ازاى بتتفرج على فيلمك المفضل ؟!

[RAPID]

حلو الموضوع ده :)

أنا بحب دايماً أتفرج على الأفلام بليل و بفضل أكون لوحدي و لازم أقفل كل الأنوار في أوضة النوم, أئنتخ على السرير lol, أشغل الفيلم البلوراي على الشاشة الـfull hd, أعلي الساوند سيستم لو الناس في البيت لسة صاحية أو أشغل الوايرلس هيدفون على راسي لو الناس نامت..
بقالي كام أسبوع كل يوم خميس بليل قبل ما أنام أتفرجلي على جزء من هاني بوتر lol

احييك على الدماغ العالية دى
واضح ان فى اجماع على اطفاء النور اثناء المشاهدة
بنحاول نتقمص وضعية السينما ههههههه

[RAPID]

تقريبا الطقوس واحدة لكل محبى الأفلام :)

بالنسبالى بطفى النور برده + الفيلم لازم يكون بلوراى سواء 3d او عادى + الصوت لازم يكون عالى و 5.1 اكيد

+ ممكن اضرب عصير او ايس كريم او شوكلاته او اى حاجة بتتاكل والمية الساقعة اساسى اكيد

وتقريبا بكون مركز جداا وبرده محبش يفوتنى مشهد او لقطة ولو حصل برجعها تانى :)

وكمان لو مراتى كلمتنى واحنا بنتفرج غالبا الرد بيكون بكوعى :)))))

بالكوع يا مفترى
ده اكيد بس فى الافلام الاكشن :)
ساعات الاندماج بياخد الواحد فى عالم تانى خاااااااص

[Mzeid]

غالبا بيكون بالليل و اطفي النور و اجيب ال laptop و آنتخ على السرير و يا سلام لو في الشتا و تحت البطانية :D
و الهيدفون و أعيش الفيلم

[buksh]

الاكل ثم الاكل ثم الاكل
ما اعرفش اكل غير لما اكون بتفرج على فيلم اينيميشن او فيلم عربى كوميدى
لدرجة ان اهلى فى البيت بيقولولى حرام عليك اللمة فيها بركة (عشان انا باخد الاكل وبخش الاوضة وباكل لوحدى) :)

[RAPID]

غالبا بيكون بالليل و اطفي النور و اجيب ال laptop و آنتخ على السرير و يا سلام لو في الشتا و تحت البطانية :d
و الهيدفون و أعيش الفيلم

فى الشتا يبقى لازم مشروب ساخن لزوم الدفا :w_022:

[RAPID]

الاكل ثم الاكل ثم الاكل
ما اعرفش اكل غير لما اكون بتفرج على فيلم اينيميشن او فيلم عربى كوميدى
لدرجة ان اهلى فى البيت بيقولولى حرام عليك اللمة فيها بركة (عشان انا باخد الاكل وبخش الاوضة وباكل لوحدى) :)

ستايل جديد :)

[homme49]

اليوتيوب ومواقع التورنت مخلتش حاجة
بس هتتعب شوية فى الترجمة

مفيش مشاكل فى الترجمة هناك مئات مواقع الترجمة التى توفر الترجمة لكل أفلام العالم و بذلك أصبحت أستمتع بالأفلام الأرجنتينية و الأسبانية و كذلك الأفلام اليوجوسلافية التى تحكى فترة الحرب الأهلية فى البوسنة و الهرسك lمثل موقع Subscene - Passionate about good closed captioning and subtitles و موقع Subtitles و موقع English subtitles for movies and tv shows, trailer teasers, usa box office و موقع Search in 6.315.003 subtitles | SubtitleSeeker.com : Seek & Find Subtitles
بالإضافة إلى قراءة نقد الفيلم فى موقع imdb.com و كذلك موقع Movies | Movie Trailers | Reviews - Rotten Tomatoes

و موقع Listal - List the stuff you love! Movies, TV, music, games and books

و أصبحت أستمتع بالأفلام أكثر بعد قراءة كتاب the art of washing films و هو موجود فى صورة بى دى إف على الإنترنت و له ترجمة عربية فى سلسلة مكتبة الأسرة بإسم : فن الفرجة على الأفلام

