الاستثمار بالعملة

[kondor]

معلش ممكن شوية تفاصيل عن ]NSGB Life Insurance

شكرا يافندم وربنا يكرمك

NSGB هي شركة تامين و استثمار فى نفس الوقت بمعنى عندهم تامين على الحياة بكل اشكالة المختلفة و عندهم برامج ادخار و استثمار بيستثمرو الفلوس في سندات و اذون خزانة و شهادات ايداع و فى الغالب بيكون العائد فيها اكبر من شهادات البنوك بس بشرط الاستثمار يكون طويل الاجل يعنى 5 سنوات فما فوق علشان يكون الاستثمار مجزي عندهم باقات من اول 180 جنية فى الشهر على ما اعتقد من ضمن البرامج انك تعمل وثيقة اسمها الرفيق التخرج ده بيكون هدفها ان ابنك او بنت حضرتك لما يتم 21 سنة يحصل على مبلغ من المال مثلا 750,000 جنية طبعا المبلغ بيحدده الاقساط الى هتدفعها كل شهر و عمر الابن كل ده بيكون عادى المختلف بقي عن البنك انه بيضيف تامين على الحياة بمعنى لو الاب توفي قبل ما الابن يتم 21 سنة الشركة بتدفع مكان الاب و الابن عند 21 بيحصل على المبلغ المحدد مسبقا طبعا في برامج كتير و مختلفة ده الموقع بتاعهم
NSGB Life Insurance
لو عاوز تفاصيل اكتر ممكن تروح لاى فرع من فروع بنك NSGB الى هو الان اسمة QNB Al Ahli

[kondor]

احب اوضح للجميع ان انخفاض سعر الجنية امام الدولار ليه مزايا اقتصادية !!!
1) دعم البورصة
2) دعم السياحة
3) زيادة حجم الاستثمار المباشر
4) زيادة تنافسية الصادرات المصرية
5) تقليل عجز الميزان التجاري
ده بشكل مبسط دون الدخول فى تفاصيل مشكلة مصر انها بتعتمد على الاستيراد فى معظم السلع الاستهلاكية و هنا المشكلة فى دول بتهدف لخفض قيمة عملتها زى اليابان و الصين و امريكا مع سياسة التيسير الكمي المشكلة فى مصر كمان الاحتكار و فقر البنية التحتية و التشريعية لو اتحلت المشاكل ده ساعتها كل ما ينخفض الجنية هيكون مكسب لينا طبعا ده لو عرفنا نحل مشكلة ان معظم اكلنا و شربنا من الخارج!!

[Ahmed_Adham]

مهو الحكومه اللى هتعمل كده هتكون انتهت اصﻻ ماليا وفلست قبل الاقدام على مصادره الدولارات

ولو صادرت الدولارات هتعيش بعدها قد ايه؟ بلاش تهويل وخيال علمي لأن ده كلام مش واقعي وأنا شايف ان البلد اقتصاديا على مستوى الافراد بنفس المستوى من يوم 25 يناير لحد النهارده. على مستوى الحكومه شويه خفض تصنيف ائتماني وشويه رفع تصنيف ائتماني ولكن المؤشرات الاخيره ايجابيه الى حد ما.

[ehabouf]

الودائع البنكية آمنة 100% ولاتستمع لمروجي الإشاعات لغرض في نفس يعقوب
حيث انك عايز تشيل الفلوس لفترة طويلة ومش محتاج منهم حاجة يبقى افضل حل الشهادات السباعية بتاعة بنك فيصل - العائد بتاعها بيعدي 12% سنوياً وبيتم اضافة العائد كل ثلاثة اشهر ثم يتم حساب العائد على مجموع سعر الوثيقة + العائد
يعني كأنها وديعة لمدة ثلاثة اشهر وتجدد تلقائيا بعد زيادة قيمة الوديعة بالعائد لمدة سبعة سنوات

طبعاً الكلام ده بالجنيه لمصري وحايبقى اعلى من اي وديعة بأي عملة اجنبية

[egyptawy2010]

