عاوز رائيكوا فالعروسة ديه

[midooo_119]

ازيكوا يا جماعه عاملين ايه ... ناس اصحابى جابولى عروسة روحت قابلتها هى وباباها هى اصغر منى بشهر 27 سنه و شغاله مدرسه math فمدرسه اجنبى و المدرسه و شقتهم و شقتى الى هجوز فيها جنبهم هناك فالتجمع الخامس و الباص بيجى ياخدها و يرجعها المهم قعدت اكلم انا وهى هى اصلا كانت ازهر وباباها برضه و اخواتها نفس الكلام لكن مالهمش فالسياسه (مريحين دماغهم) و متدينه وحافظه اجزاء من القرءان و مع ذلك قالتلى الابراج مش حرام و انت برج ايه و بتاع المهم البنت بكلم معاها ماتعرفش تروح و لا تيجى غير مع باباها ده حتى بسالها بتنزلى وسط البلد اتخضت كانى بقلها بتروحى كافيه العمده .. اصلا هى ماتعرفش تروح اى حته غير مع باباها هو مربيها تربيه مقفله اوى وراحت شغل لمده يوم وسابته عشان فيه اختلاط ولاد و بنات ده حتى سالتنى انت لسه بتكلم اصحابك (البنات) من ايام الجامعه ولا لأ .. الصراحه البنت اخلاق و خام لكن حاسس ان الموضوع هيعملى مشكله انها مقفله اوى و كمان باباها مش هيوافق نخرج مع بعض لوحدنا خاصه ان الخطوبه مش اقل من سنه و نص ..
ناس قالولى اتكل على الله و المهم الاخلاق و التربيه و ناس تانيه قالولى مش هتستحمل حد مقفل كده خاصه انى شاب و عاوز اروح و اجى ديه مش هينفع معاها كده و هتعلمنى الادب ديه من اولها كده هتخلينى مكلمش زميلاتى البنات فالشغل .
ياريت تقولولى رائيكوا

[mezo73]

انا هاقول لا اله الا الله
يعني لما نلاقي واحدة اخلاقها كويسة في زمنا دة نقول هاتخنقني
ولما تكون واحدة مفتحة شوية هاتقعد تشك في تصرفاتها واهلها يسبوها تخرج وتروح وتيجي وتسهر هاتقول دة بيت سايب
السؤال انت عاوز واحدة تمشي معاها ولا واحدة تتجوزها
انا التحفظ الوحيد لية في الموضوع دة انها قدك في السن
اسف ان كانت لهجتي ناشفة شوية بس انا مش عارف اقولك اية غير استخير ربنا واللي فية الخير ليك هايكون بأذن الله

[eng.salama93]

الصراحة .. انا لو مكانك أتمني اتجوز واحده زي دي .. متدينة و مش متشددة و مقفول عليها كويس
ربنا يجعلها من نصيبك يا سيدي :)

[mem]

حضرتك ممكن تحاول تتكلم معاها وشوف هل هى عندها قابليه انها تتغيير وتفهم ان معارفك فى نطاق العمل
واكيد مش هينفع اقاطع الناس كلها على شان مثلا هتزوج
وهل هى بتتجاوب معاك فى وجهات نظرك ولا بتصدك
وهى مش مقتنعه لان بردك لا تنسى ان الطبع يغلب التطبع
فلو عندها استعداد تتغيير وتتاقلم معاك توكل على الله
كفايه انها محترمه ومتدينه واخلاق بس بردك لازم التوافق العقلى فلو شايف ان ده صعب معاك فهتتعب بعد كده
لو مش هيفرق معاك فتوكل على الله

[أبو صلاح]

عمرك ماهتلاقي انسان متطابق معاك في الصفات
انت هتقولها نظام حياتك بالتفصيل وهتقولها على نظام حياتك اللي بتطمح فيه بعد الجواز وتسمع رايها وقابليتها للتغيير
واكيد برضه هي ليها نظام في الحياة لازم انت تقدره وتفهمه وتقول رايك فيه

[mk3]

لا حول ولا قوة إلا بالله
اما بنت تقرأ كلامك ده وهى محترمة او زى ما انت بتقول مقفله تخيل كلامك هيعمل فيها ايه اما تشوف شباب النهارده بيفكر ازاى
تخيل انت ممكن تكون السبب فى تغير اسلوب كام بنت

[midooo_119]

انا هاقول لا اله الا الله
يعني لما نلاقي واحدة اخلاقها كويسة في زمنا دة نقول هاتخنقني
ولما تكون واحدة مفتحة شوية هاتقعد تشك في تصرفاتها واهلها يسبوها تخرج وتروح وتيجي وتسهر هاتقول دة بيت سايب
السؤال انت عاوز واحدة تمشي معاها ولا واحدة تتجوزها
انا التحفظ الوحيد لية في الموضوع دة انها قدك في السن
اسف ان كانت لهجتي ناشفة شوية بس انا مش عارف اقولك اية غير استخير ربنا واللي فية الخير ليك هايكون بأذن الله

محمد رسول الله

الصراحة .. انا لو مكانك أتمني اتجوز واحده زي دي .. متدينة و مش متشددة و مقفول عليها كويس
ربنا يجعلها من نصيبك يا سيدي :)

