عاجل : مصرع شاب ٢١سنة اليوم في ٦ اكتوبر على يد عصابة التكاتيك !!!!!

[lanos2004]

اللهم اغفر له وارحمه وارزق أهله الصبر والسلوان والرضا والتسليم
خيرة شباب البلد كل يوم بيموتوا وكمان كام سنة بالمنظر ده مش هيبقى فى مصر الا بلطجية ومجرمين وبس
مصر قريب هتبقى موطن للمجرمين بدون مبالغة
رحم الله مصر كانت بلدا طيبا

الجريمه = قانون معطل وبطاله وجهل

[lanos2004]

معلش يعنى يا فندم يعنى ايه بكره نشوف مصر
يعنى حضرتك هتبقى فرحان لو مصر بقت زى ما انت متصور طيب ما انت هتنضر برضه
وعلى فكره انا لا مع مرسى ولا حسنى ولا السيسى
لان كله هدفه الكرسى ليس إلا
والناس اللى ماتت ولا فرقت مع اى حد فيهم
ولو اى رئيس عنده ايمان حقيقى وعارف ان الدنيا متسواش جناح بعوضه مكناش مسك فى الحكم بايديه وسنانه

الانسان مدخلات ومخرجات
وكل واحد وثقافته وفكرة
انا مش بشمت انا ضد الافعال الغير مدروسه لان دة مستقبل شعب وقرا ر واحد يا يرفعنا للسما يا نعيش عبيد فى الارض ملناش اى حقوق
ياراجل بقالنا اكتر من ستين سنه عصابات مسلحه تحكم مصر-بعضها برخصه وبعضها انتاج محلى الى اسمه بلطجه
وطبعا مننساش حكم المماليك لمصر الى همه اصلا عبيد-وبعدها تاجر الدخان

[amr011111]

الانسان مدخلات ومخرجات
وكل واحد وثقافته وفكرة
انا مش بشمت انا ضد الافعال الغير مدروسه لان دة مستقبل شعب وقرا ر واحد يا يرفعنا للسما يا نعيش عبيد فى الارض ملناش اى حقوق
ياراجل بقالنا اكتر من ستين سنه عصابات مسلحه تحكم مصر-بعضها برخصه وبعضها انتاج محلى الى اسمه بلطجه
وطبعا مننساش حكم المماليك لمصر الى همه اصلا عبيد-وبعدها تاجر الدخان

الموضوع جاى من تحت لفوق لو جابوا لنا رئيس اليابان يحكمنا والشعب زى ما هوه مش هنتقدم برضه خطوه واحده للامام

من اول العامل اللى بيكنس الشارع لاكبر راس فى البلد
محدش بيراعى ضميره فى شغله الا من رحم ربى
تروح لدكتور ياخد فلوس الكشف وميبقاش هدفه انه يعالجك
والطرق اللى زى الزفت مين اللى نفذها ومين استلمها مهندسين
والعامل اللى مش بيكنس الشارع وواقف يشحت

[3mr Farrag]

انا اسمع عن الدار ده
وانه فعلا كلهم عيال شمامه و تجار مخدرات
ياريس باشا هي فعلا عايزه حد كبير يعمل شكوي و يتحرك
مع ان الغريبه في ناس تقيله اوي ساكنه في اكتوبر و قريبه كمان من السابع

انا ليا سكه معاهم و علي معرفه شويه بيهم
ممكن نظبطها و هحاول اوصلهم الفكره يمكن يعملوا حاجه
بس الافضل يبقي الطلب علي مره واحده علشان يكون فيه جديه من اول مره

[mgheam]

الجماعه اللى مستنيين الخليفة يخرج من السرداب
حالهم عجيب اي شئ في الدنيا عنده لديه سبب واحد فقط .. وهو خروج المهدي المنتظر بتاعهم
المشكلة ان المهدي بتاعهم كان بيحكم ومستوى كل شئ في مصر كان اسوء من الان والامن والبنزين والكهرباء كانت تحت الصفر وهما كانوا شغالين تطبيل وتصقيف
ولاننسى كلامهم وقتها وكل حاجه كانت تحت الصفر ... كانوا شغالين تهليل وتطبيل للنظام الحاكم ..و 8 سنيين وبعدين 8 سنيين لابو كرش .. وموتوا بغيظكم
صعبان عليا حالهم لأنهم هيفضلوا مستنيين المهدي بتاعهم اكتر مالشيعه انتظروا المهدي بتاعهم يخرج من السرداب

