تنبيه هام بخصوص مروجى اشاعات البنوك

[mahmoudysf]

تانى يا جماعه علشان الموضوع ميتقفلش

الموضوع مش سياسى ... خلينا ناس عاقله

خلو الموضوع مفتوح علشان اكبر قدر من الناس يوصله التحزير علشان درء الازى

الا هو صحيح مش درء الازى مقدم عن جلب المنافع

خلونا كده نتكلم بهدوء

يا ريت حضرتك
الانقلابيين كانو عملوا بالقاعدة دي درء الازى مقدم على جلب المنافع
دا لو على الاساس ان الانقلاب هييجي وراه منفعة
بدل الانهيار في كل شيئ اللي ماشيين فيه ده
استثمار زيرو سياحة زيرو تضخم فاق الحدود
امن في الحضيض
ديون من الداخل والخارج للركب
واللي زدا وغطى
الحكومة اللي بتاجر في المادة الخام للغباء
وراحة تعلن عن فصيل من الشعب انو ارهابي
وبدكدة بيدقو اخر مسمار في نعش السياحة ومفيش مخلوق من الخارج هيفكر يستثمر في مصر
بعد ما الحكومة اعلنت رسميا ان مصر مليانه ارهاب
يا باشا بدل ما تلوم الناس انها خايفة على فلوسها لوم الحكومة اللي بتطفش السياحة والاستثمار بالغباء والتصريحات دي
لله الامر من قبل ومن بعد

[mmtronic]

معاك حق
انا اسف

حضرتك كلك زوق

سيب الى يحدف طوب ... يحدف

المهم الفكرة توصل و التحزير ينتشر لدرء الأذى

تحياتى

[أحمد كمال]

أولاً: في قانون رسمي بإعلان جماعة الأخوان جماعة إرهابية ( انا ماجبتش حاجة من عندي)
ثانياً: التغيرات في المتحصلات السيادية والتغير في سعر العملة هم المعيار الوحيد لتحديد ان كان الإقتصاد في التحسن او الأنهيار (ليس له علاقة بالحالة الإقتصادية فقط اتجاه التغير)
اسأل اي حد درس اقتصاد وهو يقولك

القرار ده


و لا بلاش

بس اكيد الناس فاهماني

[طارق _عبد السلام]

يوم الخميس كنت فى البنك والدنيا عادى جدا مفيش اى مشكله فى اى حاجه
اودعت شيكات وكمبيلات للتحصيل وسحبت مبلغ والبنك كان رايق وزى الفل والامور طبيعيه لولا قرائتى للتعليقات لتكونت عندى فكره مغايره تماما المفروض علينا كمواطنين مصريين نساعد فى انهيار بلدنا بايدينا ونعجل بخرابها اقتصاديا !!!!!!!!!!!!!!!!!!!!!!!!!!!!!!!!!!!!!!!

[mk3]

القرار ده

و لا بلاش

بس اكيد الناس فاهماني

فاهمينك يا ريس
الكويت ردت عليهم كفايه

[eslamrace]

كلاام جميل جداااااا بس سؤال وارجوا التوضيح

هوا الكلام ده مكانش ينفع قبل 30 -6 مثلا
لا طبعا ينفع فى اى وقت لان ده واقع اقتصادى وللعلم الاقتصاد العالمى بالكامل ماشي على شعره وقريب جدا من الانهيار بس ايه علاقه 30-6 بالموضوع احنا بنتكلم فى اشاعه سخيفه حتى لو اتقالت ايام د/مرسي كنا حنقول نفس الكلام

