بياناتى مع بلطجى !!!!!!

[foxhonda2008]

باشا الناس دي اخرها ال200 جنيه المصلحه بتاعته و الموضوع خلص
لا تقلق نفسك دا هو بس شافك زبون كويس و اوعي تكون شربت معاهم نفسين حشيش
و بالنسبه لو حصل تزوير دانت تحبس المرور كله بما فيه رئيس المرور

[أحمد كمال]

تلاقيه هيحاول يضرب صحوبية و شوية و يقول لك محتاج فلوس ولا اي بتاع

مفيش نقل ملكية من غير عقد شهر عقاري .... توكيل جتى ما ينفعش

[lidosasa]

غير نمرة تليفونك لو تقدر وأمن عربيتك كويس من السرقة وأنسى الموضوع خالص ولا كأن حاجة حصلت

[saddam]

انا دلوقتى مش مقلق من البطاقه - لأن صور البطاقه مترميه فى خمسين حته من زمان :)
لكن دلوقتى فكرت - هل ممكن انى اكون اتعرضت لعمليه نصب كبيره و تكون العربيه انتقلت ملكيتها ليه هو مش انا - هو اخد منى الرخص القديمه و خلانى اسلم بنفسى النمر القديمه على الشباك (ملاكى اسيوط)
و بعد كده هو جابلى تصريح (كمبيوتر- شبه الرخصه بالظبط بس مافيهوش ختم ) ب 6 اشهر و اللوحات الجديده انا اللى استلمتها برضه بنفس الارقام اللى فى التصريح طبعا
فهل فيه احتمال ان التصريح اللى معايا ده يكون تصريح مزور و الحقيقى يكون فيه اسم المالك اسم واحد منهم فى تصريح تانى يكون معاهم ؟؟

صديقي المواطن
لا تقلق لا يمكن تتنقل عربيتك وإنت مش ماضي على حاجه وو إتنقلت يتشال فيها كل طقم ظباط مرور السلام فقولا واحدا لا تقلق مفيش إمكانية يعمل لوحات ويطلع تصريح بإسمك وبإسم شخص ثاني وخفف على نفسك وبطل تفكير ﻷني أراك ستتحول إلى شخص موسوس وحتتعب في حياتك كده فخفف عن نفسك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[mOuStaFa_ERTU]

الحمد لله وبفضل الله رغم بشاعه مرور السلام بس بخلص كل مصالحى من غير اى رشاوى ولا اى مصلحتيه وفى زمن كويس واحب اقولك على حاجه امشى عدل ويوم ما حد من الموظفين يقولك كلمه كده او كده خد بعضك واطلع على العقيد / عمرو عبد المنعم رئيس وحده مرور السلام وا\قوله وشوف هيكون رد فعله ايه ؟ ده راجل محترم جدا وخدوم الى اقصى حد وانا شخصيا عمل معايا واجب اكتر من مره ..
ومش لازم عشان تدخله تقولك فلان بيسلم عليك والشغل ده هو كويس مع اى حد

[khaled_sabry]

الف شكر يا رجاله على كل اللى تعب نفسه فى الموضوع معايا

الحمد لله وبفضل الله رغم بشاعه مرور السلام بس بخلص كل مصالحى من غير اى رشاوى ولا اى مصلحتيه وفى زمن كويس واحب اقولك على حاجه امشى عدل ويوم ما حد من الموظفين يقولك كلمه كده او كده خد بعضك واطلع على العقيد / عمرو عبد المنعم رئيس وحده مرور السلام وا\قوله وشوف هيكون رد فعله ايه ؟ ده راجل محترم جدا وخدوم الى اقصى حد وانا شخصيا عمل معايا واجب اكتر من مره ..
ومش لازم عشان تدخله تقولك فلان بيسلم عليك والشغل ده هو كويس مع اى حد

و الله العظيم انا كنت طوال ال5 سنين اللى فاتو زيك كده - بإثتثناء انى مابحبش اشتكى موظف حتى لو قل ادبه معايا - لأنى بقول فى نفسى حرام الراجل يتأذى فى لحظه غباوه - ده لو الظابط اهتم اصلا