ميرسى عالمشاركتك الرقيقه

حضرتك ممكن تحاول تتكلم معاها وشوف هل هى عندها قابليه انها تتغيير وتفهم ان معارفك فى نطاق العمل
واكيد مش هينفع اقاطع الناس كلها على شان مثلا هتزوج
وهل هى بتتجاوب معاك فى وجهات نظرك ولا بتصدك
وهى مش مقتنعه لان بردك لا تنسى ان الطبع يغلب التطبع
فلو عندها استعداد تتغيير وتتاقلم معاك توكل على الله
كفايه انها محترمه ومتدينه واخلاق بس بردك لازم التوافق العقلى فلو شايف ان ده صعب معاك فهتتعب بعد كده
لو مش هيفرق معاك فتوكل على الله

كلام محترم

عمرك ماهتلاقي انسان متطابق معاك في الصفات
انت هتقولها نظام حياتك بالتفصيل وهتقولها على نظام حياتك اللي بتطمح فيه بعد الجواز وتسمع رايها وقابليتها للتغيير
واكيد برضه هي ليها نظام في الحياة لازم انت تقدره وتفهمه وتقول رايك فيه

صحيح ميرسى ياباشا

[midooo_119]

لا حول ولا قوة إلا بالله
اما بنت تقرأ كلامك ده وهى محترمة او زى ما انت بتقول مقفله تخيل كلامك هيعمل فيها ايه اما تشوف شباب النهارده بيفكر ازاى
تخيل انت ممكن تكون السبب فى تغير اسلوب كام بنت

تغير اسلوبها ازاى يعنى؟؟

[eng wael]

استخير الله عز وجل واتكل على الله
مع الاخذ فى الاعتبار موضوع السن لان فسيولوجيا الستات بتعجز قبل الرجاله ولكن اكيد مش سبب للرفض ولكن لزم التنويه

[midooo_119]

استخير الله عز وجل واتكل على الله
مع الاخذ فى الاعتبار موضوع السن لان فسيولوجيا الستات بتعجز قبل الرجاله ولكن اكيد مش سبب للرفض ولكن لزم التنويه

ده اكتر موضوع مخلينى متردد

[أحمد كمال]

بص

لو مقفلة بجد مش تمثيل و مسكنة و سهوكة

يبقى دوس و انت مغمض

[Ahmed_Adham]

أنا هقولك رأيي من وجهة نظري لأني معرفش شخصيتك. أولا هيه كبيره شويه عليك وانت لسه صغير وسهل تتجوز واحده لسه 20 سنه وهتعرف قيمه الفرق ده قدام ومش بعيد.

تاني حاجه من ناحيه مقفله فالاعتدال حلو في كل حاجه يعني لو مقفله جدا هتخنقك وهتلاقيها دايما متأخره عنك خطوه. يعني مثلا واحد صاحبي متجوز واحده من النوع الخام اللي متربي في كهف ومبيطلعلوش صوت كده عايز أقولك هيه بنته مش مراته مع انهم عندهم طلفلين بس هيه أخرها الرضاعه بس وغير كده ملهاش في أي حاجه يعني هوه اللي قاعد بالطفلين على رجله طول ماهو في البيت وطول ماهو في الشغل بنته كل ساعه لازم تكلمه (بنته عندها سنتين ونص) ده غير انه هوه اللي بيغيرلهم وبيديهم الدوا وكل حاجه جوه البيت وبره البيت هوه اللي بيعملها يعني عمرها ما تعرف تتسوق لوحدها أبدا.

فوق كده كمان مبتعرفش تستقبل ضيوف يعني مفيش الترحيب الصح ولا كده ولا نورتونا ولا ياريت تكررو الزياره تاني ولا أي حاجه من دي كأنها مش موجوده حتى لو قعدت مع حد متعرفش تفتح حوار ولا تسأل أي أسئله بتجاوب بس ولو محدس فتح كلام معاها مش هتنطق حتى لو انت اللي في بيتها ضيف. فيه موقف مثلا بتتصل بجوزها في الشغل التليفزيون مش شغال. طب اتأكدي ان الفيشه في الحيطه. أيوه خلاص الفيشه كانت مخلوعه طب سلام. وهكذا بقى كل شويه فيه كذا موقف كده بتلاقيها دايما متأخره بخطوه عن اللي حواليها.

هوه قبل الجواز كان نفسه في واحده من النوع ده جدا بس دلوقتي بعد جواز 3 سنين وشويه مبقاش مستحمل وبقى حاسس انها عبء عليه وكأنهم زي ما قلتلك بنته مش مراته. مش شرط طبعا تكون البنت اللي بتتكلم عندها تكون في المرحله دي بس حبيت أوضحلك الصوره بتبقى عامله ازاي في مواقف الحياه اليوميه.

[A.Saad]

أعتقد أن ممكن تطبعها معاك
مع تقبل طباعها ايضا
ومش عيب انها مش بتعرف وسط البلد

ليا شخصية قريبة منى كانت كدة
بس قدرت اغيرها وحالبا فوق الوصف

[hugan]

بص

لو مقفلة بجد مش تمثيل و مسكنة و سهوكة

يبقى دوس و انت مغمض

+111111111111
متردد اقول اتاكد الاوءل
المشكله التانيه فارق السن

[aldesha989]

فأظفر بذات الدين
بالنسبه للأبراج حرام :d