يعنى هوا كان كل حاجه عندنا فى الاقتصاد زى الفل قبل 30 - 6 وكنا بس عاوزين ثوره
30-6 كانت ليها مطالب سياسيه فى الاساس لان الاقتصاد متدهور من قبل 25-1 وزاد سوء بعدها واستمر فى الانهيار فى عهد د/مرسي وبالرغم ان تصنيفنا العالمى زاد بعد 30-6 الا ان الموضوع ده انا مقولتوش فى مشاركتى لان الموضوع كان حيبقى كأنى بدافع عن شئ ما ولانى كمان مش مقتنع بان الاقتصاد اتحسن فى الفتره القليله دى ولكن مينفعش ننكر ان المؤسسات العالميه رفعت تصنيفنا ومينفعش ننكر برضه ان الاقتصاد متنيل جدا ومحتاج شغل كتير جدا
يعنى الثوره الاصعب هيا تغير سلوكنا مكانتش تنفع قبل 30-6
وهل حصل تغيير فى سلوكنا قبل او بعد اى تاريخ احنا اتغيرنا 18 يوم وبعدها رجعنا اسوأ مما كنا وحفضل اقول كده لحد ميحصل تغيير
فانا مقتنع ان شويه ذكاء قليلين ممكن يشيلوا اى نظام سياسي انما تغيير السلوك محتاج مجهود مظنش اننا ناويين نعمله
اللى عمل الانقلاب ده مكنتش متوقع نتايجه ولا هل النتايج مكانتش متوقعه بالحجم ده؟؟؟؟؟؟
ممكن تذكر النتايج اللى حضرتك حابب نتناقش فيها علشان اكون محدد فى كلامى

صديقى كلامك حضرتك جميل جدااا بس انت دلوقتى على البر وبتنادى ناس فى البحر بتغرق
ازاى انا على البر وانا عايش فى البلد وشغال شغل خاص يعنى من الناس اللى اتفحتت بسبب اللى حاصل فى البلد وبرغم فرص الخروج من البلد لدول غربيه الا انى مش عايز اسافر علشان فى فرص فى البلد دى مش موجوده فى غيرها وعلشان مشاكلنا بسببنا احنا والحلول متاحه وموجوده بس فى انتظار "على رأى صديقنا صدام "ديكتاتور عادل يقدر ياخد قرارات سليمه ويتحمل عواقب قراراته .
او بالبلدى ايدك فى الميه البارده
مظنش ومش قادر اعرف حضرتك اصدرت حكمك ده بناء على ايه فى كلامى
ملحوظه بس ليك يمكن ناسيها عمر ما الاقتصاد بيبقى كويس بالوضع الامنى فقط يمكن الامن بيأثر لكن مش كل التاثير والدليل مهما دلوقتى الوضع الامنى تحسن عمره ما حيكون زى فى 2010 مثلا ايام مبارك لما كان ماسك البلد بيد من حديد
انا معاك الامن يعتبر اساس للاقتصاد ولكن بدون خطط استثماريه و برامج تحفيزيه "زى اللى بيحاولوا يعملوها حاليا" واهم من كل ده ناس تشتغل وتنتج وتهيئه مناخ لاستثمارات داخليه وخارجيه
كل دى جزء من الحاجات اللى بتأثر فى الاقتصاد
ومع ذلك فى تلك الايام اقتصادنا كان ازاى ( عارف انه احسن من دلوقتى بس مش الاقتصاد القوى )
متفق معاك
الاقتصاد يتصلح لما الحراميه يتحاسبوا ويتسجنوا ولما يبقى فى ناس بتشتغل بجد
الاقتصاد علاقته بتوقيع الجزاءات ضعيفه فالسجن والحساب يساعد فى تحسين وضعنا الاجتماعى علشان منحسش اننا عايشين فى غابه ولكن اثر ده على الاقتصاد زى مقولت ضعيف
جزء الناس تشتغل بجد هو المطلوب دلوقتى بشده
بس

وللعلم انا مش من الناس اللى بتاخد جنب وميقتنعش باراء الناس زى مكتير بيعملوا فلازم تبقى عارف ان ايام د/مرسي كان اللى واخد اتجاه السلطه كان برضه متفائل دايما واى نقاش تحس انه مصر حتبقى المانيا فى سنتين تلاته وبرضه حاليا فى ناس بتقول لاى حد بيتكلم على حال البلد بشكل سئ ان مصر احسن وده غلط ومبعملوش انا بحب اتكلم على الواقع ونشوف حلول
تحياتى واتمنى متزعلش من مناقشتى وكلامى.

[ashouhdy]

الناس محسسانى ان قبل ما مرسي يتشال كان الدولار بجنية ! دة واخد مديونيات بقيمة تلت مديونيات مصر من ايام جمال عبد الناصر !

