تجربه الزواج من فتكات

[cameeron]

فى كمان صفحة مجلة الشباب على النت بتكتب فيها الطلب مجانى و متشاف كويس من ناس كتير
طريق السعاده - كافييه - مجلة الشباب

[prof2013]

يا أخي الكريم النت مش وسيلة مناسبة للزواج وخصوصًا بالطريقة دي
نادرًا مافيه حد يصادفه شيء يناسبه بطريقة المنتديات بالشكل دا
وخصوصًا موضوع مراسلة العضوات دا صعب جدًا يجي منه شيء يناسبك
حضرتك محتاج ترتب أفكارك وتعرف إنتا عايز إيه والبنت عايزة إيه و كل شيء بمقابل
مستحيل تلاقي كل المواصفات اللي إنتا عايزها ومستحيل تقابل إنسانة هتتزوجها بدون ماتقدم لها طلباتها "اللي هيا عبارة عن تنازلات عن بعض طلباتك"
هيا الحياة كدا
والبنات هما البنات فأي حتة فالدنيا هتلاقي التفكير دا مسيطر عليهم
والله ماقبلت أي شاب من أي بلد عربي وسألته عن الزواج فبلده إلا و قال نفس الإسطوانة وردد نفس السلبيات
أي حد عايز يتزوج بيفكر فنفسه بس أنا إيه المواصفات اللي عايزها ؟ بدون مايفكر فالمقابل اللي هيقدمه !
رتب أفكارك وشوف "إنتا عايز إيه من البنت " و" البنت عايزة إيه منك "
ونصيحة متحطش موضوع ميولها السياسي فدماغك خالص فلول ولا إنقلابية إنتا هتتجوزها ولا هتتنتخبها ههههههههههه

ربنا يرزقك الزوجة الصالحة اللي تتمناها و اللي تقر بها عينك

منا مرتب ياباشا مرتب واتنازلت كتير
فيه اكتر من اني اعزب وجامعي واطلب مطلقه وتعول ؟؟؟ او تكبرني سنا بسنه او اتنين
او دبلوم او او ..... فوكك ياباشا انا طلعت الموضوع من دماغي لحد ما تيجي هي على مهلها

[ghost11]

انا كنت دخلته من سنين
فطالما انت دخلته قريب يبقي انت اصدق
حقك عليا يا باشا

بصوا مودة من فترة كبيرة كان ببلاش ياااااااااااااااااااااااااااه كانت ايام

بس دلوقتى باشتراك لان لقوا ان معظم الناس كانت داخله تهزر وتتسلى

[canner]

المشاكل اللى انا شفتها فى المواقع دى كالاتى:

1- البنات داخلة من باب ان الشباب اللى دخله دى داخله تتسلى فبتلاقيها بتتكلم بتناكة و بأستبياع طيب ليه داخله من الاساس يا بنت الحلال ما دمتى مضلمها من اوله؟ا تقولك علشان اتلسعت من كذا حد قبل كده علشان كده ان واخده الحذر فالبنت دى اساسا داخله و لو لقت احمد عز مش ح تقبل بيه حتى

2- تلاقى البنت من دول كاتبه انها عاوزه واحد متدين و بتاع ربنا و اخلاق و اللذى منه تبعت لها و تقولها انا كده تقولك اشوف صورتك و اول ما تشوف الصورة تقولك بس انت قصير شويه تخين شويه وحش شويه طيب فين سيرة الاخلاق و التدين اللى انتى كنتى فلقانا بيهم؟

3- لو عديت من كل الكلام ده و توصل انك تقابلها و تقابل حد من عيلتها يبتدى المرحلة التطفيش الفعلية و اللى قبل كده كان هزار تلاقى امها بتقولك انت اتعرفت عليها من على النت؟ و تبصلك كأنك لموأخذة عامل عملة و ماعندكش اخلاق و بتشقط بنات و يبتدى التحقيق انت شغال فين؟ و بتقبض كام؟ و شقتك فين؟ و مساحة الشقة قد ايه؟ دى وصلت فى مرة كنت متقدم لوحدة ابوها و امها و انا لسه اول مرة و بتعرف عليهم كانوا بيقنعونى ابيع شقتى و اخد واحدة اوسع و قريبة منهم شوفتوا الافترى؟

يتبع.......

