التراب .. ليه ؟

[تامر.محمد]

دايما باسأل نفسي عن السبب و مش عارف

ليه احنا البلد عندنا غرقااااااااااااانة تراب بالمنظر ده
زمان كنت باقول عشان صحرا و بعدين عرفت ان دول الخليج مافيهاش تراب زينا خالص

هل عشان مصانع الاسمنت و السيراميك و الحاجات دي ؟
طب هل المحافظات اللي مافيهاش مصانع من دي مافيهاش تراب ؟

ولا عوادم العربيات و القطارات و الحاجات دي ؟
مع ان كل الدول فيها عربيات و قطارات و كل ده !!!

حد عنده التفسير ؟

[أحمد كمال]

خليج مين اللي مفيهوش تراب؟؟؟؟؟؟؟؟؟؟

[rotanamasoud]

السؤال ده كتير سئلته لنفسى
لان الشوارع مش نضيفه مليانه تراب مبيتكنسش(دة اقل حاجه مش حكلم عن الزباله)فالعربيات بتجرى ترفعه يملى الجو ويجلنا ده اخر ما جال بخاطرى

[mr_green]

سؤال محيرنى برده إحنا غير دول الخليج فى موضوع التراب ده أى حاجة عندنا بتتوسخ بسرعة رهيبة
أنا عشت فى دبى فترة بغير هدومى تتغسل و هلى مش متربه لا ياقة ولا كم بعكس هنا لبسه و تلاقى الياقة و الكم متربين
العربيات نفس الكلام بس إحنا جونا كده ليه مش عارف صراحة

[amr011111]

سؤال محيرنى برده إحنا غير دول الخليج فى موضوع التراب ده أى حاجة عندنا بتتوسخ بسرعة رهيبة
أنا عشت فى دبى فترة بغير هدومى تتغسل و هلى مش متربه لا ياقة ولا كم بعكس هنا لبسه و تلاقى الياقة و الكم متربين
العربيات نفس الكلام بس إحنا جونا كده ليه مش عارف صراحة

تقريبا لان الجو هناك جاف فالهدوم مش بتتوسخ المشكله هنا فى الرطوبه بتعمل عرق مع التراب تلاقى اللبس خلاص

[محمد عز]

تخطيط المدينة ثم النظافة

وفى مصر لا يوجد شىء اسمه تخطيط احنا ماشيين يوم بيومه ، نعمل الغلط واللى اى كلام ونلصم الحاجة وخلاص والنظافة الله يرحمها من زمان على كل المستويات

اى مدينة من ضمن تخطيطها لازم يبقى حواليها حزام اخضر من الشجر لحمايتها من التصحر والاتربة والرمل

بالإضافة الى النظافة المستمرة من رفع القمامة وكنس الشوارع

إضافة الى عدم وجود مخلفات بناء وتسوير الاراضى الفضاء واكتمال البنية التحتية من شوارع وارصفة وخلافه

مع غياب العوامل ده كلها تظهر العوامل السلبية فى مصر

[Ahmed_selmy]

بمنتهى البساطه علشان احنا معفنين......ومحدش بيشوف شغله
انت فاكر ان كل البلاد مبتتوسخش ......لا طبعا بتتوسخ من عوامل الجو ....ورغم ذلك تلاقى الشوارع بتلمع لان فيه ناس شايفه شغلها
بالاضافه ان احنا كمان بنوسخ الدنيا ...يعنى تلاقى واحد مكسر شقته ورامى الكسر فى الشارع ....فالزم الشارع يتوسخ
بتوع الزباله هناك بتشتغل بجد مش واحد واقف وماسك مقشه علشان يشحت وخلاص
انا ليا واحد لسه راجع من ابو ظبى كان هناك سياحه ....بيقولى انا وقفت وسندت على صندوق الزباله وانا معرفش انه هو دا صندوق الزباله.....متخيل انت بقى صندوق الزباله دا كان شكله عامل ازاى....علما بان صندوق الزباله هناك لونه ابيض.
شوف عندنا بقى صندوق الزباله بيبقى عامل ازاى .....تعرفه من على بعد كيلو .

