إعـــــــلان

Collapse

.

,
See more
See less

موقف حصل مع عساكر امن مركزى فى القطار عايز رايكم فيه

Collapse
X
 
  • Filter
  • الوقت
  • Show
Clear All
new posts

  • #16
    المشاركة الأصلية كتبت بواسطة mfs3570 مشاهدة المشاركة
    هوه ليه اغلب الردود بتتكلم عن العافيه وعدم احترام القانون .....ليه ميكونش فعلا اجراء امني ليه ميكونوش ركبوا القطار خوفا من استهداف سيارتهم ....هوه فيه حد اطلع علي الامر اللي مع الظابط انه مسموح يركب القطر ولا لاء هل فيه ظابط هيجازف بمستقبله لو العساكر دي حصلها حاجه .......... كان فيه حاجه زمان اسمها روح التسامح .......... زمان بقا ....ولاتنسي حضرتك انه كان ممكن يخلي العساكر دي اللي اغلبهم مش متعلمين .يضايقوك طول الطريق .لكن للاسف هوه كان محترم بكلام حضرتك ...ليه كلنا منخليش التسامح هوه اللي بيننا متهياءلي ان لو كان ال100عسكري دول سواقين ميكروباص او بلطجيه كنت هتنزل حرصا علي سلامتك واحترامك لنفسك ...لكن لانه كلمك باحترام فحضرتك عاملته كده
    الراجل سكت على انهم طلبوا منه ينزل من العربة بدون وجه حق...ومطردهمش من العربية يعني!!

    دول كانو لازم يعتذرو له...مش فاهم انا بتدافع عن الظابط وكأن صاحب الموضوع ضربه طلقة..الراجل سكت وكل اللي عمله انه اتمسك بحقه في انه يفضل في كرسيه..

    على فكرة بقا، قانوناً؟ المفروض يتحاكموا دا لو قانوناً..لكن الراجل طلع محترم ومعملش شكوى ولاحاجة...تمام؟

    دا غير امناء الشرطة والعساكر اللي بيركبوا مع السواقين عالطرق رخامة كدا والي الناس بتسكت عنهم برضو..

    صدقني وقوفك جمب الشرطة يبقى بأنك تساعدهم يلتزموا بالقانون عشان ينفذوه، مش انك تسكت على حقك، لانهم بعد كدا هيرجعوا يركبونا تاني زي ايام مبارك! وننضرب بالجزم قدام القصر الجمهوري زي ايام مرسي..

    لازم نفضل عالحياد، القانون هو الحياد ياسيدي...لا هو يتعداه ولا انت تتعداه..

    Comment


    • #17
      المشاركة الأصلية كتبت بواسطة merooxx مشاهدة المشاركة
      يا عمي ولا تحرق دمك ولا حاجة ومعلش احمد ربنا اللي هوا سابك ومعملش معاك السليمة
      ( وبركه تشوفو مصر)
      ويعمل معايا السليمة ليه
      انا قاعد فى حالى وهما اللى رموا بلاهم عليا

      المشاركة الأصلية كتبت بواسطة matrix_it مشاهدة المشاركة
      اكيد مش مكتوبة فى القانون ! تصرفك سليم
      شكرا يا باشا وواضح جدا ان اللى عملوه ده لا قانونى ولا منطقى
      بس تعمل ايه فى جبن فصيل كبير من الناس

      Comment


      • #18
        المشاركة الأصلية كتبت بواسطة abo_lamar مشاهدة المشاركة
        ومفيش حد خالص من الركاب اتكلم ولا اعترض ؟؟؟؟؟؟؟؟

        هو عربية القطار بتشيل كام راكب يا باشا عشان يبقى في ركاب في العربية ويطلع 100 عسكري بالضابط بتاعهم

        بالشيلة و الحمولة اللي معاهم ؟؟؟؟

        اللي اعرفه ان يا باشا في سيارات مخصوصة تبع الجيش او الشرطة بتنقل العساكر لو كانوا بيتنقلوا من وحدة

        لوحدة تانية مش بيتنقلوا بالقطار بالعدد الكبير ده ....
        محدش فتح بقه ولا نطق كلمة هما شافوا الظابط ومعاه اتنين لابسين مدنى رتبتهم ايه الله اعلم وفى اقل من دقيقة كانوا انتشروا فى العربيات التانية مع ان عددنا كبير كنا حوالى نص العربية ناس قاعدة .. والعساكر كانوا حوالى 100 قعدوا على الكراسى وفرشوا بطاطين فى الطرقة وقدام الباب وبين الكراسى مفيش حتة فاضية وقفلوا الابواب ومنعوا اى حد يدخل حتى الكمسارى