[hossam_elwani]

احييك على الموضوع

بطفى النور

جودة الفيلم 720p على اقل تقدير

ابحار فى قصة الفيلم وتفاصيله وشخصياته واستخلاص العبر

النهايه متعه

[طارق _عبد السلام]

مفيش مشاكل فى الترجمة هناك مئات مواقع الترجمة التى توفر الترجمة لكل أفلام العالم و بذلك أصبحت أستمتع بالأفلام الأرجنتينية و الأسبانية و كذلك الأفلام اليوجوسلافية التى تحكى فترة الحرب الأهلية فى البوسنة و الهرسك lمثل موقع subscene - passionate about good closed captioning and subtitles و موقع subtitles و موقع english subtitles for movies and tv shows, trailer teasers, usa box office و موقع search in 6.315.003 subtitles | subtitleseeker.com : Seek & find subtitles
بالإضافة إلى قراءة نقد الفيلم فى موقع imdb.com و كذلك موقع movies | movie trailers | reviews - rotten tomatoes

و موقع listal - list the stuff you love! Movies, tv, music, games and books

و أصبحت أستمتع بالأفلام أكثر بعد قراءة كتاب the art of washing films و هو موجود فى صورة بى دى إف على الإنترنت و له ترجمة عربية فى سلسلة مكتبة الأسرة بإسم : فن الفرجة على الأفلام

المشكله بقى بنزل الفيلم عادى وبنزل معاه ملف الترجمه وبردوا مش بلاقى الترجمه مع الفيلم
مش عايزه تظبط معايا نهائى لو عندك فكره ساعدنى فى الموضوع ده
انا بشغل الافلام على هارد تيرا وتلفزيون ال جى ال ام 6610

[M7amD_7amDy]

المشكله بقى بنزل الفيلم عادى وبنزل معاه ملف الترجمه وبردوا مش بلاقى الترجمه مع الفيلم
مش عايزه تظبط معايا نهائى لو عندك فكره ساعدنى فى الموضوع ده
انا بشغل الافلام على هارد تيرا وتلفزيون ال جى ال ام 6610

انا عندى نفس الموديل وبشغل هارد تيرا برده

قولى ايه اللى بيحصل معاك وان شاء الله نوصل لحل

[naser_56]

المشكله بقى بنزل الفيلم عادى وبنزل معاه ملف الترجمه وبردوا مش بلاقى الترجمه مع الفيلم
مش عايزه تظبط معايا نهائى لو عندك فكره ساعدنى فى الموضوع ده
انا بشغل الافلام على هارد تيرا وتلفزيون ال جى ال ام 6610

تأكد من اسم ملف الترجمه يكون مطابق لاسم الفيلم تماما يفضل انك تاخده كوبي من اسم الفيلم وباست علي اسم ملف الترجمه او العكس

[homme49]

مهما كانت الترجمة غير متوافقة مع الفيلم فإنه ببعض التمرين البسيط على تشغيل برنامج subtitle workshop من إنتاج شركة urusoft و هو متوفر على الإنترنت و أنصح بتنزيل الإصدار رقم 2.51 و سوف تجده متوفر فى كثير من المنتديات العربية أو بالبحث فى جوجل عن : subtitle workshop 2.51 و سوف تجد إحدى نتائج البحث كالرابط التالى
URUWorks - 100% Software Uruguayo
إقرأ ال help الخاص بالبرنامج بتأنى و تمعن حتى تتمكن من إتقان التزامن بين الترجمة المكتوبة و الصوت المسموع
و أول مفتاح لذلك هو تحديد بداية وقت الترجمة بالدقيقة و الثانية -يعنى الوقت الذى نطقت فيه أول جملة فى الفيلم
ثم تحديد الوقت الذى نطقت فيه أخر جملة فى الفيلم (بداية نطق أخر جملة و ليس نهاية نطقها ) ثم الضغط على مفتاح adjust فى البرنامج مع مراعاة أن يكون إسم ملف الترجمة المنتهى بإمتداد .srt متوافق مع إسم الفيلم الأصلى الذى قد يكون منتهى بإمتداد avi or wmv or mp4 أى إمتداد كان المهم أن إسم الفيلم الأساسى يكون متوافق مع إسم ملف الترجمة بالنص أى فى شكل الحروف سواء كانت كبيرة أو صغيرة و كذلك فى شكل ال special characters )*/+- الخ...
كما أن هناك طريقة أخرى لمشاهدة الأفلام مترجمة بإستخدام برنامج avisub.exe على الشاشات الكبيرة التى تقبل مدخل usb سوف أراجعها بالتفصيل و أذكرها فى مداخلة أخرى بشكل مسهب .

