موضوع محيرني

[hazem_khidr]

و الله انا ليا راي بسيط جدا في الموضوع ده

بمنتهي البساطة الابن اللي هيشترط ان امه تقعد معاه في نفس البيت بعد جوازه اكيد انسان اصيل و متربي و مش بسهولة يستغني عن امه اللي ربته

يعني اكيد لو الامورة اللي هيتجوزها اشترطت ان مامته متقعدش معاهم هيقولها مع السلامة

العرايس كتير بس انا معنديش غير ام واحده

يعني مش ممكن هتطلب منه كده هيروح رايح بتاكسي علي اقرب دار مسنين و ينزل مامته علي الناصيه و يقولها متعطليش نفسك

و و الله اللي تقبل بوضع زي ده من الاول_برغم انه فعلا بيجيب مشاكل_فلازم تتحمله للنهايه

و تفكر تفكير منطقي اوي

لو هي مامتها اللي في الوضع ده و هتعيش مع ابنها

هتقبل ان مراة اخوها تعامل مامتها وحش

او تبصلها مجرد بصه وحشه او تحسسها انها تقيله علي البيت؟؟؟؟

اكيد لا طبعا

يبقي تحمد ربنا انه رزقها بزوج كويس و طيب

و تحاول تتقي الله فيه و في مامته

و كل ما تفكر تعامل مامته بطريقه وحشه او تغلط فيها تفتكر ان داين تدان

و ان اللي هي بتعمله في حد لازم هيتعامل معاها في يوم من الايام

ميرسي ليكي يا علا علي موضوعك

لكـ احترامي و تقديري

بوســـــــي

كنت لسه حكتب الكلمتين دول
الله ينور عليكي يا بوسي
اضيف عليهم كلمه واحده
اللي مالوش خير في اهله.... مالوش خير في حد

[Akram]

انا واحدة قريبتي متجوزة و عايشة مع جوزها و حماتها في شقة واحدة ,
بس هي دائماً بتشكر في حماتها و انها شايلاها شيل ,
و الحمد لله مفيش مشاكل لغاية دلوقتي ,

المشكلة ان في الغالب بيكون كل طرف (الأم-الزوجة) عايزة تكون كلمتها هي المسموعة ,
الأم ... على اساس انها صاحبت البيت و الزوجة وافده عليها ,
الزوجة ... على أساس انها ست البيت و ان ده بيتها الجديد ,
و إذا لم تكن الاطراف دي عندها احساس بالمسؤولية و رغبة في التعايش , يبقى البيت هيكون مقر دائم للمشاكل ,
و الزوج حائر بين أمه و زوجته ... مش عارف يرضي مين ....

و بالنسبة لصديقتك يا علا فانا أرى (لو إن أساس المشكلة من والدته) ان زوجها يتكلم الأول مع والدته و يطلب منها انها تحسن تعامل زوجته و انه مش هيقدر يعيش على طول في مشاكل و إذا لم تحل هذه المشاكل فإنه سيضطر للبحث عن شقة تانية مع وعده بعدم اخلاله بمسئوليته عن أمه ,
أما لو اساس المشكلة من الزوجة فللأسف الحل ده هيبقى ظلم لوالدته...

[bee]

علا الموضوع ببساطة ومن غير كلام كتير

الي ملوش خير في أمه الي ربته ملوش خير في حد بعدها

وأظن اول حد المفروض يبقى عارف ده هو مراته الي المفروض تخاف من الي ولادها هيعملوه فيها لما تخلف ويكبروا ..

معنديش كلام اكتر من كده ..

[Bossy_Fadl]

يااااااااااااااااااااااااه يا علا

انتى جيتي عالجرح

احنا لسه خارجين من المشكلة دى مع قريبي و فعلا نفس الوضع و خطب البنت و قالها على ظروفه و انه مش هيسيب مامته وحدها و هي وافقت و من قبل الجواز ولا حاجة والله يا بنتى كانت البنت بانت بطباعها الحادة و اسلوبها العنيف و عاوزة تقسم الشفة و قسمين و طلعت مامة قريبي برة اوضتها الكبيرة و قفلولها partition كدة بحمام صغير و البنت خدت اوضة طنط و الحمام الكبير و اوضتين كمان و قسمت الشقة و قفلت علي نفسها بباب بمفتاح !! والله زى ما بقولك و مامة قريبي موافقة و صابرة عشان موش عايزة تحس انها وقفت فى طريق ابنها و فى الاخر يا بنتى كمان البنت قالتله طيب ما مامتك تروح تقعد مع بنتها احسن ولا ابنها التانى اشمعنى انت يعني !!!!!!!!!!! يعني معلش يا علا البنات بتبقي فعلا بتمشي الجوزاة الاول على امل انها تقدر تغير الوضع مش انه راضية من الاول عشان كدة بيحصل مشاكل لانها من الاول موش متخيلة الوضع كويس فى راسها و حاسبة الليلة هتبقي شكلها عامل ازاى

ده انا بنت و المفروض انحاز لبنت زيي بس اتحرق دمي من الموقف

دي لو مامتي كنت ........................

