تحذير هام : من عصابة التكاتيك في ٦ أكتوبر ! { أنا أتسرقت } !!

[mahmoudysf]

الف سلامة عليك يا باشا
بالنسبة للكام ظابط دول كنت ممكن تقولهم فيه عيال في تكتك مشغلين ثورة دي ولا انقلاب وشايلين علامة رابعة وان انت بتقولهم عيب تغلطو في الثورة المجيدة قامو معورينك هتلاقيهم ساعتها في ثواني عملو اتصالاتهم وهتلاقي طيارت اباتشي ومدرعات وقوات خاصة بتدور على التكتك غير كدة مش هيتحركو

[Zaki Bashkha]

الف سلامة عليك والحمد لله انها جت علي اد كدا

[Zaki Bashkha]

الف سلامه لصاحب الموضوع
موضوع البلطجه والسرقه بالإكراه منتشر جدا
وللاسف
الشعب المصرى سلبى وإذا شاف واقعه بتحصل قدامه أقصى حاجه يعملها يطلع الموبيل ويصور للذكرى
أنا حصل معايا موقف مشابه وكانو فى عربيه نص نقل بدون نمر وزنقوا عليا
وكان معاهم فرد خرطوش ضربوا أول طلقه فى الهوا عشان أخاف منهم
العبد لله علطول ماشى معاه الطبنجه وعينك ماتشوف الأ النور والله مع أول طلقه كلهم سابو العربيه النص نقل وطيران بين العربيات
الظريف بقى الناس اللى شايفه الموقف
واحد عمال يصور وغيره بيشتم فيا ويقولى بطلو بلطجه وإفترا وكل واحد بكلمه
الحمد لله إحنا فى زمن قال عليه فيلسوف الغبره
الطيب فى الزمن ده يقولى عليه ضعيف ويتاكل
تذئب وإلا أكلتك الذئاب
والدى الله يرحمه كان كاتب حكمه ومعلقه فى مدخل البيت
رأيت الناس خداعا بجانب خداع ::: يضحكون مع الذئب ويبكون مع الراع

هي الطبنجة اللي معاك مرخصة وياريت لو حبيت ارخص طبنجة ايه الاجراءات وانا سمعت انها دلوقت شبه مستحيلة .

[ramymechanics]

الف سلامة عليك يا باشا
بالنسبة للكام ظابط دول كنت ممكن تقولهم فيه عيال في تكتك مشغلين ثورة دي ولا انقلاب وشايلين علامة رابعة وان انت بتقولهم عيب تغلطو في الثورة المجيدة قامو معورينك هتلاقيهم ساعتها في ثواني عملو اتصالاتهم وهتلاقي طيارت اباتشي ومدرعات وقوات خاصة بتدور على التكتك غير كدة مش هيتحركو

يااااااااه كنت ساعتها هتلاقى العساكر اللى لابسين نينجا ومدرعات وطيارات وفرقة السيل وال 777 والخمس خمسات كمان جايين من الفضاء وساحبين التوكتوك دة من وسط عياله

[canner]

اولا الف حمد الله على السلامة يا عمدة و انا حاسس بيك ازاى الموضوع ده ساب جرح قد ايه و حاجة زى دى ممكن تغير بنى ادم من جواه لو هو ماعندوش تحكم جامد على نفسه و مبادئه و ايمانه بربنا و برحمته و انه يشوف الجانب الحسن للموضوع و ستر ربنا معاه و خروجه من الموقف ده ده يخليك تحمد الله و تشكره و تطلع حاجة لله

ثانيا الموقف ده ح يزعزع الامن الداخلى جواك و جوانا و كل واحد قرا الموضوع ده و ح يخليه يفكر الف مرة قبل ما ينزل يروح مكان و مليون مرة انه يروح للمكان اللى انت روحته ده و المشكلة ان الواحد لما بيروح كام مشوار و عدى عادى بيستبيع و بيتهور و بيبتدى يفكر بقى انه يمشى رياضه و ينزل من البيت على الفاضى و المليان و لاماكن صعبه و غير مأمونة لحد ما يحصل موقف زى كده و يا عالم يطلع منه سليم و لا لا قدر الله

