استشارة في مشكلة مضايقاني جدا

[ham_855]

لا تفقد الامل والايمان بان لكل شئ ووقت اعرف صديق تقدم الى 55 عروسة و لم يحصل نصيب بعد وبعدين بلاش النوعية دى موش هى التى تعيش و تعمر و تربى العيال وتتحمل على الحلوة و المرة
ممكن اعرف اية المقايس الحضرتك حاططها لاختيارك

مش حاطط مقاييس خرافية
مثلا من ناحية الاسرة تكون اسرة محترمة اخلاقيا ناس تكون عندها ذوق وادب واخلاق في التعامل مع الناس

نفس المواصفات بالنسبة للبنت
من ناحية المؤهل انها تكون مؤهل كويس
من ناحية الشكل تكون علي قدر من الجمال (مش بقول تكون خارقة الجمال يعني)
من ناحية الماديات او الناحية الاجتماعية فانا بدور علي نفس مستوايا

هل دي مواصفات اعلي مني مثلا؟؟

[ham_855]

رأيي المتواضع...

حاول تكون نفس الإنسان المحترم بس في نفس الوقت تجرب تغير من مظهرك شوية...دة مش عيب ولا حرام...جرب تلبس شبابي شوية أو ماركات...نضارة شمس شيك...موبايل شيك...

اوعى تفتكر إن دة استغفال للبنات أو عيب فيك لا سمح الله...بس كتير من البنات بيهمها المظاهر تمام زي الأخلاق.

متخليش ثقتك بنفسك تهتز أبداً...حول تشتغل على نفسك وطور نفسك بردو...أكيد مش هتخسر حاجة.

اتعرف على أماكن خرجات محترمة وشيك..وخليك متكلم لإنك عندك مميزات كتيرة أوي تديك ثقة وتخليك جريء ومش محرج أو محبط من حاجة


وربنا يكرمك ويديك كل خير

انا مهتم بمظهري مش ماشي مبهدل والله وبلبس كويس بس مش شبابي اوي بس لبس كويس يعني هههههههه

[ham_855]

مش حاطط مقاييس خرافية
مثلا من ناحية الاسرة تكون اسرة محترمة اخلاقيا ناس تكون عندها ذوق وادب واخلاق في التعامل مع الناس

نفس المواصفات بالنسبة للبنت
من ناحية المؤهل انها تكون مؤهل كويس
من ناحية الشكل تكون علي قدر من الجمال (مش بقول تكون خارقة الجمال يعني)
من ناحية الماديات او الناحية الاجتماعية فانا بدور علي نفس مستوايا

هل دي مواصفات اعلي مني مثلا؟؟

علي فكرة انا مش ببالغ فعلا في كلامي بس انا حاسس ان المواصفات دي عادية يعني مش خارقة؟

[samyyousef]

ما ذكرته حضرتك يدعو للدهشة
اين مشكلة العنوسة التي يتحدثون عنها؟؟؟!!!!

[ham_855]

جايز لا انا دايما بتلفت انتباهي البنت المهتمة بنفسها قصدي من ناحية المظهر المحترم (مش قصدي ان اي موضة تتطلع تمشي عليها) والمهتمة بشكلها وبتتكلم كويس
مش عارف؟؟ الحقيقة الواحد قرف جدا جدا

[monamize4]

أصل المشكله إن ساعات رأي الواحد في نفسه بيكون مختلف تماماً عن راي الناس فيه.

يعني أنا مثلاً ممكن أكون شايف نفسي في حالي وهادي بس المجتمع شايفني مغرور ومتعالي على البشر.

حاول تكون نفس الإنسان المحترم بس في نفس الوقت تجرب تغير من مظهرك شوية...دة مش عيب ولا حرام...جرب تلبس شبابي شوية أو ماركات...نضارة شمس شيك...موبايل شيك...

اوعى تفتكر إن دة استغفال للبنات أو عيب فيك لا سمح الله...بس كتير من البنات بيهمها المظاهر تمام زي الأخلاق.

متخليش ثقتك بنفسك تهتز أبداً...حول تشتغل على نفسك وطور نفسك بردو...أكيد مش هتخسر حاجة.

