النوم التقيل

[elhelwany188]

السلام عليكم ورحمة الله وبركاته

أنا عندي موضوع عاملي أزمة كبيرة بجد أنا نومي تقيل جدا يعني بصحى بالعافية والموضوع ملهوش علاقة بنمت بدري او متأخر لازم أصحى متأخر ولازم حتى لو صحيت على منبة الموبايل اعمل snooze كذا مره يعني بصحى بعد ميعاد المنبه بحوالي ساعة من غير مبالغة ولازم أروح الشغل متأخر ....... حد عنده حلول غير تقليدية للموضوع ده مش أغير نغمة الموبايل والكلام ده لأنه مبيجيبش معايا أي نتيجة

السلام عليكم ورحمة الله وبركاته ...
اولا : افرحك انت مش لوحدك اللى كده فمتقلقش الازمة دى عند ناس كتيير منهم العبد لله ...
ثانيا : الحل : بص يااخى الكريم انت عايز تصحى ان شاء الله الساعة 7 مثلا تعمل 4 منبهات باربع نغمات مختلفة واحد الساعة 6 الثانى الساعة 6.30 الثالت الساعة 7 والاخير الساعة 7.15 بس الاخير تكون نغمته بتاعت المدير بتاعك علشان تتكهرب اول ما يرن ههههههه ((عايز اقولك انى عامل النغمة الاخيرة نغمة سواق اتوبيس الشركة اللى بيعدى عليا الصبح)) ...
ثالثا : اهم حاجة تشرب كوباية شاى تقيل قبل ما تنام على طول دى بقه اللى فيها الخلاصة ...
رابعا : جرب وقولى النتيجة علشان لو نجحت ابقى اجربها هههههههههههه ...

[Elawany13]

أنا زمان قوى كنت كده
لما كنت طالب كنت بقوم اطفى المنبه وانام تانى
بس لما اشتغلت وبقيت مرتبط بمواعيد مينفعش أتأخر عنها
بقى نومى خفيف جدا
وبقيت العكس بعانى كمان من قلة النوم
حتى فى ايام الاجازات بصحى بدرى بدون منبه ولا حاجه

[hassanin_lada]

جرب نام في النهار هتعوض النوم اللي انت محتاجه

[mmolazem]

......
حتى لو صحيت على منبة الموبايل اعمل snooze كذا مره يعني بصحى بعد ميعاد المنبه بحوالي ساعة من غير مبالغة ...

تكرار عمل الـ snooze أحياناً ما يزيد من الكسل و ستلاحظ أنه فى كل مره درجة الكسل تزيد عن سابقتها . . الى أن تفقد الرغبة فى الإستيقاظ . . و تهون من أهميته . .

عن تجربة / تجارب : حاول أن تُذكر نفسك أو يُذكرك أحد المحيطين بك بموضوع يشغلك أو يهمك أن تنجزه فى هذا اليوم . .
إستحضره الى ذهنك و فكر فيه أو تحدث بخصوصه لمدة دقيقة واحدة أو أثنين على أقصى تقدير . . .
ستجد نفسك فى كامل وعيك و إنتباهك . . وابدأ يومك بهمة ونشاط . . .

و بالتوفيق.

[أحمد كمال]

ممكن يكون عندك sleep apnea

لازم تروح لعيادة نوم و تشوف

لو كده لازم تتعالج

لانها خطرة جدا و بتجيب امراض الدنيا و اشهر اعراضها انك لو نمت 100 ساعة برضه تصحى زي اللي معدي عليك وابور زلط و مش مستكفي نوم

[#MAAM#]

