Tweet
واحدة زميلتنا في الشغل من حوالي سنتين اتقدم لها واحد عن طريق الأسرة.. شافوا بعض و حصل القبول.. من أول مرة اتقدم لها اشترط عليها ان والدته هاتعيش معاهم.. هو ابنها الوحيد اللي في مصر و الباقي برة و مش هايسيبها تعيش لوحدها.. البنت و أهلها وافقوا و تم الزواج من عدة أشهر.
اللي حاصل دلوقتي ان المشاكل بدأت و زميلتي مش طايقة وجود حماتها معاهم و مشاركتها ليهم في المعيشة و تواجدها في كل كبيرة و صغيرة.. طبعا كلنا كزميلاتها في الشغل بنكلمها كل يوم عن اللي أوله شرط آخره نور و انتي وافقتي من الأول و زوجك ما غشكيش و لا عمل لك البحر طحينة و انتي عارفة من الأول ان حماتك هاتعيش معاكي و لازم تتقبلي الوضع على ما هو عليه، و لكن لا حياة لمن تنادي، كل يوم و التاني مشاكل و خلافات.
طبعا انا مش باحكي الحكاية دي عشان ألاقي حل لزميلتي، انا شايفة انها لازم تحل الأمور دي بنفسها و تتكيف على وضع هي موافقة عليه حتى من قبل الخطوبة، انما اللي محيرني هي فعلا كان المفروض من الأول تقول لأ لحد امه هاتعيش معاه بعد الجواز؟ طيب ما هو لو كل البنات عملت كده هاتبقى قاعدة عامة و هنلاقي الشباب اللي ظروفهم كده بيبدأوا يرموا أمهاتهم في دور مسنين عشان يلاقوا حد يرضى بيهم.. بس برضه أرجع و أقول ان الحياة المشتركة بتجيب مشاكل و ده طبيعي لإن كل ست بتحب بيتها يبقى ليها هي بس و في نفس الوقت الأم بتحس انها بأت على الهامش بعد ما كانت ست البيت.
مش عارفة الناس رأيها ايه في الموضوع ده، بس حابة اسمع منكوا.
اللي حاصل دلوقتي ان المشاكل بدأت و زميلتي مش طايقة وجود حماتها معاهم و مشاركتها ليهم في المعيشة و تواجدها في كل كبيرة و صغيرة.. طبعا كلنا كزميلاتها في الشغل بنكلمها كل يوم عن اللي أوله شرط آخره نور و انتي وافقتي من الأول و زوجك ما غشكيش و لا عمل لك البحر طحينة و انتي عارفة من الأول ان حماتك هاتعيش معاكي و لازم تتقبلي الوضع على ما هو عليه، و لكن لا حياة لمن تنادي، كل يوم و التاني مشاكل و خلافات.
طبعا انا مش باحكي الحكاية دي عشان ألاقي حل لزميلتي، انا شايفة انها لازم تحل الأمور دي بنفسها و تتكيف على وضع هي موافقة عليه حتى من قبل الخطوبة، انما اللي محيرني هي فعلا كان المفروض من الأول تقول لأ لحد امه هاتعيش معاه بعد الجواز؟ طيب ما هو لو كل البنات عملت كده هاتبقى قاعدة عامة و هنلاقي الشباب اللي ظروفهم كده بيبدأوا يرموا أمهاتهم في دور مسنين عشان يلاقوا حد يرضى بيهم.. بس برضه أرجع و أقول ان الحياة المشتركة بتجيب مشاكل و ده طبيعي لإن كل ست بتحب بيتها يبقى ليها هي بس و في نفس الوقت الأم بتحس انها بأت على الهامش بعد ما كانت ست البيت.
مش عارفة الناس رأيها ايه في الموضوع ده، بس حابة اسمع منكوا.
Comment