[M.ABDOU]

وللعلم انا مش من الناس اللى بتاخد جنب وميقتنعش باراء الناس زى مكتير بيعملوا فلازم تبقى عارف ان ايام د/مرسي كان اللى واخد اتجاه السلطه كان برضه متفائل دايما واى نقاش تحس انه مصر حتبقى المانيا فى سنتين تلاته وبرضه حاليا فى ناس بتقول لاى حد بيتكلم على حال البلد بشكل سئ ان مصر احسن وده غلط ومبعملوش انا بحب اتكلم على الواقع ونشوف حلول
تحياتى واتمنى متزعلش من مناقشتى وكلامى.

شكرا على ردكم المحترم ولكن دعنى اوضح اكثر وجهه نظرى البسيطه

موضوع الاقتصاد و السياسه لا يمكن فصله فكثيرا تاخد السياسه قرارات على اسس اقتصاديه ويحدث العكس ان الاقتصاد يتأثر بالاحوال السياسيه

اولا قبل ما انسى ايام سنه حكم مرسى فالبنك المركزى كان مطلع احصائيه تحسن فى مستوى النمو فى 2012 وهذا لم يحدث منذ اكثر من 3 سنوات

زى ما انا وانت متفقين ان الاقتصاد مش حيتحسن فى يوم وليله لازم وقت وجهد وزمن

لو انت شايف ان مرسى مكانش ينفع يكمل فتره رئاسته ده من حقك وكان سهل جدا من الملايين اللى نزلوا فى التحرير يوم 30-6 تاخدوا اغلبيه فى البرلمان وتشيلوا الرئيس وتحاكموه كمان ومفيش ساعتها واحد اى وااااحد يقدر يقول تلت التلاته كااام

لكن الان فى جزء كبير من الشعب شايف انه صوته محدش احترمه بجانب باحساسه انه مظلوم وفى ظلم بين وااقع عليه

وطبعا هما شافوا رئيسهم اتشال ازاى ومش كده بس لا كمان الحكومه بتحاول ترجعهم تانى السجون وتمحيهم فلازم ده يكون رد فعلهم اكييييييييييييييد

بجانب بقى لو نبص من الطرف التانى ان مثلا واحد ولا ليه فى دول ولا دول يلاقى ان مثلا مرسى كان عاوز يبتدى فى مشاريع كبيره يظهر تأثيرها مع الزمن ودلوقتى الحاجات دى اتلغت

زى مثلا خطه اكتفائنا من القمح (( انت مصدق مثلا ان دوله زى مصر وعندها النيل مش قادره توفر قمح لنفسها))

زى مثلا مشروع خدمات قناه السويس اللى كان اكبر مشاكله انه حيضايق دوله زى الامارات وحيوقف حالها

زى مثلا خطته لتنظيم وتوزيع السلع الغذائيه على المواطنين وتقلييل الفاقد والسرقه

حاجات كتير مش فاكرها دلوقتى بس انا عاوز ااقولك حاجه

انا نفسى والله العظيم كنت شايف فى مرسى سلبيات كتير عنده ومكنتش طبعا حنتخبه تانى لكن دلوقتى اللى بيعمله الانقلابين دلوقتى خلى ناس عمرها ما كانت اخوان ولا كانت حتبقى خلتهم معاهم لانهم شايفين ايه اللى بيحصل فى البلد من ضحك على العقول وسرقه

[eslamrace]

