يا ترى لسة فى رجال فى زمن ماتت فيه الرجولة؟ممكن حد يفهم مشكلتى؟

[banzai]

-----------------------

عدم التزامك بالاداب العامة يعرضك لعقوبة الايقاف انتبه فى اختيار الالفاظ اثناء التعبير عن وجه نظرك

مشرف 6 ب
7.17pm
14/1/2014

[M.ABDOU]

من وجهه نظرى الصغيره ارى الحل خطوات مع بعضها البعض وليس خطوه واحده كما يلى

1- البحث عن عمل سواء كان عمل بمقابل او عمل اجتماعى خيرى لان العمل يقلل من احساس الشخص بضغوط الحياه ومن خلاله ستزيد فرص تقابلك مع شخص امين يمكن ان يكون رفيقك

2- التزام الندوات او مجالس العلم اذا امكن فى المساجد القريبه منك وفعلا من جاور السعيد يسعد ( مقوله مجربه وحقيقيه ) فمن خلال اصدقاءء المسجد اكيد اكيد حتلاقى واحده او اتنين ينفعوا يكون اصحابك البنات ومشكله الوحده تتلاشى بس الحذر الحذر فى التسرع فى اعطاء الثقه المطلقه لاى واحده على الاقل لازم 3 شهور معامله لحين اعطاء بدايه ثقه

3- الدعاااااااااااااااااااااااء وده مخ العباده وما رد قضاء الله الا الدعاء

واخيرا وليس اخرا نسال الله تعالى ان يزيح عنك همك وان يستبدل همك بفرح ان شاء الله

[mr_vampire]

----------------

بعد اذن حضرتك اتكلم عن نفسك واقاربك وجيرانك ودائرة معارفك فقط ولا تعمم من فضلك.

تحياتي.

[elfarashah]

سلام الله عليكم ورحمته وبركاته

أختي الكريمة:ـ
بكل تأكيد قد عانيتِ كثيراً وربنا إن شاء الله يثيبك عظيم الثواب ويعوض صبرك خير
ولكن لي معكِ هنا بعض الملاحظات أتمنى أن تتقبلينها بصدر رحب مني:ـ
× ماذا يضير الشاة سلخها بعد ذبحها؟؟؟
والدك الآن أصبح رجل مسن ولا يحتاج إلا الدعاء فقط والرعاية مثل والدتك
ربما لم يكن ذلك تخاذلا منه وإنما شخصيته هكذا ولم يستطع تحمل مسؤلية شيء
فحاولي أن تأقلمي حياتك على ذلك وأن تتحملي مسوليتك كأنك بالظبط قد سافرتِ في أي بلد غريبة
× هل تعتقدي إن جلوسك بالبيت هو الحل وهو الستر؟؟
ربما كان الخروج للعمل فيه الحل لكثير من مشاكلك :ـ
1ـ إنك تشوفي الناس والناس تشوفك ده هيديكِ فرصة للإرتباط بزوج صالح إن شاء الله سواء من عمل أو عن طريق زميلة شغل او صديقة ولكن مع إلتزامك بالتدين والحشمة والحمد لله أنتِ تقولين بأنك هكذا.
2ـ وجود ناس أخرى بحياتك هيجددها وهيرفع من معنوياتك وهيخليكي تكتسبي
خبرات أكبر وتشوفي تجارب اكتر.
3ـ موضوع الشغل هيخلي عندك ثقة بنفسك أكتر وبالتالي قوة تجعلك تواجهي أي ظروف وأي إنسان
× ليه مش بتفكري بشكل إيجابي وعايزة تحبسي نفسك جوة معاناتك؟
يعني لو البكا على اللي فات هيرجع حاجة أكيد كنا كلنا عملنا كدة لكن إياكِ واليأس
أو أن تظلي طول الوقت سجينة شكواكِ ولكن دوماً اجهري بها فقط لله فهو صاحب المنة والفضل والقادر على تفريج همك وإرشادك لمافيه خيرك وصلاحك
× ممكن تكون الأم كانت شخصيتها قوية او .....إلخ (شفاها ربي وعافاها )
لكن حاولي إنتِ تصلحي الصورة دي في بيتك لما تتجوزي بمشيئة الرحمن
تكوني لينة الجانب ومتفاهمة ومتسامحة مع إحتفاظك بشخصيتك ودون المساس بكرامتك
× بلاش نبرة الحزن واليأس ده لأن ربنا سبحانه وتعالى موجود ولازم ثقتك تكون كبيرة فيه وإن أخرة الصبر خير إن شاء الله
× ليه عايزة تقفلي عضويتك؟ بالعكس حاولي تدخلي وتشاركي وتعرفي الناس هنا فكلهم
والحمد لله أخوة وأخوات أفاضل ودي حقيقة وده كمان هيخرجك من عزلتك
وكلمة أخيرة مهمة جداً
لو خليت لخربت يا حبيبتي يعني الرجالة بخير وكل حاجة لكن يمكن حظك ما أنصفك
إنك تشوفي غير دول لكن إن شاء الله ربك كريم
× ربنا يهديكي لكل خير ويرزقك الزوج الصالح اللي يعوضك عن اللي شوفتيه
ويزيح كل همومك ويبدلك عنها كل فرح وسعادة
اللهم آمين

