لخبراء البنوك : كارت انترنت ام بطاقه ائتمانية للشراء من النت ؟

[JapRuleZ]

اتصل بى مندوب البنك الذى اتعامل معه و قال لى انى اعمل كارت لشراء الاشياء من الانترنت عشان الhacking و قاللى انه ائمن فى التعامل على الشبكه ... بس طبعا مصاريف زياده ؟ ايه رأيكوا يا جماعة ؟

[DODGE2013]

مش محتاجه تفكير يعني اكيد كارت ديبت للنت وخلاص تحط فيه على قد ما تشتري وشكرا

شوف انت فاتح حساب في بنك ايه ويكون عندهم اونلاين بنك عشان بدل ما تروح البنك تحول فلوس لكارت النت

تحول اونلاين اسهل وخلاص بلا مشوار بلا باركن بلا بتاع

[swimmer25]

مش محتاجه تفكير يعني اكيد كارت ديبت للنت وخلاص تحط فيه على قد ما تشتري وشكرا

شوف انت فاتح حساب في بنك ايه ويكون عندهم اونلاين بنك عشان بدل ما تروح البنك تحول فلوس لكارت النت

تحول اونلاين اسهل وخلاص بلا مشوار بلا باركن بلا بتاع

هو ممكن يطلع كارتين لنفس الحساب
يعني دلوقتي أنا معايا كارت بستخدمه في السحب عادي وكارفور وكدا
ممكن أعمل كارت تاني وأحول الفلوس من كارت لكارت...مش فاهم بصراحة ياريت توضيح ومصاريفه بتتحسب ازاي

[saddam]

صديقي المواطن
قولا واحدا اﻷصح واﻷسلم تعمل فيزا كارد مستقل لمشتريات النت عشان اﻷمان بس اللي مستغربله يعني إيه يطلب منك مصاريف أنا مدفعتش غير 5 دولار
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[max_ziro]

صديقي المواطن
قولا واحدا اﻷصح واﻷسلم تعمل فيزا كارد مستقل لمشتريات النت عشان اﻷمان بس اللي مستغربله يعني إيه يطلب منك مصاريف أنا مدفعتش غير 5 دولار
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

دة من بنك مصرى ولا حاجة دولى

[mido_soliman]

انا عاملة من البنك الاهلى وحاطط فية مبلغ للنت وعاملة اصلا علشان اشترى سوفتوير من الماركت بتاع جوجل او ابل ستور
المشكلة حاليا انى لما باجى اشترى اى برنامج من جوجل ماركت مبيقبل ويقولى ان عملية الشراء تم تعليقها
مش عارف لية ؟
حد قابل المشكلة دى قبل كدة يفيدنى الله يكرمكوا ؟

[أبو آسر]

أنا معايا ماستر كارد البنك الأهلي المصري اللي لونها دهبي من 3 سنين وبشتري بيها من الإنترنت من أي موقع وبدفع بيها فواتير النت والتليفون الأرض وخلافه وبشتري بيها من السوبر ماركتس زي كارفور ومحلات الملابس وغيره وممكن أسحب بيها كمان من الatm بس مبرضاش علشان بياخدوا فوايد على السحب النقدي فورا لكن باقي التعاملات بيبقى معاك مهلة 55 يوم للسداد

[DODGE2013]

أنا معايا ماستر كارد البنك الأهلي المصري اللي لونها دهبي من 3 سنين وبشتري بيها من الإنترنت من أي موقع وبدفع بيها فواتير النت والتليفون الأرض وخلافه وبشتري بيها من السوبر ماركتس زي كارفور ومحلات الملابس وغيره وممكن أسحب بيها كمان من الatm بس مبرضاش علشان بياخدوا فوايد على السحب النقدي فورا لكن باقي التعاملات بيبقى معاك مهلة 55 يوم للسداد

ديه كريدت كارد يا شيخ ابو بودي وخد بالك من الفوائد عشان ربا والربا حرام ( لو عديت ال 55 يوم )

[أبو آسر]

ديه كريدت كارد يا شيخ ابو بودي وخد بالك من الفوائد عشان ربا والربا حرام ( لو عديت ال 55 يوم )