شكرا على ردكم المحترم ولكن دعنى اوضح اكثر وجهه نظرى البسيطه

موضوع الاقتصاد و السياسه لا يمكن فصله فكثيرا تاخد السياسه قرارات على اسس اقتصاديه ويحدث العكس ان الاقتصاد يتأثر بالاحوال السياسيه
متفق معاك
اولا قبل ما انسى ايام سنه حكم مرسى فالبنك المركزى كان مطلع احصائيه تحسن فى مستوى النمو فى 2012 وهذا لم يحدث منذ اكثر من 3 سنوات
بص انا مقرتش التقرير ده بس اللى اعرفه من دراستى للاقتصاد فى الجامعه ان معدل النمو اللى بتطلعه الحكومات غالبا بيكون مضلل جدا لان معدل النمو اللى هم بيحسبوه بيشوفوا حجم التداول داخل البلد قد ايه وغالبا "فى الدول الضعيفه "بيبقى معدل النمو بيزيد نتيجه لزياده التضخم مش علشان التداول التجارى زاد او الاستثمارات كترت فالرقم بيبقى زياده علشان الحاجه اللى بجنيه بقت بتلاته وبالتالى الناتج النهائى لعمليات الشراء بيكون زايد لاننا شعب مستهلك مبنقللش استهلاكنا بمعدل كافى لما الاسعار تزيد وهكذا.
فعلشان كده متصدقش ان الوضع تحسن ايام د/مرسي الموضوع وما فيه ان مفيش ولا حكومه جت لحد دلوقتى مبتحاولش تضحك على الشعب "كله بياكل عيش ".
زى ما انا وانت متفقين ان الاقتصاد مش حيتحسن فى يوم وليله لازم وقت وجهد وزمن
تمام
لو انت شايف ان مرسى مكانش ينفع يكمل فتره رئاسته ده من حقك وكان سهل جدا من الملايين اللى نزلوا فى التحرير يوم 30-6 تاخدوا اغلبيه فى البرلمان وتشيلوا الرئيس وتحاكموه كمان ومفيش ساعتها واحد اى وااااحد يقدر يقول تلت التلاته كااام
بص خلينى الاول اقولك ان اللى انت بتقوله ده كان رأى ناس كتير وانا منهم بعد حوالى 10 شهور من حكم د/مرسي ولكن اللى خلا الناس تاخد الطريق الاقصر هو العند واسلوب الاستهزاء وعدم الاعتراف بالاخطاء اللى اتبعه بعض اعضاء اليمين السياسي فكانت اغلب المناقشات تنتهى منهم بجمله "موتوا بغيظكم ""اللى مش عاجبه يسافر""عدى سنه ولسه 7 سنين" وهكذا من اساليب الاستفزاز ولذلك كانوا هم سبب تفاقم الوضع لان الموضوع مبقاش سياسه بقي عند
ولكن انا شخصيا مبحبش اتكلم فى اللى فات علشان اقدر اغير المستقبل فاللى حصل حصل وهو ده الخير لان كلنا كنا بنقول ربنا يعمل الاصلح للبلد وربنا قال لو علمتم الغيب لاخترتم الواقع وبالتالى خلينا نبص لبكره .
لكن الان فى جزء كبير من الشعب شايف انه صوته محدش احترمه بجانب باحساسه انه مظلوم وفى ظلم بين وااقع عليه
معاك حق والناس دى من حقها تدايق ولكن مش من حقها تنسحب من الموقف وتتبري من مصريتها لازم تاخد موقف ويكون مبنى على علم بالظبط زى الدستور بتعديلاته لازم تقراه ولو عايز تقاطع او تقول لا انت حر ولكن اقراه وقول هو وحش فى ايه او هو حلو فى ايه وانا عليا احترم رايك ولكن فكره انا مش حروح علشان الوضع سئ او مش معترف بالنظام الحالى فالشخص اللى بيعمل كده بيرفض لمجرد الرفض انما لو قال التعديلات كويسه جدا ولكن انا مقاطع الاستفتاء فهو حر ومنصف وهكذا.

وطبعا هما شافوا رئيسهم اتشال ازاى ومش كده بس لا كمان الحكومه بتحاول ترجعهم تانى السجون وتمحيهم فلازم ده يكون رد فعلهم اكييييييييييييييد
على فكره كان ممكن يكون فى ردود فعل تانيه تجيب حقهم والناس تتعاطف مع اللى حصلهم ولكن هم اختاروا التحدى والتصعيد وكل فريق مسؤل عن اختياراته .
بجانب بقى لو نبص من الطرف التانى ان مثلا واحد ولا ليه فى دول ولا دول يلاقى ان مثلا مرسى كان عاوز يبتدى فى مشاريع كبيره يظهر تأثيرها مع الزمن ودلوقتى الحاجات دى اتلغت