و لا بلاش احسن

و كنت قاطعت اخويا خالص لو صمم يتجوز البنت دي

مين يرضي لامه اللي ربته وضع زي ده

تتعامل زي المسجونين اللي محبوسين في اوضة بحمام

بعد ما كانت ست البيت و كل حاجة في البيت تخصها

فجأة تحس انها بقت مجرد ضيفه تقيله

ده انا ادعي علي نفسي اموت احسن لو شوفت امي في وضع زي ده

بصي يا نهي

البنت الصح هي اللي لما تقول كلمة تبقي قدها

و مادام رضيت بالوضع تتحمل و تشيل ام زوجها علي راسها

يبقي معلش مش ينفع نقول انها بتوافق في الاول عشان تمشي الجوازة

ما هي كده مش هتمشي عمرها!!!!!!!!

هتمشي شكلا بس في الاول و بعدين بعد الجواز تبدأ المشاكل بجد لما الراجل تصعب عليه امه اللي رماها الرمية دي

لو كل واحده فكرت الاول ان مامتها ممكن تبقي في وضع زي ده في يوم من الايام مش هتتصرف كده

لو الواحد باع امه الاول عشانها

بكرة يبيعها عشان واحده تانية

[hn_kamal]

الموضوع يا جماعة لازم يتاخد من ناحية الزوجة والأم والزوج بالعقل وهو :
1- لابد ان يدرك الجميع ان الحياة مش حرب لازم يبقى فيها منتصر ومهزوم . لكن لابد ان يدرك الجميع هو ايه دوره فى الحياة وايه المطلوب منه بالضبط لان الله سبحانه وتعالى قال " وما خلقت الجن والأنس الا ليعبدون" يعنى السبب الرئيسي فى وجودنا فى الحياة هو عبادة الله وبالتالى لازم نخلص النيه لله تعالى فى جميع امور حياتنا بحيث يكون هدف اي شئ نفعله هو رضا الله سبحانه وتعالى من عمل الى معاملة الوالدين والزوجة والابناء . ... الى أخره
2- كل واحد لازم يعرف واجباته ومسئولياته تجاه الاخر يعنى متبقاش الامور سلطة اى حد يعمل اى حاجة ويبقى الزوج هو رمانة الميزان مع التغاضي عن توافه الامور
3- لازم الزوجة تدرك ان الأم هى السبب فى وجود زوجها وكمان من الفطرة أن اي أم دائما بتدعى لابنها بالخير وده اكيد بيشمل الزوجة طبعا

[الطنطاوي]

بناء على خبرة مسبقة في هذا الموضوع كان الحل الواقعي لهذه المشكلة أن يأجر الأبن شقة مجاورة أو قريبة جداً لمنزل الأم - طبعاً ده في حالة التيسر المادي - وأن لا ينسى الزيارة اليومية أو شبه اليومية للأم وأن لا يمنع على الأم عادة كان يفعلها

في ملحوظة بسيطة وهي إن معظم الناس أول ما تعرف الحكاية دي على طول بيروحوا في جانب الأم ويتصورا إن الأم مسكينة والزوجة أم أربعة وأربعين ودي طبعاً نظرة خاطئة لأن في بعض - وليس الجميع - الأمهات بترفض فكرة إن الابن يبقى مع إمرأة تانية وبتحس إن إبنها ملكها طول عمرها علشان كده بتدافع عن الاعتقاد ده بكل الطرق الشرعية وغير الشرعية خاصة لو وجدت إن الابن بيحاول يكون بار بيها تقرباً إلى الله فبتحاول تستغل النقطة دي أوي.
وفي رجالة بتيجي في جانب الأم لأرتباطه بها جداً وبيكون ده على حساب الزوجة

و طبعاً ممكن بيكون العكس والزوجة بتستغل حب الزوج ليها ضد أمه

أعتقد إن الزوج هو المسئول عن هذا الأمر فلابد له أن يتحلى بالحكمة لإدارة هذا الصراع الطبيعي ويحاول يوزن يين الأمرين . أمر بيته و زوجته .وأمر بره لوالدته وطاعته لربه

ولازم يكون مخطط للحاجة دي قبل الزواج.