ثالثا الموضوع مش موضوع امان و شرطة تشوف شغلها الموضوع اكبر من كده كتير دلوقتى شوف كام شركة بتقفل على كام مصنع بيصفى و انا عن نفسى اعرف كام واحد من اصحابى قاعدين فى البيت و انا عن نفسى الشركة اللى انا فيها بتترنح طيب عاوز ايه من واحد مالوش دخل تانى يصرف عليه او على اهله انا مش بدافع عنهم بس سألت نفسك هم خدوا الاكل ليه بعد ما لقوش معاك حاجة؟ اه ممكن يكونوا بيضربوا و بيحششوا و كل حاجة بس لو الحكاية ماشية معاهم حلاوة كانوا رموا الحاجة اللى مش مستهلة و ده طبعا غير اللى بيسرق و يثبت علشان شايف مثله الاعلى فى الافلام بيعمل كده

رابعا انا شايف اللى انت ما تستهونش بالغزة اللى انت خدتها لازم تكشف و تحلل علشان انت مش عارف ايه البلاوى اللى اتعملت بيها قبل كده

خامسا مع احترامى لرأى حضرتك انا مش شايف العيال دى مش بروفيشنال ولا حاجة علشان لو هم فعلا كده ماكنش خرجوا اربع علشان يثبتوا واحد بس و واضح ان لو ثبتوك بمكروبص كنت تلاقى اربعتاشر واحد رافعين عليك مطاوى و خصوصا انهم بيقسموا الغنيمة بينهم و كل و قل العدد كل ما يكون نصيبه اكبر متهيألى انهم هاديين بس علشان مطمنين ان الدنيا امان بالنسبة لهم و مافيش حد ح يقفشهم او يقبض عليهم حتى لو صرخت و كمان علشان المطاوى اللى فى ايديهم اللى مخلياهم حاسيين بموقف القوة و المتحمس اللى فيهم بيلعب الشرطى السيئ و هم الباقى الشرطى الطيب علشان انت تفدى نفسك و تديهم اللى معاك يعنى فكر فيها انت لو لقيت انهم كلهم هاديين ح تخاف ازاى؟ ده ممكن تتعرفوا على بعض و تعرف دوافعهم و ظروفهم و يصعبوا عليك بس وجود واحد زى ده مهم للرعب

الحل انا شايف ان احسن حل يبتدى بفتح الشركات و المصانع اللى اتقفلت و رجوع الموظفين تانى ليها و و توسيعها و فتح اخرى جديدة علشان باقى العاطلين و ما اظنش ان حد كتير ح يلاقى باب رزق حلال و امان يسيبه و يروح للحرام و خصوصا اللى بيسرق بيبقى عارف انه يا قاتل يا مقتول

انا شايف موضوع الشرطة و الامان ح يرجع تانى قريب علشان ده بقى مطلب شعبى و خلاص الناس جابت جاز و ما بقاش فيه قابليه للنقاش فى الموضوع ده بس امتى بالظبط الله اعلم

الخطوة اللى اهم من ده كله التعليم و رجوعه زى الاول و احسن علشان دلوقتى كل شايفه زى قلته و بيتجه للتجارة او اى حاجة تجيب فلوس لحد ما الموضوع ده يتسد بيبقى خلاص واقف فى نص السكة ما بيعرف غير الصنعة اللى اشتغلها دلوقتى و اللى خلاص اتقفلت و فى نفس الوقت اتقفل قدامه باب التعليم فبيتجه لاسهل طريق الا و هو البلطجة

على العموم ربنا يسترها معاك و معانا و يخرجنا من الدنيا دى على خير و ما تزعلش من اللى حصلك ده اللى ما يموتشى بيقوى و عهدى بيك اللى انت بتاخد الجانب الكويس من كل حاجة

