أخر صدمة ليا مع شركة الكهرباء

[Zaki Bashkha]

للاسف السبب الاساسي فى الموضوع دا هو الكشاف والحركة القذرة دي كان برضوا بيعملها البوسطجي فى جوابات الناس , يقعد علي القهوة ويولع فى الجوابات اللي مفروض يوصلها للناس ,صدفت الظروف وكنت قاعد مع بسطجي وقالي حوار الجوابات دي وتخيل بقله حرام عليك يا اخي ما يمكن في الجوابات دي فيها حاجة مهمة , يقلي هو انا حيعدي علي كل بيت واطلع لكل شقه يعم كبر
حسب الله ونعم الوكيل فى كل واحد مش بيراعي ضميرة في شغله

[yehia]

هي ظاهرة عامة لدى المعارف والاصدقاء .. فاتورة شهر 9 أرقام خزعبلية جنونية سواء من حيث الاستهلاك أو قيمة الفاتورة ... أنا شخصيا كان استهلاكي طوال فترات الصيف الحارة جدا من أشهر 5 حتى أول شهر 8 حوالي 500 - 550 ك.و وأفاجأ فاتورة شهر 9 ان الاستهلاك حوالي 1100 ك.و تقريبا رغم اني في شهر 8 ( اللي بنتحاسب عليه في فاتورة 9) كنت مسافر وقافل الشقة 15 يوم ..... والغريب ان القراءة في آخر شهر كانت مضبوطة لما بصيت على العداد ......

فمش عارف الحقيقة هل هما فعلا بيضربوا قراءات قليلة كام شهر كده ويجوا في آخر شهر يلسعوا القراءة المتينة ولا ايه اللي بيحصل بالضبط ......

[masterzmind]

تم حذف المشاركة للخروج عن اطار الموضوع

مشرف 6 ب
1.50am
21/9/2013

[Imhotep]

ياريت منضخمش الامور و نضعها فى نصابها الحقيقى..... سبب القصة دى هو الكشاف اللى معندوش ضمير و بيعمل قراءات جزافية عشان الناس تخرج من شريحة استهلاكها للشريحة الاعلى و الفرق يصب فى مصلحة شركة الكهرباء و كلنا عارفين ان حوافز الموظفين فى الكهرباء بتيجى من القصة دى لدرجة ان فى ناس بتدفع الاف الجنيهات فى وسايط عشان تجيب تعيينات فى الكهرباء لان فلوسها حلوة و كله من عرقنا احنا
ادى كل الحكاية و ياريت الناس لا تتكاسل عن حقوقها و تروح ادارات شركات الكهرباء و تشتكى عشان يتعدلوا

[mramzy]

انا كان الطبيعى فى عز الحر مع التكيف ٦٠ - ٨٠ جنيه ومعدل ٦٠٠ كيلو فى الشهر
امبارح جت الفاتورة ٦٠٠ كيلو برضه بس الفيمه ١٢٠ جنيه بدل من ٦٠ يعنى الضعف
ربنا يستر

[mr_vampire]

تم حذف المشاركة للخروج عن اطار الموضوع

مشرف 6 ب
1.52 am
21/9/2013

[khaled_sabry]

متابع

[أشرف العدوي]

طيب انا بردو مش عارف اروح اتكلم في ايه
اصل هيقول ادفع الاول و بعد كدة اشتكي
فأنا عايز حل بعيد عن شركة الكهرباء

يعني فكرت امبارح اعمل محضر للكشاف في القسم
او اشتكي في حماية المستهلك

مش عارف ابتدي منين
و كدة كدة مش هينفع ادفع المبلغ ده لان دي سرقة علني
انا بستخدم الشقة تقريباً 8 ساعات في اليوم كله
و التكييف بيشتغل حوالي 5 او 6 ساعات

مش عارف اعمل ايه

انا خايف اتطر اخرج نص الشقة من العداد

مستحرم اعملها

[Ahmed_Adham]

طيب انا بردو مش عارف اروح اتكلم في ايه
اصل هيقول ادفع الاول و بعد كدة اشتكي
فأنا عايز حل بعيد عن شركة الكهرباء

يعني فكرت امبارح اعمل محضر للكشاف في القسم
او اشتكي في حماية المستهلك

مش عارف ابتدي منين
و كدة كدة مش هينفع ادفع المبلغ ده لان دي سرقة علني
انا بستخدم الشقة تقريباً 8 ساعات في اليوم كله
و التكييف بيشتغل حوالي 5 او 6 ساعات

مش عارف اعمل ايه

انا خايف اتطر اخرج نص الشقة من العداد

مستحرم اعملها

حضرتك لازم تحدد المشكله الاول. هل المشكله في ان القرايه مرتفعه (وانت مغير العداد قريب) ولا ان القرايه قريبه من استهلاكك والفلوس هيه اللي مرتفعه؟

اللي هتعمله انك تجيب وصل الشهر اللي فات وتشوف قرايته
وتجيب وصل الشهر ده وتشوف "السابقه" فيه هيه نفس "الحاليه" بتاعه الشهر اللي قبله ولا لاء.
وبعدين تشوف "الحاليه" بتاعه الوصل الجديد وتقارنها بالعداد وتشوفها أقل ولا اكتر من العداد لو طلعت أقل من العداد يبقى كده الاستهلاك مظبوط والكلام يبقى على الفلوس لو طلعت أكتر يبقى كده المحصل كاتب قراءه جزافيه وتعمل شكوى في الشركه وتطلب معاينه ييجي واحد ياخد قرايه العداد الفعليه.

