العملية
ده طبيعي ولا ايه؟

واحد قريبي عاملها وطلع نظره زائد ربع ولما سائل الدكتور قاله عادي مفيش أي مشاكل

[Moe86]

النص درجه دى الدكتور سايبهالى برضوا والزغلله بتروح وتيجى وبعد فتره هتروح خالص ال بيحصلك دا حصل معايا بالظبط لا تقلق خالص
الزغلله بتروح نهائى بعد 6 شهور من العمليه وخلال ال 6 شهور بتروح وتيجى

يا رب تروح! لأنى داخل فى ست شهور و الموضوع مضايقنى جدا خصوصا فى القراءة , رغم انى مبسوط من غير نظارة

لما سألت اصحابى اللى عملوها, واضح ان لحد نص درجة سالب أو موجب بعد العملية شىء طبيعى , الغلاسة بقى لما تبقى عين موجب و عين سالب زى حالتى كدة

[mem]

طب يا رجاله ايه الاماكن الكويسه بتعمل ليزك فى القاهره او الجيزه
والاسعار تقريبا كام
وشاكر لحضراتكم
لانى ناوى اعملها

[alavokatooo_o]

باذن الله هعمل العمليه بكره تنصحوني بايه
وشكرا ليكوا علي تجاوبكوا معايا

[mr_vampire]

نضارة شمس لو هتخرج بعدها بالنهار. ويفضل تخلي الدكتور يحطلك cover بلاستيك علي عيونك بيبقي مخرم كدة عشان التراب. ومش اول ماتعملها تيجي تحكي انا قاعد ادام الكمبيوتر من غير نضارة. اتقل علي عيونك لحد ماتطيب وتستوي ههههههههههههههههههههه

اهم حاجة الممرضة زي ماقولتلك ركز معاها. هههههههههههههههههه

تقوم بالسلامة ان شاء الله.

[alavokatooo_o]

نضارة شمس لو هتخرج بعدها بالنهار. ويفضل تخلي الدكتور يحطلك cover بلاستيك علي عيونك بيبقي مخرم كدة عشان التراب. ومش اول ماتعملها تيجي تحكي انا قاعد ادام الكمبيوتر من غير نضارة. اتقل علي عيونك لحد ماتطيب وتستوي ههههههههههههههههههههه

اهم حاجة الممرضة زي ماقولتلك ركز معاها. هههههههههههههههههه

تقوم بالسلامة ان شاء الله.

ههههههههههههههههههههه باذن الله يا معلم ويارب ميكونش ممرض
شكرا ليك

[assaf]

ابقي طمني عليك . وقول ايه رأيك لأني عايز اعملها و متردد

[damasry]

النص درجة الزيادة دى غالبا ممكن عشان النظر بينزل تانى بعد العملية فالدكتور بيزود عشان لما النظر يقل تبقى طبيعى.

[Bassem Youssef]

استاذ الافوكاتوا

ابن خالتي عمل تلك العمليه بنجاح و الحمد لله

الطبيب اجبره علي عدم التعرض لاشعه الشمس لعده ايام متتاليه
بمعني عدم الخروج في الصباح نهائي

يتم وضع قطرتين مرتين في اليوم

هذا كل ما اعرفه

تحياتي

[Ahmed TRAVCO]

ياريت الي عامل عمليه lasik (تصحيح النظر) يقولي علي العمليه ما لها وما عليها لاني ناوي اعملها قريب وشكرا مقدماً

