فطارك اية الصبح ؟

[corsair]

انا محروم لاني بعمل دايت

فطاري 5 ملاعق فول بليمون وشطه وكمون مع فلفل رومي

والغدا 2 علبة زبادي مع عصير ليمون

والعشاء قطعة جبن قريش مع سلطة خضراء

ادعولي لحسن انا حاسس اني هبقي شبه الصوماليين عن قريب

[mohamedxsayed]

الفطار بالنسبالى زى العيد كل فين وفين بس بشرب حاجه سخنه
مقدرش اصحى اكل حتى لوعندى مشوار مثلا من 9 الصبح لغايه الساعه 5 مكلش غير لما ارجع
من اول ما دخلت اعداديه بطلت اخد سدوتشات .

[ابو لؤى]

على حسب المزاج مره فول وطعميه مره جبنه مره كشرى بس بحكم شغلى فى وسط البلد الفول والطعميه هنا طعمهم مختلف خالص غير الفول بتاع زمان اللى نعرفه كلنا حتى الطعميه مختلفه وطبعا غير المحلات الشعبيه بتاعتنا

[esam_refaat]

صديقي المواطن
رغم إني من ذوي اﻷوزان الثقيلة ولكن أنا مبحبش الفطار من صغري ومقدرش أزيد عن وجبتين في اليوم ولو أكلت 3 وجبات لمدة أسبوعين صحتي حتتدهور والجهاز الهضمي حيبيع القضيه ولو صحيت من النوم مقدرش آكل بتاتا من ساعتين وحتى 6 ساعات أتغدى على طول ولكن لو نزلت الشارع وبشد في العربيات ممكن لو لقيت أي حاجة آكلها وأنا بكون مستني حاجة وممكن تفاحة الصبح مع نص.كباية مياه ولكن عمري مقول كلمة جعان ولو إظطريت أعيش عالمياه لمدة يومين مشتكيش وأقول جعان وسط الرجالة بحس الراجل لو هو قائد في شركته أو عمله عيب عليه يقول جعان ولازم يستحمل وياكل في أي وقت وأكتر وجبه بقدسها هي العشاء حتى لو كان ده غلط ولكن العشاء ده حاجة عظمة وتجربة ممتعة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

لما هو كده امال السمنة جت منين ؟

[esam_refaat]

محدش جاب سيرة سندوتشات الحلاوة الطحينية ليه ؟
هو انا بس الى بحبها فى البلد !!
مشكتها ان اكلها بكثرة بيرفع الكوليسترول واخيرا لقيتلها بديل صحى جدا بس موسمى
الا وهو سندوتشات العجوة بالسمنة
بتجيب البلح الامهات المستوى وتنزع منه النوى وتسويه مع ملعقة سمنة بلدى على النار وعمره طويل وممكن تعمل كميه وتحفظها فى الديب فريزر
طبعا ماتزودش السمن عشان يكون صحى
نسيت ادى الجبنة البراميلى حقها
ودول مع العيش البلدى اصدقائى فى ساعات العمل الطويلة وليالى السهر
4 سندوتشات وساعات 6 احسن ما تتحايل على حد فى الشغل يروح يجيب لك اكل من بره وطبعا انظف وأأمن
الله دمها نعمة واحفظها من الزوال

[مواطن مصرى]

شاى او شاى باللبن الصبح اول ما اصحى و للاسف مع سيجاره

فى الشغل لازم فطار فول و طعميه و الحاجات دى قبل ما نبدأ نشتغل

[mastr_n]

انا برة مصر
وان شاء اللة اول حاجة هاعملها لما انزل هاكل فول وطعمية من محل شعبى أو اى عربية فول تقابلنى

الفطار ياجدعان يعنى فول وطعمية اى كلام تانى ماينفعش

[horas3000]

موضوع مهم
و الفطار ده معاناتي كل يوم
انا lactose intolerante يعني انسوا منتجات الالبان كلها
فموضوع الفطار ده عندي صعب و محدود و اغلب الاكلات بيحتاج تجهيز و لذلك بكسل
و لاني مش بتغدي قبل الساعه 7 فباجي في نص اليوم و ببقي هاكل دراعي
فبقضيها مولتو و شيبسيات و ده كارثه لان الحاجات دي غير صحيه و بتخن جدا
و لما اغير بديها فول و طعميه بس بزهق طبعا
و الفطار في ال coffee shops زي starbucks و costa و كده محتاج ميزانيه لوحده

[J A G U A R]

باكو بسكوت محشى على ربنا ما يفرجها وميعاد الغدا ييجى

[ahmediqo]

علي حسب بس فطار كلو بروتين و كروهيدراتس , يعني مرة علبة تونا و تفاحة و مرة علبة فول و انا اظبطها بل اوطة علي مزاجي و مرة توست بل التركي و بردو تفاحة بس دا فطار ميكافينيش سعتين علي بعض

[hossam eldeen]

ساندوتش جبنه او بيض وفنجان القهوه اللي من غير القهوه لاااااااااااااا يمكن اشتغل , والجمعه ما يكملش الا بأحلي فول بزيت الزيتون والليمون مع طعميه سخنه ,,, وبسسسسس ,