عاوز رائيكوا فالعروسة ديه

[طارق _عبد السلام]

فَاظْفَرْ بِذَاتِ الدِّينِ تَرِبَتْ يَدَاك

[eng/ahmed_go]

[size="4"][/sizeانا رأيي بعد كلمة الابراج حلال سيبك منها (لاني بصراحة بكره الهيافة)

[midooo_119]

بشكر كل واحد شارك برايه و انا فعلا اقتنعت ان السن مش مناسب بجانب موضوع الابراج حلال متناقض مع الدين و الله اعلم ايه تانى هيظهر و لذلك اعتذرتلهم و ربنا يكرمها بالاحسن و يرزقنى بالزوجه الصالحه

[amrezzat82]

نصيحة لوجه الله السن مشكلة كبيييييييييييرة جدا طالما انت واخد بالك منها من أولها ولو هي معرفتش تحسسك انها صغيرة فى عينك و مش سنها كبير يبقى أنسى و حتحصل مشاكل كتيرة فى الآخر
بالنسبة للتقفيل أنت ممكن تغيرها بسهولة و خلي بالك فى فرق كبير بين التقفيل و الخيابة اللى تضرب لخمة و متعرفش تتصرف

و متقلقش من أي حاجة لأان البنت لو أقتنعت و حست بيك حتتغير و تعمل كتير
و عن تجربة أكتر من أي حد أحب أقولك فى الآخر الجواز ده نصيبك من عند ربنا و حتلف تلف و تاخد اللى فى نصيبك و تأكد أن ربنا بيعمل الخير حتى لو فى ظاهره مش خير

[prof2013]

يامعلم سبقتني وبتشوف عرايس من ورايا يامعلم هههههه
يا أخي يهون عليك العيش والملح في فتكات هههههه طيب دورلي معاك لووول

[midooo_119]

يامعلم سبقتني وبتشوف عرايس من ورايا يامعلم هههههه
يا أخي يهون عليك العيش والملح في فتكات هههههه طيب دورلي معاك لووول

ههههههههه نعمل ايه طيب ويارتنى لاقي حاجه مناسبه

[tarekmomo]

لو بالمواصفات الى بتقول عليها تبقى عملة نادرة فى الزمن الاخبر الى احنا عايشين فية هما دول البنات المحترمة

[Ahmed_selmy]

اولا وقبل كل شئ عليك بالاستخارة
ثانيا موضوع التدين مهم جدا جدا جدا
بالنسبه لراى بقى انا فى نقطه فى كلامك دا مهمه اوى وهى انها متعلقه اوى بوالدها والسبب انها حتحاول تستعوض عدم وجود والدها بعد الزواج بيك .....بمعنى اخر حتكون عوزاك نسخه من والدها بالظبط والموضوع دا انا واجهته شخصيا مع مراتى واخدت فترة لحد اما قدرت تفرق انى حاجه وابوها حاجه وانى مش حكون صورة منه.....والمشكله الاكبر ان لو والدها متعلق بيها او بمعنى اوضح بيحبها بزيادة فاى كلمه اى شكوة هى الصح دايما وانت الغلط ودى مشكله رهيبه لانك مهما حاولت تقنعه انت عملت التصرف دا ليه او اخدت الخطوة دى ليه هو مش حيقتنع الا باللى بنته شيفاة.

[Angel_wolf]

لا حول ولا قوة إلا بالله
اما بنت تقرأ كلامك ده وهى محترمة او زى ما انت بتقول مقفله تخيل كلامك هيعمل فيها ايه اما تشوف شباب النهارده بيفكر ازاى
تخيل انت ممكن تكون السبب فى تغير اسلوب كام بنت

على فكرة بس احنا عندنا فهم خاطئ بالنسبة لكلمة مقفلة و متفتحة

الفكرة ان المقفلة ممكن تكون انسانة لا يعتمد عليها فى الحياه الزوجية او العيشة متعرفش تتصرف ولا تروح ولا تيجى

ويبقى حضرتك فى الحالة دة اتجوزت عيلة صغيرة ممكن تكون مبتعرش تغير انبوبة البوتاجاز حتى

زود على كدة العامل مع الناس ودة لو واحدة مشكلة لان التعامل مع الناس بيدك خبرة فى الحياه وبيخلى دماغ الناس تكبر


غير لما تكون واحدة اتعاملت مع الناس عادى ومتكلمة وبتفهم فى الدنيا والناس هتبقى شخصية يعتمد عليها مش اى حاجة تقول الحقونى يا غرقتى


وعمتا الكلام دة راى انا الشخصى لما اجى ادور على واحدة ومش تعليق على مواصفات العروسة اللى اخونا هنا عاوز يخطبها


الفكرة انها عاد جدا تبقى متفتحة ومتدينة على فكرة مش تعارض خالص بين الاتنين المتفتحة مش صايعة ولا بتاعة شباب ولا منحلة

انا بتكلم كدة وبثقة لان انا شايف امى ست ب 100 الف راجل ويعتمد عليها جدا جدا وبتتعامل مع كل انواع البشر من غير مشاكل مع العلم ان جدى والد والدتى كان ازهرى وكمان معاه شهادة العالمية من الازهر فمش هتكلم عن التدين

وعلى فكرة محدش بيغير تفكيرة ولا حاجة اللى عاوز يعمل حاجة بيعملها يعنى لو واحدة اهلها مزنقين عليها وهى عاوزة تخرب الدنيا هتعمل كدة