و هل العقيد / عمرو عبد المنعم ده راجل اصلع و بشنب ؟؟؟
لأن الظابط ده كان قاعد ورا الموظفين و كان ماسك موظف و بيزعقله و الموظف التانى اللى زعقلى كان مخنوق علشان الموقف ده و كان قاعد يقول للموظف اللى جنبه (اشتغل براحتك و اللى مش عاجبه يخبط دماغه فى الحيط)

صديقي المواطن
لا تقلق لا يمكن تتنقل عربيتك وإنت مش ماضي على حاجه وو إتنقلت يتشال فيها كل طقم ظباط مرور السلام فقولا واحدا لا تقلق مفيش إمكانية يعمل لوحات ويطلع تصريح بإسمك وبإسم شخص ثاني وخفف على نفسك وبطل تفكير ﻷني أراك ستتحول إلى شخص موسوس وحتتعب في حياتك كده فخفف عن نفسك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

لا خلاص - انا اصلى اتخضيت لما لاقيت الاخ ده مسجل نمرتى بعد اسبوع كامل
و من الحكايات اللى كان بيحكيها هو العربجيه بتوعه ادركت انى مش قدهم و انا مش بتاع مشاكل و مش عاوز لبش مع واحد سوابق زى الاخ ده
فعلشان كده خوفت و بدأت ادرس كل الاحتملات

[eng.m7md.ali]

شكلي هعمل زيك

رحت امبارح لقيت ضرب نااار روحت ماشي :)

[khaled_sabry]

شكلي هعمل زيك

رحت امبارح لقيت ضرب نااار روحت ماشي :)

بلاش احسن
هناك زحمه و قلة ادب - و حتى المخلصاتيه دول فيه منهم كتير نصابيين و ياخد منك فلوس و برضه تقف فى طابور و بهدله
و انا لغايه دلوقتى مش متأكد بنسبه 100% ان الموضوع بتاعى تم صح و مافيهوش خدعه او اشتغال
و لو رجع بيا الزمن كنت استحملت البهدله و قلة الادب بدل ماتعمل حاجه و تبقى شاكك فيها و تقل قيمتك لما تقعد مع بلطجيه

[eng.m7md.ali]

لا ماهو في موظفة هناك معرفة هخليها تخلص الموضوع واديها اللي فيه النصيب

يا أما استحمل وده حالياً صعب عليا

[khaled_sabry]

لا ماهو في موظفة هناك معرفة هخليها تخلص الموضوع واديها اللي فيه النصيب

يا أما استحمل وده حالياً صعب عليا

مادام موظف يبقى تمام
و شكلى حتعرف عليك بعد 6 اشهر لما التصريح بتاعى يخلص علشان تظبطنى فى المرور
و تبقى انتا بقى متعهد مرور السلام للمنتدى كله

[mOuStaFa_ERTU]

الف شكر يا رجاله على كل اللى تعب نفسه فى الموضوع معايا


و الله العظيم انا كنت طوال ال5 سنين اللى فاتو زيك كده - بإثتثناء انى مابحبش اشتكى موظف حتى لو قل ادبه معايا - لأنى بقول فى نفسى حرام الراجل يتأذى فى لحظه غباوه - ده لو الظابط اهتم اصلا

و هل العقيد / عمرو عبد المنعم ده راجل اصلع و بشنب ؟؟؟
لأن الظابط ده كان قاعد ورا الموظفين و كان ماسك موظف و بيزعقله و الموظف التانى اللى زعقلى كان مخنوق علشان الموقف ده و كان قاعد يقول للموظف اللى جنبه (اشتغل براحتك و اللى مش عاجبه يخبط دماغه فى الحيط)

هو يا فندم ... وبدعيله كل ما تيجى سيرته ونفسى كل المسئولين يكونوا زيه كده

[mOuStaFa_ERTU]