الودائع البنكية آمنة 100% ولاتستمع لمروجي الإشاعات لغرض في نفس يعقوب
حيث انك عايز تشيل الفلوس لفترة طويلة ومش محتاج منهم حاجة يبقى افضل حل الشهادات السباعية بتاعة بنك فيصل - العائد بتاعها بيعدي 12% سنوياً وبيتم اضافة العائد كل ثلاثة اشهر ثم يتم حساب العائد على مجموع سعر الوثيقة + العائد
يعني كأنها وديعة لمدة ثلاثة اشهر وتجدد تلقائيا بعد زيادة قيمة الوديعة بالعائد لمدة سبعة سنوات

طبعاً الكلام ده بالجنيه لمصري وحايبقى اعلى من اي وديعة بأي عملة اجنبية

مممكن شوية تفاصيل اكتر

وبعدين 7 سنين مش مدة كبيرة شوية

[ehabouf]

فيه الثلاثية ( 3 سنوات) بس دي العائد بتاعها اقل ولايتم زيادته على الوثيقة
ده آخر عائد ريع سنوي (اضرب في 4 علشان تعرف متوسط العائد السنوي)

FIB - Quarter Returns

وده شرح الشهادات الإدخارية

FIB - Saving Certificates

[egyptawy2010]

فيه الثلاثية ( 3 سنوات) بس دي العائد بتاعها اقل ولايتم زيادته على الوثيقة
ده آخر عائد ريع سنوي (اضرب في 4 علشان تعرف متوسط العائد السنوي)

fib - quarter returns

وده شرح الشهادات الإدخارية

fib - saving certificates

الف شكر
كده العائد طلع 11.5
طيب هل يمكن صرف العائد كل 3 شهور

[Trondo]

طيب إيه رأى حضرتك لو واحد صحى الساعة 2 صباحا و طلبت معاه إنه يغير قانون البنك المركزى بحيث يضيف فقرة تتيح للبنك الصرف بأى عملة متوفرة و طبعا مافيش مجلس شعب يناقش و يوافق ولا حاجة . و تصحى الصبح تلاقى دولاراتك متصادرة و تاخد بدلهم شوية لب (قصدى ورق مالوش قيمة غير تجيب بيه شوية بطاطس)

مش عارف حضرتك بتجيب الكلام دا منين ؟؟؟؟ مفيش اى حاجه بالشكل دا نهائي

الكلام دا محصلش قبل كده ابدا .... ايام ال ٨.٥

ياريت اعرف الدافع لكلام حضرتك سببه ايه علشان توصل للاستنتاج دا ؟؟؟

و على فكره لسه رافعين التصنيف الائتمانى لمصر

[Trondo]

وماذا لو تطور الصراع السياسي ودخلت البلد في حالة فوضى؟
اعتقد ان الفوضى بدات بالسرقات المسلحة بالاسلحة الآلية جهارا نهارا على الطرق وداخل المدن
وعدم توافر حماية حقيقية للمواطنين ، هل تعتقد أن اموالك بالبنك ستكون في أمان؟ أشك

و موضوع السطو على البنوك ... هى حضرتك فاكر ان البنك حاطط الفلوس فى الحصاله ؟؟؟

اى فرع من فروع البنوك بيكون عنده خزانه جامده جدا و له مبلغ معين ميشلش اكتر منه فى اى وقت

و لو حصل سطو على فرع ما بيكون كبيره رقم معين

يعنى بنك زى الاهلى عنده ٣٣٨ فرع ... حصل سطو على فرعه هيكون خسارته كام ؟

من اجمالى اصوله و فروعه اللى جوه مصر و بره مصر و استثماراته الضخمه

طبعا و لا اى حاجه بالنسبه لاصول بالمليارات ..

الا اذا حضرتك شايف ان البنك هيتسرق كل يوم او البنك حاطط تحويشه عمره فى فرع واحد !!!!!

نرجوكم بلاش تهويل

[ehabouf]

الف شكر
كده العائد طلع 11.5
طيب هل يمكن صرف العائد كل 3 شهور

الثلاثية ممكن لأن العائد بيتحط في حسابك الجاري في البنك
السباعية لأ لأن العائد بيتزود على قيمة الشهادة ويعاد استثمار الشهادة بقيمتها الجديدة

العائد اكثر من 12% لأن 2.9*4= 11.6 - لكن الواقع غير كدة لأن عائد اول 3 شهور حاتخد عليه عائد استثمار لمدة 9 شهور - وعائد الثلاث شهور التالية حاتخد عليه عائد 6 شهور - والثالثة حاتاخد عيه عائد 3 شهور
العائد الي انت اخذته على العوائد اكثر من 0.4%
فهمت حاجة والا توهت مني؟؟؟

