صلاة النساء للتروايح في المسجد في الميزان

[الطنطاوي]

سبحان الله ... موضوعين في الصفحة الرئيسة بنفس المضمون - سلبيات المصلين في صلاة التراويح - أكيد في بعض الناس ليهم تصرفات غير سوية .
بس أنا عايز أوصل رسالة للجميع بلاش ننقد الناس واحنا في دنيا تانية . يعني أنا من يومين كنت عند السمكري وكان في مسجد جنب الورشة بيصلي التروايح والمسجد مليان كله والناس بتصلي بره الجامع من الزحام ... يقوم السمكري يقولي " شوفت الناس دي واخدين الصلاة موضة بس في رمضان بس . أنا جنب الجامع ده وعايز أقول لك إن الجامع ده في غير رمضان هم صفين بس اللي بيكونوا فيه " وطبعاً الباشا أصلاً ما صلاش العشاء .
الحكاية إنه عايز ينتقد الناس اللي بتصلي علشان شايفهم أحسن منه أو بيعملوا اللي هو ما بيعملهوش فعلشان كده الحاجة الوحيدة اللي في ايده انه يطلع فيهم القطط الفاطسه

دي نصيحة للجميع علشان ما يتحولش الموضع لنقد للحدث نفسه

[hn_kamal]

الحكاية إنه عايز ينتقد الناس اللي بتصلي علشان شايفهم أحسن منه أو بيعملوا اللي هو ما بيعملهوش فعلشان كده الحاجة الوحيدة اللي في ايده انه يطلع فيهم القطط الفاطسه

دي نصيحة للجميع علشان ما يتحولش الموضع لنقد للحدث نفسه

كلام زي الفل الله يفتح عليك

[الطنطاوي]

طبعاً مش معنى كده إنه ما يكنش عندنا نقد ذاتي . لا طبعاً لازم يكون عندنا نقد ذاتي واللي يشوف حد محتاج نصيحه لازم ينصحه وده أمر النبي - صلى الله عليه وسلم - لينا لما قال " الدين نصيحة "
بس يكون النقد على قد الغلط - يعني مش موضوعين في الصفحة الرئيسة - ولا يترتب على النقد ده منكر أكبر منه.
يعني لو أنا عارف إن أختي لو ما صلتش التروايح في المسجد مش ها تصليها أصلاً ... وها تقعد على الأفلام والمسلسلات ويضيع منها ثواب قيام رمضان يبقى أكيد ما ينفعش أجي أقول لها صل في البيت أحسن لك

[دموع الثلج]

أنا متفق معاكي فى بعض اللى قولتيه لكن ما نقدرش ننكر حديث الرسول عليه الصلاة والسلام
"لا تمنعوا اماء الله مساجد الله"
لكن من مزايا ذهاب الستات أو الرجال للمساجد هو أنه الصلاة فى جماعة ثوابها اكبر من صلاة الفرد وطبعا المفروض ان الناس تحاول تستزيد من الخير وخصوصا فى هذه الايام المباركة ده غيرانه ممكن أثناء سماع القرآن او الخطبة القصيرة التى بين الصلاة تحدث الهداية والاقتراب اكثر من الله عز وجل نتيجة التركيز والخشوع

أرسل أصلا بواسطة qa_sa

الحكاية إنه عايز ينتقد الناس اللي بتصلي علشان شايفهم أحسن منه أو بيعملوا اللي هو ما بيعملهوش فعلشان كده الحاجة الوحيدة اللي في ايده انه يطلع فيهم القطط الفاطسه

دي نصيحة للجميع علشان ما يتحولش الموضع لنقد للحدث نفسه

إِنَّمَا يَعْمُرُ مَسَاجِدَ اللّهِ مَنْ آمَنَ بِاللّهِ وَالْيَوْمِ الآخِرِ وَأَقَامَ الصَّلاَةَ وَآتَى الزَّكَاةَ وَلَمْ يَخْشَ إِلاَّ اللّهَ فَعَسَى أُوْلَـئِكَ أَن يَكُونُواْ مِنَ الْمُهْتَدِينَ


