السن المناسب للزواج

[ramymechanics]

عاوز أعمل استطلاع كدة أعرف كل واحد اتجوز فى سن كام وبقاله كام سنة متجوز وفى رأيه أنسب سن للزواج أيه ... أنا عن نفسي اتجوزت 24 سنة وبقالى 8 سنين متجوز الحمد لله
وشايف ان افضل سن للزواج 26-28 سنة

[saddam]

صديقي المواطن
دي بتختلف من مجتمع لمجتمع ومن دايرة لدايرة حتى داخل المجتمع الواحد ولكن بخبرة السنين والسفريات فشايف سن الزواج في البلدان بره مصر 27 سنة أحسن حاجة لكن في مصر أحسن سن للزواج هو 33 سنة وأقل واجب 32 سنة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[قلب الاسد]

احسن سن الزواج 30

[عصام غنايم]

انا متجوز 25 وبقالى 10 سنين

ورأيى ان افضل سن للزواج 23 للرجل و20 للبنت

طبعا ده عند المقدره

[speed_magnum]

النبي صلى الله عليه وسلم اخبرنا بالسن المناسب للزواج

قال صلى الله عليه وسلم
يا معشر الشباب من استطاع منكم الباءة فليتزوج فانه اغض للبصر واحصن للفرج .. ومن لم يستطع فعليه بالصوم فانه له وجاء ..
صدق رسول الله صلى الله عليه وسلم
....

[mohamedxsayed]

انا متجوز 25 وبقالى 10 سنين

ورأيى ان افضل سن للزواج 23 للرجل و20 للبنت

طبعا ده عند المقدره

فعلا ده أحسن سن للزواج
هو كل ما سن الجواز بيتأخر الفواحش بتزيد
وده الى وصلناله دلوقتى (حشيش,زنا,خمور,وانواع كتير من المخدرات )

(لا يترك الزواج إلا عاجز أو فاجر) مقوله عن الفاروق عمر رضى الله عنه
وبنشوف الابام دى ناس ربنا كارمها ماديا ومش عاوزين يتزوجوا


ربنا يرحمنا ويخرجنا منها على خير .

[Ahmed Amin]

عاوز أعمل استطلاع كدة أعرف كل واحد اتجوز فى سن كام وبقاله كام سنة متجوز وفى رأيه أنسب سن للزواج أيه ... أنا عن نفسي اتجوزت 24 سنة وبقالى 8 سنين متجوز الحمد لله
وشايف ان افضل سن للزواج 26-28 سنة

أنت زعلان ليه بس ؟؟
ربنا يفرج كربك ويصلح حالك,

صديقي المواطن
دي بتختلف من مجتمع لمجتمع ومن دايرة لدايرة حتى داخل المجتمع الواحد ولكن بخبرة السنين والسفريات فشايف سن الزواج في البلدان بره مصر 27 سنة أحسن حاجة لكن في مصر أحسن سن للزواج هو 33 سنة وأقل واجب 32 سنة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

النبي صلى الله عليه وسلم اخبرنا بالسن المناسب للزواج

قال صلى الله عليه وسلم
يا معشر الشباب من استطاع منكم الباءة فليتزوج فانه اغض للبصر واحصن للفرج .. ومن لم يستطع فعليه بالصوم فانه له وجاء ..
صدق رسول الله صلى الله عليه وسلم
....

أنا مع رأي أستاذ صدام وأسبيد ماجنم,, لأني شايف أن عشان الواحد يستني 30 و 33 دا كتير أووي, وعشان يتجوز بدري ممكن يعمل مشاكل في الأختيار كمان,,

وهيا في الغالب بتختلف من طبقة أجتماعية لطبقة أخري,, بس مش مقياس.!!
في ناس تلاقيتها بتتأخر في الجواز عشان الظروف المادية,,
وناس تلاقيها مرتاحة جداً ماديا وبتتأخر جداً في الجواز برضه,,
وناس علي قد حالها وبتجوز ولادها علي طول بتفكير إنهم بيسترو ولادهم بدون حساب للمستقبل والأولاد اللي هييجو ومحتاجين رعاية صحية ومصارية وتعليم وخلافة,,

ولو قلنا كل ما السن يزيد أفضل ممكن اللي يتجوز كبير يكون برد عاطفياً,, لأن اللي هيأخرة في الجواز هوا أنه مكنش جاهز لما كان مستعد للجواز,,
ولما بقي مستعد للجواز مبقاش الحد اللي قلبه معاه مستنيه,,,, فتبقي حياة لمجرد فتح بيت زوجية,,

وممكن اللي يتجوز بدري ميقدرش يشيل مسؤلية,, والبيت يتفكك بسرعة وتحصل خلافات دايمة وعدم تفاهم أو توافق ما بين الأتنين,,
وعشان كدا بنلاقي حالات طلاق كتير ما بين اللي متجوزين في السن الصغير 23 ل 25, خصوصاً للي بيختار البنت علي أساس الشكل والجمال ومش بيبص للأصل ولا التربية ولا المعاملة,,
وفيه بنات كتير للأسف بترسم نفسها محافظة وكويسة وبعد الجواز بتبقي حاجة تانية خالص عشان حققت هدف بالنسبة لها وعشان تبقي أحسن من صاحباتها,!