مفيش مهدي هيخرج من السرداب
ومفيش حاكم او نظام حكم يقدر يحل مشاكل بلد لوحده

[lanos2004]

الجماعه اللى مستنيين الخليفة يخرج من السرداب
حالهم عجيب اي شئ في الدنيا عنده لديه سبب واحد فقط .. وهو خروج المهدي المنتظر بتاعهم
المشكلة ان المهدي بتاعهم كان بيحكم ومستوى كل شئ في مصر كان اسوء من الان والامن والبنزين والكهرباء كانت تحت الصفر وهما كانوا شغالين تطبيل وتصقيف
ولاننسى كلامهم وقتها وكل حاجه كانت تحت الصفر ... كانوا شغالين تهليل وتطبيل للنظام الحاكم ..و 8 سنيين وبعدين 8 سنيين لابو كرش .. وموتوا بغيظكم
صعبان عليا حالهم لأنهم هيفضلوا مستنيين المهدي بتاعهم اكتر مالشيعه انتظروا المهدي بتاعهم يخرج من السرداب

مفيش مهدي هيخرج من السرداب
ومفيش حاكم او نظام حكم يقدر يحل مشاكل بلد لوحده

مهدى ايه وخليفه الى الى منتظرينه---
احنا عاوزين مجتمع ديموقراطى فيه قانون بيحكمه
مش حكم فرد او حكم عصابات
والمهدى الى هيخرج من السرداب دة بتاع الشيعه وعمال ياكل فول وبصل ومبوظ ريحه الكهف على الاخر
احنا مسلمين لا شيعه ولاصوفيه ولا بتوع غزعبلات - ايماننا-يعنى قرأن واحدايث صحيحه غير كدة دى روايات يعملوها افلام

[Y a r i s]

لا هو فعلاً المشكلة. عميقة ومستفحلة من ايام حسني
وتعتبر تركة قديمة وتقيلة . تكسر ظهر اي رئيس للبلد دي مقبل ... وزي ما قال استاذ حمادة المصري واستاذ احمد المصري ... ان احنا عندنا داااار الايتام. وانا بربئ عنها باسم انها دار الايتام دول مش ايتام دول. لقطاء واغلب اهاليهم عايشين بس رموهم ... جمب اقرب صفيحة جردل زبالة. ... يعني من الاخر عيل ابن حرام. غلط مع وحده ملهاش تلاتين لازمه بنت حرام. خلفوا عيل في الحرام. ورموه جمب جردل زباله ( ابن حرااام ) نوديه فييين نوديه فين ااااه نوديه ٦ أكتوبر أصلها فاضيها هناك . ( ماهي ناقصة ) .

طبعاً كتير من المشرفات يكونوا مبسوطين انهم هيشتغلوا في دار ايتام ويقولوا ده عمل خير والاطفال احباب الله. ... واول ما تتعين هناك ووتلاقي العيال هناك يمسكوها يتحرشوا فيها ويغتصبوها ... تعرف ان لله حق ... وطبعاً مين هيصدقها ان اطفال غلابة اعتدوا عليها !!

حتى المشرفين بعد اول ما يتعين ويتكتف ويتعلق من قفاه ... ان ضرب عيل من العيال يتحول للتحقيق ... وان سكت يبقى كل يوم من ده يا حزومبل :) ... لذلك المشرف عرف ديتها اعملوا الي انتوا عاوزينوا يا عيال بس براحه وبشويش والنتيجة. قنبللللللللللللللللللللللة موقوته في ٦ اكتوبر اسمها بلطططططططططططططجية ... واشهر تالت اوكار وحده بين الخامس والسادس ووحده. سيئة السمعة في ليلة القدر والتانية باتجااااه. الحي الثالث وعليه العوض ومنو العوض .