ولو واحدة تانية حتى محدش بيقلها انت بتعملى ايه ولا بتكلمى مين و هى عاوزة تحافظ على نفسها وواعية لنفسها وحاطة حدود لعلقات الناس معاها افتكر مفيش مشكلة

ولا ايه

الله يكرمك الكلام دة راى الشخصى انا مشفتش اللى حضرتك ناوى تخطبها دى ممكن تكون كويسة بس الوصف او الانطباع الاول بيخون الواحد ساعات واقعد مرة تانية كدة واتكلم فى كل حاجة

علشان تشوف الدماغ فيها ايه

[Rsarabia]

اتكل على الله و احلى حاجة فيها انها مقفول عليها مش من البنات البجحة اللى مش فارق معاها اختلاط او اى حاجة

النوع دا على فكرة بتحس فيه بأنوثة اكتر من المفتحة :)

[maka]

يا عم لو مش عاوزها هاتها هو حد لاقى :)

[mk3]

يا عم لو مش عاوزها هاتها هو حد لاقى :)

مش عايز اقول كده من الصبح
بس برضه مشكله السن !

[prince91720]

1: نفسى افهم ازاى متدينه و ازاى بتقول ان الابراج حلال ؟!!
2: حكاية ما انها مابنخرجش غير مع باباها ومبتنزلش وسط البلد انا حاسس انو تدين مصطنع
3: حضرتك رجل بتحب تعيش حياتك فرى شوية فلازم تختار واحده زيك وتتناسب مع طريقة تفكيرك
4 : لو هى فعلا متدينه تدين حقيقى ومكانتش بتمثل او تتسهوك عليك انصحك تسيبها للى يعرف قيمتها ويقدر تدينها

[i_Am_Legend]

انت عايز تتجوز ولا تقضيها ؟؟
علشان دى عايزة واحد يتجوزها ..مش يقضيها معاها ..

[husseinsalah]

أنا هقولك رأيي من وجهة نظري لأني معرفش شخصيتك. أولا هيه كبيره شويه عليك وانت لسه صغير وسهل تتجوز واحده لسه 20 سنه وهتعرف قيمه الفرق ده قدام ومش بعيد.

تاني حاجه من ناحيه مقفله فالاعتدال حلو في كل حاجه يعني لو مقفله جدا هتخنقك وهتلاقيها دايما متأخره عنك خطوه. يعني مثلا واحد صاحبي متجوز واحده من النوع الخام اللي متربي في كهف ومبيطلعلوش صوت كده عايز أقولك هيه بنته مش مراته مع انهم عندهم طلفلين بس هيه أخرها الرضاعه بس وغير كده ملهاش في أي حاجه يعني هوه اللي قاعد بالطفلين على رجله طول ماهو في البيت وطول ماهو في الشغل بنته كل ساعه لازم تكلمه (بنته عندها سنتين ونص) ده غير انه هوه اللي بيغيرلهم وبيديهم الدوا وكل حاجه جوه البيت وبره البيت هوه اللي بيعملها يعني عمرها ما تعرف تتسوق لوحدها أبدا.

فوق كده كمان مبتعرفش تستقبل ضيوف يعني مفيش الترحيب الصح ولا كده ولا نورتونا ولا ياريت تكررو الزياره تاني ولا أي حاجه من دي كأنها مش موجوده حتى لو قعدت مع حد متعرفش تفتح حوار ولا تسأل أي أسئله بتجاوب بس ولو محدس فتح كلام معاها مش هتنطق حتى لو انت اللي في بيتها ضيف. فيه موقف مثلا بتتصل بجوزها في الشغل التليفزيون مش شغال. طب اتأكدي ان الفيشه في الحيطه. أيوه خلاص الفيشه كانت مخلوعه طب سلام. وهكذا بقى كل شويه فيه كذا موقف كده بتلاقيها دايما متأخره بخطوه عن اللي حواليها.

هوه قبل الجواز كان نفسه في واحده من النوع ده جدا بس دلوقتي بعد جواز 3 سنين وشويه مبقاش مستحمل وبقى حاسس انها عبء عليه وكأنهم زي ما قلتلك بنته مش مراته. مش شرط طبعا تكون البنت اللي بتتكلم عندها تكون في المرحله دي بس حبيت أوضحلك الصوره بتبقى عامله ازاي في مواقف الحياه اليوميه.

بصراحة انت برنس وجبت الخلاصة ... التقفيل والانفتاح مش لازم يكون متعلق بالاخلاق وبس .... المقصود بية هو انها تشيل مسؤلية بيت وزوج وتعرف تتعامل مع كل ما يخص الزوج وعلى فكرة حتة مالهاش فى السياسة دى مش ميزة ..... دة نوع من الامبالاة واللى هتنطبق على تفاصيل كتيرة فى حياتك وعن تجربة

اخيرا بقى لكل اللى بيقول حد لاقى ... او لو مش عاوزها هاتهلنا .... اعزائى الشباب لو عاوز من دة ادخل اى بيت يخطر على بالك هتلاقىهم كلهم نفس المواصفات والبركة فى الوسطاء
ادخل يا برنس على منتدى ...... (خاص بالنساء) وشوف كل واحدة بتعترف على نفسها بأية وهى اصلا مبينة اية..... طبعا الاعتراف يشمل جميع العيوب