أنا عملتها والحمد لله في مارس 2009 بعد ما كان نظري حوالي -4 وكنت لابس نظارة من تالتة ابتدائي... الحمد لله!!
العملية ليها شوية تجهيزات زي الكشف على حالة القرنية ودرجة الاستجماتيزم علشان يشوفوا ينفع العملية تتعنل ولا لأ...
العملية نفسها أخدت حوالي 20 دقيقة وبعدين ركبولي عدسات معينة لمدة يومين وبعدين شالوها وكتبولي نوع قطرة لمدة اسبوع وبعدين رحت تاني كتبولي نوع قطرة اسمه Refresh Plus لتقليل جفاف العين اللي بتسببه العملية... قالولي تستخدمه بانتظام لمدة 6 شهور بس انا طنشت بعد شهرين ولا حاجة!!
من بعد العملية مباشرة لازم تلبس نظارة شمسية (ماركة محترمة) اثناء التعرض لأشعة شمس... وده بيكون لمدة شهر وبعدين مش بتبقى مضطر تلبسها على طول...
خلي بالك ان النظر بيتحسن تدريجيا وممكن يفضل يتدرج لحد 6 شهور لحد ما يوصل لأعلى درجة...
بتروح بعد العملية بشهر يتأكدوا من وصول النظر للدرجة المطلوبة وبتتكرر الزيارة دي بعد 6 شهور...
خلال الفترة الأولى بعد العملية (ممكن توصل لشهور) بتحس بجفاف شوية في العين بالليل ولما بتبقى راكب عربية مثلا بتشوف اضاءة اعمدة الانارة مشوشة شوية... وده طبعا بيروح بالتدريج!!
أساسا هم هينصحوك ما تسوقش خاااالص لمدة 3 ايام او اسبوع على ما اتذكر بعد العملية...

أخيرا انا عملت العملية في مستشفى مغربي (طول عمري كنت بتعامل معاهم هم بس عموما سواء نظارات او كشوفات)... التكلفة كانت 500جنيه للتحليلات قبل العملية + 5500 للعملية نفسها (للعينين)... وطبعا ده كان في 2009 فمش عارف ايه الدنيا دلوقتي!!

نصيحة لوجه الله: بلاش تسترخص في الموضوع ده وروح مكان موثوق زي مغربي لأن والله زميلي في الشغل عملها بعدي بسنة وكان متحمس جدا لما شاف حالتي بس للأسف راح مكان عملوها له بحوالي 3000جنيه وقتها وبعد شهرين تلاتة بدأ يشتكي تاني من قصر نظر فلما راحلهم قالوله العملية ما نجحتش والفترة ال6 شهور اللي بعد العملية بتبقى اختبار لنجاح العملية من عدمه(!!!) ورجع زميلي يلبس نظارة تاني لحد دلوقتي! للأمانة مش فاكر اسم المستشفى اللي عمل فيه بس النقطة انك يا ريت ما تسترخصش في الحكاية دي!!! دي عينيك!!

اسف للإطالة واتمنى لك التوفيق!!

[alavokatooo_o]

ازيكوا يا شباب انا الحمد لله عملت العمليه امبارح وهي بصراحه بسيطه اوي اوي انا دخلت الساعه 3 بالظبط 8 دقايق كنت خلصت ومتقولوش ازي بس الدكتور بصراحه كان متمكن جدا بعديها بالظبط بتبقي حاسس انك قاعد في عربيه يوم شتا ومقفل العربيه عينك بتبقي مشبره بعد شويه بتتحسن وبعديها بحوالي 4 ساعات يبدا مفعول البنج يروح ومش هقولك علي الي بيحصل انا النهارده بقي الزغلله تمام تمام تمام كل حاجه متكرره 4 مرات رايح للدكتور النهارده متابعه وربنا يسهل وهو مديني 3 قطرات اتنين 5 مرات في اليوم لمده اسبوع وواحده 3 مرات في اليوم لمده شهرين وربنا يشفينا ويعفينا

[احمد المصرى]