[ESO101]

منا مرتب ياباشا مرتب واتنازلت كتير
فيه اكتر من اني اعزب وجامعي واطلب مطلقه وتعول ؟؟؟ او تكبرني سنا بسنه او اتنين
او دبلوم او او ..... فوكك ياباشا انا طلعت الموضوع من دماغي لحد ما تيجي هي على مهلها

كونها مطلقة دا شيء لا يعيبها ولا ينقص منها ودا مش تنازل منك
أنا مهندس وعمري 29 سنة
وتزوجت ( مطلقة ) وعندها بيبي وتكلفت في الزواج منها أكتر من 5 أضعاف البنات العادية فنفس عيلتها
حوالي 500 ألف ريال ودا غير شهر العسل إشترطوا أهلها تقضيه فسويسرا ودا مش من ضمن تكلفة الزواج
وعليا قرض ودين و فيه مشاكل بيني وبين والدي لإني أخدت منه مبلغ كبير
وعايش عازب بالظبط فالآخر
و أهلًا بك في عالم النساء
وهيا مش مصرية بالمناسبة
إيه رأيك بقى !

[prof2013]

كونها مطلقة دا شيء لا يعيبها ولا ينقص منها ودا مش تنازل منك
أنا مهندس وعمري 29 سنة
وتزوجت ( مطلقة ) وعندها بيبي وتكلفت في الزواج منها أكتر من 5 أضعاف البنات العادية فنفس عيلتها
حوالي 500 ألف ريال ودا غير شهر العسل إشترطوا أهلها تقضيه فسويسرا ودا مش من ضمن تكلفة الزواج
وعليا قرض ودين و فيه مشاكل بيني وبين والدي لإني أخدت منه مبلغ كبير
وعايش عازب بالظبط فالآخر
و أهلًا بك في عالم النساء
وهيا مش مصرية بالمناسبة
إيه رأيك بقى !

لاء ياباشا تنازل.. كفايه انك هتربي عيل او عيله مش ابنك او بنتك + انها بتبقى مستعمله قبل كده ومنتش اول تجربه ليها تخيل وانت نايم جنبها على السرير كان نايم في نفس مكانك واحد قبلك
عامل زي اللي دخل على مراته مع واحد تاني بس الفرق دا في الحرام والتانيه في الحلال
ودمتم

[prof2013]

المشاكل اللى انا شفتها فى المواقع دى كالاتى:

1- البنات داخلة من باب ان الشباب اللى دخله دى داخله تتسلى فبتلاقيها بتتكلم بتناكة و بأستبياع طيب ليه داخله من الاساس يا بنت الحلال ما دمتى مضلمها من اوله؟ا تقولك علشان اتلسعت من كذا حد قبل كده علشان كده ان واخده الحذر فالبنت دى اساسا داخله و لو لقت احمد عز مش ح تقبل بيه حتى

2- تلاقى البنت من دول كاتبه انها عاوزه واحد متدين و بتاع ربنا و اخلاق و اللذى منه تبعت لها و تقولها انا كده تقولك اشوف صورتك و اول ما تشوف الصورة تقولك بس انت قصير شويه تخين شويه وحش شويه طيب فين سيرة الاخلاق و التدين اللى انتى كنتى فلقانا بيهم؟

3- لو عديت من كل الكلام ده و توصل انك تقابلها و تقابل حد من عيلتها يبتدى المرحلة التطفيش الفعلية و اللى قبل كده كان هزار تلاقى امها بتقولك انت اتعرفت عليها من على النت؟ و تبصلك كأنك لموأخذة عامل عملة و ماعندكش اخلاق و بتشقط بنات و يبتدى التحقيق انت شغال فين؟ و بتقبض كام؟ و شقتك فين؟ و مساحة الشقة قد ايه؟ دى وصلت فى مرة كنت متقدم لوحدة ابوها و امها و انا لسه اول مرة و بتعرف عليهم كانوا بيقنعونى ابيع شقتى و اخد واحدة اوسع و قريبة منهم شوفتوا الافترى؟

يتبع.......