اتعرف على أماكن خرجات محترمة وشيك..وخليك متكلم لإنك عندك مميزات كتيرة أوي تديك ثقة وتخليك جريء ومش محرج أو محبط من حاجة


وربنا يكرمك ويديك كل خير

احلى LIKE

[chicobon]

طيب مهو حضرتك بترد علي نفسك و بتقول انا مش بعرف اتكلم و لا اتنيل مهو يمكن ده الي بيخلي البنت تتراجع أي علاقه في بدايتها محتاجة ان الشخص يتكلم عن نفسه و يحاول يتقرب من الي قدامه عن طريق فتح الحوار و النقاش ده وجهي نظري و اتمني لك التوفيق

[ham_855]

المشكلة اني حاسس اني بكبر بسرعة ومتمتعتش بشبابي ههههه
انا كان نفسي اني اتجوز بدري عن كدة لكن مفيش نصيب اكتر حاجة مضايقة الواحد انة حاسس ان وقتو بيضيع مع ناس ضايعة
الواحد فعلا حاسس بوحدة غير عادية...........

[أحمد كمال]

بكرة تتجوز ان شاء الله


و تعرف انت كنت ........* فد ايه :)


مستعجل على رزقك ليه النكد جايلك جايلك .........



عيش حياتك و شبابك و استمتع بفلوسك


انت لسه خفيف ...... سافر برة و شوف بلاد العالم و عيش


بكرة تندم يا جميل و تقول يا ريتني

[maryano]

كلو قسمة و نصيب
انا كنت في مشكله مشبه لمشكلتك بس قررت اني اسافر و اسيب حكايه الجواز مؤقتاااا
عمومااااا رايئ شوف ايه اللي بيخدوه عليك و غيرو غير طريقه لبسك مش علاشان حد معين بس علاشان كل واحد يستاهل يكون في احسن شكل و اخرج و كل برة و عيش حياتك حتلاقي انتا لوحدك اتغيرت مش عيب حاول تعرف تتكلم معاهم ازاي و دة بردو مش عيب طالما انتا داخل البيت من بابو زي مبيقولو
المشكله ان معظم البنات بيبقو عايزين سوبر مان غني و روش و رومانسي و ..... ولما تلاقي صفة من دول مش متوفرة ممكن ترفض و تستني سوبر مان بتعاهاا و في الاخر تقولك العنوسه و كل اللي اللي اتقدملي مش مناسب

[r0xer]

البوستات العنترية دي خلتنا منفرقش حاجة عن بتوع فتكات... :)

انت عندك مشكلة ولازم تعالجها، انت محتاج تبقى عندك ثقة في نفسك اكتر و تعرف تتكلم مع بنات طوب الارض، هو مين قال انه الكلام مع البنات معناه انه الشخص مش محترم؟ وفي شغلك ازاي ناجح وازاي مبتتكلمش مع بنات دا 90% من الشركات نصها بنات!

بص انت محتاج تشتغل على مظهرك و طريقة كلامك...وبعدين فكر تروح تخطب وهتمسك بأيدها وسنانك فيك

جسمك مش حلو مش تخين ومش رفيع طيب وليه تخليه كدا؟ متروح تلعب جيم ساعة في اليوم مرتين في الاسبوع وجسمك هيبقى حلو وشكلك احسن كمان.

بتلبس عادي؟ طيب وليه تلبس عادي متلبس شيك وبأقل الاسعار كمان راجع هنا في مواضيع كانت ناس بتسأل فيها عن اللبس وادينالهم احسن الاماكن والاسعار.

انت فاكر اني بقولك كدا عشان تتجوز؟ لا يافندم خالص..انا بقولك كدا عشان من جواك تحس انك احسن فعلا وثقتك في نفسك تزيد والحاجات اللي قلتلك تعملها مش هتاخد منك لاجهد ولافلوس كتيرة...

وفي الاخر ارجع واقولك تأخر جوازك دا نصيب، واصلا منصحكش تتجوز جوازة صالونات لان الدنيا مبقتش زي زمان...حاول تتعرف على واحدة من شغلك ولا من اي مكان بتروحه احسن...بلاش موضوع الصالونات لحسن مشاكله كترت فعلا!!