        وانا برضه على حد علمى فى عربيات ووسائل نقل مخصصة لنقل العساكر وملهومش دعوة بوسائل النقل المدنى زى العربيات والقطارات والاتوبيسات مثلا عشان كدة انا مستغرب



        المشاركة الأصلية كتبت بواسطة starlanos مشاهدة المشاركة
        لاء انته مش غلطان عارف لو كان ايام المسجون مبارك كان زمانك متظبط
        لازم الكل يتصرف زيك
        شكرا يا باشا والحمد لله على ذلك

        Comment


        • #19
          المشاركة الأصلية كتبت بواسطة hossam_elwani مشاهدة المشاركة
          ﻻتتحدث عن القانون واحترامه انت فى مصر

          الى انت عملته صح
          اشكرك حسام باشا


          المشاركة الأصلية كتبت بواسطة prof2013 مشاهدة المشاركة
          البلد من غير رئيس فكل واحد رئيس نفسه دالوقتي ومفيش قانون بيحكمنا
          وتحياتي
          على رايك الظاهر كدة فعلا !


          المشاركة الأصلية كتبت بواسطة ahmed12345678 مشاهدة المشاركة
          القطارات الحربية هى للعسكريين فقط وركوب المدنيين استثناء وبغرامه
          اما القطارات المدنية فللمدنيين والعسكريين على حد سواء دون تفرقة فى الركوب
          والتفرقة فى القطارات المدنية فقط للحاجزين بالعربات المكيفة
          واعتقد ان العربية الى حضرتك كنت راكب فيها مكنتش مكيفة
          الى حصل دة مش قانونى

          بس عايز تعرف الناس لية سابت العربية بسهولة
          اقولك
          علشان اللبس الميرى بتاع العساكر وخوف الناس من استهداف العساكر من اى عمل ارهابى فيتخدوا فى الرجلين
          علشان كدة سابوا العربية للعساكر
          وكان المفروض تسيب العربية لسلامتك الشخصية خصوصا ان عدد العساكر مغرى لاى عمل ارهابى
          ما هو يا باشا لو عمل ارهابى هيكون فى القطر كله مش عربية معينة .. اللى غايظنى بس انك تكون قاعد فى امان الله تلاقى واحد مبيفكش الخط يقولك بكل تلامة وقلة ادب قوم من هنا وشوفلك مكان تانى (العسكرى) .. هى وصلت لكدة !

          Comment


          • #20
            المشاركة الأصلية كتبت بواسطة عصام غنايم مشاهدة المشاركة
            اللى حضراتكم متعرفهوش ان العساكر هى اللى تتحاكم مش انت

            هم ليهم خطوط عسكريه تنقلهم ومش من حقهم يركبوا مواصلات مدنى

            افتكر وانا فى الصاعقه عسكرى مات فى حادثه جوه ميكروباص مدنى وهو مروح بلدهم فى اجازته

            جابوا البدله بتاعته وحاكموها واتعلقت واتضرب عليها رصاص ( يعنى اعدموا البدله )

            واهله مخدوش ولا جنيه تعويض
            تمام كدة


            المشاركة الأصلية كتبت بواسطة r0xer مشاهدة المشاركة
            موقف ايجابي منك..وببساطة الظابط جاب ورا لانه عرف انك عارف حقك وفاهمه.

            مش من حقهم اطلاقاً يخلوا اي مكان إلا في حال وجود خطر يهدد الركاب وطبعا دا والقطر واقف مش عشان يقعدوا مكانكم وبيكون في رتب تانية كبيرة وشغلااااااااااااانة!

            ثانياً، لو حصل وكان طول معاك في الكلام او قل ادبه...كنت حاول تصور شكلهم ولو معرفتش يبقى عالاقل تعرف رقم القطار وانت طبعا عارف اتحرك الساعة كام، وتاخد بعضك على مكان من 2:

            والكلام الجاي دا لأي حد يتهان من ظابط شرطة أو جيش، اللهم بلغت..:

            لو العيال دي شرطة يبقى طوالي عالتفتيش بتاع الداخلية واوعى تمشي من هناك غير لما تكتب مذكرة باللي حصل وتقدمها ولو معاك شاهد مثلا، يبقى اتأكد 100% هيتنفخوا.

            لو جيش، يبقى تطلع على العفريت والبعبع الكبير...سرية 28 في مدينة نصر. بيسموها س28.