بالظبط يابرنس ودي بردو من ضمن الملاحظات
كمل كمل ومتابع

[ESO101]

لاء ياباشا تنازل.. كفايه انك هتربي عيل او عيله مش ابنك او بنتك + انها بتبقى مستعمله قبل كده ومنتش اول تجربه ليها تخيل وانت نايم جنبها على السرير كان نايم في نفس مكانك واحد قبلك
عامل زي اللي دخل على مراته مع واحد تاني بس الفرق دا في الحرام والتانيه في الحلال
ودمتم

ولما هيا فنظرك زي اللي دخل على مراته ولقي واحد جنبها وبتفكر فيها بالشكل دا هتقدم عليها ليه ؟!
نصيحة ... إوعى تفكر فالمطلقة و تظلم نفسك طالما الفكر دا عندك
أنا شخصيًا معنديش نظرية ( مستعملة ) الكلمة دي مش في قاموسي
و لو الزمن رجع هكرر زواجي منها ( آلاف المرات )
ولكن بقولك تجربتي عشان أبينلك إن مسألة مطلقة دي مفهاش أي نوع من التنازل

دا مش تنازل من جانبك بل أعتقد أي إمرأة لو عرفت الفكرة دي حتى لو كانت موافقة عليك
هترفضك

وكلامي عن التنازل مش شيء إنتا كارهه وتقبل بيه في إنسانة مش موافقة أصلًا !
شوف اللي تقبلها وتقبلك وقدم شيء يرضيها حتى لو هتتنازل شوية
ومش ممكن مش هتلاقي وحدة مش هتناسبك أومش هتوافق
ربنا يوفقك

[prof2013]

ولما هيا فنظرك زي اللي دخل على مراته ولقي واحد جنبها وبتفكر فيها بالشكل دا هتقدم عليها ليه ؟!
نصيحة ... إوعى تفكر فالمطلقة و تظلم نفسك طالما الفكر دا عندك
أنا شخصيًا معنديش نظرية ( مستعملة ) الكلمة دي مش في قاموسي
و لو الزمن رجع هكرر زواجي منها ( آلاف المرات )
ولكن بقولك تجربتي عشان أبينلك إن مسألة مطلقة دي مفهاش أي نوع من التنازل

دا مش تنازل من جانبك بل أعتقد أي إمرأة لو عرفت الفكرة دي حتى لو كانت موافقة عليك
هترفضك

وكلامي عن التنازل مش شيء إنتا كارهه وتقبل بيه في إنسانة مش موافقة أصلًا !
شوف اللي تقبلها وتقبلك وقدم شيء يرضيها حتى لو هتتنازل شوية
ومش ممكن مش هتلاقي وحدة مش هتناسبك أومش هتوافق
ربنا يوفقك

لاء ما خلاص بقى طالما البنات كلهم متخلفين زي بعض يبقى مش هتنازل وشلت موضوع المطلقه من دماغي انا بس كنت بحسبها بمنظور ايه ؟ كنت بقول انها ممكن ما لقيتش السعاده مع جوزها الاولاني فهتكون حذرة في المرة التانيه وتركز ع الاخلاق قبل اي حاجه تانيه والشكليات تبقى اخر حاجه ... انما طلع هو هو نفس التفكير بل اضل ... بتبقى عايزه واحد افضل من الاولاني علشان تكيده وتوريه انها اتجوزت الافضل منه لكن دا بعينها هعهعهعهعهعهعهع كيد النسا بقى

[aldesha989]

والله مواقع الزواج دى مشكلة وماحدش قادر فينا يفهم البنات عايزه ايه
انا دخلت فتكات مره واحده بس كان الخاطبه على طول مادخلتش دورت على بنات من جوا المنتدى نفسه علشان تحس انهم تعبانين فعلآ فى دماغهم طريقة كلامهم مع بعض غير على ارض الواقع تمامآ فتحس انك داخل حضانه او سونا

ودخلت وشوفت بنت عندنا من محرم بك وقولت توكلنا على الله وجيت ارسالها ما لقيتش غير مراسلة الادارة غير كده ما ينفعش قولت نراسل ونجرب
راسلت الادارة ردت عليا وقالتلى نكلمها ونشوف فى قبول ولا لا
ردت عليها التانيه قالت ماشى
قولت عايز اشوف صورتها
قالت ممنوع
قولت ازاى ؟
قالتلى ما ينفعش احنا مش بنعرض صور البنات على النت لو عايز تتواصل معاها هتأخد رقم ولى امرها وتكملو
قولتلها متشكر

