اتخانقت مع صاحب كشك غسيل السيارات

[moody_687]

انا والله لولا معايا اختي كان ليا تصرف تاني معاه بس انا اختي عمالة تقولي يلا يلا وبسويط وخايفة وهما 3 افراد
اما بالنسبة لحوار السؤال فانا غسلتها قبل كده ب 5 ج عند نفس الكشك ده بس مش نفس الشخص اللي غسلهالي فطبعا مسئلتش ع التسعيرة بتاعته
لامتى بس هنفضل ف قلة الادب والصياعة ربنا يرحمنا

[#MAAM#]

ياباشا تصرفك صح كنت هتعمل اية يعني وكمان كان معاك أختك ............. كويس إنك حكمت عقلك ولو احنا كنا في بلد ليها قانون كنت هقولك إتصرف بطريقة تانية وربنا يحفظك

[eltorbeny]

اقولك حاجة
المفروض متتعاملش مع ناس صيع حرامية فاتحين اكشاك في الشارع
اولا ده فاتح لا بيدفع ترخيص ولا ضرايب وسارق مكان من الشارع وسارق نور وسارق مياه
فانت تروح لمحل او محطة بنزين حتى لو اغلى ولكن احنا بتصرفاتنا ديه الى ساعدنا على انتشار البلطجية دول فى الشوارع واحنا كدة الى بنشاركهم فى سرقة المال العام

[moody_687]

اقولك حاجة
المفروض متتعاملش مع ناس صيع حرامية فاتحين اكشاك في الشارع
اولا ده فاتح لا بيدفع ترخيص ولا ضرايب وسارق مكان من الشارع وسارق نور وسارق مياه
فانت تروح لمحل او محطة بنزين حتى لو اغلى ولكن احنا بتصرفاتنا ديه الى ساعدنا على انتشار البلطجية دول فى الشوارع واحنا كدة الى بنشاركهم فى سرقة المال العام

انت عندك حق انا غلطت فعلا بس اعمل ايه كنت محتاج حاجة تسعفني خاصا كان عندي كذا مشوار بعد توصيل اختي يلا الحمدلله وتوبة اقف اغسل العربية مع بتوع التونيات والمشاريع هو قالك صيدة بقى

[lanos2004]

الركنه 5 والغسله 10
كدة الراجل حسابه مظبوط

[moody_687]

انا مركنتش ده مش باركنج
ده واحد عنده زى خزان مية وجايب مسدس مية وشغال بيه ف الشارع
وغسلها بالمية فقط ودون تنشيف وبيقولي سيبها كده مينفعش تتنشف وطالب 15 ج ده انا بغسلها بالصابون ف المحل وبتتنشف كمان ب 10 ج

[trise2]

الراجل مغلطش معاك....سيادتك اللي غلطان....بس طبعا الاسلوب يضايق

حضرتك للاسف اتعاملت معاه برزاله....وده اكل عيشه وشغله

يعني ايه مش عاجبك الحساب وسايبه وماشي... او هكذا تخيل هو....اكيد شعوره انك اهنته وكمان بتاكل عليه شغله وتعبه.....

انت اتهنت...ومكنش ينفع غير انك تهادن في الموقف ده... بس للاسف تستاهل

ياريت ياريت الناس تحاول تحط نفسها مكان اللي قدامها علشان تفهم ردود الافعال والتصرفات

متقوليش انا مكنتش هاكل عليه فلوسه. ..حضرتك هو ميعرفكش ووراد جدا ان غيرك ممكن يعملها دا ان مكنش حصل معاه فعلا

ملحوظه اخيره الشباب اللي طلعولك دول محترمين..كل اللي طلبوه منك حق الراجل مع التهديد فقط علشان اهانتك ليه
لو شمامين كان قالك 50 او علي الاقل ال 15 كاملين وكنت هتدفع

[moody_687]