            والأيام دي من ساعة ما عمو طنطاوي مشي وحمدي بدين مشي وكل الشلة دي...واي شكوى بقت تتقدم بقى يتفرم صاحبها لو اثبت عليه حاجة، ومتقلقش هما مش موالفين مع بعض لان هناك تعارض في المصالح :)

            موقفك ايجابي وفعلا كلنا بنحييك عليه.
            اشكرك يا باشا على المعلومات المهمة دى
            المفروض اننا شربنا ذل واكلنا على قفانا لحد ما ورم فكفاية بقى
            تحياتى لحضرتك

            Comment


            • #21
              المشاركة الأصلية كتبت بواسطة mfs3570 مشاهدة المشاركة
              هوه ليه اغلب الردود بتتكلم عن العافيه وعدم احترام القانون .....ليه ميكونش فعلا اجراء امني ليه ميكونوش ركبوا القطار خوفا من استهداف سيارتهم ....هوه فيه حد اطلع علي الامر اللي مع الظابط انه مسموح يركب القطر ولا لاء هل فيه ظابط هيجازف بمستقبله لو العساكر دي حصلها حاجه .......... كان فيه حاجه زمان اسمها روح التسامح .......... زمان بقا ....ولاتنسي حضرتك انه كان ممكن يخلي العساكر دي اللي اغلبهم مش متعلمين .يضايقوك طول الطريق .لكن للاسف هوه كان محترم بكلام حضرتك ...ليه كلنا منخليش التسامح هوه اللي بيننا متهياءلي ان لو كان ال100عسكري دول سواقين ميكروباص او بلطجيه كنت هتنزل حرصا علي سلامتك واحترامك لنفسك ...لكن لانه كلمك باحترام فحضرتك عاملته كده
              اقسم بالله لو كان وزير الداخلية نفسه ما كنت هقوم من مكانى وحضرتك لو كنت مكانى وشفت ازاى بيقوموا الناس من اماكنهم بالامر ومحدش نطق ولا قال حتى بم كنت اتصرفت زيى ويمكن اكتر .. وعلى فكرة انا كنت محترم جدا معاهم فى الكلام سواء مع العسكرى او الظابط ومقلتش ادبى ولا حاجة

              Comment


              • #22
                المشاركة الأصلية كتبت بواسطة rapid مشاهدة المشاركة
                انهاردة ركبت قطار مميز من احد المحطات ومن المحطة اللى بعدها ركب حوالى 100 عسكرى امن مركزى ومعاهم اشولة فيها حاجتهم رايحين تقريبا وحدة تانية ومعاهم الظابط، اول ما ركبوا عسكرى جه وطلب من الركاب يسيبوا العربية ويروحوا عربية تانية كله مشى الا انا قلتله مش هتحرك من مكانى وشوف نفسك رايح فين قالى احنا عساكر قولتله عايز تقعد اتفضل مش عايز اقعد على جنب

                الظابط شايف الحوار من اوله جه وبيقولى لو سمحت العربية دى للعساكر ومينفعش حد مدنى يقعد معانا، قلتله ليه قالى عشان العدد والحصر ومعرفش ايه، قلتله على دماغى من فوق بس للاسف مش هتحرك من العربية انا هنا قبلكم كلكم ومش من حقك تقومنى من مكانى .. المهم هو حس ان دماغى جزمة تقريبا وانا عليت فى دماغى انى مش هتحرك فسكت وقعد مكانه وكملت رحلتى من غير ما اسيب مكانى

                دلوقت عايز اعرف هل من حق عساكر الداخلية او الجيش يقتحموا عربية فى قطار ويخلوا الركاب منها وهل ده قانونى ولا لأ؟ وعايز اعرف اللى انا عملته ده صح ولا غلط ؟ بصراحة دمى محروق من الموقف ده




                كان من الاحترام انك تقوملهم هما مع بعض علشان يقعدو مع بعض وميبقاش في حد تاني في عرابيه تانيه تاميين ليهم دا كان التصرف الصح مش موضوع بق مش مكتوب في القانون ولا اي حاجه وانا والله والله متاكد لو كانت واحده كنت هتقوملها
                ​[SIZE=4][FONT=arial black]تحت الكبوت عفريت محطوط[/FONT][/SIZE]