لسه كنت بتكلم مع واحد اسموا عدلي في الموضوع ده فبيقول. لا بالعكس دي ميزة ل ٦ اكتوبر انها ملمومه واي حاجة تحصل هتروح تسئل في الدار عربية اتسرقت روح اسئل في الدار فيلا اتسرقت روح الدار وهما يجيبولك الي سرقها ... محفظة اتنشلت روح الدار وهما هيجبوهالك بس المهم خلي علاقتك حلوة مع عيال الدار. هناك وزبطهم وهما هيقلولك علي عملها .

الوضع صعب جداً في المدينة عندنا احنا مش محتاجين شرطة احنا محتاجين صاعقة محتاجين كتيبة من الجيش تيجي تحكمها ... محتاجين رجال مباحث وتحريات في كل مكان وكل حي واذا مش هيقدروا يوفرولنا الكلام ده يبقى يسمحولنا بحمل السلاح للدفاع عن انفسنا يا يجبولنا المفتش كونن يجي يدور علي بيقتل عيلنا وبيقلبنا ، انا حالياً بفكر اصفي حياتي. كلها في اكتوبر وانقل بصراحة في اي زريبة فيكي يا مصر بس اني اقعد انا وعيالي في المدينة بالشكل ده. مستحيل .... حسبي الله ونعم الوكيل.

[mgheam]

مهدى ايه وخليفه الى الى منتظرينه---
احنا عاوزين مجتمع ديموقراطى فيه قانون بيحكمه
مش حكم فرد او حكم عصابات
والمهدى الى هيخرج من السرداب دة بتاع الشيعه وعمال ياكل فول وبصل ومبوظ ريحه الكهف على الاخر
احنا مسلمين لا شيعه ولاصوفيه ولا بتوع غزعبلات - ايمانا-يعنى قرأن واحدايث صحيحه غير كدة دى روايات يعملوها افلام

عايز ديمقراطية زي الغرب
تقبل بشروطها زي ماجبتها من الغرب مش على المزاج

مفيش تكفير وتفسيق معارضين ... مفيش تنظيمات سرية .. مفيش تحريض على قتل الجيش والشرطة .. مفيش دعم للارهاب ... مفيش قطع طريق ويناموا فيه شهور ورا بعض .. مفيش رئيس يصدر قرارات محصنه لايمكن الطعن عليها .. مفيش ملشيات (شوية ناس مدنيين ينزلوا يقتلوا الناس عند الاتحادية)

مفيش في الديمقراطية كلمه (تمكين) .. ده فكر عصابات

لو قبلنا بكده هيكون في ديمقراطية حقيقية والشعب هيتحد ضد اي ديكتاتور

الديمقراطية نظام انساني له شروطه

اما تقبل كلها وواما السيسي موجود :) ده مش تهديد ده الواقع فعلاً لأن مفيش حد هيقبل عصابة تسطوا على دولة باسم الديمقراطية بعدما اكتشفنا انهم شوية ارهابيين

[3mr Farrag]

هي دار الايتام ديه فين بالظبط؟؟
و ايه الاماكن التانيه المعروفه بالعيال الشمامه غيرها؟

انت عارف ان عند دار الايتام العيال الشمامه بتنط السور و تقف تبيع مخدرات عيني عينك هناك!!!
و اللي قايلي كده وكيل نيابه كان في اكتوبر و الشرطه عارفه كل حاجه عنهم

[Y a r i s]

عاجل : صلاة الجنازة على احمد هتكون بعد صلاة الظهر مباشرةً
في مسجد الحصري

[#MAAM#]

عاجل : صلاة الجنازة على احمد هتكون بعد صلاة الظهر مباشرةً
في مسجد الحصري

الله يرحمه

[Elawany13]

اللهم ارفع مقتك وغضبك عنا

[abdulkhaleq]

الله يرحمه ويحسن اليه وينتقم من اللي قتلوه في الدنيا والاخره
1- بالنسبه لموضوع تحديد النسل, انصح الجميع يقرأو التجربه الصينيه في الاستفاده من التعداد السكاني والقوانين الصارمه اللي اتحطت على التعليم والصحه, للاستفاده من الكنز المسمى (الثروه البشريه) وهما يعرفوا ان موضوع تحديد النسل ده اكذوبه مبارك كان بيضحك بيها عالشعب