أومال تاعبنا معاك لية يا اكسلانس

بحاول أشوف حل يااكسلانس

يبقي وصل الموبايل بسماعات صب كومبيوتر
وشوف بقي هتصحي و تصحي الشارع كله معاك

ده فكرة جامدة جدا شكرا ياباشا

على فكره الموضوع كله مرتبط بعقلك الباطن
ياعنى من الاخر انت لو رايح مثلا تعمل انترفيو هل هتقوم متاخر
لا طبعا لان عقلك الباطن مبرمج انك ماينفعش تتاخر
برمج نفسك انك لازم تصحى فى الوقت كذا وشوف النتيجه
انا كنت زيك واكتر بكتيييييييييييييير كمان
دلوقتى بقيت بصحى قبل المنبه ما يرن من نفسى

ده حقيقة لو فعلا رايح أي مشوار غير الشغل بصحى بدري شوية بس برضه مش في الميعاد ........ هو الموضوع مرتبط بعقلي الباطن هجرب الموضوع ده قبل النوم إن شاء الله

يا بختك

هههههههه ده مش حاجة حلوة خالص اللي بتحصل معايا ده

انا كنت زيك كده من كام سنه و الحل قالهوللى صديق صيدلى عباره عن فيتامين اسمه فيتا سترس تاب
كل يوم حبايه و النوم حيتظظبط و الصحيان حيبقى سهل جدا و العلبه مكملتش 20 جنيه و ممكن تسال الصيدلى ملهاش اي اعراض

أنا في السعودية مش عارف هيبقى نفس الاسم هنا ولا لأ بس هسأل عليه

[#MAAM#]

على فكرة كلامك صح جدا انا كان صحيانى من النوم دة مشكلة كبيرة وكونت ساعات بنام 12 ساعة بس على فترات المهم خلاصة الدور دة انتا الاول تنام بدرى وقبل ما تنام كلم نفسك بس مش شرط بصوت عالى وقول انا ان شأء الله هصحى الساعة كذا واظبط المنبة واعد كرر الجملة كذا مرة بس مش تقولها بهزار خد كلامى ثقة وهتلاقى تفسك قايم على المعاد الى انتا قولتة بالظبط ويمكن قبلية بكام دقيقة انا الكلام دة مجربة كتير وبالنسبة للناس الى بتنام 8 ساعات وتقوم جسمك مكسر وعاوز تنام تانى دة بيبقا فى الغالب انتا مش بتشرب مية كتير طول اليوم حاول تشرب مية طول اليوم

هجرب الكلام ده وإن شاء الله يجيب نتيجة معايا

الصحيان في الشتاا صعببب :-\

أنا هنا ماعنديش شتا كله صيف x صيف

السلام عليكم ورحمة الله وبركاته ...
اولا : افرحك انت مش لوحدك اللى كده فمتقلقش الازمة دى عند ناس كتيير منهم العبد لله ...
ثانيا : الحل : بص يااخى الكريم انت عايز تصحى ان شاء الله الساعة 7 مثلا تعمل 4 منبهات باربع نغمات مختلفة واحد الساعة 6 الثانى الساعة 6.30 الثالت الساعة 7 والاخير الساعة 7.15 بس الاخير تكون نغمته بتاعت المدير بتاعك علشان تتكهرب اول ما يرن ههههههه ((عايز اقولك انى عامل النغمة الاخيرة نغمة سواق اتوبيس الشركة اللى بيعدى عليا الصبح)) ...
ثالثا : اهم حاجة تشرب كوباية شاى تقيل قبل ما تنام على طول دى بقه اللى فيها الخلاصة ...
رابعا : جرب وقولى النتيجة علشان لو نجحت ابقى اجربها هههههههههههه ...

ههههههههه أنا بظبط جميع النغمات ومفيش فايدة برضه

أنا زمان قوى كنت كده
لما كنت طالب كنت بقوم اطفى المنبه وانام تانى
بس لما اشتغلت وبقيت مرتبط بمواعيد مينفعش أتأخر عنها
بقى نومى خفيف جدا
وبقيت العكس بعانى كمان من قلة النوم
حتى فى ايام الاجازات بصحى بدرى بدون منبه ولا حاجه

جرب نام في النهار هتعوض النوم اللي انت محتاجه

ولا بينفع أنا لما بدخل في مرحلة النوم المشكلة بتبقى في الصحيان

تكرار عمل الـ snooze أحياناً ما يزيد من الكسل و ستلاحظ أنه فى كل مره درجة الكسل تزيد عن سابقتها . . الى أن تفقد الرغبة فى الإستيقاظ . . و تهون من أهميته . .