أنا الحمد لله عمري ما تعديت 30 يوم فضلا عن 55 يوم لأني بشحن البطاقة أول كل شهر بس أنا لما طلعتها مكنتش أعرف بموضوع الdebit card اللي بتتشحن بفلوس الأول وبعدين تصرف الفلوس اللي فيها أو يمكن مكنتش موجودة ساعتها أساسا وبفكر حاليا في التحويل لبنك تاني وأعمل debit card بدل الcredit card وكنت قرأت فتوى قبل كده للشيخ محمد المنجد على ما أذكر إنها تجوز في حالة لو واثق تماما من إني هسدد المبلغ في الميعاد ومش هتأخر أبدًا بس طبعا الاحتياط واجب ووالحكم الشرعي لا يبنى على الظنون والاحتمالات وطالما في حاجة تانية بتأدي نفس الغرض يبقى كده أفضل
مع العلم إن الماستر كارد أساسا علشان أطلعها واعملها limit ب5000 جنيه خدوا مني 5000 جنيه تأمين !! يعني أنا ال5000 اللي بسحبهم كل شهر يعتبروا بتوعي أساسا مش قرض من البنك بس طبعا هي مشكلتها لو حصلت ظروف واتأخرت في السداد عن 55 يوم فهيحسبوا ربا على المبلغ والله الغني عنهم وعن الربا بتاعهم وأنا لولا إن شغلي كله بيعتمد على الدفع الإلكتروني مكنتش طلعتها
جزاك الله خيرا على التنبيه والنصيحة

[JapRuleZ]

طيب يعنى فى ناس عاملاه و ناس مش فارق معاه ..... اصل انا مسمعتش عن موضوع ان حد اتنصب عليه طالما انه trusted site ولا ايه ؟

[mk3]

اللى اعرفه اننا فى مصر مانعين استخدامنا للفيزا الاصليه على المواقع ولا بد وحتما تطلع كارت انترنت سواء تبع الحساب او internet use only

[h_shahin]

اللى اعرفه اننا فى مصر مانعين استخدامنا للفيزا الاصليه على المواقع ولا بد وحتما تطلع كارت انترنت سواء تبع الحساب او internet use only

ما عدا فيزا البنك الأهلى ممكن تستخدم على النت بإجراء خاص

[DODGE2013]

أنا الحمد لله عمري ما تعديت 30 يوم فضلا عن 55 يوم لأني بشحن البطاقة أول كل شهر بس أنا لما طلعتها مكنتش أعرف بموضوع الdebit card اللي بتتشحن بفلوس الأول وبعدين تصرف الفلوس اللي فيها أو يمكن مكنتش موجودة ساعتها أساسا وبفكر حاليا في التحويل لبنك تاني وأعمل debit card بدل الcredit card وكنت قرأت فتوى قبل كده للشيخ محمد المنجد على ما أذكر إنها تجوز في حالة لو واثق تماما من إني هسدد المبلغ في الميعاد ومش هتأخر أبدًا بس طبعا الاحتياط واجب ووالحكم الشرعي لا يبنى على الظنون والاحتمالات وطالما في حاجة تانية بتأدي نفس الغرض يبقى كده أفضل
مع العلم إن الماستر كارد أساسا علشان أطلعها واعملها limit ب5000 جنيه خدوا مني 5000 جنيه تأمين !! يعني أنا ال5000 اللي بسحبهم كل شهر يعتبروا بتوعي أساسا مش قرض من البنك بس طبعا هي مشكلتها لو حصلت ظروف واتأخرت في السداد عن 55 يوم فهيحسبوا ربا على المبلغ والله الغني عنهم وعن الربا بتاعهم وأنا لولا إن شغلي كله بيعتمد على الدفع الإلكتروني مكنتش طلعتها
جزاك الله خيرا على التنبيه والنصيحة

ويجزاك خير يا شيخ واحييك على ردك الرائع وعلى حرضك على تجنب الربا وفهم كل حاجه تتعلق
بموضوع الكريدت كارد

ربنا يكتر من امثالك الي بياخدوا بالهم من حجات البعض مش واخد باله منها

بالتوفيق

[aminibrahim]

صديقي المواطن
قولا واحدا اﻷصح واﻷسلم تعمل فيزا كارد مستقل لمشتريات النت عشان اﻷمان بس اللي مستغربله يعني إيه يطلب منك مصاريف أنا مدفعتش غير 5 دولار
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

5دولار كتييييييييييييير انا دفعت 20 جنيه توماس كوك cib وشغال طلقه

[hala kheresh]

اللى اعرفه اننا فى مصر مانعين استخدامنا للفيزا الاصليه على المواقع ولا بد وحتما تطلع كارت انترنت سواء تبع الحساب او internet use only

السلام عليكم

حضرتك متأكد ان لو عملت حساب وكارت ماستر كارد عليه, مش هينفع اشتري اون لاين, لازم كرات منفصل؟؟ لسه بدور ع بنك مناسب, وبفكر ف بنك مصر