تمارين البطن بتشد العضلة ولا بتنزل دهون؟؟؟؟؟

[banzai]

قاعدة عامة اى تمارين بتعمل عضل فى الجسم
ودهون البطن اصعب دهون فى الجسم هى ودهون الصدر والاجناب ومبينزلوش غير بالجرى وتمنع البيبسى والمقليات وتمضغ اكلك كويس
انما اعتمادك على تمارين البطن بس مش هينزل الكرش وكترها بيضعف عضلة البطن لازززم تجرى واشفط بطنك وانت ماشى

ايه الكلام ده يا زعيم ؟ تمارين البطن ايه اللى لوحدها بتضعف عضلات البطن ؟ ممكن مصدر لكلامك لو سمحت
=======
بالنسبه للاستاذ صاحب الموضوع
شوف يا باشا الموضوع بسيط جدا
لو لعبت تمارين بطن و اكلك زى ما هو يبقى انت اينعم بتحرق سعرات و دهون لكن انت كده بتكتسب دهون اخرى و حتى لو ربيت عضل فى بطنك هيكون مختفى تحت طبقة الدهون , عشان كده لو لعبت تمارين بطن هتلاحظ ان العضلات اللى فوق اللى تحت الصدر على طول بتبان اسرع من اللى عند السره لان الدهن لما بيتحرق بينزل لتحت و يتجمع فى منطقة السره و لو انت كملت تمارين البطن المتجمع فى السره هيتحرق لحد ما الكرش يختفى خالص ( ده لو كملت تمارين و حط تحتها الف خط )
اهم حاجه انك تظبط اكلك يعنى ايه ؟ يعنى تستغنى باقدر قدر عن الاكل اللى فيه دهون و تعوضه بالاكل اللى فيه بروتين لان البروتين بيربى عضل و لا يكون دهون
زى ايه ؟ التونه و يفضل تصفى الزيت او تجيب تونه دايت , بياض البيض فقط بدون الصفار , طبعا اللحمه و الفراخ و السمك , حاجات كتير اوى مليانه بروتين , المهم انك تقلل جدا كميات الرز و المكرونه و العيش و البطاطس اللى بتاكلها و ابعد عن اى حاجه فيها زيت بقدر المستطاع , يعنى مثلا السمك كلو مشوى ولا تأكله مقلى و حاول تقلل 25% من كمية الاكل اللى بتاكلها فى اليوم الواحد
لو عملت الكلام اللى فوق ده مع تمارين البطن قبل 3 شهور هتقف ادام المرايه هتشوف واحد تانى خالص و على فكره تمارين البطن لو لعبتها حتى مدة 10 دقايق هتكون مؤثره تخيل بقى لو لعبتلك كل يوم 30 دقيقه و لو على فترات متقطعه صدقنى شىء سهل للغايه بس عايز عزيمه
يبقى فى الحاله دى انت بتلعب بطن فبتحرق دهون و لما بتاكل بتدخل للجسم بروتين يذهب لبناء العضلات ولا يكون دهون مره اخرى
اظن معادله سهله
تحياتى

[banzai]

حاجه كمان نسيت اقولها فى قنوات كتير على اليوتيوب بتقولك على تمارين كتير تلعبها و انت فى البيت بدون اى اجهزه او حصان البطن او اى شىء و بعضها بتحريك الارجل لو تحريك النصف اللى فوق هيكون صعب عليك فى الاول
اكتب بس فى اليوتيوب
how to make 6 abs in home

[mastr_n]

ايه الكلام ده يا زعيم ؟ تمارين البطن ايه اللى لوحدها بتضعف عضلات البطن ؟ ممكن مصدر لكلامك لو سمحت
=======
بالنسبه للاستاذ صاحب الموضوع
شوف يا باشا الموضوع بسيط جدا
لو لعبت تمارين بطن و اكلك زى ما هو يبقى انت اينعم بتحرق سعرات و دهون لكن انت كده بتكتسب دهون اخرى و حتى لو ربيت عضل فى بطنك هيكون مختفى تحت طبقة الدهون , عشان كده لو لعبت تمارين بطن هتلاحظ ان العضلات اللى فوق اللى تحت الصدر على طول بتبان اسرع من اللى عند السره لان الدهن لما بيتحرق بينزل لتحت و يتجمع فى منطقة السره و لو انت كملت تمارين البطن المتجمع فى السره هيتحرق لحد ما الكرش يختفى خالص ( ده لو كملت تمارين و حط تحتها الف خط )
اهم حاجه انك تظبط اكلك يعنى ايه ؟ يعنى تستغنى باقدر قدر عن الاكل اللى فيه دهون و تعوضه بالاكل اللى فيه بروتين لان البروتين بيربى عضل و لا يكون دهون
زى ايه ؟ التونه و يفضل تصفى الزيت او تجيب تونه دايت , بياض البيض فقط بدون الصفار , طبعا اللحمه و الفراخ و السمك , حاجات كتير اوى مليانه بروتين , المهم انك تقلل جدا كميات الرز و المكرونه و العيش و البطاطس اللى بتاكلها و ابعد عن اى حاجه فيها زيت بقدر المستطاع , يعنى مثلا السمك كلو مشوى ولا تأكله مقلى و حاول تقلل 25% من كمية الاكل اللى بتاكلها فى اليوم الواحد
لو عملت الكلام اللى فوق ده مع تمارين البطن قبل 3 شهور هتقف ادام المرايه هتشوف واحد تانى خالص و على فكره تمارين البطن لو لعبتها حتى مدة 10 دقايق هتكون مؤثره تخيل بقى لو لعبتلك كل يوم 30 دقيقه و لو على فترات متقطعه صدقنى شىء سهل للغايه بس عايز عزيمه
يبقى فى الحاله دى انت بتلعب بطن فبتحرق دهون و لما بتاكل بتدخل للجسم بروتين يذهب لبناء العضلات ولا يكون دهون مره اخرى
اظن معادله سهله
تحياتى