ازيكوا يا شباب انا الحمد لله عملت العمليه امبارح وهي بصراحه بسيطه اوي اوي انا دخلت الساعه 3 بالظبط 8 دقايق كنت خلصت ومتقولوش ازي بس الدكتور بصراحه كان متمكن جدا بعديها بالظبط بتبقي حاسس انك قاعد في عربيه يوم شتا ومقفل العربيه عينك بتبقي مشبره بعد شويه بتتحسن وبعديها بحوالي 4 ساعات يبدا مفعول البنج يروح ومش هقولك علي الي بيحصل انا النهارده بقي الزغلله تمام تمام تمام كل حاجه متكرره 4 مرات رايح للدكتور النهارده متابعه وربنا يسهل وهو مديني 3 قطرات اتنين 5 مرات في اليوم لمده اسبوع وواحده 3 مرات في اليوم لمده شهرين وربنا يشفينا ويعفينا

مبروك يا باشا وان شاء الله تكون ذى الفل بعد كدا

[aminibrahim]

أنا عملتها والحمد لله في مارس 2009 بعد ما كان نظري حوالي -4 وكنت لابس نظارة من تالتة ابتدائي... الحمد لله!!
العملية ليها شوية تجهيزات زي الكشف على حالة القرنية ودرجة الاستجماتيزم علشان يشوفوا ينفع العملية تتعنل ولا لأ...
العملية نفسها أخدت حوالي 20 دقيقة وبعدين ركبولي عدسات معينة لمدة يومين وبعدين شالوها وكتبولي نوع قطرة لمدة اسبوع وبعدين رحت تاني كتبولي نوع قطرة اسمه refresh plus لتقليل جفاف العين اللي بتسببه العملية... قالولي تستخدمه بانتظام لمدة 6 شهور بس انا طنشت بعد شهرين ولا حاجة!!
من بعد العملية مباشرة لازم تلبس نظارة شمسية (ماركة محترمة) اثناء التعرض لأشعة شمس... وده بيكون لمدة شهر وبعدين مش بتبقى مضطر تلبسها على طول...
خلي بالك ان النظر بيتحسن تدريجيا وممكن يفضل يتدرج لحد 6 شهور لحد ما يوصل لأعلى درجة...
بتروح بعد العملية بشهر يتأكدوا من وصول النظر للدرجة المطلوبة وبتتكرر الزيارة دي بعد 6 شهور...
خلال الفترة الأولى بعد العملية (ممكن توصل لشهور) بتحس بجفاف شوية في العين بالليل ولما بتبقى راكب عربية مثلا بتشوف اضاءة اعمدة الانارة مشوشة شوية... وده طبعا بيروح بالتدريج!!
أساسا هم هينصحوك ما تسوقش خاااالص لمدة 3 ايام او اسبوع على ما اتذكر بعد العملية...

أخيرا انا عملت العملية في مستشفى مغربي (طول عمري كنت بتعامل معاهم هم بس عموما سواء نظارات او كشوفات)... التكلفة كانت 500جنيه للتحليلات قبل العملية + 5500 للعملية نفسها (للعينين)... وطبعا ده كان في 2009 فمش عارف ايه الدنيا دلوقتي!!

نصيحة لوجه الله: بلاش تسترخص في الموضوع ده وروح مكان موثوق زي مغربي لأن والله زميلي في الشغل عملها بعدي بسنة وكان متحمس جدا لما شاف حالتي بس للأسف راح مكان عملوها له بحوالي 3000جنيه وقتها وبعد شهرين تلاتة بدأ يشتكي تاني من قصر نظر فلما راحلهم قالوله العملية ما نجحتش والفترة ال6 شهور اللي بعد العملية بتبقى اختبار لنجاح العملية من عدمه(!!!) ورجع زميلي يلبس نظارة تاني لحد دلوقتي! للأمانة مش فاكر اسم المستشفى اللي عمل فيه بس النقطة انك يا ريت ما تسترخصش في الحكاية دي!!! دي عينيك!!

اسف للإطالة واتمنى لك التوفيق!!

يعني المغربي محترمين يا باشا؟ اصل مراتي عايزه تعملها وخايفه من االلي انت قلته ده