عن تجربة / تجارب : حاول أن تُذكر نفسك أو يُذكرك أحد المحيطين بك بموضوع يشغلك أو يهمك أن تنجزه فى هذا اليوم . .
إستحضره الى ذهنك و فكر فيه أو تحدث بخصوصه لمدة دقيقة واحدة أو أثنين على أقصى تقدير . . .
ستجد نفسك فى كامل وعيك و إنتباهك . . وابدأ يومك بهمة ونشاط . . .

و بالتوفيق.

إن شاء الله

ممكن يكون عندك sleep apnea

لازم تروح لعيادة نوم و تشوف

لو كده لازم تتعالج

لانها خطرة جدا و بتجيب امراض الدنيا و اشهر اعراضها انك لو نمت 100 ساعة برضه تصحى زي اللي معدي عليك وابور زلط و مش مستكفي نوم

إن شاء الله الموضوع مش هيبقى فيه أي حاجة خطيرة أنا حاسس الموضوع عند ناس كتيرة حتى عند بعض اصحابي

[S O P H O S]

والله يا باشا هو اكيد بتتقايض علي التاخير
بس هي حاجة كويسة بالنسبة لناس

[hobyana47]

موضوع النوم ده يحتاج دكتور لان فى ناس الضغط عندها منخفض فبيبقى الصحيان صعب كما ان فى بعض الادوية بتقلل افراز حمض فى المخ مسؤل عن النوم اسمه حمض gaba
كمان نقص عنصر الحديد فى الجسم بيقلل نسبةالهيموجلوبين وبالتالى يحصل اضطراب النوم
لام دكتور
هذه العلومات من القرأة وانا مش دكتور

[أحمد كمال]

إن شاء الله الموضوع مش هيبقى فيه أي حاجة خطيرة أنا حاسس الموضوع عند ناس كتيرة حتى عند بعض اصحابي

انا مش بافول عليك و مش قصدي خطيرة يعني مميتة

و الموضوع منتشر فعلا


موضوع انه موجود عند ناس كتير مش مقياس ...... زي ما ناس كتير عندها سكر و ضغط


مشكلة امراض (او اختلالات) النوم انها محدش بيهتم بيها ...... بس بتسبب مشاكل كتير زي التعب المستمر و عدم الشبع من النوم و ممكن تعمل مشاكل كتير جدا


الموضوع باختصار انك هتقعد صاحي مدة معينة الدكتور يحددهالك ..... بعدين بيلبسك جهاز يقيس تنفسك و نبضك و ضربات قلبك و كده و بتنام

و اما تصحى بيفرغوا التسجيل بتاع الاجهزة ...... و بيشوف


مشكلة ال sleep apnea انك بتصحى كتير جدا من النوم و انت نايم (بس ما بتدركش الصبح انك صحيت و انت نايم) ....... فبتصحى تعبان


واحد صاحبي عمل الكشف ده ..... طلع بيصحى في الساعة 35 مرة !!!!! تخيل يعني ما بينامش دقيقتين على بعض من غير ما يصحى ...