بص ياباشا كلامك منطقى الى حد كبير وفعلا انا بعد الرجيم وبحكم شغلى لقيت انة صعب انى التزم بمنيو الرجيم فرجعت اكل تانى عادى بس بصراحة بعد الرجيم حسيت فعلا ان الواحد راضى على جسمة بنسبة كبيرة الحمد للة وفعلا كل لبسى القديم بقى واسع واشتريت لبس حديدبس طبعا الرشاقة حلوة مافيش كلام
المهم طبعا بعد لما ابتديت اكل عادى اول حاجة ابتدت تظهرا(الكرش)
فقولت انا لو كل يوم عملتلى 15 دقيقة تمارين بطن بالتالى الدهون هاتتحرق قبل ماتتكون يعنى الفكرة كلها هو القضاء على الكرش من قبل ظهورة ودة الهدف من الموضوع
الكلام دة ممكن ؟

[محمد بلال]

متابع

[banzai]

شوف يا زعيم متعملش رجيم بتاع الدكاتره ده و ربع بيضه فى اليوم و الحوارات دى
كل نص طبق الرز اللى انت متعود تاكله او نص طبق المكرونه الخ الخ لكن لو عايز تاكل فرختين او كيلو لحمه كل براحتك
انت فاهم انا قصدى يعنى ركز على الاكل اللى فيه بروتين و مبيعملش دهون كل تونه او بياض بيض او فاصوليا او بسله يعنى المهم ان فيه اختيارات كتير
لكن الاكل اللى فيه دهون كل نص الكميه اللى انت متعود عليها او اقل
و صدقنى الجسم البشرى بيحتاج اقل بكتير من الكميات اللى احنا بناكلها لكن احنا بناكل كتير و بندبها عشان بس نوصل لاحساس زائف بالشبع لكن الشبع الفعلى (اللى بيحتاجه الجسم ) بنكون اولريدى وصلناله يمكن فى نص الوجبه او قبلها كمان
مع الاستمراريه فى لعب تمارين البطن يبقى خلاص الموضوع منتهى مفيش كرش لعدم توفر مصدر ترسب الدهون و لحرق السعرات و الدهون عن طريق التمارين
و اكيد تبعد عن البيبسى لانه بيعمل ترهل فى جدار المعده ده غير ان شربه المتكرر بيسبب بلاوى فى البلعوم و قرح و حموضه انساه و كأنه لم يصنع من قبل

[itsonlyme]

تمرينات البطن بتشد وتقوي عضلات البطن لكن مش بتعمل أي حاجة في الدهون المحيطة بالبطن.

مفيش حاجة اسمها تعمل تمارين في منطقة معينة عشان تخس في المنطقة دي بس.

عشان تخس لازم جسمك كله يخس عن طريق رجيم ومجهود بدني عام (يسمى Cardio) زي الجري أو السباحة.

حرق الدهون بيحصل لما تكون السرعات الحرارية الداخلة الجسم أقل من المستهلكة

وده بيتم عن طريق الرجيم مع تمارين رياضية للجسم كله.

لو اتمرنت بطن بس هتشد عضلات البطن وده ممكن يحسسك ان الكرش صغر لأن
الكرش عبارة عن دهون على البطن + ترهل عضلات البطن وبالتالي تمارين البطن بتحل جزء من المشكلة بس بيفضل الجزء الأكبر وهي الدهون على البطن.

الحل الأمثل للكرش هو أنك تنسى خالص ان انت عايز تخسس الكرش وتفكر تخسس الجسم ككل.
يعني رجيم مع جري.
الأطراف والوجه والرقبة أول حاجة هتخس، وآخر حاجة هتخس هي البطن.
عشان كده الموضوع عايز عزيمة ومثابرة.