زى مثلا خطه اكتفائنا من القمح (( انت مصدق مثلا ان دوله زى مصر وعندها النيل مش قادره توفر قمح لنفسها))
انا مصدق ان احنا مش قادرين نكتفى من القمح بس واثق اننا نقدر نعمل ده بس مش فى 6 شهور زى مكان بيتقال لان الموضوع كبير جدا وبيدخل فيه عوامل خارجيه وانا عايز اقولك ان حينها كنت قولت ان د/ مرسي معندوش خطه لكده ولكنه بيحاول لانه بيقول ارقام واحصاءات غير واقعيه وده اكبر دليل على غياب التخطيط
زى مثلا مشروع خدمات قناه السويس اللى كان اكبر مشاكله انه حيضايق دوله زى الامارات وحيوقف حالها
انا عايز اقولك الموضوع ده كبير ومحتاج كلام كتير وبحث اكتر فخلينا نتناقش فيه فى مجال اخر غير الموضوع ده علشان ياخد حقه فى النقاش
زى مثلا خطته لتنظيم وتوزيع السلع الغذائيه على المواطنين وتقلييل الفاقد والسرقه
دى فعلا حاجه تحسب للد/ مرسي لان الى الان الفكره كويسه وبيطبقوها كما كان مخطط لها مع بعض التعديلات فانا منكرش ان فكر د/ باسم عوده فى المجال ده كان جيد جدا
حاجات كتير مش فاكرها دلوقتى بس انا عاوز ااقولك حاجه
وانا معاك ان د/مرسي كان بيقول حاجات كويسه ولكنها للاسف كان فيها وصفين هم اللى بيفسدوا جميع الخطط "العشوائيه وعدم وجود جدول زمنى محدد" علشان كده مكانش بيلاقى صدى عند الناس
انا نفسى والله العظيم كنت شايف فى مرسى سلبيات كتير عنده ومكنتش طبعا حنتخبه تانى لكن دلوقتى اللى بيعمله الانقلابين دلوقتى خلى ناس عمرها ما كانت اخوان ولا كانت حتبقى خلتهم معاهم لانهم شايفين ايه اللى بيحصل فى البلد من ضحك على العقول وسرقه
متفرقش انا او انت او اى حد مع مين سياسيا ولكن الفرق كل واحد بيخدم البلد ازاى فالافعال الجيده واضحه والسيئه واضحه والحكم العادل واحد على كل موقف وعايز اقولك ربنا يصلح الاحوال ويولى من يصلح
تحياتى.

[ahmedesmat1987]

الي عاوز البلد تتحول لخرابة هو الي بيفجرها وبيقتل ولادها كل يوم منهم 5 الاف في رابعة
الي عاوز البلد تتحول لخرابة هو الي انقلب علي السلطة الشرعية اللي انتخبها الشعب
الي عاوز البلد تتحول لخرابة هو الي قال ادوني تفويض اقتل المصريين بلا حق
الي عاوز البلد تتحول لخرابة هو الي بيستخدم اعمال عميل وبينشر اشاعات وقسم البلد
الي عاوز البلد تتحول لخرابة هو الي اعتدي علي المسلمين في سيناء وبيستحي النساء ويقتل الاطفال و بينسق مع اسرائيل
مش عارف كده كفاية ولا ايه

اللى انقلب على السلطه الشرعيه اللى انتخبها الشعب.......هوا الشعب نفسه
اللى قال ادونى تفويض عشان اقتل الارهابيين اللى بيهدده حياه الناس.......هو حامي اراضيها
اللى بيستخدم اعمال عميل وبينشر اشاعات ...........فانا مش هرد هسيبك انت ترد بالنيابه عنى لانى مش مصدق انك بتسال السؤال دا

اللى اعتدى على المسلمين فى سينا وبيقتل الجنود والمواطنين........حبابيبك الاخوان واتباعهم والارهابيون والتنظيمات الجهاديه الغير مصريه والمصريه من الخونه واتباع العملاء

قبل ما تقول كفايه قول لا اله الا الله ......محمد رسول الله واستغفر ربنا عسى ان تضر قوما بجهالآ فتصبح على ما فعلت نادما ....... استحى على وطنك وعرضك وشعبك وانطق قولا حقا .... بدون التحيز لجماعه او نظام او فرد

[mmtronic]

شكرًا لكل الى شارك فى الموضوع

من عدد المشاهدات احب اقول ان الهدف من الموضوع تم الحمد لله و هو تحذير اكبر قدر من الناس

الحاجه الثانيه الى احب اوجهها للمرضى و كلامى للمرضى فقط من الشعب المصرى

اتقوا الله
اتقوا الله فى انفسكم و فى اهلكم و اولادكم

تقوى الله جميله - تخليك متازيش حد من خلقه علشان الديان لا يموت

البر لا يبلى و الذنب لا ينسى - افعل ما شات كما تدين تدان

[naser_56]