اولآ هنا ليه سلبيات كتير اوى انى اكلم ناس ما اعرفش عنهم اى حاجه فى اى حتة واتصل بواحد الله اعلم هو مين ونتفق ونروح ويبقى عليه العوض ايآ كان بقى الله اعلم
حرامية نصابين
بلاش دى
البنت مش حلوه مستواهم مش مناسب نهائى !
ما انا لازم على الاقل اتكلم مع البنت مدام انا ما اعرفش اى حاجه عنهم بالشكل ده يبقى لازم يكون فى حديث مطول عنهم وعن تفاصيلهم لكن علشان تروح لحد انتا ما تعرفوش نهائى ولا تعرف حاجه عنهم نهائى ورايح يا حمرا يا قرعه لا على ايه

وبعدين باقى مواقع الزواج كان ليا تجارب كتير جدآ عليها حتى من الفيس بوك من صداقه بتتحول لقصه

يعنى جربت كذى مره انى ادخل موقع زواج واشوف واكمل بس كان دايمآ فى مشكلة
فى ناس من البدايه بتعترض على المؤهل مع انى مش شغال سمكرى يعنى
انا الحمد لله شغال مع شركة برمجه وليا مكانتى فيها اينعم الشركات دى مش دايمه
وملهاش مستقبل كبير ده اللى انا شايفه لكن الناس تحس انها بتعترض على اى حاجه تلاكيك بقى ولا ايه الله اعلم
وفى ناس تانيه بتعترض على الشقه لمجرد ان مساحتها صغيره
طب معلش شقه تلات اوض وصاله وحمام ومطبخ حمام صغير والاوض صغيره بس تأخد عفش
ايه مشكلتها ؟

من سنه تقريبآ اتعرفت على واحده من موقع جواز وروحت قابلتها هى ومامتها فى نادى التطبقيين عندنا وعادى جدآ اتعرفت عليهم واتفقت معاهم على معياد تانى
رغم انى البنت كانت اكبر منى بسنه وكام شهر ولكنى ماحطتش ده فى دماغى تمامآ قولت ايه المشكلة ؟
المهم طريقة تفكيرى ما تبقاش اقل منها ودى حاجه ما شوفتهاش ولا حتى عند واحده عندها 35 سنه بتلاقى مخهم مهلبيه اصلآ
المهم وبعدين روحت واخدت والدى واتقدمنا واتفقنا على كل حاجه وخير خير عايزين نشوف الشقه
وماله
تعالى بكرا مش عندك شغل لا هأخد اجازه ملكش دعوه قالى ماشى نتقابل كذا كذا
قولتله ماشى استنينه وطبعآ انا عارف ان واحد عايز يشوف الشقه يبقى راسم حاجه معينه فى دماغه ومش عايز غير حاجه معينه قولت لنفسى اشطه عادى جدآ وتبقى جت منهم

اخدته وجه هو وكل الناس امها وابوها وهى وصحبتها رايحين يشتروها مش يتفرجو عليها
وبعدين اتمشينا لحد الشقه وطلع شاف الشقه اخدت الرى اكشن الاول انه رفض لان شوفت تعابير وشه هو والحاجه والبنت بعد ماكانت بتقولى قوله انك هتبتدى بيها وبعدين ربنا يسهل هى كمان كلبشت وشها زى وش الكلب

واحنا راجعين بقى لحد الشارع الرئيسى قعد يقولى هى تجيب كام دلوقتى وعامله ايه وازى صحتها ومش بتفكر تبيعها واانا اقوله لا
عامله كام عامله عبيطه ومش عارفه سعرها
تأخد عفش تأخد وزى الفل وبتأخد اوفر دوز كمان

الملخص بعد كده اتصل بوالدى بليل قاله احنا عايزين اربع اوض وصاله يا حاج بابا قاله قول يارب وقفل معاه

عايزين اربع اوض وصاله ما تشتريها اسهل يا حاجه :D

مع ان شقتى اصلآ حلوه مش وحشه والشقه بتاعتى فى الدور لوحدى
وانا فى الرابع وفى دور اوحد فوقى والناس كلها فى حالها
والعماره تحتيها فاضى وفى مكان كويس جدآ مافيش ازعاج فيه والشارع كله مافيهوش اكتر من اربع خمس محلات شارع بتاع 200 متر مافيهوش اكتر من خمس محلات وقهوه واحده بعيده عن البيت وجامع قريب منها