[Mohamed_Hamid]

الموضوع ببساطة هو معادلة رياضية
1) سعرات حرارية ناتجة عن الغذاء > معدل الحرق = زيادة فى الوزن
الحل: رياضة وتظبيط الأكل لكن مش جو الحرمان بتاع مراكز التخسيس لأنه فى الغالب بيقلب بانتكاسة وزيادة رهيبة فى الوزن. تظبيط الأكل يعنى الاهتمام بوجبة الفطار لأنها اهم وجبة فى اليوم كل فيها كويس والغداء يبقى كمية أقل والعشا يبقى كمية قليلة جدا.الرياضة طبعا معروف احسن شئ هو الجرى او المشى. لو عندك trade mill يبقى ممتاز لو مفيش يبقى تجرى.ده نظام الآوروبيين والأمريكان على فكرة علشان كدة اجسامهم رشيفة عننا.
2) سعرات حرارية ناتجة عن الغذاء < معدل الحرق = نقص فى الوزن
وهو ده المطلوب بس مش نقص لدرجة الضعف العام كدة غلط
3) سعرات حرارية ناتجة عن الغذاء = معدل الحرق = ثبات فى الوزن
ممتاز جدا. بس طبعا صعب جدا ان الواحد يحسب كمية السعرات ويحرقها يوم بيوم لكن ده نظريا بس
بالتوفيق لنا جميعا اصحاب الكروش :)

[عصام غنايم]

انا بدأت فعلا فى الموضوع ده

بقلل من كمية الأكل وبتمرن كل يوم ساعه بس

خسيت 5 كيلو

واستوب على كده

مش عارف الغلطه فين ؟؟؟

[midnightman_74]

حاجه كمان نسيت اقولها فى قنوات كتير على اليوتيوب بتقولك على تمارين كتير تلعبها و انت فى البيت بدون اى اجهزه او حصان البطن او اى شىء و بعضها بتحريك الارجل لو تحريك النصف اللى فوق هيكون صعب عليك فى الاول
اكتب بس فى اليوتيوب
how to make 6 abs in home

انت راجل مية مية ... جيت فى وقتك

[banzai]

تمرينات البطن بتشد وتقوي عضلات البطن لكن مش بتعمل أي حاجة في الدهون المحيطة بالبطن.

مفيش حاجة اسمها تعمل تمارين في منطقة معينة عشان تخس في المنطقة دي بس.

عشان تخس لازم جسمك كله يخس عن طريق رجيم ومجهود بدني عام (يسمى cardio) زي الجري أو السباحة.

حرق الدهون بيحصل لما تكون السرعات الحرارية الداخلة الجسم أقل من المستهلكة

وده بيتم عن طريق الرجيم مع تمارين رياضية للجسم كله.

لو اتمرنت بطن بس هتشد عضلات البطن وده ممكن يحسسك ان الكرش صغر لأن
الكرش عبارة عن دهون على البطن + ترهل عضلات البطن وبالتالي تمارين البطن بتحل جزء من المشكلة بس بيفضل الجزء الأكبر وهي الدهون على البطن.

كلام غير سليم
انا طولى 178 و وزنى وصل 99 كيلو بنسبة دهون 27% , ظبطت اكلى كميات بسيطه جدا من الدهون و كميات اكبر من البروتين
مع تمارين البطن و دلوقتى انا 178 سم و وزنى 89 كيلو و نسبة الدهون 20% و مبلعبش كارديو خالص
و لسه عايز المستهدف بتاعى يوصل ل 82 كيلو و 16 - 17 % دهون
طبعا الكارديو مهم جدا انا مش بقلل منه , نط الحبل كمثال رهيييييب او الجرى او السباحه الخ الخ
لكن انا بقول على اللى حصل معايا انى ركزت جدا على تمارين البطن و اول ما ابتديت كنت بجيب خمس عدات بالعافيه لكن مع التكرار الحاجات دى بقت سهله و بقيت على الساعه ممكن العب كل يوم ساعه بطن بتمارين كتير مختلفه سواء خاصه بالجزء العلوى او الارجل و فى تمرين بيجيب من اخر الاخر و هو انك بتنزل فى وضعية لعب الضغط فى الحمام و تحط تحت رجلك فوطه مبلوله و توصل برجلك لبطنك و ترجعها مفروده تانى ده رهيب بجد
تحياتى يا زعيم

[banzai]

دى نسبة الدهون فى جسم الذكور قارنها بشكل جسمك الحالى و انت تعرف انت كام فى المائه دهون

[mgheam]

في نظام اسمه p90x وهو عبارة عن تمارين متكاملة متصورة فديو (بتتعمل في البيت)
هيظبط كل حته في الجسم
موجود على النت لو جربته مش هتحتاج اي حاجه تاني

[abdulkhaleq]

في نظام اسمه p90x وهو عبارة عن تمارين متكاملة متصورة فديو (بتتعمل في البيت)
هيظبط كل حته في الجسم
موجود على النت لو جربته مش هتحتاج اي حاجه تاني

برنامج ممتاز
بس بشرط
تنفذه بالكامل زي ماهو
تمرين واكل وكلله