عاجل : مصرع شاب ٢١سنة اليوم في ٦ اكتوبر على يد عصابة التكاتيك !!!!!

[Y a r i s]

علشان لمن حذرت قبل كده محدش قرأ تحذيري وافتكروني بهرج كعادتي
حتى زملائي واصحابي قعدوا يدحكوا انوا اتسرق مني جبنة رومي ولانشون على بسطرمة على فينو. ( عشايا وعشى ولادي )
ولم ارى اي تحرك امني لم ارى وقف لتكاتيك وتفتيشها بالذات اي توك توك راكبينوا اربع او خمس او تالت عيال شمامة وعملين يتمشوا. قلت قبل كده دول مش طالعين يتفسحوا. دول طالعين يصطادوا يا جماعه افيقوا افيقوا افيقوا

( صورة من موقع الحادث)



احمد حسام 21 سنة كان راجع من الشغل و ماشى قدام شهد سبورت ماسك شنطة توكتوك فيه كام واحد حاولوا يشدوا منوا الشنطة فقاوم ضربوه بالنار فى قلبه كان ممكن يبقى اى حدغيره ولو سبنا التكاتك كده اكيد هيبقى فيه غيره كتير ربنا يرحمه ويصبر اهله .. (المصدر : صفحة اهل ٦ اكتوبر )

@@@@@@@@@
لا إله. الا الله
إنا لله وإنا إليه راجعون
وحسبي الله ونعم الوكيل
حسبي الله ونعم الوكيل
إحذروا عصابة التكاتيك إحذروا احذروا

http://www.nilemotors.net/Nile/383742-a.html

[adelghanem]

ﺣﺴﺒﻰ ﺍﻟﻠﻪ ﻭﻧﻌﻢ ﺍﻟﻮﻛﻴﻞ
ﻟﺎﺯﻡ ﺍﻫﺎﻟﻰ ﺍﻟﻣﻨﻂﻘﻪ ﻳﻌﻤﻠﻮﺍ ﺣﺎﺟﻪ
ﻭﻗﻔﻪ .ﻳﺮﻭﺣﻮﺍ ﻟﻠﻤﺤﺎﻓﻆﻪ .ﺍﻋﻠﺎﻥ ﺍﺳﺘﻐﺎﺛﻪ
ﺍﻟﻤﻬﻢ ﺍﻯ ﺣﺎﺟﻪ
ﺣﺮﺍﻡ ﺍﻟﻠﻰ ﺑﻴﺤﺼﻞ ﺩﻩ

[hugan]

شيء محزن ومؤسف
عرفت من الاخبار انه مهندس لسه في بدايه حياته
ربنا ينتقم من كل ظالم وكل مسؤل
عن الفوضي اللي احنا عايشين فيها

[ghostmido]

لا حول ولا قوة الا بالله.
حسبنا الله ونعم الوكيل..بلد ماينفعش الواحد يعيش فيها....
بلد فيها بلطجة وسلاح ومخدرات وفقر وجهل وامراض و فتنة و اسفاف وانحطااط و ..........
(رَبَّنَا أَخْرِجْنَا مِنْ هَـذِهِ الْقَرْيَةِ الظَّالِمِ أَهْلُهَا وَاجْعَل لَّنَا مِن لَّدُنكَ وَلِيّاً وَاجْعَل لَّنَا مِن لَّدُنكَ نَصِيراً)

[Y a r i s]

لاحول ولا قوة الا بالله هنلاقيها منين ولا منين ياربي
من التكاتيك ولا الموتسيكلات. ولا التكوسة. المدينة عيارهاااااا فلت خلالالالاص

تمكن ضباط مباحث قسم شرطة الشيخ زايد من ضبط تشكيلا عصابيا تخصص فى سرقة حقائب السيدات بالطريق العام .
وردت معلومات أكدتها تحريات رئيس وضباط قسم شرطة الشيخ زايد ، مفادها أن كلا من "رمضان محمد توفيق محمد " 30 سنة ، عاطل ، و"كريم محمود محمد محمود " 26 سنة ، عاطل ، يكونان فيما بينهما تشكيلا عصابياً تخصص نشاطه الإجرامي في إرتكاب حوادث خطف حقائب السيدات بالطريق العام باستخدام السيارة رقم ع ن م / 932 تاكسي بيضاء اللون ملك الأول .