لو الفلوس صح والاستهلاك صح وهتدفع اعمل تشريح للفاتوره وقسطها على 3 دفعات بما ان استهلاكك هينزل الفتره الجايه عشان حراره الصيف راحت والشتا داخل وتشغيل المكيفات بقى قليل.

وأخيرا. تابع قرايه العداد مع المحصل شهر بشهر الموضوع مش بياخد دقيقه عشان متسمحلوش يحوشلك كيلوات في العداد وينزلهملك في فاتوره مره واحده لأن من مصلحته ومصلحه الشركه يعمل كده انما من مصلحتك انت انك تدفع استهلاكك أول بأول.

[أشرف العدوي]

انا كل حاجة عندي مظبطوطة
يعني قارنت القراءات بتاعة الوصولات و قراية العداد
كله مظبوط
بس حجم الاستهلاك مش طبيعي خالص لا يصدق يعني

طيب هو ممكن اطلب مثلاً لجنة هندسية تفحص الشقة على حسابي طبعاً
اعرف يعني جاي منين الكلام ده
و لا الخدمة دي مش متوفرة

[Ahmed_Adham]

انا كل حاجة عندي مظبطوطة
يعني قارنت القراءات بتاعة الوصولات و قراية العداد
كله مظبوط
بس حجم الاستهلاك مش طبيعي خالص لا يصدق يعني

طيب هو ممكن اطلب مثلاً لجنة هندسية تفحص الشقة على حسابي طبعاً
اعرف يعني جاي منين الكلام ده
و لا الخدمة دي مش متوفرة

طيب حجم الاستهلاك ده يبقى مشكلتك وأنا فاكر انك كنت شاكك في العداد وبالرغم من ان حد جه شافه وقالك كويس الا انك غيرته. وبما انك كمان غيرته يعني لو كان فيه حد سارق منك كهربا كان هيبان وقت تغيير العداد.

اللي أنا برجحه دلوقتي ان الشهرين تلاته اللي فاتو كان المحصل بيحطلك قرايه أقل من استهلاكك الفعلي وجه حطلك الفرق ده الشهر ده خصوصا انك بتقول ان الكام شهر اللي فاتو كنت على مستوى ثابت 300 جنيه مع ان في شهر 7 و8 دايما الاستهلاك بيزيد عشان المكيفات ودي حاجه مش هتعرفها الا لو كنت الشهرين اللي فاتو بتقارن بين قرايه الايصال وقرايه العداد والفرق بينهم يكون في حدود المعقول.

فيه حاجه كمان. لما غيرت العداد دفعت كل الرصيد اللي كان في العداد القديم؟ والجديد عمل كام كيلو في كام شهر؟

[mohamed_selim]

العداد ممكن يكون بايظ و بيلف بسرعه ... روح الكهربا و هيجيب حد فنى يبص على العداد و يبلغك لو فى مشكله تغيره

[أبو_يوسف]

العداد ممكن يكون بايظ و بيلف بسرعه ... روح الكهربا و هيجيب حد فنى يبص على العداد و يبلغك لو فى مشكله تغيره

حصل عندنا مرة وعداد العمارة باظ ورحنا نبلغ تخيل قالوا ايه؟
قالوا طالما مش بيعد بالسالب يبقى سليم !

[أشرف العدوي]

اه كنت دافع كل الي على الرصيد القديم
و العداد ده الجديد انا لسة مغيرة
انا هروح الكهرباء على يوم الأتنين كدة و اشوف الدنيا هترسي على ايه
بس كدة كدة مش هدفع

[mgheam]

الموضوع بسيط وحصل مع الناس كلها
طبعاً قصص وحوارات عالم سمسم والبلد هتفلس والفاصوليا بـ 70 جنية والكلام ده بتاع الاخوان دي حوارات محفوظة الكلام فيها تضييع وقت
المهم
اللى حصل ان الكشاف اللى بينزل يلف يقرا العدادات كلهم لم ينزلوا بسبب الاحداث الفتره اللى فاتت
وكل الناس الفاتورة اشهر المحاسبة 2 او 3
تعمل زي وتروح للكهربا وياريت تعلى صوتك عليهم شوية زي ماانا عملت
المدير اتدخل وعملي طلب لتقسيم الاستهلاك ده كمتأخرات على الفواتير القادمه وده هينزل الشريحة ويخليك تتحاسب على سعر اقل للكيلو