انا بالنسبالى عايز اروح من دلوقتى اقعد فى الشقه من كتر الهدوء اللى بيبقى هناك

طبعآ مع السلامه يا حج ما نجيلكش فى شقق تانى

وهاتك يا تجارب وعادى جربت وروحت ارتبطت ببنتين من القاهره وهاتك يا دعك برضه
واحده كانت من دار السلام هى كانت محترمه بس من كلامها عن اخواتها خفت منها بس اللى بوظ اللى موضوع دماغها الناشفه

الاول كانت من شارع شبرا وكانت محترمه بس برضه كانت باصه على مستوى معين وشهاده قد الدنيا وعربيه اخر موديل وحاجات كتير مع انها مش ساكنه فى قصر ما علينا

ضمن التجارب دى كلها اكتشفت حاجات مهمه
النصيب بيصيب ايآ كان اللى عندك او اللى مش عندك
مش هتأخد غير اللى ترضى بيك ايآ كان حالك
ممكن ربنا بيأخر الموضوع والنصيب لهدف معين احنا ما نعرفهوش
معظم البنات وفئه كبيره منهم باصين لمستوى معين مع ان هما مش عايشين فيه
عايزين حريه زياده عن اللزوم
بيطلبو الدين ومش بيقربلوه
تلاقى بنت كاتبه انها عايزه واحده متدين مع ان هى اعوذ بالله اسفل من السفاله ودى شوفتها بعينى
السن بالنسبالى ما فرقش فى حاجه
موضوع المطلقه او ارمله صعب على شاب اعزب وكل واحد حر فى تفكيره
لو ما لقيتش اللى على مزاجك اوعى تجازف هتشوف الويل

دى نيذه بسيطه جدآ من اللى مريت بيه والحمد لله على كل حال

[canner]

4- من النت عرفت نوعين اتنين من البنات النوع الاول ده بيبقى داخل تدور على عريس و لما الرجالة بتبدى يبعتولها تتوهم و تحس بنفسها و بتبقى مش راضية بأى حد بأعتبار انها تعرف فى وقت واحد كذا عريس فتقول ده كويس بس التانى احسن لا اوبا انا شفت واحد النهاردة احسن منهم كلهم و تفضل بالمنظر دة تدى كل واحد الوش الخشب علشان فيه الاحسن منه نفس النظام بتاع القمار كده و مش واخدة بالها ان الكويس خالص ده ممكن يكون مش داخل على جواز اساسا

5- النوع التانى تكون عاوزه تتجوز بس تلاقيها مخها صغير و تفكيرها سطحى بتفكر فى اللى هى عاوزاه و بس

6- النوع التالت اللى كان نفسى اقابله واحدة داخله علشان تتجوز بجد و مناسبة فى التفكير و فى الشكل و الدين

[ESO101]

لاء ما خلاص بقى طالما البنات كلهم متخلفين زي بعض يبقى مش هتنازل وشلت موضوع المطلقه من دماغي انا بس كنت بحسبها بمنظور ايه ؟ كنت بقول انها ممكن ما لقيتش السعاده مع جوزها الاولاني فهتكون حذرة في المرة التانيه وتركز ع الاخلاق قبل اي حاجه تانيه والشكليات تبقى اخر حاجه ... انما طلع هو هو نفس التفكير بل اضل ... بتبقى عايزه واحد افضل من الاولاني علشان تكيده وتوريه انها اتجوزت الافضل منه لكن دا بعينها هعهعهعهعهعهعهع كيد النسا بقى

ههههههههههههههههههههههههه
ههههههههههههههههههههههههه
شكليات تبقى آخر حاجة ؟ بتتكلم عن النسوان اللي فكوكب الأرض ؟
هههه ... دا يمكن تلاقيه فالمريخ يابرنس
بس طالما تنازلت عن الأفكار ( الإنتحارية ) أو بمعنى أصح قدمت تنازل ( فاخر )
- بتاعة المستعملة- مقابل إنها تكون حذرة وتفكر فالأخلاق بس
فهتكون مؤهل لتقديم تنازلات من العيار الثقيل بس منتظر ( قبول ) من طرف تقريبًا لا يعرف إلا ( الرفض )
لنكن أكثر مصداقية
البنات في كل مكان أشكال وألوان وحضرتك مش من حقك تشترط لنفسك وتشترط للبنت كمان
عندك مواصفات معينة في إنسانة والإنسانة دي عندها مواصفات معينة مش فيك
يبقى حضرتك عايزها تعملك إيه ؟ تقبل وتتنازل عن طلباتها اللي مش فيك ؟ عشان إيه ؟
إحنا ليه بنفكر فنفسنا بس ونشوف الطرف التاني بعين نقيصة لما يفكر فنسه هوا كمان ؟