شكركل الى شارك فى الموضوع

من عدد المشاهدات احب اقول ان الهدف من الموضوع تم الحمر لله و هو تحزير اكبر قدر من الناس

الحاجه الثانيه الى احب اوجهها للمرضى و كلامى للمرضى فقط من الشعب المصرى

اتقوا الله
اتقوا الله فى انفسكم و فى اهلكم و اولادكم

تقوى الله جميله - تخليك متازيش حد من خلقه علشان الديان لا يموا

البر لا يبلى و الزنب لا ينسى - افعل ما شات كما تدين تدان

وايضا عزيزي لقد وضح الموضوع كميه الكره والبغضاء ممن في نفوس البعض لاوطانهم .. ومن من ؟؟ من من يتشدقون بالوطنيه !!!!!!

بلادي وان جارت علي عزيزه
واهلي وان ضنو علي كرام

[mmtronic]

وايضا عزيزي لقد وضح الموضوع كميه الكره والبغضاء ممن في نفوس البعض لاوطانهم .. ومن من ؟؟ من من يتشدقون بالوطنيه !!!!!!

بلادي وان جارت علي عزيزه
واهلي وان ضنو علي كرام

من يتمنى الاذى لاهل بلدة فهو مريض ....ليس له مستقبل .... يريد الدنيا كلها مثله بلا مستقبل

ليس له عائله او ولد لينظر كيف يحميهم و ينشائهم نشاءه طيبه كريمة متزنه لكى يشبوا على تقوى الله و عدم اذى الغير
لذلك ترى انه يريدها خراب دمار لانة خرب النفس و العقل

تقبل تحياتى

[qkash.com]

ودائع واموال الناس آمنة تماماً

ولن تفلحوا في خلق بلبلة للاضرار بوطننا

[ahmedteam]

و الله الواحد فى قمه الاسى و الحزن على حال البلد و اكتر على حال الشعب

الناس كلها منقسمه طوائف فى البيت و الشارع و الشغل و كل مكان

هل بالحال ده فى امل للتقدم او لأى حاجه كويسه لبكره

طبعا كل طرف هيقول ما هو الطرف التانى السبب

كله مجهز التهم للتانى و معندوش استعداد يسمع او يفكر للحظه انه غلطان

للأسف المستفيد من الموضوع ده اعدائنا فقط لا غير

مبسوطين من حاله الفتنه و الانقسام اللى زرعوها بينا و قاعدين يتفرجو علينا و احنا بنولع فبعض

فاكرين لما رئيس الموساد السابق قال انهم اخترقوا الانظمه المصريه بدرجه يستحيل معها ان تتخلص منه

على فكره زرع الفتن فى جميع مجالات الحياه ده اسلوب اليهود من زمان و احنا للأسف بننساق وراهم

زرع الفتن فى الرياضه ( الالتراس) و تخلق التعصب و تخلى الشباب يموتوا بعض علشان الكوره

اهلى و زمالك بقى عندك كل ماتش احتمال وقوع كارثه و حاله الاحتقان الشديده بين الشباب

زرع الفتن فى السياسه و برامج شغاله فى الاعلام 24 ساعه مين بيمول الناس دى

الحديث عن تقسيم مصر و الدول العربيه مخطط قديم من ايام بروتوكولات حكماء صهيون و الكلام ده مش هزار على فكره دول ماشيين عليه بالحرف و احنا فى الطراوه طبعا

على فكره العدو عرف انه مش هيعرف يهزمنا بالحرب ف الاحسن نسيبهم يخلصوا على بعض

نمد كل طرف بالسلاح و نشعل الفتن و هما عليهم الباقى

انا عارف ان الكلام ده ملوش دعوه بالموضوع بس صدقونى كله مرتبط ببعضه و احنا الضحيه

اللهم انزع الشقاق و النفاق و الغل من قلوبنا

اللهم انزَعِ الوَهَنَ وَحُبَّ الدُّنيا مِن قُلوبِنا وأَبدِل بِه يا رَبَّنا حُبَّ الآخِرَة

قال رسول الله صلى الله عليه وسلم :
لو كانت الدنيا تعدل عند الله جناح بعوضة ما سقى كافرا منها شربة ماء