السن المناسب للزواج

[ramymechanics]

نسخن بقا الموضوع وأقول لكم على السبب اللى خلانى اعمل الموضوع دة ... هل الزواج المبكر زى حالاتى كدة ممكن يورث الملل والزهق من المسؤولية بعد كام سنة ؟؟؟ يعنى واحد زى حالاتى كدة متجوز من 8 سنين وعمرى دلوقتى 32 سنة والطاحونة شغالة ما بين شغل ومسؤوليات البيت من مذاكرة لطفلة فى 2 ابتدائى و زن طفل عنده سنة ومتاعب الحياة الطبيعية ... طبعا احنا فى نعمة من الله لا ينكرها الا جاحد ويتمناها كتير من الناس .. لكن سؤالى هل الزواج المبكر هو سبب مباشر للزواج التانى بعد فترة من الزمن نتيجة كثرة المسؤوليه مع صغر العمر ؟؟؟

[Eng_hatemfathy]

هههههه-حلو سبب للزواج التانى
يا باشا جرب وهتعرف بنفسك ان القالب واحد والعجينة واحدة الفرق فى نار الفرن فبتطلع واحدة محروقة وواحد ه نية وكل فين وفين وللى امه داعياله بس لما يلاقى واحدة مستوية
اللى يتلسع مرة لازم يقف وميمدش ايده تانى
وعلى رأى صاحبنا صدام
دمتم للنضال
اوعى شيطانك يوزك وتكرر المأساة لانك اكيد هتتجوز واحدة مش واحد ودى عندها دماغ زى الاولى او شبهها واكيد هتخلف والاجيال كل مدى انيل وانيل
يعنى زيادة الحول حولين وزيادة العمى طرش
ويلى كنت نفسك تستريح من واء واء هيبقى وااااااااااااااااء وااااااااااااااءوعيش يا باشا

[Ahmed Amin]

نسخن بقا الموضوع وأقول لكم على السبب اللى خلانى اعمل الموضوع دة ... هل الزواج المبكر زى حالاتى كدة ممكن يورث الملل والزهق من المسؤولية بعد كام سنة ؟؟؟ يعنى واحد زى حالاتى كدة متجوز من 8 سنين وعمرى دلوقتى 32 سنة والطاحونة شغالة ما بين شغل ومسؤوليات البيت من مذاكرة لطفلة فى 2 ابتدائى و زن طفل عنده سنة ومتاعب الحياة الطبيعية ... طبعا احنا فى نعمة من الله لا ينكرها الا جاحد ويتمناها كتير من الناس .. لكن سؤالى هل الزواج المبكر هو سبب مباشر للزواج التانى بعد فترة من الزمن نتيجة كثرة المسؤوليه مع صغر العمر ؟؟؟

لا ياباشا مش السن المبكر ولا حاجة,, الروتين هوا اللي بيولد الملل والزهق..

ممكن أديك أمثلة علي ناس كتير متجوزة في أول التلاتينات ونص التلاتينات وبيحصل ملل في العلاقة في أقل من سنة واحدة,,
ونفس المثال ممكن أديهولك علي ناس متجوز في نفس السن اللي أنت أتجوزت فيه وحصل ملل برضه بعد كام شهر,,

الموضوع نسبي زي ما قلت, ومالوش علاقة بالسن,
ضغوط الحياة والخوف من بكرة هما اللي بيخلو الحالة النفيسة مش تمام, ودا اللي بيولد الملل والزهق,,
حاول في يوم أجازة زي الجمعه أو أي يوم ممكن تخرج فيه خد مراتك وبنتك ربنا يخليهم لك ويبارك لك فيهم,,
وأنزل بيهم علي الأزهر بارك مثلاً لو من القاهرة, أو المنتزه لو من الأسكندرية,, أو أي مكان أنت شايفة رايق وفيه خضرة وهوا نضيف عشان يحسن الحالة النفسية والمزاجية ودا عامل مهم للأنسان اللي الدنيا بتطحنة في الشغل والبيت ضغط,, لأزم يشوف أخضر ويشم هوا نضيف,,

خروجة خفيفة ومش مكلفة ولا متعبة,, بس هتفرق كتير,
وأعمل حسابك وأنت خارج المشوار دا أنك ترمي ورا ضهرك أي تفكير متعلق بالشغل لحد ما يجي معاد الشغل, واي مشاكل أو مشاحنات قديمة في خلال الأسبوع اللي عدي سواء في البيت أو برة البيت,

وأنت هتعرف أن الموضوع مالوش علاقة بالسن ولا بأتجوزت بدري ولا متأخر.

[ramymechanics]

هههههه-حلو سبب للزواج التانى
يا باشا جرب وهتعرف بنفسك ان القالب واحد والعجينة واحدة الفرق فى نار الفرن فبتطلع واحدة محروقة وواحد ه نية وكل فين وفين وللى امه داعياله بس لما يلاقى واحدة مستوية
اللى يتلسع مرة لازم يقف وميمدش ايده تانى
وعلى رأى صاحبنا صدام
دمتم للنضال
اوعى شيطانك يوزك وتكرر المأساة لانك اكيد هتتجوز واحدة مش واحد ودى عندها دماغ زى الاولى او شبهها واكيد هتخلف والاجيال كل مدى انيل وانيل
يعنى زيادة الحول حولين وزيادة العمى طرش
ويلى كنت نفسك تستريح من واء واء هيبقى وااااااااااااااااء وااااااااااااااءوعيش يا باشا

يا باشا انت هتلبسنى تهمة أنا بتكلم عموما

أنا رجل أقدس الحياة الزوجية ومليش فالتعدد ومخلص جدا وربنا يكفينا شر المستخبى ... واخدلى بالك يا عمر