مستحيل يتم زواج بدون قبول من الطرفين و ( تنازل من الطرفين ) عن بعض طلباتهم وكل شخص يقدم للتاني مايرضيه

[prof2013]

ههههههههههههههههههههههههه
ههههههههههههههههههههههههه
شكليات تبقى آخر حاجة ؟ بتتكلم عن النسوان اللي فكوكب الأرض ؟
هههه ... دا يمكن تلاقيه فالمريخ يابرنس
بس طالما تنازلت عن الأفكار ( الإنتحارية ) أو بمعنى أصح قدمت تنازل ( فاخر )
- بتاعة المستعملة- مقابل إنها تكون حذرة وتفكر فالأخلاق بس
فهتكون مؤهل لتقديم تنازلات من العيار الثقيل بس منتظر ( قبول ) من طرف تقريبًا لا يعرف إلا ( الرفض )
لنكن أكثر مصداقية
البنات في كل مكان أشكال وألوان وحضرتك مش من حقك تشترط لنفسك وتشترط للبنت كمان
عندك مواصفات معينة في إنسانة والإنسانة دي عندها مواصفات معينة مش فيك
يبقى حضرتك عايزها تعملك إيه ؟ تقبل وتتنازل عن طلباتها اللي مش فيك ؟ عشان إيه ؟
إحنا ليه بنفكر فنفسنا بس ونشوف الطرف التاني بعين نقيصة لما يفكر فنسه هوا كمان ؟

مستحيل يتم زواج بدون قبول من الطرفين و ( تنازل من الطرفين ) عن بعض طلباتهم وكل شخص يقدم للتاني مايرضيه

هع هع هع هع هع هع ياباشا كلامك فوق راسي بس انا ليا حسابات تانيه
يعني مثلا كل واحد فينا ليه مواصفات معينه فيه جزء منها يقدر يتنازل عنها والجزء التاني ما يقدرش لكن هي ممكن المواصفات اللي ما تقدرش تتنازل عنها تكون متوفرة في الشخص اللي قدامها ولكن المواصفات اللي مش مهمه بالنسبالها قد تكون غير متوفرة فيه وبالتالي من باب اولى انها تتنازل عنها
يعني مثلا كنت بواجه رفض بسبب اني اصغر سننا من العروسه بسنه ابعتلها على فتكات اقولها يابنت الحلال العريس دماغه عاليه ههههههههه تقولي اسفه وتخلع خخخخخخخخخ

[ESO101]

هع هع هع هع هع هع ياباشا كلامك فوق راسي بس انا ليا حسابات تانيه
يعني مثلا كل واحد فينا ليه مواصفات معينه فيه جزء منها يقدر يتنازل عنها والجزء التاني ما يقدرش لكن هي ممكن المواصفات اللي ما تقدرش تتنازل عنها تكون متوفرة في الشخص اللي قدامها ولكن المواصفات اللي مش مهمه بالنسبالها قد تكون غير متوفرة فيه وبالتالي من باب اولى انها تتنازل عنها
يعني مثلا كنت بواجه رفض بسبب اني اصغر سننا من العروسه بسنه ابعتلها على فتكات اقولها يابنت الحلال العريس دماغه عاليه ههههههههه تقولي اسفه وتخلع خخخخخخخخخ

هههههههههههههههههههههه

سيبك منهم
مافكرتش تتجوز من خارج مصر والدول العربية يعني أمريكا روسيا
الحريم عندهم دنيا تانية والجواز سهل ومفيش تعقيد والست تلاقيها عاقلة وبتحترم زوجها
لكن في المقابل فيه سلبيات طبعًا

[أحمد كمال]

انها بتبقى مستعمله قبل كده

dislike

هي عربية و لا عدة تليفون؟ دي انسانة على فكرة ....... ترضى حد يقول كده على حد من اهلك ؟؟؟؟؟؟ مستعملة ؟؟؟؟؟؟؟؟؟؟؟؟؟؟؟؟