وعقب تقنين الإجراءات ، أمكن ضبطهما بأحد الأكمنة المعدة لهما – دائرة قسم شرطة الشيخ زايد حال استقلالهما السيارة المشار إليها ، وبمواجهتهما إعترف بإرتكابهما لوقائع السرقة .
أرشد المتهمان عن مكان ارتكابهم تلك الوقائع وأماكن إخفائهم للمسروقات – حيث تم ضبطها ، وبعرض المضبوطات علي المجني عليهم تعرفوا عليها .
وبعرضهما على النيابة العامة قررت استمرار حبسهما احتياطيا علي ذمة تلك القضايا .

(( يعني نفسي افهم ابن التييييييت معاه تكس او توك توك ... يبقى عاطل ازااااي بس !!))
ولاهما اتعودوا على المكسب السهل والسريع واي واحد يشوفوه يقلبوا في موبايل وقرشين !!

[ahmedesmat1987]

لاحول ولا قوة الا بالله هنلاقيها منين ولا منين ياربي
من التكاتيك ولا الموتسيكلات. ولا التكوسة. المدينة عيارهاااااا فلت خلالالالاص

تمكن ضباط مباحث قسم شرطة الشيخ زايد من ضبط تشكيلا عصابيا تخصص فى سرقة حقائب السيدات بالطريق العام .
وردت معلومات أكدتها تحريات رئيس وضباط قسم شرطة الشيخ زايد ، مفادها أن كلا من "رمضان محمد توفيق محمد " 30 سنة ، عاطل ، و"كريم محمود محمد محمود " 26 سنة ، عاطل ، يكونان فيما بينهما تشكيلا عصابياً تخصص نشاطه الإجرامي في إرتكاب حوادث خطف حقائب السيدات بالطريق العام باستخدام السيارة رقم ع ن م / 932 تاكسي بيضاء اللون ملك الأول .

وعقب تقنين الإجراءات ، أمكن ضبطهما بأحد الأكمنة المعدة لهما – دائرة قسم شرطة الشيخ زايد حال استقلالهما السيارة المشار إليها ، وبمواجهتهما إعترف بإرتكابهما لوقائع السرقة .
أرشد المتهمان عن مكان ارتكابهم تلك الوقائع وأماكن إخفائهم للمسروقات – حيث تم ضبطها ، وبعرض المضبوطات علي المجني عليهم تعرفوا عليها .
وبعرضهما على النيابة العامة قررت استمرار حبسهما احتياطيا علي ذمة تلك القضايا .

(( يعني نفسي افهم ابن التييييييت معاه تكس او توك توك ... يبقى عاطل ازااااي بس !!))
ولاهما اتعودوا على المكسب السهل والسريع واي واحد يشوفوه يقلبوا في موبايل وقرشين !!

عالم زى دى بيصرفو على نفسهم مش اقل من 200 الى 300 جنيه فى اليوم ما بين حقن ماكس وحشيش وبيسا وهيروين وسجاير وقعاد على القهوه وفطار وغدا ............والخ........قولى انت بقى انهى وظيفه ممكن تحققله الربح دا فى اليوم غير الوساخه الى بيعملوها..........يارب يولعو بجاز وسخ ونرتاح منهم بقى البلد لمت

شكرا والى الامام

[speed_magnum]

رحمة الله عليه وربنا يصبر اهله ويصبر السكان على الرعب اللي هم عايشين فيه دلوقتي

[حماده المصري]

ياباشا الدار ده خرب الدنيا فعلا ايه الاجرام الي هما فيه ده بيقولوا ان الحكومه رات مره ضربوا عليها ناار


انا بقى كنت في الامريكيه ناحيه ناحيه بتاع الكشري ده المعروف مش فاكر اسمه ايه

وواقف في الزحمه تكتك جاي من ورا مش عاجبه يقف في الزحمه راح داخل شمال وهو لسه ورايا طلع حد من البارك راح راجع داخل فيا


انا يادوب نزلت لقيت متسولين المنطقه كلهم موجودين والاشكال دي كلها شكلها من الدار

تخيل بقى حد منهم بيقولوا هتاخد عوض انا كان دمي محروق اكصدام وفانوس مكسورين قولتله اه حقي انا عايز فلوس التصليح

قالي احنا هنا بقى في منطقتنا مش بندي عوض لحد وقال للسواق يطلغ يمشي

لحسن حظي صحابوا سخنوا عليه قالهم هو راكب عربيه يعني معاه فلوس يبقى هو يصلحها انما التكتك معهوش

راحوا زايمين عليه وقفشوا معاه الي هو اساسا صاحبهم

وكان يوم غريب ووقفه خرا بجد تحس ان البرشام هو سيد القعده

[احمد المصرى]