تحياتى

[windofchange]

حمدلله علي السلامة المهم انك بخير وربنا يصلح حال مصر

[المنسي]

حمد لله على سلامتك وقدر الله ماشاء فعل وكويس انها جت على اد كده واحد غيرك كان ممكن بلطج معاهم وكانو ساعتها خلصو عليه وبالمناسبة دى هاحكى قصة لواحد صاحبى ساكن فى عابدين وكان بعد الثورة بسنة تقريبا وكان مروح بيته ولقى خناقة فالشارع عمل فيها شهم وحب يحجز ومعرفش وجه ماشى العيال طلعت تجرى وراه فكرته مع التانيين وطلع يجرى ولحقوه ضربوه بمطواة فى دماغه وكان ساعتها جو شتاء ولابس جاكت المهم بعد اما انضرب بالمطواة وراح المستشفى وروح البيت والدته شافته كده اتخضت طبعا عليه وبعد ما قلع الجاكت والدته لقيت الجاكت كله مقطع اتاريهم لما كانو بيجرو وراه كانو بيضربوه بالمطاوى فى ظهره والجاكت حماه ..... انا حكيت القصة دى علشان خلاص الناس بقى ليها عذرها انها تشوف خناقة وتلف وتمشى من شارع تانى للاسف الثورة افرزت بلطجية بجانب البلطجية اللى كانو موجودين قبل الثورة واكثر منهم شراسة.... ربنا يحفظنا

[Mohamed_Hamid]

"اللهم أخرجنا من هذه القرية الظالم أهلها"
مصر بقت من مواطن الفساد . فلا غرابة فى ذلك
الاخوة الكرام اللى معشمين نفسهم برجوع الأمن. التفاؤل شئ كويس طبعا. بس انتوا للأسف عاملين زى اللى تفائلوا امبارح بفوز مصر على غانا. احلام واهية. مفيش أمل الا أن ربنا يخلصنا من نصف قيادات الجيش والشرطة على الأقل ويبدلهم برجال مخلصين.
الف سلامة عليك يا عمدة والحمد لله الذى نجاك من بين أيديهم.

[neemmohamed]

حسبنا الله و نعم الوكيل
قدر الله و ما شاء فعل
الحمد لله على السلامة

[Y a r i s]

الله يسلمكم جميعاً
واللهي ثم واللهي كلامكم ده بيواسيني ... مش اصحاب الغفله اصحابي قال ايه خدوني امبارح يسهروني في كافيه ويطلعوني من المود الي انا فيه. طول القعده كل واحد يحكيلي حكايه عن بطلجة وتثبيت ، منهم واحد بيحكيلي ان ماشغل في الحي الثاني بتاع شنط. دخل عليهم عيلين. ثبتوهم ... والتاني بيقولي ان في جيم في الحي الاول. دخل عليه تلاته بلطجية لم المحافظ والموبيلات من الشباب الي بيتمرنواوكسرولهم الصالة وخدو بعضهم وهربو . التالت بقه بيحكيلي وبيقالي ان في قهوة في شارع فيصل في محطة حسن محمد طلع عليهم بلطجية لمو كل التيلفونات والمحافظ بتاعت الناس الي قاعده حتى واحد قام قال ايه في ايه انتوا بتعملوا كده ليه قاموا شقينوا نصيين بالسيف !!
بصراحة كانت قعده لزيزززة قوي قوي امبارح لا وطلعوني من المود ههههههه. الله يخرب بيوتهم :)

[mk3]

