تجربه الزواج من فتكات

[prof2013]

السلام عليكم
حد هنا ليه تجارب مع موقع زواج فتكات والمنتدى ايضا ؟؟؟
ياترى ايه ملاحظاتكم على العرايس المعروضه ؟؟؟
اللي عنده ملاحظات يقولي ... لاني ليا تجارب كتيرة معاهم هههههه وقدرت من خلالها اعرف تفكير البنات (اقصد بنات مصر) .... اصلا طريقه الموقع غلط في غلط وهقولكم ليه
مستني ارائكم ياحلوين

[samyyousef]

انا شخصيا ليس لي اية تجربة في هذا الشأن...لكني احب ان استفيد من تجربتك
تحياتي

[r0xer]

هو فتكات موقع جواز؟ وانا اللي فاكره منتدى نسائي زي نايل موتورز الذكوري؟ :)

حد يوضح ياجماعة :)

[ابواياد المصري]

متابع

[BLOODY_STONE]

هههههههههههه ايه ده هو موقع فتكات للجواز ؟؟ جديدة دي

متابع

[prof2013]

ههههههههههههههههه انتم اول مرة تعرفوا ولا ايه ؟؟؟؟؟ دنا عارف من سنه وراسلت بنات كتيييير
لو ينفع احط الرابط بتاع القسم هنا كنت وضعته بس خايف يكون مخالف
المهم تقدروا تدخلوا على الصفحه الرئيسيه بتاع المنتدى وتدوروا على قسم الزواج هتلاقوه قدامكم
مكتوب (زواج فتكات)

[midooo_119]

انا ليا كذا تجربه معاهم اغلب البنات مستوى اقل من المتوسط لكن فيهم اخلاق و محترمين

[prof2013]

انا ليا كذا تجربه معاهم اغلب البنات مستوى اقل من المتوسط لكن فيهم اخلاق و محترمين

ياسيدي ياسيدي اعارضك في الجزء الاول واوافقك في الجزء التاني لكن ممكن تحكي نوع تجربتك ايه ووصلت لايه معاهم

[eng_volto]

باين عليه هيبقي موضوع جامد
فانا متــــــابـــــع

[prof2013]

ملحوظه المنتدى نسائي فقط ولا يسمح باشتراك الرجال هههههههه (اظن المعلومه وصلت)

[midooo_119]

ياسيدي ياسيدي اعارضك في الجزء الاول واوافقك في الجزء التاني لكن ممكن تحكي نوع تجربتك ايه ووصلت لايه معاهم

التجربه وصلت انى وصلت للبيت لكن كانوا ضحكوا عليا فكذا حاجه انهم قالولى كانوا ساكنين فمنطقه عاليه وبعدين لاقيت مش كده خالص و الاب و الام مطلقين و مكنوش قايلى و على اد حالهم اوى و مستواهم الاجتماعى و المادى مش اوى

ملحوظه المنتدى نسائي فقط ولا يسمح باشتراك الرجال هههههههه (اظن المعلومه وصلت)

لازم تعمل بنت طبعا

[benmatar]

أي أي موقع زواج سواء فتكات او عدلات...... إنســـــــــــــــى، أوعى تعتمد عليه ولا تنصح بيه
إذا كان الواحد ساعات ينصحوه ميشتريش عربية من النت ولو اشترى بيعمل إييييييييييه؟
كشف وفحص وتدقيق في الرخصة والأوراق ولو شكل اللي بيبعها مش مظبوط هتقوله فرصة سعيدة، صح؟
طب لما تشتري العربية من صديق مقرب او عن طريق حد ثقة ومن المالك ومن غير توكيل برضه بتفحص بس قلبك مطمئن مش مرتاب، صح؟ ده بالنسبة لحديدة لو بمليون جنيه بتركنها في الشارع........ أما اللي بروح اتجوزها مش بتتساب في الشارع ولا ممكن احطها في معرض يخلصني منها، صح؟

أما من ناحية تجارب فأعرف حد اقدم على الخطوة دي وكانت مده جوازه 6 شهور!!!!!

لما اغلب اهل الأرض بيتجوزوا بيكون عن طريق معارف موثوق فيهم (أم، اخت، اب، زوجة أخ،... إلخ) او عن طريق الشخص نفسه اختار حد عن طريق تعامل، ومعاملة، ووقت ( جارة، زميلة عمل او دراسة، او قريبة) وفي كل الحالات برضه بيتعمل حركات كورومبو من سؤال جيران ومعارف و... و.... و... إلخ. زائد فترة خطوبة وهكذا

ربنا يرزق الجميع الزوجة الصالحة، ودي طبعا حضراتكو عارفين هتيجي من بيت وأسرة وأصل ودين و... و... ... حاجات كتير مش مجرد موضوع في صفحة في منتدى بيتكلم عن التقلية والثوم الصيني، وتقبل مروري.

[midooo_119]

ليا صاحب اجوز من عالنت و مبسوط جدا بقاله 4 سنين و ماشاء الله عليها الجاره او الاخت هى هى الى عالنت باختلاف الطريقه

[prof2013]

التجربه وصلت انى وصلت للبيت لكن كانوا ضحكوا عليا فكذا حاجه انهم قالولى كانوا ساكنين فمنطقه عاليه وبعدين لاقيت مش كده خالص و الاب و الام مطلقين و مكنوش قايلى و على اد حالهم اوى و مستواهم الاجتماعى و المادى مش اوى



لازم تعمل بنت طبعا

طيب ومين اللي عملك الموضوع ؟؟ وسيطه ولا انت دخلت باسم بنت ؟
اما بالنسبه لعدم المصداقيه فده بيحصل كتير ومش في المنتدى بس
لاء.. على ارض الواقع بردو اي حاجه فيها حريم ما تثقش بيها ميه في الميه
لانهم لتاتين وعجانين هههههههه

[midooo_119]

طيب ومين اللي عملك الموضوع ؟؟ وسيطه ولا انت دخلت باسم بنت ؟
اما بالنسبه لعدم المصداقيه فده بيحصل كتير ومش في المنتدى بس
لاء.. على ارض الواقع بردو اي حاجه فيها حريم ما تثقش بيها ميه في الميه
لانهم لتاتين وعجانين هههههههه

ههههههه بس كله بينكشف .. انا عملت مستخدم بنت عالموقع