والأخت اللي توافق على إنها تسكن مع حماتها لازم تسأل الزوج هو مخطط يمشي الأمور إزاي

[hamedo0]

والله البيشيل الطين في الاخر الزوج او الابن والله الله يكون في عونه بيبقي بين نارين امه ومراته
بس اسف في الكلمه الحقوله الزوجه تتغير لاكن الام لا والف لا

[ehab666666]

السلام عليكم
انا شايف يا جماعة ان الراجل مغلطش لإنه قبل الارتباط و ضحلها الامور و قاللها ان مامتوا حتعيش معاهم
فخلاص..هيا المفروض تتقبل الوضع و تحاول تتعايش معاه
و طبعا البيت مش حيخلوا من المشاكل بس هيا علي فكره ممكن توضح الامور بطريقة لطيفة لجوزها و تقوللوا علي الي مدايقها و هوا ممكن يوصل الكلام ده لمامتوا من غير ما يجرح شعورها
و اكيد مامتوا حتتفهم الوضع لان اي ام عايزا ابنها يعيش مبسوط و مرتاح و من غير مشاكل علشان الحياه تمشي

[Noha.M]

ده انا بنت و المفروض انحاز لبنت زيي بس اتحرق دمي من الموقف

دي لو مامتي كنت ........................

و لا بلاش احسن

و كنت قاطعت اخويا خالص لو صمم يتجوز البنت دي

مين يرضي لامه اللي ربته وضع زي ده

تتعامل زي المسجونين اللي محبوسين في اوضة بحمام

بعد ما كانت ست البيت و كل حاجة في البيت تخصها

فجأة تحس انها بقت مجرد ضيفه تقيله

ده انا ادعي علي نفسي اموت احسن لو شوفت امي في وضع زي ده

بصي يا نهي

البنت الصح هي اللي لما تقول كلمة تبقي قدها

و مادام رضيت بالوضع تتحمل و تشيل ام زوجها علي راسها

يبقي معلش مش ينفع نقول انها بتوافق في الاول عشان تمشي الجوازة

ما هي كده مش هتمشي عمرها!!!!!!!!

هتمشي شكلا بس في الاول و بعدين بعد الجواز تبدأ المشاكل بجد لما الراجل تصعب عليه امه اللي رماها الرمية دي

لو كل واحده فكرت الاول ان مامتها ممكن تبقي في وضع زي ده في يوم من الايام مش هتتصرف كده

لو الواحد باع امه الاول عشانها

بكرة يبيعها عشان واحده تانية

بظبط

و خدي عندك بقا انه لما قالتلته الكلمتين دول هو قاطعها و قلع الدبلة و خلاص مبقاش عاوز يكمل تقوم البنت تروحله البيت !! و هو مكانش موجود بس مامته كانت لوحدها و سألتها عليه قالتلها لا يا بنتي لسه مرجعش من الشغل , تقوم البنت تكلمه فى التيليفون بتعيطله و انهيااااااااار و تقوله مامتك طردتني و كانت هتضربني !!!!!! و عمالة تعيط و انهيار مش طبيعي ! صعبت عليه قام رجعلها و بعد شوية رجعت لنفس عوايدها و قلة ادبها لدرجة ان مامة قريبي كان عندها غسالة اطباق مش محتاجاها و اديتها لبنتها المتجوزة تقوم البنت قايمة و عاملة خناقة و مبهدلة الدنيااااااا عشان ازاى و ازاى غسالة الطباق تنزل من البيت من غير اذنها و دة هيبقي بيتها !!!!!!! طيب خدي عند التانية اخته المفروض كانت هتولد خلال 5 شهور هي تقوم تروح تقوله و ان شاء الله اختك ناوية تسوق فيها و تفضل قاعدة فى البيت و عاملة لسه والدة و تعبانة طيب انا هجهز البيت و هوضبه ازاى ؟ و ناوية ان شاء الله تقعد فى اوضتي الكبيرة؟ لا انا هبقي بوضبها و عاوزاها تتقفل و مفتاحها يبقي معايا ... طبعا موضوع زى دة باين من اوله انه موش هيكمل و انتهي نهاية مش كويسة و هو سابها و هي مردتش ترجع الشبكة لانها بتقول انه هو اللى ساب و هو استعوض ربنا و خلاص ..

[kimo-nubira]