[wounded woman]

سلام الله عليكم ورحمته وبركاته

أختي الكريمة:ـ
بكل تأكيد قد عانيتِ كثيراً وربنا إن شاء الله يثيبك عظيم الثواب ويعوض صبرك خير
ولكن لي معكِ هنا بعض الملاحظات أتمنى أن تتقبلينها بصدر رحب مني:ـ
× ماذا يضير الشاة سلخها بعد ذبحها؟؟؟
والدك الآن أصبح رجل مسن ولا يحتاج إلا الدعاء فقط والرعاية مثل والدتك
ربما لم يكن ذلك تخاذلا منه وإنما شخصيته هكذا ولم يستطع تحمل مسؤلية شيء
فحاولي أن تأقلمي حياتك على ذلك وأن تتحملي مسوليتك كأنك بالظبط قد سافرتِ في أي بلد غريبة
× هل تعتقدي إن جلوسك بالبيت هو الحل وهو الستر؟؟
ربما كان الخروج للعمل فيه الحل لكثير من مشاكلك :ـ
1ـ إنك تشوفي الناس والناس تشوفك ده هيديكِ فرصة للإرتباط بزوج صالح إن شاء الله سواء من عمل أو عن طريق زميلة شغل او صديقة ولكن مع إلتزامك بالتدين والحشمة والحمد لله أنتِ تقولين بأنك هكذا.
2ـ وجود ناس أخرى بحياتك هيجددها وهيرفع من معنوياتك وهيخليكي تكتسبي
خبرات أكبر وتشوفي تجارب اكتر.
3ـ موضوع الشغل هيخلي عندك ثقة بنفسك أكتر وبالتالي قوة تجعلك تواجهي أي ظروف وأي إنسان
× ليه مش بتفكري بشكل إيجابي وعايزة تحبسي نفسك جوة معاناتك؟
يعني لو البكا على اللي فات هيرجع حاجة أكيد كنا كلنا عملنا كدة لكن إياكِ واليأس
أو أن تظلي طول الوقت سجينة شكواكِ ولكن دوماً اجهري بها فقط لله فهو صاحب المنة والفضل والقادر على تفريج همك وإرشادك لمافيه خيرك وصلاحك
× ممكن تكون الأم كانت شخصيتها قوية او .....إلخ (شفاها ربي وعافاها )
لكن حاولي إنتِ تصلحي الصورة دي في بيتك لما تتجوزي بمشيئة الرحمن
تكوني لينة الجانب ومتفاهمة ومتسامحة مع إحتفاظك بشخصيتك ودون المساس بكرامتك
× بلاش نبرة الحزن واليأس ده لأن ربنا سبحانه وتعالى موجود ولازم ثقتك تكون كبيرة فيه وإن أخرة الصبر خير إن شاء الله
× ليه عايزة تقفلي عضويتك؟ بالعكس حاولي تدخلي وتشاركي وتعرفي الناس هنا فكلهم
والحمد لله أخوة وأخوات أفاضل ودي حقيقة وده كمان هيخرجك من عزلتك
وكلمة أخيرة مهمة جداً
لو خليت لخربت يا حبيبتي يعني الرجالة بخير وكل حاجة لكن يمكن حظك ما أنصفك
إنك تشوفي غير دول لكن إن شاء الله ربك كريم
× ربنا يهديكي لكل خير ويرزقك الزوج الصالح اللي يعوضك عن اللي شوفتيه
ويزيح كل همومك ويبدلك عنها كل فرح وسعادة
اللهم آمين

جزاك الله خيرا على هذه الكلمات المشجعة......بثت فى الأمل
افعل بامر الله بنصائحك........نصائح اخت وفية محبة
شكرا لك واتمنى لك الخير والسعادة
بالنسبة لانى الغى العضوية
لازم الغيها عشان محس بالحرج وسطكم وانتم عرفتوا قصتى

[Xander2010_Evo]