[ehabouf]

يعني لو انت حاطط 1000 جنيه شهادة سباعية والعائد الربع سنوي 2.9%
قيمة الشهادة بعد ثلاثة اشهر 1029
قيمة الشهادة بعد ستة اشهر 1058.841
قيمة الشهادة بعد تسعة اشهر 1089.547
قيمة الشهادة بعد عام 1121.144

إجمالي العائد بعد عام 121.144 = 12.1144%

في آخر ال 7 سنين توصل قيمة الشهادة 2226.54 جنيه
يعني اكثر من الضعف - لاتقولي دولار والا ذهب - شوف الذهب من 7 سنين كان بكام والدولار من 7 سنين كان بكام حاتلاقي الشهادة السباعية افضل ولا يتم تشغبل نقودك سوى في المشاريع الحلال

[egyptawy2010]

الثلاثية ممكن لأن العائد بيتحط في حسابك الجاري في البنك
السباعية لأ لأن العائد بيتزود على قيمة الشهادة ويعاد استثمار الشهادة بقيمتها الجديدة

العائد اكثر من 12% لأن 2.9*4= 11.6 - لكن الواقع غير كدة لأن عائد اول 3 شهور حاتخد عليه عائد استثمار لمدة 9 شهور - وعائد الثلاث شهور التالية حاتخد عليه عائد 6 شهور - والثالثة حاتاخد عيه عائد 3 شهور
العائد الي انت اخذته على العوائد اكثر من 0.4%
فهمت حاجة والا توهت مني؟؟؟

تسلم يافندم على الشرح الوافى لكن كده العيب انى عشان استفيد بالعائد لازم اسيب الفلوس وما اسحبهاش الا بعد 7 سنين

[hossam_elwani]

ولو صادرت الدولارات هتعيش بعدها قد ايه؟ بلاش تهويل وخيال علمي لأن ده كلام مش واقعي وأنا شايف ان البلد اقتصاديا على مستوى الافراد بنفس المستوى من يوم 25 يناير لحد النهارده. على مستوى الحكومه شويه خفض تصنيف ائتماني وشويه رفع تصنيف ائتماني ولكن المؤشرات الاخيره ايجابيه الى حد ما.

مستوى الافراد بنفس المستوى من يوم 25 يناير

ياراجل !!!!!!!ده طبقا لاى واقع

[hossam_elwani]

الودائع البنكية آمنة 100% ولاتستمع لمروجي الإشاعات لغرض في نفس يعقوب
حيث انك عايز تشيل الفلوس لفترة طويلة ومش محتاج منهم حاجة يبقى افضل حل الشهادات السباعية بتاعة بنك فيصل - العائد بتاعها بيعدي 12% سنوياً وبيتم اضافة العائد كل ثلاثة اشهر ثم يتم حساب العائد على مجموع سعر الوثيقة + العائد
يعني كأنها وديعة لمدة ثلاثة اشهر وتجدد تلقائيا بعد زيادة قيمة الوديعة بالعائد لمدة سبعة سنوات

طبعاً الكلام ده بالجنيه لمصري وحايبقى اعلى من اي وديعة بأي عملة اجنبية

الشهادات التراكميه مفيش عائد محسوس مصروف لازم تصبر طول الفتره لجنى ارباح او اى زياده


فيه بنوك بتدى عائد بيصل 17 فى الميه للشهادات التراكميه


السؤال ايه اعلى بنك بيدى عائد حاليا للشهادات الخماسيه اوالثلاثيه تصرف كل 3 شهور او كل شهر ؟؟

[ahmedwagdy03]

مش عارف حضرتك بتجيب الكلام دا منين ؟؟؟؟ مفيش اى حاجه بالشكل دا نهائي

الكلام دا محصلش قبل كده ابدا .... ايام ال ٨.٥

ياريت اعرف الدافع لكلام حضرتك سببه ايه علشان توصل للاستنتاج دا ؟؟؟

و على فكره لسه رافعين التصنيف الائتمانى لمصر

الكلام دة مش حقيقى و لكن تقدر تقول تخيل لأسوأ وضع محتمل نتيجة عدم الثقة فى الأوضاع الحالية