ازاى بتتفرج على فيلمك المفضل ؟!

[RAPID]

عن نفسى بحب اشوف اى فيلم قبل ما انام
افلام اجنبى فى الغالب
لازم اكون فايق وجودة الفيلم تكون عالية
الموبايل مقفول
واعيييييييييييييييييييش
بركز مع القصة والاداء والموسيقى التصويرية والقفلات
واقول رايى لنفسى وانقد بعض الاشياء
واهم شئ ارجع على الفيلم تانى واشوف لقطة من كل 5 دقايق
ممكن اقف تانى عند مشهد معين مؤثر وكانى بشوفه لاول مرة
لو ممثل عجبنى بدور على سيرته وادواره واخد عنه فكرة
وفى النهاية الطقوس دى هى اساس متعة مشاهدتى لاى فيلم

وبرضه عندى مشكلة
معرفش اتفرج على اى فيلم لو فاتنى تتر عنوان الفيلم !
بحس ان شئ كبير ناقص ومش بكمل
واول 5 دقايق من بداية اى فيلم غالبا بتكون السبب المباشر انى اكمل او اقلب
ده غير ان اى فيلم cut ملوش عندى اى تلاتين لازمة
حتى لو كان الكات ده ثانيتين .. بحب اشوف رؤية المخرج كاملة
يمكن الموضوع ده تافه للبعض او حتى ملوش قيمة
بس انا متاكد ان فى حد زيى اكيد له طقوس خاصة وطريقة معينة عند المشاهدة
ياريت يشاركنا بيها

صباحكم لذيذ :)

[ahmedesmat1987]

قبل منام وفى الاغلب اجنبى

بطفى النور معرفش اتفرج والنور مفتوح بحس انه بيشوش على تركيزى مع الفيلم

لازم يبقى جنبى مشروب اى مشروب حتى لو زجاجه مياه ساقعه

بستلقى على الكنبه واتغطى و استرخى وابدا اركز فى الاحداث من البدايه عشان متهوش فى النص وافهم قصه الفيلم من الاول

غالبا ما عينى بتروح فى النوم قبل ما اكمل الفيلم واصحى تانى يوم اكمل من عند الجزء اللى سقط فيه معرفش اعمل حاجه فى حياتى قبل ما اكمل الفيلم حتى لو مستعجل على الشغل


تحياتى

[RAPID]

قبل منام وفى الاغلب اجنبى

بطفى النور معرفش اتفرج والنور مفتوح بحس انه بيشوش على تركيزى مع الفيلم

لازم يبقى جنبى مشروب اى مشروب حتى لو زجاجه مياه ساقعه

بستلقى على الكنبه واتغطى و استرخى وابدا اركز فى الاحداث من البدايه عشان متهوش فى النص وافهم قصه الفيلم من الاول

غالبا ما عينى بتروح فى النوم قبل ما اكمل الفيلم واصحى تانى يوم اكمل من عند الجزء اللى سقط فيه معرفش اعمل حاجه فى حياتى قبل ما اكمل الفيلم حتى لو مستعجل على الشغل



تحياتى

الواحد ساعات فعلا بيسقط فى نص الفيلم بس لما يكون ممل او طويل شوية
بس الافضل معرفة نوعية الفيلم وبعض التقييم له قبل المشاهدة
تشرفت بمرورك احمد باشا ..

والى مزيد من التجارب والمناقشة ..

[friendship7897]

أنا عندي مشكلة في الموضوع دا !
أنا عمرى ما كملت فيلم في حياتي
ولا عربي ولا أجنبي
رغم أني ممكن لو بالصدفة وأنا بقلب بين القنوات وشدنى مشهد حزين أعيط
أو مشهد رومانسي أتنهد ، أو مشهد فرح أو كوميدي أضحك
بس برضوا مكملش الفيلم
مش عارفة دا إنشغال
ولا هروب
وأخواتي أو أصدقائي يحكوا عن فيلم ويسألوني أيه رأيك شوفتيه ؟
ولما تكون أجابتي كدة يستغربوا جداً
ويقول لي أنت مش حساسة لأن إندماجك في الفيلم دا بيأكد أنك حاسة بالناس .
وبناءاً عليه - واضح أنك إنسان حساس وبتتأثر بمشاكل من حولك .
وأضيف من عندي بعد الطقوس اللي بتعملها لمشاهدة الفيلم : أنك بتحب الوحدة ، وبتحب متشكيش لحد مشاكلك ، وبتحب تستفيد من تجارب الأخرين ولو حتى عن طريق التمثيل والبطل .
وكمان تحب تستفيد من تجارب المشاهدين عند مشاهدة الفيلم

[ياسر مصطفي]

اطفي كل النور
اعلي الصب لدرجة مزعجه بعض الشيء
ولازم يكون جنبي مشروب واي مسليات
وبيكون بليل في الغالب بعد منتصف اليل
ولازم ميكونش حد معايا مش بحب حد يتكلم وانا بتفرج على اي فيلم

وبيبقي اجنبي دايماً العربي بحسه تهييس

[Car's Sniper]

حاهاقولكوا على حاجة ومتشتموش
انا لازم احرق الفيلم قبل ماتفرج عليه واقعد اشوف من كل كام دقيقة مشهد لغاية ما افقس القصة..فاتفرج عليه ليه بقى؟؟

[hugan]