[طارق _عبد السلام]

ماشاء الله عليكم معلومات مفيده فعلا
هو اللى بيحصل معايا بنزل ملف الترجمه وبشغله على الكمبيوتر بيشتغل معايا لكن على التلفزيون مش بيشوف الملف اصلا
لكن الافلام اللى انا نقلتها ثرى دى على الهارد شغاله بالترجمه مشكلتى مع الافلام المحمله من على النت
وبدخل الموقع ده

Subscene - Passionate about good closed captioning and subtitles

وبطبع اسم الفيلم فيه نفس الاسم بجيبه كوبى وبنزل ملف الترجمه العربى لكن مابتشتغل
هل ممكن فعلا يكون عندى برنامج انزله للتلفزيون يساعد فى ملفات الترجمه ولا الموضوع له خطوات وضبط معين

[M7amD_7amDy]

ماشاء الله عليكم معلومات مفيده فعلا
هو اللى بيحصل معايا بنزل ملف الترجمه وبشغله على الكمبيوتر بيشتغل معايا لكن على التلفزيون مش بيشوف الملف اصلا
لكن الافلام اللى انا نقلتها ثرى دى على الهارد شغاله بالترجمه مشكلتى مع الافلام المحمله من على النت
وبدخل الموقع ده

Subscene - Passionate about good closed captioning and subtitles

وبطبع اسم الفيلم فيه نفس الاسم بجيبه كوبى وبنزل ملف الترجمه العربى لكن مابتشتغل
هل ممكن فعلا يكون عندى برنامج انزله للتلفزيون يساعد فى ملفات الترجمه ولا الموضوع له خطوات وضبط معين

هو زى ما الأستاذ naser_56 قال لازم يكون ملف الترجمة بنفس اسم الفيلم ويكونوا فى فولدر واحد

وفعلا ملف الترجمة مبيظهرش على الشاشة لكن بيشتغل مع الفيلم عادى

ولازم يكون بصيغة srt. ودى شغالة عادى مع الشاشة

وانا بنزل الترجمة من الموقع اللى انت حطيته برده :)

وعشان الترجمة تظهر عربى على الشاشة لازم تجيب السيتنج فى الشاشة وانت مشغل الفيلم وتعمله عربى

[طارق _عبد السلام]

هو زى ما الأستاذ naser_56 قال لازم يكون ملف الترجمة بنفس اسم الفيلم ويكونوا فى فولدر واحد

وفعلا ملف الترجمة مبيظهرش على الشاشة لكن بيشتغل مع الفيلم عادى

ولازم يكون بصيغة srt. ودى شغالة عادى مع الشاشة

وانا بنزل الترجمة من الموقع اللى انت حطيته برده :)

وعشان الترجمة تظهر عربى على الشاشة لازم تجيب السيتنج فى الشاشة وانت مشغل الفيلم وتعمله عربى

بالفعل بعمل كل الخطوات دى تقريبا وبتاكد من اسم ملف الترجمه كمان والمشكله انا بحمل من موقع بينزل الفيلم ومعاه ملف الترجمه الخاص بيه عن طريق التورنت وبشغله عادى على الكمبيوتر وبضيف الترجمه بمجرد نقل الفيلم على الهارد للتلفزيون الترجمه لاتعمل على الافلام المحمله فقط لكن الافلام القديمه على الهارد بتشتغل بترجمه عادى