إعـــــــلان

Collapse

.

,
See more
See less

6 \ 1

Collapse
X
 
  • Filter
  • الوقت
  • Show
Clear All
new posts

  • #61
    المشاركة الأصلية كتبت بواسطة عصام غنايم مشاهدة المشاركة
    ايه هى الأهتمامات ؟

    ايه هى الأولويات ؟

    المشكله مش فى ماتش كوره ( مع العلم انه مش ماتش فى دورى )

    المشكله ان سبب الخيبه فى الماتش هو سبب الخيبه فى الشغل هو نفسه سبب الخيبه فى الشارع

    قياده متخبطه

    إنفاق فى غير محله

    عدم معاقبه المقصر

    عدم الأهتمام بالنوابغ ومحاولة طمسهم

    التهليل الأعلامى المبالغ فيه ( فى جميع الحالات )

    حد متفق معايا ؟

    جيت على الجرح يا استاذ عصام

    لو الشخص المناسب فى المكان المناسب
    ولو الكفاءة هيا المعيار لتولى المناصب
    كان زمان مصر دى حاجة تانية

    فكرتنى بمقولة شهيرة للساخر الرائع جلال عامر المقولة دى بتقول
    (( مصر هى البلد الوحيدة اللى العيش فيها بيتباع على الرصيف والاحذية بتتباع فى فتارين زجاج))

    واحد الشيوخ كان بيقول (( لو نهر النيل صلصلة مش هيكفى الكوسة اللى فى مصر))

    وبس خلاص
    خلينى ساكت احسن
    [SIZE=2][SIZE=5][COLOR=Blue]zarif سابقا[/COLOR][/SIZE]
    [rmade]http://i1342.photobucket.com/albums/o774/sasamh_1976/%202%20Copy_zpswwu0sio0.jpg~original[/rmade][/SIZE]

    [SIZE="6"][COLOR="Blue"]zarif سابقا[/COLOR][/SIZE]

    Comment


    • #62
      الموضوع بسيط جدا و الناس مكبراه بزيادة عن اللازم (مع أني مخنوق جدا على أسم بلدي و على الخسارة المذلة )
      بس لازم كل حاجة تأخد حجمها الطبيعي

      لو قلنا أن سبب الخسارة هو الأسباب السالف ذكرها

      طيب ما أيام مبارك (هي هي نفس الأدارة )
      المنتخب خرج من تصفيات كأس العالم - و بعدين حصل على بطولة أفريقيا 3 مرات متتالية في أنجاز تاريخي و فاز على الكاميرون و غانا و فرق كتيرة كبيرة و قوية (بس علشان المنتخب كان متجانس )

      دلوقتي المنتخب وقع ... لسبب بسيط جدا

      مفيش دوري تقريبا بقالنا 3 سنين - مفيش تجانس مع اللعيبة و بعضهم نتيجة للسبب الأول - اللعيبة كانت تايهة في الماتش تماما - اكرامي كان بيقفش فراخ - الدفاع كان مخرم .

      الموضوع ملوش أي علاقة بالسياسة و لا عمر المنتخب كان مقياس لتقدم مصر

      أحنا عملنا أحلى لعب في أفريقيا (و كنا زي ما أحنا دلوقتي ) فبصراحة مش عارف ليه الأصرار على ربط كل حاجة بالسياسة .
      طيب ما الأهلي ماشي كويس في بطولة أفريقيا مع أن بينطبق عليه نفس اللي بينطبق على المنتخب و لكن هناك فرق :

      الأول أن الأهلي فريق و بالتالي متواجدين مع بعض في التمرينات يوميا بعكس المنتخب .
      الثاني أن بطولة أفريقيا أقل في القوة من التصفيات

      و مع ذلك الأهلي عامل شغل كويس وحصل على بطولة أفريقيا العام الماضي ووصل للنهائي السنة دي .

      فاكرين لما الجوهري كان مبدع مع المنتخب ....... و ماتشات أيه .. آخر حلاوة و أول ما أتغلبنا من السعودية 5 - 2 ... الشعب بدء ينوح و اتحاد الكرة نتيجة لهذا التنويح و عدم وضع الأشياء في نصابها الصحيح ... أقالوا الجوهري

      مشكلة الشعب الأساسية هي أننا بنحاسب بالقطعة .. ومعندناش طموح .. أول ما نشبع خلاص ... الطموح يروح و بنقف عند نقطة الراحة اللي وصلنالها و بالتالي غيرنا ممكن يتفوق علينا بسهولة .

      المشكلة الأساسية و الله العظيم تلاتة مشكلة شعب في الأساس .

      أرجوكم بلاش خلط كل شئ بيحصل بالسياسة ...خلينا حلوين و بنتناقش من غير خناقات .