من رأيي السن المناسب للزواج موضوع نسبي,, ويختلف من شخص لأخر,
ومن ظروف لظروف,, ومن أسرة لأسرة أخري,,

[elmkaneeki]

مش قبل ٢٤ ٢٥ ومش بعد ٢٨ او ٢٩
عشان تبقي ندرك انت بتعمل ايه وتختار صح
وعشان عيالك ميطلعوش من جيل بعيد اوي عنك

[aldesha989]

واضح ان تفكير الشباب كله ما شاء الله ناضج وبيفكرو فى الطبيعى والمعقول

لان فعلآ الجواز بعد سن العشرين بيكون بايخ بس هى بتبقى اكيد واقفه على الظروف دايمآ
يعنى انا والدى متجوز وهو عنده 32 سنه بس ماكنش بأيده وقتها
وانا عندى 25 سنه ولسه مش لاقى بنت الحلال مع انى دخلت تجارب كتير
منها جواز صالونات ومنها من برا ارتباط ومنها صحاب اختى ومن على النت وكلها فاشله وبترجع لحاجات كتير بس مش اهم حاجه فيها بيكون السن بيرجع ان حتى فى ناس سنها كبيره بس تفكيرها اقل من المستوى

الفكره الاولى اللى بترجع للجواز ماديه بحته
الفكره التانيه العقل فعلآ
الفكره التالته امكانية تحمل المسؤليه
الفكره التالته عدم البرود العاطفى زى ما استاذ LeitoSR قال لان فعلآ لو الواحد برد عاطفيآ قبل الجواز لان سنه كبر وما بقاش بيفكر فى الجواز بشكل جاد او لو اتجوز مش هيعرف يعامل مراته فتبقى الحياه مش حلوه ولا ليها طعم ولا معنى

تأخير الجواز مش حلو والمجتمع بتاعنا لو فى ناس تقدر تشيل المسؤليه حتى من 18 سنه ليه ما يتجوزوش بس احنا مجتمعنا فاشل ما ينفعش فيه جواز الا فعلآ للسن اللى انتو قولتو عليه لكن دايمآ الفكره فى الشخص نفسه هيقدر يشيل مسؤليه حتى لو عنده 40 سنه ؟

شوفت ناس كتير فاشله مع انها كبيره
واعرف ناس بتتجوز وبابا هو اللى هيأكلهم ويشربهم


انا اؤيد من 23 ل 28 سنه

[omarhelalyehia]

24 او 25 ممتاز جدا .....بس يكون فيه فلوس و يكون فيه نضج عقلى و عاطفى و يارب اشباب و البنات كلهم يتجوزوا و يسعدوا

[Eng_hatemfathy]

موضوع لذيذ جدا بعيد عن دوشة السياسة ولو انه اصلا مرتبط بالسياسة
لان زى ما الاخوة تفضلوا وقالوا الباعث على الموضوع هو الادراك والحس
والادراك يتولد عند الانسان تبعا لتربيته فاذا تربى على المشاركة وابداء الرأى والفاعلية كان ادراكه وبديهته حاضرة واستطاع تكوين اراء واتخاذ قرارات واذا تربى على القمع صعب عليه اتخاذ قرارات ول فى موضوع الزواج واصبح يخشى الاقدام والمغامرة وتحمل التبعات
افضل سن للزواج من وجهة نظرى هو بداية العشرينيات للذكور وما بعد الثانوى للفتيات حيث يكون الشاب فى منتهى فتوته وذروة طموحه وتكون الفتاه قمة فى رهافة الحس ورقة المشاعر وقدرتها على العطاء والتحمل
وهو خير سن لاتخاذ الرفيق فى طريق الحياة الملىء بالصعاب وقبل ان تمتلىء القلوب والعقول بعقد المجتمع والتجارب المريرة التى تضيع اى معنى للسعادة >يبقى واحد او واحدة معقدين -هكذا تقال بالبلدى<

[ahmedteam]

ولا تحزن اذا فاتك قطر الزواج فأن يفوتك القطار خير من ان يدهسك

[Eng.Sameh]

أول ما تقدر دوس علطول :) .. عصمة ومحشي ومكرونة بالبشمل :)

[sama_Sama]

ما تتجوزش مصرية نهائي، غير كده لو طلعت بره مصر كل ما يكون بدري يكون أفضل، لكن ده لو انت شخص ناضج فعلا وإلا هتعذب الأجنبية معاك
مصريين كتيير أتربوا على الدلع وبابي ومامي، يتجوزوا ما حدش عايز يشيل مسؤليه ولا بيقدر التاني، والأختيار يبقى مهبب علشان هو بص لشكلها عجبته، وهي بصت لشياكته فعجبها والباقي كله بعد الجواز بيبان ومشاكل وقرف والطلاق اسلم حل بس بعد ما يكونوا جابوا عيل طبعا علشان عاداتنا اللي بتقول الحمل من ليلة الدخلة والكلام اللي مالوش 30 لازمة

[ahmedteam]

ما تتجوزش مصرية نهائي، غير كده لو طلعت بره مصر كل ما يكون بدري يكون أفضل، لكن ده لو انت شخص ناضج فعلا وإلا هتعذب الأجنبية معاك
مصريين كتيير أتربوا على الدلع وبابي ومامي، يتجوزوا ما حدش عايز يشيل مسؤليه ولا بيقدر التاني، والأختيار يبقى مهبب علشان هو بص لشكلها عجبته، وهي بصت لشياكته فعجبها والباقي كله بعد الجواز بيبان ومشاكل وقرف والطلاق اسلم حل بس بعد ما يكونوا جابوا عيل طبعا علشان عاداتنا اللي بتقول الحمل من ليلة الدخلة والكلام اللي مالوش 30 لازمة

+1

مؤيد لجزء كبير من الكلام ده