                Comment


                • #23
                  المشاركة الأصلية كتبت بواسطة waleed alsudy مشاهدة المشاركة
                  كان من الاحترام انك تقوملهم هما مع بعض علشان يقعدو مع بعض وميبقاش في حد تاني في عرابيه تانيه تاميين ليهم دا كان التصرف الصح مش موضوع بق مش مكتوب في القانون ولا اي حاجه وانا والله والله متاكد لو كانت واحده كنت هتقوملها
                  انا مش بتكلم فى الاحترام من عدمه انا بتكلم فى نقطة من حقه يقومنى ولا لأ .. دى النقطة، وبعدين انا مقومتش لانهم كانوا داخلين هاجمين عالعربية ومستكترين نفسهم واسلوب العسكرى وهو بيقولى قوم اقعد فى عربية تانية خلانى اتمسك بحقى وبكررها مرة تانية (حقى) انى مقومش حتى لو كان وصل الامر للاعتقال

                  وفعلا لو كانت بنت او راجل كبير او حد تعبان كنت هقومله بدون اى تفكير بدافع النخوة والرحمة مش اى حاجة تانية

                  Comment


                  • #24
                    المشاركة الأصلية كتبت بواسطة abo_lamar مشاهدة المشاركة
                    معلش يا باشا ماتزعلش مني .. جملة مستفزة بصراحة ...!!

                    يعني ايه يسيب العربية لسلامته الشخصية عشان عدد العساكر كتير و مغري لاي عمل ارهابي ؟؟؟؟

                    هما العساكر دول مش بني أدمين زينا وفاكر أن ارواحهم رخيصة ومالهاش قيمة فخايف على زميلنا انه يقعد

                    معاهم في عربية واحدة لحسن يا عيني تيجي الطوبة في المعطوبة و يموت معاهم في اي حادث

                    ارهابي ممكن يحصل لقدر الله ؟؟؟

                    ربنا بيقول في كتابه الكريم ...

                    بسم الله الرحمن الرحيم ...

                    أينما تكونوا يدرككم الموت ولو كنتم في بروج مشيدة

                    صدق الله العظيم .
                    اية المستفز يا صديقى فى كلامى
                    الركاب الى سابوا العربية بيمثلوا النفسية المصرية وتصرفاتها

                    بالنسبة للعساكر انا مقلتش ابدا ان اروحهم رخيصة بس الايام دى فعلا هما اهداف محتملة بدرجة عالية لاى عمل ارهابى ودى حقيقة فعلا ولا يعنى ان ارواحهم رخيصة
                    والاسلم الابتعاد عن اى منشات شرطية او عسكرية الايام دى بالفعل للسلامة الشخصية وخصوصا ان شغلى فى اسماعيلية واخر ما حدث بها من تفجير ارهابى امام منشأة شرطية وما قبلها من حوادث ارهابية تستهدف افراد الجيش والشرطة تؤيد كلامى

                    وكمان مقلتش ان فى حد ممكن يهرب من الموت لان لا مفر من الموت بس المفروض اننا بناخد بالاسباب
                    ودى نصيحة بقدمها من واقع نعيشة بالفعل واذا حضرتك مش عاوز تاخد بيها فدى حريتك الشخصية
                    بس بعد اذنك بلاش تفسر كلامى فى اتجاة انا مقصدوتش مطلقا
                    تحياتى
                    [B] ليت الشباب يعود يوما[/B]

                    Comment


                    • #25
                      يا اخ rapid هو انت ليه واخد الموضوع على اعصابك كدة و محسسنا انك عملت انجاز و تستاهل عليه جايزة نوبل يا اخى الفاضل محدش جرح كرامتك ولا احاسيسك و لا قلل من شانك و لكن لما يبقى فى ترحيل للجنود بطريقة مجمعة و باعداد كبيرة فهناك اساليب كثيرة لاتباع طرق تامينهم و خاصة لما يكون هناك اعداد كبيرة فى السيطرة عليهم و خاصة انهم كلهم من كافة بقاع الارض يعنى ما يعرفوش يتحركو فى اى حتة من غير الشخص اللى مرحلهم و خاصة لو واحد منهم تاه مثلا فى بلد ما يعرفش فيها حد ولا معاه فلوس يركب بيها اصلا
                      بكرة لما يبقى عند حضرتك اولاد و رايح بيهم مشوار بالمواصلات هتلاقيك ماسكهم بايدك الاتنين و حاططهم جوة عنيك عشان خايف عليهم و دة برده كان تصرف الظابط حاطط العساكر جوة عنيه مع انه ما يعرفهمش و اول مرة يشوفهم بس بيبقى خايف عليهم زى اولاده او اخواته بالظبط و المفروض اننا كلنا نساعده عارف ليه عشان حيجيلك يوم سواء حضرتك او احد اخواتك او احد افراد اسرتك او احد اولادك و تتحط فى نفس الموقف عارف لو العساكر دى فيهم اخوك او ابن خالتك كان زمانك اول واحد واخده فى حضنك و بتطبطب عليه و تقوله بكرة ايامك تعدى و ربنا يسهللك طريقك و تسأله معاه فلوس كمان ولا لا دون النظر لمؤهلاته الدراسية او منصبه الاجتماعى خد الامور بصدر رحب و بلاش الكبر و التعالى و حقوقك محفوظة يا سيدى و اتمنى اشوفك عسكرى فى الجيش و اقابلك بعدها و اشوف نظرتك هتتغير فى الناس اللى طالع عنيها عشان خاطر امثال حضرتك يتكبرو عليهم كدة من تواضع لله رفعه يا سيدى الفاضل
                      اللهم انك عفو كريم تحب العفو فأعف عنى