      مصر فوق كل شئ و المصريين أهم من أي صراعات سياسية بين جماعات متناحرة على الكرسي .
      [img2]http://i59.tinypic.com/2vxpukz.jpg[/img2]

      Comment


      • #63
        قال عمرو أديب : احنا بلد فاشلة في كل حاجة
        أنا بقى شايف كمان ان احنا فاشلين في الفشل نفسه ...
        يعني لما بتشوف واحد وتقول عنه ده شخص فاشل ...فلأنه إنسا فارغ لم يحقق في حياته نتيجة واحدة ويتمتع بكامل صفات البؤس .. احنا حتى مش عارفين نعمل كدة !!!!!!!
        وده ناتج عن مشكلات متشابكة وقديمة أهمها نفسية المواطن المصري منذ سقوط الحكم الملكي ..
        وعلى الحكس تماما من وصف العبقري حمدان عن الشخصيى المصرية وفلسفته التي أدت لنتيجة ( عبقرية الزمان والمكان ) فأنا من وجهة نظري أنه وبنفس فلسفة جمال حمدان فإن الشخصية المصرية تتمتع بنفسية بائسة بسبب الزمان والمكان

        Comment


        • #64
          المشاركة الأصلية كتبت بواسطة عصام غنايم مشاهدة المشاركة
          ايه هى الأهتمامات ؟

          ايه هى الأولويات ؟



          المشكله مش فى ماتش كوره ( مع العلم انه مش ماتش فى دورى )

          المشكله ان سبب الخيبه فى الماتش هو سبب الخيبه فى الشغل هو نفسه سبب الخيبه فى الشارع

          قياده متخبطه

          إنفاق فى غير محله

          عدم معاقبه المقصر

          عدم الأهتمام بالنوابغ ومحاولة طمسهم

          التهليل الأعلامى المبالغ فيه ( فى جميع الحالات )

          حد متفق معايا ؟
          هناك تخبط فى الحياه السياسيه والا قتصاديه والاجتماعيه.. هى دى الاهتمامات والاولويات .. لما البلد تتبنى فى النواحى دى نبقى نفكر فى الرياضه
          باختصار .. لقمة العيش تخلينا مناخدش بالنا من حاجة زى دى ..
          متفق معاك فى الجزء التانى ...
          [URL]http://www.nilemotors.net/Nile/171617-2000-2001-2002-a.html[/URL]

          [CENTER][COLOR=black][URL="http://www.nilemotors.net/Nile/171611-2000-2001-2002-a.html"]-[/URL][/COLOR][COLOR=#000000]اسعار قطع غيار الاسترا[URL]http://www.nilemotors.net/Nile/169530-a.html[/URL][/COLOR][/CENTER]
          [CENTER][URL]http://www.nilemotors.net/Nile/144398-a.html[/URL][/CENTER]

          Comment


          • #65
            ياجماعه والله
            لعبه فاشلين فيها بكل المقاييس
            اتصرف عليها ملايين عشان السرقه وكده
            عندنا ابطال عالم في الالعاب الفرديه خصوصا والجماعيه كمان
            مش لاقين 1/10 من الدعم اللي بيروح للكوره

            طيب هو احنا عارفين يعني ايه اعداد بطل اصلا ؟؟؟
            عارفين دوله زي الصين مثلا بتعد اللاعيبه للاوليمبياد من سن كام ؟؟؟

            ولا احنا بلد اعلانات وخلاص ؟؟
            [CENTER][shfaf2]http://www10.0zz0.com/2013/04/03/16/676132267.jpg[/shfaf2][/CENTER]

            Comment


            • #66

              Comment


              • #67
                المشاركة الأصلية كتبت بواسطة m.elgergawy مشاهدة المشاركة
                يا جماعة الناس فاكره مصر كده خرجت من كاس العالم لا لسه في ماتش هنا في مصر مباراة العودة ولسه في امل :copy of new: وان شاء الله نكسب 5/0 ونتاهل
                المهم ما تكونش مباراة العودة فرصة لباقى لاعبى فريق غانا فى تسجيل الأهداف !!
                [SIZE=4][COLOR=DarkGreen][SIZE=5][SIZE=4][COLOR=Blue][B]ما بين ميلاد رسول الله موسى وهلاك فرعون عشرات السنين . . يُمهل ولا يُهمل !![/B][/COLOR][/SIZE]
                [/SIZE] [/COLOR][/SIZE]

                Comment


                • #68
                  مصر تكسب أو تخسر ....... الموضوع موضوع جهد و تعب و تجانس (و ده مش متوفر في فري قمصر حاليا ) و متوفر جدا في فريق غانا .