نفسي الاقي موقع اوقناه تعرض افلام الستينات
روائع نادي السينما واوسكار

[RAPID]

أنا عندي مشكلة في الموضوع دا !
أنا عمرى ما كملت فيلم في حياتي
ولا عربي ولا أجنبي
رغم أني ممكن لو بالصدفة وأنا بقلب بين القنوات وشدنى مشهد حزين أعيط
أو مشهد رومانسي أتنهد ، أو مشهد فرح أو كوميدي أضحك
بس برضوا مكملش الفيلم
مش عارفة دا إنشغال
ولا هروب
وأخواتي أو أصدقائي يحكوا عن فيلم ويسألوني أيه رأيك شوفتيه ؟
ولما تكون أجابتي كدة يستغربوا جداً
ويقول لي أنت مش حساسة لأن إندماجك في الفيلم دا بيأكد أنك حاسة بالناس .
وبناءاً عليه - واضح أنك إنسان حساس وبتتأثر بمشاكل من حولك .
وأضيف من عندي بعد الطقوس اللي بتعملها لمشاهدة الفيلم : أنك بتحب الوحدة ، وبتحب متشكيش لحد مشاكلك ، وبتحب تستفيد من تجارب الأخرين ولو حتى عن طريق التمثيل والبطل .
وكمان تحب تستفيد من تجارب المشاهدين عند مشاهدة الفيلم

ههههههههه كلام مظبوط الى حد كبير
واضح ان عندك موهبة جامدة فى تحليل الشخصيات
انا فعلا بحب جدا اسمع واشاهد واخد اراء الناس واقارن بينها
ويهمنى جدا اعرف الاراء المتناقضة ووجهات النظر المختلفة واسبابها
والافلام دى جزء من رؤية البشر للعالم (من زوايا مختلفة)

اما سبب انك مش بتكملى الافلام فده اكيد بسبب رتم الحياة السريع
مفيش وقت ولو فى فالنوم بيكون اولى فى كثير من الاحيان
ده غير ان الفيلم الـ 90 دقيقة ممكن يوصل 3 ساعات بسبب الاعلانات
تحياتى لحضرتك

[RAPID]

اطفي كل النور
اعلي الصب لدرجة مزعجه بعض الشيء
ولازم يكون جنبي مشروب واي مسليات
وبيكون بليل في الغالب بعد منتصف اليل
ولازم ميكونش حد معايا مش بحب حد يتكلم وانا بتفرج على اي فيلم

وبيبقي اجنبي دايماً العربي بحسه تهييس

ده تقريبا جو السينما
ضلمة وهدوء وصوت الفيلم عالى نوعا ما
الى جانب المسليات :)

[RAPID]

حاهاقولكوا على حاجة ومتشتموش
انا لازم احرق الفيلم قبل ماتفرج عليه واقعد اشوف من كل كام دقيقة مشهد لغاية ما افقس القصة..فاتفرج عليه ليه بقى؟؟

اكيد مش هتحتاج تتفرج عليه بعد كدة
المشاهدة ليها اداب زى ما قال احمد رزق فى فيلم ثقافى ههههه

[RAPID]

نفسي الاقي موقع اوقناه تعرض افلام الستينات
روائع نادي السينما واوسكار

اليوتيوب ومواقع التورنت مخلتش حاجة
بس هتتعب شوية فى الترجمة

[Anaslbda]

كُلّ وييك إند , ديليفري كوك دوور وأخبط وصلة الإتش دي من اللاب توب على البلازما على طول وأعلى الصوت ع الآخر وأعيش.
خصوصاً مع الهووم ثييتر والصوت المحيطي تحس انّك جوه معاهم في الفيلم.
العزوبية حلوة برضو.

[dede_dodo88]

حلو الموضوع ده :)

أنا بحب دايماً أتفرج على الأفلام بليل و بفضل أكون لوحدي و لازم أقفل كل الأنوار في أوضة النوم, أئنتخ على السرير lol, أشغل الفيلم البلوراي على الشاشة الـFull HD, أعلي الساوند سيستم لو الناس في البيت لسة صاحية أو أشغل الوايرلس هيدفون على راسي لو الناس نامت..
بقالي كام أسبوع كل يوم خميس بليل قبل ما أنام أتفرجلي على جزء من هاني بوتر lol

[M7amD_7amDy]

تقريبا الطقوس واحدة لكل محبى الأفلام :)

بالنسبالى بطفى النور برده + الفيلم لازم يكون بلوراى سواء 3d او عادى + الصوت لازم يكون عالى و 5.1 اكيد

+ ممكن اضرب عصير او ايس كريم او شوكلاته او اى حاجة بتتاكل والمية الساقعة اساسى اكيد

وتقريبا بكون مركز جداا وبرده محبش يفوتنى مشهد او لقطة ولو حصل برجعها تانى :)

وكمان لو مراتى كلمتنى واحنا بنتفرج غالبا الرد بيكون بكوعى :)))))

[RAPID]

كُلّ وييك إند , ديليفري كوك دوور وأخبط وصلة الإتش دي من اللاب توب على البلازما على طول وأعلى الصوت ع الآخر وأعيش.
خصوصاً مع الهووم ثييتر والصوت المحيطي تحس انّك جوه معاهم في الفيلم.
العزوبية حلوة برضو.

حلوة طبعا مفيش كلام :)