موقف حصل معايا. عايز رأيكم

[Mohamed_Hamid]

صباح الفل عليكم جميعا :)
هو مفيش مشكلة ان بتاع الأمن يخللينى احاسب على الحاجة بس يحطوا قواعد عامة مكتوبة مش أفاجأ بحاجة زى الموقف ده كدة ! دى نقطة والنقطة التانية انا شاكك فعلا ان نظام الادارة فى كارفور اتغير بس للأسوأ للأسف. يعنى بتاعة الكاشير شكلها غلط اصلا مش عارف ازاى دخلت كارفور ! شكله كدة الاهمال المصرى وصل ليهم خلاص

[أحمد كمال]

صباح الفل عليكم جميعا :)
هو مفيش مشكلة ان بتاع الأمن يخللينى احاسب على الحاجة بس يحطوا قواعد عامة مكتوبة مش أفاجأ بحاجة زى الموقف ده كدة ! دى نقطة والنقطة التانية انا شاكك فعلا ان نظام الادارة فى كارفور اتغير بس للأسوأ للأسف. يعنى بتاعة الكاشير شكلها غلط اصلا مش عارف ازاى دخلت كارفور ! شكله كدة الاهمال المصرى وصل ليهم خلاص

مكتوب من زمان يافطة و انت داخل ممنوع الاكل و الشرب و التدخين


و شكلها غلط يعني ايه؟ مش لابسة اليونيفورم ؟ مش مستحمية؟ الخ ؟

[sas5]

لا للأسف لسه مفيش عروض العيد السنوى منزلتش لغاية لما كنت هناك السبت اللى فات بس مش عارف فى جديد ولا لأ

الاحتفالات السنويه بتاعه كارفور سوف تبتدى يوم الجمعه 3 يناير

[Mohamed_Hamid]

مكتوب من زمان يافطة و انت داخل ممنوع الاكل و الشرب و التدخين


و شكلها غلط يعني ايه؟ مش لابسة اليونيفورم ؟ مش مستحمية؟ الخ ؟

ههههههههه مش مستحمية ايه بس وانا مالى بكدة لا يعنى قلة ذوق فى طريقة الكلام - سايبة الناس واقفة وبتكلم مع زميلها اللى جنبها فى حوار تانى خالص ... كدة يعنى

موضوع اليافطة ده مخدتش بالى منه قبل كدة وبعدين خللى بالك هو محدش قاللى ممنوع الأكل او الشرب هو طلب منى احاسب على الحاجة بس

[M.Osama]

انا حصل معايا موقف أغرب بس متعلق بموقفك برده

اشتريت حاجات ف كارفور وسبتها ف عربيه التسوق ورحت اشتري حاجات تانيه رجعت لقيت العربيه فيها فوارغ كانز وشيكولاته ! يعني حد اكلها وسابهملي ف العربيه :)

ناديت لفرد الامن وحكتله الي حصل.. واعتقد ان هما عشان كدا غيرو النظام جوه.. بس انا طبيعي كنت بفتح اي حاجه جوا واكلها واحاسب عليها وانا خارج

[walidzakzok]

كنت مع زميل وهوب لسة بيضرب شيكولاتاية بتاع الامن نزل عليه بالباراشوت وقاله روح حاسب عليها والكلام دة من 3 سنين فى كارفور المعادي والتصرف دة صح جدا لان الناس معندهاش ضمير بياكلوا ويرموا الفوارغ بين الرفوف وظاهرة منتشرة لان معظم الشعب بيستحل مال النبي

[Ahmed_Adham]

موقف محرج طبعا بس مع كميه الفوارغ اللي الواحد بيشوفها مرميه بين الرفوف سواء بيبسي ولا شيكولاته الواحد يعذرهم ويدعي للناس اللي بتستحل مال غيرها بالهدايه.

[marsguy]

أنصح أي حد إنه يحاسب قبل ما ياكل أي حاجه للأسباب دي:

• تجنب إن أي حد يكلمك أو أي حد من الأمن أو من العملاء يبصلك بصة شك
• عشان تحافظ على منظرك، يعني منظر إن بتاع الأمن واقف جنبك عند الكاشير ده لوحده مثير للظنون واحنا ما نتوصاش في إساءة الظن.
• عشان ما تنساش. يعني مثلاً فوارغ 2 شوكولاته ممكن الكاشير يفتكرهم شوكولاتايه واحده
• أهم نقطه بقى لو معاك أطفال: عشان أطفالك يفهموا موضوع إن كل حاجه ليها تمن وكده. للأسف في أطفال بيخشوا كارفور بينطلقوا جواه بعيد عن أهاليهم كمان وبيكونوا فاكرينه مائدة رحمن :)

أحكيلكم قصه متعلقه:

زمان كان في واحد صاحبنا وصاحب شباب المنطقه كلها عنده محل بقاله وكان بيبيع سجاير فرط.

فكان الشاب مننا يخش ياخد سيجاره من العلبه ويحاسب عليها بعدين بقى في نفس اليوم أو بعدين لو إفتكر.

في شاب جديد جه المنطقه واتعرفنا عليه وبقى يقعد معانا في محل البقال صاحبنا. وكان بيشوف كل الشباب بيخشوا المحل وياخدوا سجاير من العلبه المفتوحه ويشربوها وما يحاسبوش.

صاحبنا الجديده ده بقى افتكر إن السجاير الفرط دي ببلاش وإن صاحب المحل عاملها زي جدعنه مع صحابه. وفضل يجي سنه يشرب سجاير فرط ببلاش :) لحد ما أخيراً حد نبهه إن السجاير دي بيتدفع فلوسها بعدين بس مش بالضروره في ساعتها :)

[S O P H O S]

هو الموضوع عادي
المهم ان الكلام ده يتطبق علي الكل

[salodas]

حصلت معايا .
عادى جدا .
خد الأمور ببساطة .