استشارة في مشكلة مضايقاني جدا

[janagabr]

فاكر اول ما اتعلمنا السواقة كنا فرحانين جدا واقول لبابا انا نازل اسوق يقولي مستعجل علي ايه بكره تكره السواقة وكنا بناخد العربية ونقعد نلف وفرحانين لحد مانلبس في الرصيف ولا في عربية راكنة ولا نخبط واحد بيعدي الطريق ولا نخش في شجرة واللي البنزين يخلص منه وميعرفش فين اصلا عداد البنزين فده مش معناه اني وحش لا انا لسه بكتسب الخبرة عن طريق نظرية التجربة والخطا ثم التعلم ومش معناه ان العربية اللي خبطها وحشة لا هي العربية كويسة بس هي الظروف لم تكتمل بعد مش معني كده اني ابطل سواقة واكتئب اكتشف خطاي واصلحة عشان مكرروش

[ahmedteam]

بكرة تتجوز ان شاء الله


و تعرف انت كنت ........* قد ايه :)


مستعجل على رزقك ليه النكد جايلك جايلك .........



عيش حياتك و شبابك و استمتع بفلوسك



الكلام ده من الاخررررررر

و لا تنسى المقوله الخالده : لا تحزن اذا فاتك قطر الزواج فأن يفوتك القطار خير من ان يدهسك

انت لسه خفيف ...... سافر برة و شوف بلاد العالم و عيش


بكرة تندم يا جميل و تقول يا ريتني

[elhelwany188]

السلام عليكم ورحمة الله وبركاته ...
ربنا يوفقك ان شاء الله فى اختيار شريكة حياتك ...
بس نصيحة من اخ ليك وزى ما الرسول الكريم صلى الله عليه وسلم علمنا ((فاظفر بذات الدين)) ...
خليه اول شرط ليك فى اختيار الزوجة الصالحة ...

[sasamh]

جرب تشوف فى بنات اقاربك
بنات الخال ... الخالة ........ العم ........العمة...الخ

[r0xer]

معلش ممكن سؤال ازا جواز الصالونات كله مشاكل المفروض انه احسن باعتبار اسرة بتناسب اسرة تانية

والله كلامك مظبوط يا استاذ red. لكن برضو للأسف انه حتى نسب اسرة بأسرة بيحصل فيه مشاكل كتيرة وبصراحة مش عايز اخرب للراجل موضوعه ونحول مساره.

عموما الجواز دلوقتي حاجة صعبة جدا والله اصعب من الحج نفسه اللي هو اصعب فريضة...ربنا يعينا على العيشة.

[Bassem Youssef]

استاذ هام

صدقني العيب من البنات المصريات و ليس منك شخصيا
اهم شئ في الرجل هو الاخلاق و التدين و احسبك كذلك
اذن لا يعيبك شئ و لا تجعل هذا الامر يحزنك

يا راجل انت زعلان ان البنات المصريات بيرفضوك ؟
هو حد لاقيها اليومين دول :)

من الممكن ان تفكر في الارتباط بفتاه سوريه
و صدقني لن تندم

تحياتي

[mr_vampire]

البنت اللي بتوافق علي ولد عشان بيلبس لبس شيك وروش ومهتم بالعربية والموبيل بالظبط بالظبط زي الولد اللي بيتقدم لبنت شافها بترقص في فرح فعجبته.

الاتنين مينفعوش فالاخر وميتزعلش عليهم.

فاطمن ده مش عيب فيك ولكن لسة نصيبك مجاش.

[monamize4]

اللي مش حتعوزك تاج فوق راسها متعوزهاش إنت شبشب في رجلك

,,,,,,

[ham_855]

والله يا جماعة انتم رفعتوا روحي المعنوية....انا فعلا كنت اتضايقت جدا واكتئبت واهتمامي بشغلي وشكلي ولبسي وحتي اهلي قل جدا .....
اصلي الصراحة كنت حاسس اني مجروح في كرامتي اووووووي......
جزاكم الله كل خير.....

[KemozTanta]

دا لا يمنع انك تهتم بنفسك وبشكلك علي قد ماتقدر عشان مفيش بنت تستجري تعترض عليك لاي سبب وانت وقتها اللي ترفض وتختار اللي تعجبك..

[ham_855]

البنت اللي بتوافق علي ولد عشان بيلبس لبس شيك وروش ومهتم بالعربية والموبيل بالظبط بالظبط زي الولد اللي بيتقدم لبنت شافها بترقص في فرح فعجبته.

الاتنين مينفعوش فالاخر وميتزعلش عليهم.

فاطمن ده مش عيب فيك ولكن لسة نصيبك مجاش.

ههههههه
والله فعلا حضرتك معاك حقك بس نعمل اية في العقليات دي

ده انا كنت من يومين في فرح واجدة قريبة لينا
وواحدة قريبتي بتقولي انت دمك نقيل كدة لية مش بترقص ولا بتتنطط خالص لية تقريبا واضح اني متعلم عليا في الحاجات دي هههههههههه

[mr_vampire]

عارف لو عملت كدة هتلاقي اللي بيتهامس عليك شوف ياختي الراجل مستصغر نفسه وعمال يتنطط ازاي. ياعزيزي دول حرييييييييم . مهما راضيتهم برده مقصر. فوكك من ده كله واعمل اللي يعجبك بس ميمنعش برده بشوية اهتمام بالذات ( للذات ) مش لحد تاني.

[S O P H O S]

رأي ان نصيبك جي ان شاء الله
وان الي فات يخليك اقوي وتحسن من نقط ضعفك
ومتتنزلش عن طلباتك ولا عن اي مبدئ عندك
وربنا يوفقك للخير ان شاء الله ..