ياباشا انا اتحايلت عليه ياخد الفلوس وهو مش راضي وبيقولي هما 15 ج قولتله يعني مش عايز الفلوس قالي لا خليهملك فاخذت بعض ورايح اركب العربية عشان عندي ظروف وسايب اختي تعبانة ف العربية وانا ماشي فقولتله براحتك عنك مااخذتهم هو انا هتحايل عليك
لقيته بيعلي صوته عليا وانا اقوله اتكلم براحة ومتزعقش وبيقولي يلا غور من هنا عشان مكسرلكش العربية واللي تبعه واقفين معاه ورايح يجيب شومة من ورى الخزان
انا متكلمتش معاه نهائي غير اني قولتله انه يتكلم براحة وكنت خايف ع اختي وع العربية
عشان التلاتة منظرهم غلط ومفهوم معنى منظرهم غلط ع مااعتقد بالنسبة لحضرتك
ومعلش هو لو قالي مبلغ عالي مقابل خدمة ضئيلة يبقى المطلوب مني اني اوافق ع كلامه
بقول لحضرتك غسلها بالمية بس ومن غير تنشيف وبيقولي 15 ج ده مش يتسمى استقطاع او استغفال هتقولي دي تسعيرته هقولك كنت غاسل العربية ف السريع ف ذات الكشك بس واحد تاني ماسك المسدس واديته 5 ج ومتكلمش معايا ومسحهالي عشان معروف ف الاسكندرية غسيل مية بس ب 5 ج

[فبريكا]

حبيب قلبي انا غاسلت عربيتي في محطة شل هوا ومكنسة وصابون ومسدس مع التنشيف والمسح برة وجوة التابلوة والقوايم والشنطة ب 20 جنية غير الاكرميات وقاعد باشا على كرسي وضربت واحد شاي وبصراحة بتاخد حقك تالت ومتلت وناس محترمة وعايزين يشلوك من على الارض شيل ليه نحط نفسنا في مواقف بايخة مش عيب اننا نقول احنا غلطانين احنا زي اخواتك بردوا وعايزين ليك الخير وراي العضو انك لما قولت عنك ما اخدت الفلوس بتاعتك اثارة غضبة وحس بالاهانه صح حتى لو جربوع الكرامة غاليه على الانسان وانت لو مكانه كنت حتزعل بدليل ان لما اثارك وحسيت باهانه عايز تجيب اصحابك انت كمان.

يا ريت تتقبل وجهة نظرنا بصدر رحب وبلاش تعنت مش عيب لما الانسان يبقى غلطان يواجهة نفسة بشجاعة ويقول انا غلطان غير لما يستمر فيه لا احنا ضدك ولا احنا مع الراجل احنا مجرد عين تالته لتقييم الموقف الى كنت فيه.

تقبل تحياتي

[EngAhmedSayed]

فى مقولة ميرى اتعلمتها من الجيش
بيقولك اية
اذا تطاولت الايدى تساوت الرتب
بمعنى الناس الزبالة دى متحاولش تقل من نفسك معاهم لانى دول و له ليهم دين وله مله و له مبداء دول عاله على المجتمع اللى قدرنا و نصيبنا بقينا منهم
فا كبر دماغك
لانى كلهم مبرشمين و البرشام هو اللى سيقهم
ربنا يهدى او يخدهم

[احمد المصرى]

انت صح علشان حاقظت على اختك من اى موقف مش تمام الموقف حارق دمك ودم اى حد مكانك بس مش مشكله انت خسرت مقابل الحفاظ على اختك وعربيتك


بس بعد كدا ابق اسال الاول على السعر على اى خدمه فى اى مكان

[Merooxx]

هوه احنا مش فى دولة القانون علشان كده كبر دماغك وخلاص لان توابع الموضوع ده كتير الا بقى لو انت اصحابك كتير وتخدهم وتقوله هات ال 10 جنيه ومتروحش بالعربيه

++++++++1 ولازم