                  زي ما كانت مصر من 3 سنين .......... و قبل الثورة على نظام مبارك في 2006 و 2008 و 2010 ... و في عز فساد نظام مبارك ........ و في عز زي ما الأخوان بتقول استغلال مبارك لهذا الموضوع ----- الفريق كسب ... مع أن مبارك كان أبن ستين في سبعين و كاد ان يتسبب نظامه في خسارة دولة عربية أسلامية كبيرة كالجزائر ... و لكن المنتخب فاز بكأس الامم الأفريقية في سابقة لم تحدث من قبل (و ساعتها على فكرة أحنا مطلعناش القمر و لا أصبحنا فجأة نملك ناسا أو مختبرات البحث العلمي تملئ ربوع مصر )

                  و لكن كل الموضوع

                  لاعبين كانوا مميزين جدا - لديهم مدرب جيد جدا - كان هناك تجانس قوي جدا

                  و لكن كالعادة .. يجب أن يقلب البعض المواضيع إلى السياسية و ربطها بالسياسية .

                  دي مبارة كرة قدم ................ فقط لا غير ............... زيها زي مباريات كرة القدم أيام مبارك و زيها زي مباريات كرة القدم اللي مصر أتغلبت فيها من السعودية 5/2 و من المكسيك 4/2 ............ مع أن ساعتها لا كان فيه سيسي و لا أخوان !!!!


                  أبوس أيديكم .............. بلاش كل موضوع يتقفل
                  خلي الموضوع كروي بحت ............. و بلاش تدخلوا السياسة في كل حاجة .

                  شكرا .
                  [img2]http://i59.tinypic.com/2vxpukz.jpg[/img2]

                  Comment


                  • #69
                    قبل الثورة على نظام مبارك في 2006 و 2008 و 2010 ... و في عز فساد نظام مبارك ........ و في عز زي ما الأخوان بتقول استغلال مبارك لهذا الموضوع ----- الفريق كسب ... مع أن مبارك كان أبن ستين في سبعين و كاد ان يتسبب نظامه في خسارة دولة عربية أسلامية كبيرة كالجزائر ... و لكن المنتخب فاز بكأس الامم الأفريقية في سابقة لم تحدث من قبل (و ساعتها على فكرة أحنا مطلعناش القمر و لا أصبحنا فجأة نملك ناسا أو مختبرات البحث العلمي تملئ ربوع مصر )

                    بكل أسى وحزن

                    هل تنكر ان ايام مبارك الفاسده تلك افضل من الآيام الفاضله اللى عايشينها دلوقتى دى
                    [SIZE="6"][CENTER] اهم مواضيعى هنا [url]http://www.nilemotors.net/Nile/search.php?do=finduser&u=20690&starteronly=1[/url] [/CENTER][/SIZE]

                    Comment


                    • #70
                      المشاركة الأصلية كتبت بواسطة عصام غنايم مشاهدة المشاركة
                      بكل أسى وحزن

                      هل تنكر ان ايام مبارك الفاسده تلك افضل من الآيام الفاضله اللى عايشينها دلوقتى دى

                      مع اني شاركت في احداث الثورة قبل مااعرف خطئ

                      الجقيقة ان

                      يوم واحد من ايام مبارك احسن من كل الـ 3 سنيين القرف اللى شفناها بعد الثورة

                      Comment


                      • #71
                        انا قلت الموضوع خلاص هدى و نام :) عشان كده هشارك معاكم بخواطر قبل النوم :)
                        اخر نظامين فى البلد راحوا و راحت ايامهم خلاص و التحسر علي ايامهم مش هيفيد لانهم لن يعودوا- رغم محاولاتهم الجاهدة لكده
                        احنا لما قمنا بثورة شعبية كانت اقرب خبرة لكده هى ثورة 19 و الاجيال اللى عاشتها خلاص تقريبا خلصت بالاضافة الى ان الدنيا دلوقت غير الدنيا وقتها
                        فى ثورتنا الاخيرة طلعنا مدفوعين بمبادئ انسانية جميلة و الرغبة فى اصلاح حال البلد و حتى اللى مطلعش كان بيأيد مبادئها رغم انه لم يشارك بالنزول

                        الثورة الاولى للاسف قابلت اول ما قابلت..... قابلت سوء ادارة و لصوص الثورات و دول موجودين فى كل كتب التاريخ..... بيبقوا قاعدين و مترصدين عشان يزيحوا القديم و يحلوا هم محله....... لا هدفهم اصلاح شئ و لا تغيير حاجة الا لمصلحتهم ...... و حظنا العاثر وقعنا فى اللى و لا حتى البلد كلها بناسها تفرق معاهم
                        عشان كده كان لابد من استكمال الثورة الاولى بثورة تانية لتصحيح المسار الذى انحرف...... و هنفضل كده لغاية ما تستقر الامور ان شاء الله مع نظام و رئيس يراعى ربنا فى البلد دى و فعلا يبقى عايز يعمل حاجه للبلد ...... و انا متأكد ان الناس لما تحس بصدقه و رغبته الحقيقية فى العمل لمصلحة البلد هتحس هى كمان بالدافع القومى للعمل بجد و للانجاز مرة تانية زى ما اجيال اباءنا حست بكده فى الستينات رغم كل مساوءها..... و امامنا الكثير من التجارب الحديثة للتقدم بس مازال ينقصنا الدافع