[elmkaneeki]

فهمتك يا رامي
بس الاولاد هم المتعة
ربنا يباركلك فيهم

[ramymechanics]

يا باشا أنا ليا فى كل فندق فى القاهرة واسكندرية والغردقة علامات ومبيعديش أسبوع إلا لازم نخرج أو ناكل برة بس أنت عارف مؤخرا بقا البيبى الجديد مع ضغوط الشغل و وجع الدماغ الواحد ساعات اما دماغه بتبقى هتنفجر ويلاقى واحد فى سنه لسة بيدور على عروسة يبقى بيحسده وأنت خارج عامل حساب البامبرز و واخد الببرونة معاك زى أبو العيال كدة :d :d بس الحمد لله على كل نعمه وآلاءه وبكرة أما العيال يكبروا والواحد يكبر هياخد عالحاجات دى

[monamize4]

ما تتجوزش مصرية نهائي، غير كده لو طلعت بره مصر كل ما يكون بدري يكون أفضل، لكن ده لو انت شخص ناضج فعلا وإلا هتعذب الأجنبية معاك

لا ياباشا مش السن المبكر ولا حاجة,, الروتين هوا اللي بيولد الملل والزهق..

ممكن أديك أمثلة علي ناس كتير متجوزة في أول التلاتينات ونص التلاتينات وبيحصل ملل في العلاقة في أقل من سنة واحدة,,
ونفس المثال ممكن أديهولك علي ناس متجوز في نفس السن اللي أنت أتجوزت فيه وحصل ملل برضه بعد كام شهر,,

like

[Eng_hatemfathy]

يا باشا انت هتلبسنى تهمة أنا بتكلم عموما

أنا رجل أقدس الحياة الزوجية ومليش فالتعدد ومخلص جدا وربنا يكفينا شر المستخبى ... واخدلى بالك يا عمر

هههههههههههههههه

[#MAAM#]

الموضوع ده بيعتمد هلى الراجل وعقليته والبنت كذلك وملهوش علاقة بالسن ........ يعني ممكن يكون سنه صغير بس راجل وبيتحمل المسئولية ويعرف يشيل مسئولية بيت ويعتمد عليه وكذلك البنت عارفه حقوقها وواجبتها ....... وفيه ناس كبيرة والله وجودهم زي قلتهم زي البطة البلدي في البيت (( نطع )) ومراته بتصرف عليه ........ وبالتالي الموضوع ملهوش علاقة بالسن نهائي

[medori]

والله انا 26 و لسة مش متجوز و مبسوط و زى الفل دخلت كام تجربة كدة، نقدر نقول من 20 سنة لحد اخر تجربة كانت 24، و حاسس انى فعلا مكنتش هبقى مبسوط لو اتجوزت فى السن دة، بس بصراحة حسيت فى أخر سنة انها طالبة معايا جواز، فاعتقد ان السن من 25 ل 28 هو الانسب

[Ahmed_selmy]

انا شايف انها بتعتمد على حاجات كتير ومينفعش احدد لها سن , بمعنى ان فى بعض الاسئله لازم كل واحد يطرحها على نفسه وهى:

1- هل انت قادر ماديا انك توفر مصاريف الزواج الاوليه زى المهر والشبكه وغيرة حتى لو بمساعدة الوالد
2- هل انت قادر على التكفل بهذا البيت من مصاريف اساسيه واكل وشرب وخلافه
3- هل انت على استعداد فعلا لتحمل مسؤليه اسرة بمشاكلها ومتطلباتها
4- هل امامك الانسانه المناسبه التى ترتضيها زوجه

اعتقد لو جاوبت على الاسئله ى حتقدر تحدد انت جاهز ولا لا.....والاجابه طبعا بتختلف من شخص الى اخر على حسب ظروفه وامكانياته.
وربنا يوفق الجميع الى ما يحب ويرضى

[mohamedxsayed]

انا شايف انها بتعتمد على حاجات كتير ومينفعش احدد لها سن , بمعنى ان فى بعض الاسئله لازم كل واحد يطرحها على نفسه وهى:

1- هل انت قادر ماديا انك توفر مصاريف الزواج الاوليه زى المهر والشبكه وغيرة حتى لو بمساعدة الوالد
2- هل انت قادر على التكفل بهذا البيت من مصاريف اساسيه واكل وشرب وخلافه
3- هل انت على استعداد فعلا لتحمل مسؤليه اسرة بمشاكلها ومتطلباتها
4- هل امامك الانسانه المناسبه التى ترتضيها زوجه

اعتقد لو جاوبت على الاسئله ى حتقدر تحدد انت جاهز ولا لا.....والاجابه طبعا بتختلف من شخص الى اخر على حسب ظروفه وامكانياته.
وربنا يوفق الجميع الى ما يحب ويرضى

السؤال ال3 أهم سؤال وللأسف مقسم بين الست والراجل 50:50
انت ممكن يكون فى أيدك ال3 اجابات التانين وتتجوز وتلاقيها هى فله بعد الجواز
لانك مهما كان الراجل معظم اليوم فى الشغل اما هى يعنى اداره البيت معاها تلاقيها مخها زىى البالون منفوخ هوا

[Merooxx]

صديقي المواطن
دي بتختلف من مجتمع لمجتمع ومن دايرة لدايرة حتى داخل المجتمع الواحد ولكن بخبرة السنين والسفريات فشايف سن الزواج في البلدان بره مصر 27 سنة أحسن حاجة لكن في مصر أحسن سن للزواج هو 33 سنة وأقل واجب 32 سنة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

+++++++1

[S O P H O S]

راي 25 متوسط كويس
يجمع ما بين بداية مرحلة ونضوج