[ahmedteam]

هل تعلم ان فى اوروبا و الدول المتقدمه عامل النظافه اسمه مهندس نظافه

[أبو آسر]

تخطيط المدينة ثم النظافة

وفى مصر لا يوجد شىء اسمه تخطيط احنا ماشيين يوم بيومه ، نعمل الغلط واللى اى كلام ونلصم الحاجة وخلاص والنظافة الله يرحمها من زمان على كل المستويات

اى مدينة من ضمن تخطيطها لازم يبقى حواليها حزام اخضر من الشجر لحمايتها من التصحر والاتربة والرمل

بالإضافة الى النظافة المستمرة من رفع القمامة وكنس الشوارع

إضافة الى عدم وجود مخلفات بناء وتسوير الاراضى الفضاء واكتمال البنية التحتية من شوارع وارصفة وخلافه

مع غياب العوامل ده كلها تظهر العوامل السلبية فى مصر

بمنتهى البساطه علشان احنا معفنين......ومحدش بيشوف شغله
انت فاكر ان كل البلاد مبتتوسخش ......لا طبعا بتتوسخ من عوامل الجو ....ورغم ذلك تلاقى الشوارع بتلمع لان فيه ناس شايفه شغلها
بالاضافه ان احنا كمان بنوسخ الدنيا ...يعنى تلاقى واحد مكسر شقته ورامى الكسر فى الشارع ....فالزم الشارع يتوسخ
بتوع الزباله هناك بتشتغل بجد مش واحد واقف وماسك مقشه علشان يشحت وخلاص
انا ليا واحد لسه راجع من ابو ظبى كان هناك سياحه ....بيقولى انا وقفت وسندت على صندوق الزباله وانا معرفش انه هو دا صندوق الزباله.....متخيل انت بقى صندوق الزباله دا كان شكله عامل ازاى....علما بان صندوق الزباله هناك لونه ابيض.
شوف عندنا بقى صندوق الزباله بيبقى عامل ازاى .....تعرفه من على بعد كيلو .

[أحمد كمال]

تقريبا لان الجو هناك جاف فالهدوم مش بتتوسخ المشكله هنا فى الرطوبه بتعمل عرق مع التراب تلاقى اللبس خلاص

دبي و جو جاف؟؟؟؟؟؟ دي دبي المحطة و لا دبي البلد؟

[Eng_hatemfathy]

الجو فى الخليج رطب جدا والرطوبة بتوصل 96%
الفرق ان احنا اصلا فى القاهرة والدلتا ارض طينية وليست صحراوية رملية وبالتالى فتراب الطين هوا ما نجده على الجلاليب والقمصان اللى الواحد بيلاقيهم سود قبل ما يوصل مشواره

[تامر.محمد]

خليج مين اللي مفيهوش تراب؟؟؟؟؟؟؟؟؟؟

الجو فى الخليج رطب جدا والرطوبة بتوصل 96%
الفرق ان احنا اصلا فى القاهرة والدلتا ارض طينية وليست صحراوية رملية وبالتالى فتراب الطين هوا ما نجده على الجلاليب والقمصان اللى الواحد بيلاقيهم سود قبل ما يوصل مشواره

بس اللي اعرفه ان القصة في اسكندرية و مطروح و مدن القناة و سينا كلها نفس القصة

حتى القاهرة فيها حتت ارضها رملية مش طينية و برده مردومة تراب

[Eng_hatemfathy]

بس اللي اعرفه ان القصة في اسكندرية و مطروح و مدن القناة و سينا كلها نفس القصة

حتى القاهرة فيها حتت ارضها رملية مش طينية و برده مردومة تراب

فى اسكندرية ومدن القناه ومطروح الامر بيختلف شوية يعنى الياقات بتصفر مش بتسود
ههههههه

[lanos2004]

دبي و جو جاف؟؟؟؟؟؟ دي دبي المحطة و لا دبي البلد؟

دة مركز دبى

[amr011111]

تقريبا لان الجو هناك جاف فالهدوم مش بتتوسخ المشكله هنا فى الرطوبه بتعمل عرق مع التراب تلاقى اللبس خلاص

دبي و جو جاف؟؟؟؟؟؟ دي دبي المحطة و لا دبي البلد؟

دة مركز دبى

وانا جبت سيرة دبى خالص. شىء غريب بصراحه