                      Comment


                      • #26
                        المشاركة الأصلية كتبت بواسطة عصام غنايم مشاهدة المشاركة
                        اللى حضراتكم متعرفهوش ان العساكر هى اللى تتحاكم مش انت

                        هم ليهم خطوط عسكريه تنقلهم ومش من حقهم يركبوا مواصلات مدنى

                        افتكر وانا فى الصاعقه عسكرى مات فى حادثه جوه ميكروباص مدنى وهو مروح بلدهم فى اجازته

                        جابوا البدله بتاعته وحاكموها واتعلقت واتضرب عليها رصاص ( يعنى اعدموا البدله )

                        واهله مخدوش ولا جنيه تعويض
                        و البدله مادفعتشى عن نفسها قبل الاعدام ؟؟؟؟

                        هم غباء تطبيق القوانين

                        Comment


                        • #27
                          تصرفك صح. أفراد الجيش لهم قطار حربى خاص بهم واذا حصل واضطروا يركبوا قطار مدنى يبقى المتوقع انه يكون بالتنسيق مع الجيش بيتحجز لهم عربية او اتنين ليهم يعنى ميجوش يقوموا الناس زى ما حصل معاك كدة. علشان كدة الضابط مكترش فى الكلام معاك.
                          mhelshaar سابقا

                          Comment


                          • #28
                            المشاركة الأصلية كتبت بواسطة ahmed12345678 مشاهدة المشاركة
                            وكان المفروض تسيب العربية لسلامتك الشخصية خصوصا ان عدد العساكر مغرى لاى عمل ارهابى
                            هو ده اللي كنت عايز اقوله
                            هي دي طريقة حماية الشرطة والجيش للمجندين وصغار الضباط
                            علشان يبقو مستهدفين بسهولة
                            ونقعد نتهم بعض مين اللي عملها ؟

                            Comment


                            • #29
                              المشاركة الأصلية كتبت بواسطة ahmed12345678 مشاهدة المشاركة
                              القطارات الحربية هى للعسكريين فقط وركوب المدنيين استثناء وبغرامه
                              اما القطارات المدنية فللمدنيين والعسكريين على حد سواء دون تفرقة فى الركوب
                              والتفرقة فى القطارات المدنية فقط للحاجزين بالعربات المكيفة
                              واعتقد ان العربية الى حضرتك كنت راكب فيها مكنتش مكيفة
                              الى حصل دة مش قانونى

                              بس عايز تعرف الناس لية سابت العربية بسهولة
                              اقولك
                              علشان اللبس الميرى بتاع العساكر وخوف الناس من استهداف العساكر من اى عمل ارهابى فيتخدوا فى الرجلين
                              علشان كدة سابوا العربية للعساكر
                              وكان المفروض تسيب العربية لسلامتك الشخصية خصوصا ان عدد العساكر مغرى لاى عمل ارهابى
                              :b4_388::b4_388:
                              Wael Kamel
                              سبحان الله والحمدلله والله اكبر

                              wael_kamel سابقا

                              Comment


                              • #30
                                قانون مش من حقهم ولكن عرفا من حقهم لان اثنا الترحيل من مكان مكان بيكون معهم متعلقات عسكرية و مستلزمات واشياء اخرى فلذلك يجب تامينهم بقدر المستطاع وام تحفظى على الاخوة الى بتقول ما يعرفش الاف من كوز الدرة فيا اخى اتق الله الم يكن رسول الله امى لا يعرف الالقراءة ولا الكتابة وتذك قولى الله الن الله لا ينظر الى صواركم ولا اجسامكم ولاكن ينظر الى قلوبكم وتزكر لا يسخر قوم من قوم عسى ان يكونو خيرآ منهم
                                محمود السيد
                                ابو ادم
                                :10_1_102v[2]:

                                Comment

                                Working...
                                X