المساجد كلها بيوت الله وعشان الموضوع مينفعش نقول عليه موضه لان بيت الله الحرام بيكون اكثر تكدس وازدحام بالمصليين فى رمضان واللى راح عمره اخر رمضان شاف انه زحام شديد واحيانا مفيش مكان عشان تصلى لازم تقعد تحجز مكان من قبل المغرب عشان تعرف تصلى التراويح يعنى الزحام اللى فى مساجدنا مش لانه موضه هنا ولا شى جديد مبتدع لان الناس مدركه اهميه الشهر العظيم وثوابه الكبير فالكل حابب انه يغتنم اكثر فى رمضان من الحسنات والثواب وفضل صلاه الجماعه كفايه انك بكل خطوه تخطوها للمسجد تحط عنك سيئه من سيائتك

والمفروض احنا نشجع الناس تروح للمساجد والبنات اللى فى سن من 20 : 30 لو راحوا للمسجد افضل من انهم يتجمعوا عشان يروحوا لخيمه رمضانيه وجلست للشيشه والطاوله

الانتقاد يكون لسلوكيات المصليين وبعض التصرفات التى لا تليق بتواجدهم فى بيت الله من الرغى والاصوات المرتفعه وخلافه ده محدش يختلف عليه فانه خطاء
لكن تواجد النساء فى المساجد مش حرام

[OlaOsman]

و مين قال ان صلاة النساء في المساجد "حرام"؟؟

و مين يقدر ينكر حديث رسول الله صلى الله عليه و سلم "لا تمنعوا إماء الله مساجد الله"؟

و ليه بناخد المواضيع بتحفذ و نقوَل بعض كلام ما قلناهوش؟؟

مجرد تساؤلات :)

[Jato.33]

مين إلي قال إن المرأه لا تمنع من الخروج للمسجد ؟
إذا كان خروج المرأه للصلاة في المسجد يؤدي إلى مفاسد هي أكبر من الثواب والأجر المنتظر تمنع عملاً بالقاعدة الشرعية المعروفة "درء المفاسد مقدم على جلب المصالح"
يعني متخرجش بمكياج كامل ولابسة ملابس ضيقة وملفتة ومتعطرة وتصلي في الشارع قدام الناس وتقعد تنم وتغتاب وبعدين نقول أصل ثواب الجماعة أعظم
لا
تمنع لو كان ده هيحصل لو خرجت تصلي التراويح
وبعدين المسلسلات شغالة عادي بعد التراويح مش الصلاة هيا إلي هتمنع الواحد يشوف التلفزيون وبعدين في بديل ممكن نوصيها بصلاة خفيفة في البيت وقضاء ما تبقى من الوقت في قراءة القرأن ولا الثواب مش هيتكتب إلا في المسجد ؟
حرام عليكوا والله البنات بيفكروني وهما داخلين معانا المسجد يصلوا كأنهم رايحين جنينة مول تعرفوا من كام يوم دخلوا علينا بنتين المسجد غلط فاكرين إنه مدخل السيدات تخيلوا بأه مش هقول كانوا عاملين إزاي

[hn_kamal]

و مين قال ان صلاة النساء في المساجد "حرام"؟؟

و مين يقدر ينكر حديث رسول الله صلى الله عليه و سلم "لا تمنعوا إماء الله مساجد الله"؟

و ليه بناخد المواضيع بتحفذ و نقوَل بعض كلام ما قلناهوش؟؟

مجرد تساؤلات :)

ومين اللى قال ان انتى قولتى انه حرام صلاة النساء فى المساجد وأنا مش شايف ان حد خد الموضوع بتحفذ اطلاقا فقط تم توضيح فوائد الصلاة فى المسجد على أن يتم اجتناب كل ما حرم الله من صلاة النساء فى اماكن مكشوفة وما شابه ذلك
وشكرا

[OlaOsman]

ومين اللى قال ان انتى قولتى انه حرام صلاة النساء فى المساجد

لو قريت المشاركات كلها هاتعرف إجابة سؤالك :)