قريت الخبر دا انبارح على الفيس وفعلا الموضوع بقا مش طبيعى ولجان الشرطه ما شاء الله عند الحصرى ملهاش اى لازمه اطلاقا فعلا الشرطه فى غيبوبه بجد

[amr011111]

بصراحه التوكتوك ده اغلب سواقينه الا من رحم ربى عاوزين الحرق
المفروض انت نازل تاكل عيش
يبقى متشغلش كاسيت بصوت عالى جداً ووفر عدة الصوت على الأقل
عدم التزام بالمرور ده غير البجاحه وقلة الادب
والمشكله تلاقى عيل معداش 10 سنين بيسوقه يعنى انت مطلوب منك انت تبقى كسيب وانت فى السن ده
وتلاقيه بيشربي سجاير والله اعلم ايه تانى طيب ده بيبقى مشروع بلطجى صغير
وجيل التوكتوك ده لما يطلع كمان 10 سنين هتلاقى البلطجه زادت جداً عن دلوقتى
المنظومه كلها غلط بداية من الناس اللى بتخلف وترمى فى الشارع
والعيال بعد كده بتتسرب من التعليم ويطلع سواق توكتوك اد الدنيا

ومره أخيره حسبى الله ونعم الوكيل فى الشرطه اللى مش عاوزه تشتغل

وربنا يرحم الشاب الشهيد ويلهم أهله الصبر ( يعنى شاب لسه متخرج وفى بداية حياته ومهندس وابوه وامه طبعا غالى عليهم وشويه مش عاوز اقول ناس شويه حشرات تقتله )

[canner]

حسبنا الله و نعم الوكيل فى اللى بيحصل ده و ربنا يرحمه و يصبر اهله

الموضوع ده شكله مش ح يتحل و كل شويه بيزيد طيب ايه الحل؟

[mgheam]

بصراحة المصريين شعب عجيب

العالم كله بقى عارف قاعده (معدل مواليد مرتفع = مجرمين اكتر في الشارع ) وده مبدأ اكتشف في امريكا بعد الانخفاض الكبير المفاجئ للجريمة في التسعينيات لديهم .. واكتشفوا ان السبب السماح بالاجهاض في السبعينيات وبالتالي نسبة كبيره من اولاد المجرمين وحثاله المجتمع تم اجهاضهم وبالتالي خفت المشكله .. طبعاً لاادعوا للاجهاض وقتل النفس ... لكن بدعوا الناس اللى كل ماتيجي سيره تحديد النسل او كده يراجعوا مواقفهم

تقوله مفيش تكاتك .. الشعب برضوا مش هيعجبه قطع لقمة العيش .. ده اضافة الى ان الثورة ادت في الحقيقة الى قوه هائلة لطبقات اسفل المجتمع من بلطجية واشباههم .. ومفيش اي حكومة هتقدر تواجههم

طيب الشرطة تتصرف معاهم زي زمان بالطرق القديمة .. برضوا مش عاجب وحقوق الانسان والشرطة وحشة

المشكلة مش دلوقتي المشكلة ان مصر في الـ 20 سنه القادمة هتواجه جيل من ملايين المجرميين المطلوقين في الشوارع

وطالما المصريين مش عايزيين العلاج

يبقى مفيش حل الا يتعايشوا مع المرض

[Mohamed_Hamid]

اللهم اغفر له وارحمه وارزق أهله الصبر والسلوان والرضا والتسليم
خيرة شباب البلد كل يوم بيموتوا وكمان كام سنة بالمنظر ده مش هيبقى فى مصر الا بلطجية ومجرمين وبس
مصر قريب هتبقى موطن للمجرمين بدون مبالغة
رحم الله مصر كانت بلدا طيبا

[lanos2004]

الجيش فعلا رجع الامن والامان لمصر
وبكرة تشوفوا مصر

[amr011111]

الجيش فعلا رجع الامن والامان لمصر
وبكرة تشوفوا مصر

معلش يعنى يا فندم يعنى ايه بكره نشوف مصر
يعنى حضرتك هتبقى فرحان لو مصر بقت زى ما انت متصور طيب ما انت هتنضر برضه
وعلى فكره انا لا مع مرسى ولا حسنى ولا السيسى
لان كله هدفه الكرسى ليس إلا
والناس اللى ماتت ولا فرقت مع اى حد فيهم
ولو اى رئيس عنده ايمان حقيقى وعارف ان الدنيا متسواش جناح بعوضه مكناش مسك فى الحكم بايديه وسنانه