انا عايز احكى موقف حصل امامى ..
كان عندى مشكله فى التجديد لاقيت مخالفه على عربيتى القديمه ومش راضيين يرخصوا الجديده غير لما ادفع المخالفه اللى معرفش عنها حاجه اصلا المهم وانا واقف دخل راجل كبير فى السن تقريبا 60 سنه او ازيد شويه وبيشتكى ان فى واحد من ( الهـلـيـبـه ) لهف منه 2300ج لزوم التجديد 3 سنوات لعربيته وفص ملح وداب ..
المهم الموظف اللى قاعد جنب رئيس القلم قاله وعملت كده ليه يا حاج ؟؟ ما احنا كاتبين فى كل مكان ( لا تتعامل الا مع الموظف المختص ) قاله اللى حصل بقه .. قاله طيب اسمه ايه وحاول توصفهولى قاله على اوصافه وقال ان اسمه سمسمه .
قام الموظف نادى على واحد كده بسم الله ما شاء الله طول بعرض ( ضلفه ) ده تقريبا كان من الهليبه بس ربنا تاب عليه وراح مطلع تليفونه وكلم واحد وقاله هاتوهولى من تحت الارض وقال للراجل ماتقلقش يا حاج فلوسه هترجعلك .. وفضلت واقف فعلا لحد ما الراجل جالته فلوسه تانى بس اللى ايقنى بقه بجد انه مقالش حتى ( شكرا ) ..
وده حصل امامى والله على ما اقول شهيد ..
لسه فى ناس كويسه بجد وربنا يتقبل منه

[hugan]

انا تعبت من الكلام علي مرور السلام
مش قايل حاجه تاني

[khaled_sabry]

انا عايز احكى موقف حصل امامى ..
كان عندى مشكله فى التجديد لاقيت مخالفه على عربيتى القديمه ومش راضيين يرخصوا الجديده غير لما ادفع المخالفه اللى معرفش عنها حاجه اصلا المهم وانا واقف دخل راجل كبير فى السن تقريبا 60 سنه او ازيد شويه وبيشتكى ان فى واحد من ( الهـلـيـبـه ) لهف منه 2300ج لزوم التجديد 3 سنوات لعربيته وفص ملح وداب ..
المهم الموظف اللى قاعد جنب رئيس القلم قاله وعملت كده ليه يا حاج ؟؟ ما احنا كاتبين فى كل مكان ( لا تتعامل الا مع الموظف المختص ) قاله اللى حصل بقه .. قاله طيب اسمه ايه وحاول توصفهولى قاله على اوصافه وقال ان اسمه سمسمه .
قام الموظف نادى على واحد كده بسم الله ما شاء الله طول بعرض ( ضلفه ) ده تقريبا كان من الهليبه بس ربنا تاب عليه وراح مطلع تليفونه وكلم واحد وقاله هاتوهولى من تحت الارض وقال للراجل ماتقلقش يا حاج فلوسه هترجعلك .. وفضلت واقف فعلا لحد ما الراجل جالته فلوسه تانى بس اللى ايقنى بقه بجد انه مقالش حتى ( شكرا ) ..
وده حصل امامى والله على ما اقول شهيد ..
لسه فى ناس كويسه بجد وربنا يتقبل منه

ده نفس المبلغ اللى دفعته - اكيد عربيته 2000 سى سى برضه
بس انا فضلت لازق فى الراجل لغايه لما دفع الفلوس رغم انه كان بيتحايل عليا علشان استناهه فى القهوه لكن انا كنت رجلى على رجله لغايه لما دفع الفلوس اللى خدها

انا تعبت من الكلام علي مرور السلام
مش قايل حاجه تاني

تصدق طالعه موزونه --

[mahmoud_ali]

ياجماعه الموضوع بمنتهى البساطه العيال دى بتخلص المصلحه من هنا واخر اليوم بيقسموا الفلوس بينهم وبين موظفين واداريين المرور واللى يقولك غير كده كداب.. وانا للاسف بتعامل معاهم علشان بخلص تجديد وفحص للعربيه فى نص ساعه وليا واحد صاحبى حب يعمل بطل قعد 6 ساعات وبعد لما وصل الموظفه بتقوله هات 20 جنيه ضريبه ترفيهيه..اه والله ضريبه ترفيهيه. بس انا سمعت انى ممكن اتعامل مع مرور الدراسه واخلص كل الاجراءات منه هل ده حقيقى؟؟؟؟