                        ادى الحكاية و الرواية فى كام سطر على السريع بأقل كلام مباشر ممكن فى السياسة...... واللى عنده استعداد يستحمل مع البلد يبقى ياريت لان البلد هتحتاج جهود كل ابناءها

                        حد هيقولى فى ثغرة فى كلامك ان اى حاجة كويسة تحصل للبلد مربوطة بأحتمال فى علم الغيب هو مجئ الرئيس المخلص اللى يعدل المايلة....... هقوله للاسف طبيعتنا كشعب كده...... تملى محتاجين حد يرسملنا الطريق..... و لو كان صادق و اقتنعنا بصدقه ده يبقى هنمشى وراه...... لان احنا كشعب و افراده من غير قيادة هنبقى تملى متفركشين...... ده جزء فى طبيعتنا و اتفرجوا على تصرفات الناس فى الشارع بس كدليل على كده..... مفيش تصرف حضارى واحد الناس بتتفق انها تعمله كلها فى نفس الوقت

                        طيب هل هنستنى المعجزة دى كتير؟ هقول لأ مش هنستنى ادينا شغالين و ربنا يكرمنا ان شاء الله بواحد يراعى ربنا فينا و فى البلد...... و رغم ان ملامحها الكاملة مش ظاهرة فى الافق الا ان انا متأكد ان ربنا شايل للبد دى الاحسن لانها اتذكرت بالخير فى كل الكتب السماوية...... انا شخصيا فاجأتنى معجزة 30 يونيو رغم انى كنت متوقعها و ممكن اجيب هنا مواضيع كتبت فيها عنها قبلها بشهور طويلة...... و فضلت رافض اصدق الا لغاية لما شوفت اخر اجراء فيها و ساعتها بس صدقت و شكرت ربنا على رحمته بالبلد دى و ناسها....... طبعا الناس اللى مش مع 30 يونيو لا محل لهم فى الاعراب من الكلام ده و ياريت يمتنعون....... و اللى مع 30 يونيو ياريت يستمر يستخدم الشحنة بتاعتها عشان تديله الامل فى مستقبل افضل فى البلد دى...... مع ملاحظة ان 30 يونيو مش هيحس بقوة الدفع بتاعتها الا اللى كان شايف بوضوح كامل الهوة السحيقة اللى البلد دى كانت رايحة عليها مع النظام السابق.....

                        و احب فى النهاية اقول انى زى ما قلت الكلمتين دول بأقل تعرض ممكن للسياسة و تفاصيلها احتراما لقواعد المنتدى و حرصا على عدم الدخول فى مشاحنات لا طائل من وراءها....... احب كمان اقطع الطريق على اللى هيشوف فى بعض كلامى ده محاولة للتسويق او الترويج لشخص معين...... و ناس كتير هنا عارفة رأيى فى الموضوع ده من ايام مشاركاتى فى مواضيع القسم الغير مأسوف عليه و ممكن برضه اجيب مواضيع قايل فيها الكلام ده من شهور....... انا كلامى هنا ده عبارة عن خواطر بشاركها مع الناس اللى لسه بتسأل و تتساءل عن اتجاه و قولت اشاركهم بالخواطر دى كما يحسها واحد من مواطنى البلد دى يعرف قيمتها و يعرف كويس انها تستاهل الافضل...... طبعا المواقف هتختلف و كمان الاحساس بيها هيختلف من شخص لشخص حسب ظروفه و موقفه و اتجاهاته بكل انواعها الخ الخ و كل واحد هيحسب حسبته بناء عليها...... الحسبة دى مش هيغيرها كلام و لا مناقشات مهما طالت لان كل واحد ادرى بظروفه و موقعه...... عشان كده حوارات كتير ممكن يبقى ملهاش لازمة و لا طائل من وراءها خاصة اللى مش هييجى من وراها اتفاق على حاجة ابدا بالذات بين الناس اللى على طرفى النقيض فى الرؤية

                        و الله غالب على امره و عليه سبحانه قصد السبيل

                        Comment


                        • #72
                          ممكن اسأذنك فى ملخص لكل ما سبق من 3 سطور

                          وبس
                          [SIZE="6"][CENTER] اهم مواضيعى هنا [url]http://www.nilemotors.net/Nile/search.php?do=finduser&u=20690&starteronly=1[/url] [/CENTER][/SIZE]

                          Comment

                          Working...
                          X