[Ahmed_selmy]

الجواز دا نصيب ثم نصيب ثم نصيب
ولا مظهر ولا كلام و تعليم ولا شغل ولا اى حاجه......
انت يوم اما نصيبك يجى حتلاقيه قدامك .....بس انت بردوا دور عليه
وثق فى نفسك ثقه ملهاش حدود ......انت كدا وحتلاقى اللى عايزاك كدا
بالنسبه لموضوع الاهل والاسر المحترمه يا ريت توضح معنى الاسرة المحترمه ....هل تقصد اسرة محترمه فى اخلاقها حتى لو مستواهم المادى مش عالى ولا قصدك انهم ناس محترمين ماديا؟
بص من الاخر الماديات مش مقياس على مستوى الاسرة لان الاسرة ممكن تكون معاها فلوس بس اسرة من جواها فاضيه ...ولا قيم ولا اخلاق وتكون اسرة مفككه
لو عايز تدور بجد دور على اسرة تكون محترمه اخلاقا حتى ولو اقل منك ماديا ....واهم حاجه التدين
وموضوع الجمال دا ارميه على جنب خاااااالص......لانك بعد اما تتجوز حتتعود عليها ومش حتنبهر بالجمال زى الاول
اللى حيفضل هو الاخلاق ودى اللى حتفضل معاك طوووووول العمر
مش معنى كدا انك تتجوز واحده مش طايق تبص فى وشها .....ولكن لو هى مقبوله بالنسبالك وروحها حلوة حتلاقى ان الروح الحلوة دى احسن بكتييييير من جمال المظهر.

[Red_1024]

البوستات العنترية دي خلتنا منفرقش حاجة عن بتوع فتكات... :)

انت عندك مشكلة ولازم تعالجها، انت محتاج تبقى عندك ثقة في نفسك اكتر و تعرف تتكلم مع بنات طوب الارض، هو مين قال انه الكلام مع البنات معناه انه الشخص مش محترم؟ وفي شغلك ازاي ناجح وازاي مبتتكلمش مع بنات دا 90% من الشركات نصها بنات!

بص انت محتاج تشتغل على مظهرك و طريقة كلامك...وبعدين فكر تروح تخطب وهتمسك بأيدها وسنانك فيك

جسمك مش حلو مش تخين ومش رفيع طيب وليه تخليه كدا؟ متروح تلعب جيم ساعة في اليوم مرتين في الاسبوع وجسمك هيبقى حلو وشكلك احسن كمان.

بتلبس عادي؟ طيب وليه تلبس عادي متلبس شيك وبأقل الاسعار كمان راجع هنا في مواضيع كانت ناس بتسأل فيها عن اللبس وادينالهم احسن الاماكن والاسعار.

انت فاكر اني بقولك كدا عشان تتجوز؟ لا يافندم خالص..انا بقولك كدا عشان من جواك تحس انك احسن فعلا وثقتك في نفسك تزيد والحاجات اللي قلتلك تعملها مش هتاخد منك لاجهد ولافلوس كتيرة...

وفي الاخر ارجع واقولك تأخر جوازك دا نصيب، واصلا منصحكش تتجوز جوازة صالونات لان الدنيا مبقتش زي زمان...حاول تتعرف على واحدة من شغلك ولا من اي مكان بتروحه احسن...بلاش موضوع الصالونات لحسن مشاكله كترت فعلا!!

معلش ممكن سؤال ازا جواز الصالونات كله مشاكل المفروض انه احسن باعتبار اسرة بتناسب اسرة تانية

[amrezzat82]