مجرد ما اتعالج بيقول لي بقيت انسان جديد ..... نمت 8 ساعات صحيت كاني نايم 10 سنين :D

[hefnawy77]

انا مش بافول عليك و مش قصدي خطيرة يعني مميتة

و الموضوع منتشر فعلا

موضوع انه موجود عند ناس كتير مش مقياس ...... زي ما ناس كتير عندها سكر و ضغط

مشكلة امراض (او اختلالات) النوم انها محدش بيهتم بيها ...... بس بتسبب مشاكل كتير زي التعب المستمر و عدم الشبع من النوم و ممكن تعمل مشاكل كتير جدا

الموضوع باختصار انك هتقعد صاحي مدة معينة الدكتور يحددهالك ..... بعدين بيلبسك جهاز يقيس تنفسك و نبضك و ضربات قلبك و كده و بتنام

و اما تصحى بيفرغوا التسجيل بتاع الاجهزة ...... و بيشوف

مشكلة ال sleep apnea انك بتصحى كتير جدا من النوم و انت نايم (بس ما بتدركش الصبح انك صحيت و انت نايم) ....... فبتصحى تعبان

واحد صاحبي عمل الكشف ده ..... طلع بيصحى في الساعة 35 مرة !!!!! تخيل يعني ما بينامش دقيقتين على بعض من غير ما يصحى ...

مجرد ما اتعالج بيقول لي بقيت انسان جديد ..... نمت 8 ساعات صحيت كاني نايم 10 سنين :d

باشمهندس احمد..
يا ترى الاختبار ده ممكن يتعمل عند اى دكتور و بيكون تخصصه ايه..
و يا ترى العلاج بيكون ايه...هل ادوية عادية و لا الموضوع بيوصل لجراحة..

شكرا..

[amdd]

شوفت مره منبه على النت يخليك تصحى من اول رنه
فكرته ان المنبه ده بيشتغل بالفلوس
يعنى انت بتحط بالليل فيه مثلا 20 ج خمسات
اول مره المنبه بيرن عادى خالص ولو مصحيتش وطفيته وعملت شوية عمليات حسابيه تحلها عليه يسكت ولو محلتش او بمعنى تانى نمت
الرنه التانية بيفرم خمسة جنيه ولو محلتش بيفرم تانى خمسة جنية وهكذا
يعنى ممكن يفضل يفرم بتاع 20 او اكتر لغاية متصحى
اعتقد ده حلك علشان تصحى من النوم والا اخر الشهر مش هتلاقى معاك ولا مليم

[أحمد كمال]

باشمهندس احمد..
يا ترى الاختبار ده ممكن يتعمل عند اى دكتور و بيكون تخصصه ايه..
و يا ترى العلاج بيكون ايه...هل ادوية عادية و لا الموضوع بيوصل لجراحة..

شكرا..

بيتعمل في عيادات النوم Sleep Clinics و فيه كذا عيادة نوم في مصر

العلاج بيختلف لان فيه كذا نوع من المسببات .... بعض الناس المسبب بيكون مركزي (المخ بيتوقف لثواني عن ارسال اشارات للتنفس اثناء النوم) ...... و بعض الناس بيكون عندها اعاقة في المجرى التنفسي


النوع الاول علاجه بيكون جهاز اسمه CPAP بتلبسه و انت نايم ...... ده جهاز بيزق هوا على رئتك بالعافية و انت نايم عشان تفضل بتتنفس و انت نايم

النوع التاني علاجه جراحي (تسليك او ازالة سبب اعاقة التنفس) ......

[hefnawy77]

بيتعمل في عيادات النوم sleep clinics و فيه كذا عيادة نوم في مصر

العلاج بيختلف لان فيه كذا نوع من المسببات .... بعض الناس المسبب بيكون مركزي (المخ بيتوقف لثواني عن ارسال اشارات للتنفس اثناء النوم) ...... و بعض الناس بيكون عندها اعاقة في المجرى التنفسي

النوع الاول علاجه بيكون جهاز اسمه cpap بتلبسه و انت نايم ...... ده جهاز بيزق هوا على رئتك بالعافية و انت نايم عشان تفضل بتتنفس و انت نايم

النوع التاني علاجه جراحي (تسليك او ازالة سبب اعاقة التنفس) ......

متشكر جدا على ردك الوافى..
جزاك الله خيرا.. :)