بظبط

و خدي عندك بقا انه لما قالتلته الكلمتين دول هو قاطعها و قلع الدبلة و خلاص مبقاش عاوز يكمل تقوم البنت تروحله البيت !! و هو مكانش موجود بس مامته كانت لوحدها و سألتها عليه قالتلها لا يا بنتي لسه مرجعش من الشغل , تقوم البنت تكلمه فى التيليفون بتعيطله و انهيااااااااار و تقوله مامتك طردتني و كانت هتضربني !!!!!! و عمالة تعيط و انهيار مش طبيعي ! صعبت عليه قام رجعلها و بعد شوية رجعت لنفس عوايدها و قلة ادبها لدرجة ان مامة قريبي كان عندها غسالة اطباق مش محتاجاها و اديتها لبنتها المتجوزة تقوم البنت قايمة و عاملة خناقة و مبهدلة الدنيااااااا عشان ازاى و ازاى غسالة الطباق تنزل من البيت من غير اذنها و دة هيبقي بيتها !!!!!!! طيب خدي عند التانية اخته المفروض كانت هتولد خلال 5 شهور هي تقوم تروح تقوله و ان شاء الله اختك ناوية تسوق فيها و تفضل قاعدة فى البيت و عاملة لسه والدة و تعبانة طيب انا هجهز البيت و هوضبه ازاى ؟ و ناوية ان شاء الله تقعد فى اوضتي الكبيرة؟ لا انا هبقي بوضبها و عاوزاها تتقفل و مفتاحها يبقي معايا ... طبعا موضوع زى دة باين من اوله انه موش هيكمل و انتهي نهاية مش كويسة و هو سابها و هي مردتش ترجع الشبكة لانها بتقول انه هو اللى ساب و هو استعوض ربنا و خلاص ..

احسن حاجه ينهى انه سبها وفي داهيه الشبكه .... الفلوس بتروح وتيجي

اهم حاجه انه كسب حياته اللي جايه وكسب حب ورضا والدته سورري يعني اللي

زي ديه ماتستهلش تتجوز بني ادم اصلا ديه مريضه والله ... الله هم اني صايم كفايه عليها كده

[Noha.M]

احسن حاجه ينهى انه سبها وفي داهيه الشبكه .... الفلوس بتروح وتيجي

اهم حاجه انه كسب حياته اللي جايه وكسب حب ورضا والدته سورري يعني اللي

زي ديه ماتستهلش تتجوز بني ادم اصلا ديه مريضه والله ... الله هم اني صايم كفايه عليها كده

فعلا يا ايمن والله تغور الشبكة احنا والله قعدنا نهون عليه الموضوع لانه هو كان دافع تمن الشبكة كلها من غير اى مساعدات من اهله بس الحمد لله انه ربنا انقذه من البنت دى

اللهم انى صايمة انا كمان

[Adham]

اللي زي دي الواحد يحمد ربنا ان الموضوع انتهى كدة

يا كان حاينتهي بطلاق

يا بجريمة قتل

[Goodle]

الموضوع ده بالذات معقد شويتين وفيه أكتر من رأى باختلاف وجهات النظر... وجهة نظر الزوج أو الزوجة أو والدة الزوج...
لكن أنا عايز أقول وأنبه على حاجة...
حتى لو البنت اللى جالها عريس متقدملها وظروفه شبيهة بظروف زوج صديقتك... وهى لاقته بايع والدته عشان خاطر عيونها ولا فارق معاه الست اللى ربته وسهرت عليه ليالى ... وسابها تعيش لوحدها وهى أصلا بتكبر فى السن وعايزة اللى يرعاها.. فضلا عن اللى كلنا عارفينه من أن الجنة تحت قدميها... البنت ديه المفروض ساعتها تتوجس منه شرا... لأن اللى باع أقرب واحدة له من دمه.. سهل قوى انه يبيع أخواته وبقية قرايبه حتى لو كان متربى معاهم.. فما بالنا بالزوجة اللى رابطه بيها كلمة وورقة - آسف دى مش نظرتى أنا للزواج أو الزوجة ولكنها بالطبع سوف تكون نظرة مثل هذا الشاب - ممكن يعمل فيها ايه بعد كده لو شافله شوفه تانية..... لكن أنا برده مش حاجى على طول الخط على طرف لحساب طرف ثانى.... زى ما قولت هى مسألة معقدة ... وتتطلب حنكة عالية ودبلوماسية من الزوج فى التعامل مع الزوجة والوالدة .... تعامل من شأنه الحفاظ على كرامة الأم ومحاولة رد جزء من جميلها على ولدها.... ومن شأنه فى ذات الوقت حفظ حقوق الزوجة بما لا يمس كرامة أو حقوق الوالدة.... لأنه من المقرر شرعا أن حق الأم على ولدها الذكر مقدم على حق الزوجة....
وبعدين يعنى البنت اللى فى الموقف ده توسع أفقها شوية وتبص لقدام مش بس تحت رجليها.... هى ضمنت كمان 20 أو 30 سنة حتبقى ظروفها ازاى؟؟
مش يمكن تبقى مكان هذه الأم مع مرات ابنها؟!!
ساعتها هى تحب مرات ابنها تعاملها ازاى؟

أحييك يا أستاذ يحيى على رأيك
فعلا معاك حق.. جبت من الآخر :)

[Miss_Pharma]

على فكرة بقى الناس الكبار دول بيبقو زي الاطفال وعايزين معاملة معينة ..
باختصار شدييييد ..
الرك على الزوجة (حلوة الرك دي ) شوية مسايسة وطولة بال وذوق وشياكة .. هتكسب حماتها وجوزها والحياة تبقى زي الفل ..