على فكرة آخر 3 مشاركات كلها بتبدأ ب"مين اللي قال"

كل سنة و انت طيب :)

[hn_kamal]

مين إلي قال إن المرأه لا تمنع من الخروج للمسجد ؟
إذا كان خروج المرأه للصلاة في المسجد يؤدي إلى مفاسد هي أكبر من الثواب والأجر المنتظر تمنع عملاً بالقاعدة الشرعية المعروفة "درء المفاسد مقدم على جلب المصالح"
يعني متخرجش بمكياج كامل ولابسة ملابس ضيقة وملفتة ومتعطرة وتصلي في الشارع قدام الناس وتقعد تنم وتغتاب وبعدين نقول أصل ثواب الجماعة أعظم
لا
تمنع لو كان ده هيحصل لو خرجت تصلي التراويح
وبعدين المسلسلات شغالة عادي بعد التراويح مش الصلاة هيا إلي هتمنع الواحد يشوف التلفزيون وبعدين في بديل ممكن نوصيها بصلاة خفيفة في البيت وقضاء ما تبقى من الوقت في قراءة القرأن ولا الثواب مش هيتكتب إلا في المسجد ؟
حرام عليكوا والله البنات بيفكروني وهما داخلين معانا المسجد يصلوا كأنهم رايحين جنينة مول تعرفوا من كام يوم دخلوا علينا بنتين المسجد غلط فاكرين إنه مدخل السيدات تخيلوا بأه مش هقول كانوا عاملين إزاي

سؤال هو لو سيادتك عندك ولد او بنت وكلما يروح المدرسة يعمل مشاكل مع صحابه والمدرسين يا تري حتمنعه من المدرسة ولا حتحاول تقوم سلوكه
يا سادة هو ده اللى بنقوله لازم نحاول نعدل من سلوكياتنا

[أبو عمار]

يا ريت يا جماعة زى ما بنضرب مثال سيئ للموضوع نضرب كمان مثال صالح
و الله يا إخوانا أنا أعرف ناس راحت عمرة و أول ما سألتها قالت إيه ده يا عم دى حوسه و تعب و بهدلة و زحام و لا فيها روحانيات و لا تقدر تركز فى حاجة ، طيب ده لو قلت له روح عمرة ربيع و لا كده طيب هيعمل فى الحج إيه
يعنى أنا مثلا بروح أنا و زوجتى و عمار إبنى 8 سنوات نصلى يوميا عند الشيخ حاتم فريد فى جامع إبراهيم فى إسكندرية
و الموضوع بشكل عام جميل و منظر يحيى القلوب حتى لو كان بشكل وقتى فى رمضان (أو على رأى بعض الناس موضه)أكيد أكيد فى نسبة هتثبت بعد رمضان (ربنا يجعلنا منهم)
طبعا فيه شوية تجاوزات لو تم تداركها هيبقى الأمر كويس جدا
على سبيل المثال : الإلتزام بالزى الشرعى و مجاهدة النفس فى هذة الفترة على ذلك حتى يتم التعود على الحجاب
تقدير أعداد النساء التى تأتى للصلاة و عمل أماكن تستوعبها و هذا يقلل من المشاجرات و ما إلى ذلك
تركيز الإمام على السلوكيات المرفوضة و آفات اللسان و الرقائق و تزكية النفس
عدم إصطحاب الأطفال غير المميزين

و ربنا يتقبل منا و منكم صالح العمل

[Abo_Lina]

المأساة الكبرى في هذا الزمن ان الناس بتنظر للكم و ليس للكيف..فالمساجد تمتلئ في رمضان بالرجال و النساء و الاطفال ولكن بعد انتهاء رمضان او حتى بعد انتهاء الصلاة لا نجد اي انعكاس لهذه الصلاة على اخلاق و تعاملات كثيرا ممن كانو في المسجد..

غثاء كغثاء السيل اجارنا الله و اياكم

[أبو عمار]

بشروا و لا تنفروا
يسروا ولا تعسروا
الخير فى أمتى إلى قيام الساعة