يا صديقي انا برضه بدور على بنت الحلال من فترة و ممكن اعمل مسلسل اجمد من عايزة اتجوز من الحاجات اللى شفتها بس متيأسش و أكيد حتلاقي نصيبك و الإنسانة اللى تكون مبسوط منه
يا هندسة المفروض تظبط نفسك انت كمان شوية - مش عيب و لا حرام ان حضرتك تكون مهندم و و لابس لبس شيك مش لازم تعمل حركات فى نفسك بس اعمل القيليل اللى يكون عاكس لمظهر شاب مش كهل
و الحاجات ديه بسيطة جدا - اختيار أولان أفضل و نوعية ملابس معينة و شوية ماركات و ده لنفسك مش للجواز - انا مش عارف ازاي فى الشغل متفوق و انت توصف نفسك كده ، المفروض المظهر يكون نسبة كبيرة فى نجاح عمل المهندس ..
و خلي بالك زي ما أنت ليك متطلبات فى البنات اللى بتشوفها - أعرف ان معظم البنات عايزة تشوف اللى قدامها بيلبس حلو و كويس على الأقل لو انت مش مهتم بنفسك هتهتم بيها أزاي يا هندسة .. ده في ناس لو انت مش لابس براندز سينيه بترفضك اصلا.
الجسم مش مشكلة قوي بس لو واحد جسمة متناسق ده بيجذب اي حد و تصفيف الشعر برضه علامه من شخصيتك ..
و أنت فى كلامك خليك لين ناعم و أستوعب اللى معاك و لاقي طريقة وسطي مش جامدة قوي و مش مبتزلة، أي بنت بتشوفك حتعاملها ازاي - اذا كنت على البر و المفروض كلامك يكون احلى ما يمكن فمابالك بأي مشاكل
أعتبرها كأنها أي انترفيو فى الشغل و مييتنج مهم يبقى المفروض تبقى هادي و على طبيعتك بس ماينفعش تكون منعكش و مبهدل ( فى عين الكلينت) و بتقول كلام غير محسوب.
و جواز الصالونات ده مشكلة بجد لازم تكوت عارف شوية اساسيات عن البنت او العيلة اللى رايحلها و خد راحتك فى المعرفة عشان الناس دلوقتى بقت غريييبة جدا و بتكذب كتييير و بتغير كلامها و بيقلوا مفيش جواز. و أعرف كمان أنت عايز بنت بمواصفات ايه بالظبط ، لأن كل بنت دنيا و متعرفش تقارن بينهم أبدا , كمان عشان متظلمش اللى انت رايحلها ...

[saddam]

صديقي المواطن إلعب رياضة 3 مرات في اﻷسبوع وإنزل هات ملابس شيك وإنسى موضوع الزواج لمدة ستة.أشهر وإتعب على نفسك وخش موقع مودة.للزواج فيه بنات محترمات كتير حتخش حتتصدم وحتتعلم شوية شوية.ومتحبش أول واحدة.تقابلك هناك فيه هناك بنات ضايعة وفيه بنات عوائل وعالية جدا وسيبك من الدوارة.داخل وسط يعرفك وإبعد عن.بنت شبعانة زيك ﻷن تفكير البنت الغنية دلوأتي الشابة مختلف عن.تفكيرهم من 20 سنة فدي تبقه كل حاجة سهلة وناس كتير بتترمي تحت رجليها فبالمختصر شافت منك كتير ومش بقلك تاخد بنت من منطقة شعبية بس تاخد بنت كانوا أغنيا وحالتهم وقعت أو ناس باباها محترم متقاعد وكده أو أمها مديرة مدرسة.أو أمها دكتورة ويفضل متاخدش بنت بتشتغل عشان متكونش شافت كتير وتقعد تعمل مقارنات إنت دلوأتي الروشتى بتاعتك رياضة 3 مرات في اﻷسبوع 3 آلاف أجيب 8 أطقم لبس تبشرتات وقمصان وجينزات ونظارات وقصة كويسة أم 50؛جنيه بس مش قصة تقول عليك صايع وأهم حاجة تكون تجيب ريحة مفتخرة ومتكونش جارحة تكون هادية ودايما تحون متعطر ومعاك في العربية ومتقعدش في قهاوي بتاتا وتنزل كل يومين تروح تجرب مطعم جديد وخروجة جديدة ولما تتعرف على بنت كل ما تقابلها حتى لو أول مرة.متنساش تجيب بوكيه ورد زغنطط وهدية.بسيطة معبرة في كل مرة مش حاجة مكلفة ومتنساش الفالانتاين وشوية شموع وتورتة على شكل قلب ومطعم مفتخر وترجعلها الكرسي ودائما وأبدا لما تيجي تركب عربيتك إفتحلها الباب بإيدك وإستنى تقفلو بالراحة ودايما أوقف جنبها ومترنش عليها كتير مرة كل يومين كفاية ومتفوتش أي مناسبة مهمه ليها ودمتم للنضال موضوعك بسيط وكلنا مرينا بيه أتا عن نفسي دايما البنات اللي حبتني بيبقه نفسي في البنت اللي محبتنيش وأسيب البنات المخلصة توكل على الله وأهم حاجة متحطش الموضوع ده في بالك وغير أسلوب وروتين حياتك وسجل رياضة 3 أيام في اﻷسبوع وإعمل ثورة.على نفسك واللي مش حتعوزك تاج فوق راسها متعوزهاش إنت شبشب في رجلك بس إنت دايما لارزم تحط البنت على راسك وتعاملها برقة ودايما تعال على نفسك وحتكسب في اﻵخر