2- بالنسبه لمنطقه زي اكتوبر, عمر ماهيحصل حاجه لحد ما الأهالي تشوف صرفه مع الاشكال دي وان كانت بالقوه

3- كان في موضوع قديم قوي ردي فيه كان كالآتي: الحرب اللي جايه داخليا بين الطبقات, يايموتونا يانخلص عليهم
وياريت ما اسمعش اسطوانه بني آدمين والكلام الفاضي ده
الا اذا كان تعريفنا للبني آدم انه واحد بياكل وبيدخل الحمام

[lanos2004]

عايز ديمقراطية زي الغرب
تقبل بشروطها زي ماجبتها من الغرب مش على المزاج

مفيش تكفير وتفسيق معارضين ... مفيش تنظيمات سرية .. مفيش تحريض على قتل الجيش والشرطة .. مفيش دعم للارهاب ... مفيش قطع طريق ويناموا فيه شهور ورا بعض .. مفيش رئيس يصدر قرارات محصنه لايمكن الطعن عليها .. مفيش ملشيات (شوية ناس مدنيين ينزلوا يقتلوا الناس عند الاتحادية)

مفيش في الديمقراطية كلمه (تمكين) .. ده فكر عصابات

لو قبلنا بكده هيكون في ديمقراطية حقيقية والشعب هيتحد ضد اي ديكتاتور

الديمقراطية نظام انساني له شروطه

اما تقبل كلها وواما السيسي موجود :) ده مش تهديد ده الواقع فعلاً لأن مفيش حد هيقبل عصابة تسطوا على دولة باسم الديمقراطية بعدما اكتشفنا انهم شوية ارهابيين

غرب ايه الى انا عاوز ديموقراطيه زيه
هوة اصلا الغرب مليان امراض ومجتمع متعفن وبتحكمه القوى سواء قانون او متطلبات عمل
يا راجل دة احنا عندنا كنز وتقولى غرب قال غرب قال
العيب فينا والاجيال القديمه الى ربتنا
يا باشا هوة حضرتك متعرفش ان الدين الاسلامى دين ارهابى غزوات وقتل ودم وملك يمين --وهكذا
احنا نقتل المسلمين كلهم الارهابيين

[mgheam]

1- بالنسبه لموضوع تحديد النسل, انصح الجميع يقرأو التجربه الصينيه في الاستفاده من التعداد السكاني والقوانين الصارمه اللي اتحطت على التعليم والصحه, للاستفاده من الكنز المسمى (الثروه البشريه) وهما يعرفوا ان موضوع تحديد النسل ده اكذوبه مبارك كان بيضحك بيها عالشعب

الصين على فكرة اكتر دولة تطبق سياسات تحديد النسل بنجاح
لأنه القانون هناك لايسمح الا بانجاب طفل واحد لكل اسره !! وغرامات ضخمة جداً لمن يخالف ولايقدر عليها الا الاغنياء
قبل تطبيق سياسات تحديد النسل الصارمة كانت الصين حالتها اسوء مننا
لأن القوى البشرية عشان تحولها لمورد لازم يتصرف عليها مبالغ ليس في امكانيات اغلب الدول المتخلفة ولا المتقدمه حتى !! والا تتحول لعبئ ونشوف بقى ملايين البلطجية والحرامية وسواقيين التكاتك وناس لم تحصل على تأهيل في اي مجال وبالتالي هما لن يختفوا مهما قلنا بل بالعكس كل واحد منهم بيخلف 4-8 عيال ويرميهم للشارع ومفيش امامهم الا السرقة او المخدرات او الجرايم بشكل عام

سياسة الطفل الواحد
سياسة الطفل الواحد - ويكيبيديا، الموسوعة الحرة

التقدم له ثمن وتضحية .. احنا كمصريين عايزينه ببلاش !! وبنخترع معلومات اساطير مش موجودة في العالم الواقعي عشان نرمي الاخطاء والمشاكل على اي حاكم او حكومه او اي حد غيرنا

تحياتي