الله يسلمكم جميعاً
واللهي ثم واللهي كلامكم ده بيواسيني ... مش اصحاب الغفله اصحابي قال ايه خدوني امبارح يسهروني في كافيه ويطلعوني من المود الي انا فيه. طول القعده كل واحد يحكيلي حكايه عن بطلجة وتثبيت ، منهم واحد بيحكيلي ان ماشغل في الحي الثاني بتاع شنط. دخل عليهم عيلين. ثبتوهم ... والتاني بيقولي ان في جيم في الحي الاول. دخل عليه تلاته بلطجية لم المحافظ والموبيلات من الشباب الي بيتمرنواوكسرولهم الصالة وخدو بعضهم وهربو . التالت بقه بيحكيلي وبيقالي ان في قهوة في شارع فيصل في محطة حسن محمد طلع عليهم بلطجية لمو كل التيلفونات والمحافظ بتاعت الناس الي قاعده حتى واحد قام قال ايه في ايه انتوا بتعملوا كده ليه قاموا شقينوا نصيين بالسيف !!
بصراحة كانت قعده لزيزززة قوي قوي امبارح لا وطلعوني من المود ههههههه. الله يخرب بيوتهم :)

ولله وليست واللهى

[koki4life]

أنا عن نفسي لا أعتقد أن هناك أي أمل في تحسن الوضع الأمني بالشكل و العقلية الأمنية الحالية .......

واحد جاري من كام يوم كان داخل الشارع بسيارته فوجئ بوجود مسلحين راكبين موتوسيكلات صيني ومعاهم بنادق اليه و كسروا له الزجاج الخلفي للسيارة راح خاف منهم و جري ودخل العمارة بسرعة ود خل الشقة لقاهم بيجروا وراه دخلوا العمارة بيسألوا عن صاحب السيارة وفعلا طلع لهم و قبضوا عليه وراحوا بيه القسم وفي الآخر طلعوا شرطة ..........تخيل بقي الموقف ؟؟؟؟؟؟؟؟؟؟؟؟؟؟!!!!!!!!!!

المهم انا كنت خارج في نفس التوقيت أشتري طلبات للمنزل وبعين غيرت رأيي لما عرفت ان في ضرب نار في الشارع ........الحمد لله ربنا سترها وحمدا لله علي سلامتك .......

المهم جاري اتحبس يومين و خرج بعدها بكفالة و عملوا له قضية خرق حظر تجول بسبب انه طلع يجري منهم ..........المهم ان المحضر مكتوب انهم قبضوا عليه يوم الثلاثاء الساعة 10:30م مع العلم ان الحظر بيبدأ الساعة 12:00م ...........

[dr.hazem]

لا حول ولا قوة الا بالله،،،
الف سلامه عليك ياغالي وكل سنه وانت طيب...
انا مصدوم ومش لاقي كلام اقوله سامحني،،،
ربنا يسترها علينا وعالبلد وحسبنا الله ونعم الوكيل....
تحياتي

Sent from my tab using Forum Runner

[abdulkhaleq]

اولا الف حمد لله على سلامتك
قدر ولطف
في ناس بيتسرق منها اكتر من كده
ونظام تكاتك برضه
وعموما
لازلت عند رأيي
حالة طوارئ وحظر تجول
ليه ؟؟؟
افادتنا بايه ؟ (كمواطنين محترمين في حالنا) ؟؟؟
ولا اي حاجه
المخدرات بتتباع في شارع شهاب علني
البلطجيه من ايام ثورة يناير عملوا سبوبه حلوه جدا ونشاطهم زاد لحد دلوقتي
من الاخر
اللي زينا فعلا ماينفعش في مصر
ياتعيش حرامي تقيل (باشا يعني)
ياتبقى صايع وجايبها من مشرقها لمغربها
المهم انك تكون ماشي شمال في بلد العاهرات والراقصات وعبده موته

اه نسيت
ان احنا مشكلتنا دلوقتي هم الدقون والاخوان
اصل دول بيعملولنا ارهاب
ومصر بتحارب الارهاب
وتسلم الأيادي

[AbdelRa0uf]

انا من 6 اكتوبر يا باشا و ساكن فى السابع و شايل معايا على طول سيلف اسبراى الحرامية و التكاتك حفظونى خلاص بمسك واحد فيهم و نعمل معاه الخطيئة و لسا امبارح مسكين واحد كان ناقصلو قلم على وشو و يموت و كلمنا الشرطة جت خديتو