مش عارف أبدء منين الصراحة .. قريت كل إللي قولتيه حضرتك .. كان الله في عونك وربنا يفك كربك وييسر أمورك
يعني ممكن تتقبلي مني النصيحة مني كأخ أكبر من حضرتك أو أصغر .. كل إللي فهمته من كلام حضرتك إنك تدرجتي في طريقة اللبس من اول مش محجبة لحد ماشاء الله ربنا كرمك بـ اللبس المحترم ده كان جزء من المشكلة والحمد لله إنتي حليتيها بنفسك وموضوع والدك ووالدتك يعني الصراحة ربنا يعينك وبدعيلك ربنا يكرمك بالزوج الصالح .. يعني أنا بصراحة من الناس إللي مبتحبش موضوع إن البنت عمومآ تنزل للشغل بسبب موضوع الإختلاط ده لأن مشاكله كتير بس في حالتك يعني ممكن لو نزلتي شغل محترم هتكتسبي خبرات أكبر في التعامل مع الناس وممكن ربنا يرزقك بإبن الحلال إللي يصونك وتحاولي تتعلمي من الإبتلاء ده إن أكيد ربنا هيكرمك علي صبرك بكل الخير وحاولي تتعلمي في بيتك إن شاء الله من الغلطات إللي كانت مع والدتك ووالدك
وممكن تحضري دروس دينية في مساجد قريبة من بيتك بردو وإقرأي قراءن دايمآ وِرد يومي
أسأل الله أن يزيح كل همومك ويرزقك الخير والسعادة

[AshTurbo]

خير ان شاء الله بصي أنتي محتاجة تفضفضي فخشي أي وقت أحنا كلنا هنا أهلك وأخواتك فضفضي معانا وخبطي بس بالراحة يعني احنا روحنا رياضية وبنتقبل النقض وهنعتبرها من أنواع المزاح لأن طبعاً في رجالة محترمين مش علشان واحد أو أكتر سيئين يبقى كله كدة ومفيش فضائح ولا حاجة موقفك مفيهوش حاجة تعيبك .

[wounded woman]

جزاكم الله خيرا على النصائح المفيدة
ان شاء الله احاول انفذها
بس محدش جاوب على الاسئلة ليه؟
غريبة!!
وبعدين فى ناس طلبت منى اكمل كلامى وشكوتى .......بدون ما اخبط فى حد
يبقى انتو الى عايزين طبطبة ...............مش انا ...........ولا إيه ؟؟

[amr011111]

جزاكم الله خيرا على النصائح المفيدة
ان شاء الله احاول انفذها
بس محدش جاوب على الاسئلة ليه؟
غريبة!!
وبعدين فى ناس طلبت منى اكمل كلامى وشكوتى .......بدون ما اخبط فى حد
يبقى انتو الى عايزين طبطبة ...............مش انا ...........ولا إيه ؟؟

ممكن تقولى الاسئله فى صورة نقاط واحنا نجاوب

[wounded woman]

دى الاسئلة الى سألتها فى اول مشاركة

انا مكنش لى اى طلبات فى شريك حياتى
سوى انه يكون واحد بيخاف ربنا ويحبنى ويراعى ربنا فى .......كنت مستعدة اقبل انسان بسيط
جدا ومتواضع فى مادياته ...........ونبدأ من الصفر سوى
ليه المجتمع الزم المرأة انها تشارك فى اساس البيت؟
ليه اى اتنين ماديتهم بسيطة ميبدأوش بحاجات بسيطة وبعد كدا
ربنا هيوسع عليهم؟
-----------------------------------------------
سبت الشغل لأنى زهقت من الاختلاط والارف
واقتنعت تماما ان الاختلاط دا اخرته سودة
وان البنت بيتكسر قلبها ..............وبتتبهدل اخر بهدلة
..........................................
دى رسالة لكل اب ارجوكم ارجوكم ارحموا بناتكم واستروهم وخبوهم
ليه تبهدلوا البنت الى ربنا عززها فى القرآن؟
---------------------------
ازاى كل شاب بيتمنى يرتبط ببنت رقيقة ورومانسية
وفى نفس الوقت عايزها تصرف عليه وتساعده فى المعيشة وكمان عليها كل مسؤوليات البيت؟؟
هو دا عدل يا شباب مصر ولا ايه؟؟

[/size][/b]
[/center]

[ابو لؤى]

متابع

[r0xer]

انتي ضحية اهلك والمجتمع والراجل الشرير والظروف الشريرة وباباكي اللي كان سلبي...ها وبعدين؟ معلش حقك عليهم وعلينا...وبعدين؟

انا آسف. لكن مبعرفش اكون مطيباتي دايماً..لما يكون عندك استعداد تواجهي نفسك هتلاقينا معاكي نساعدك.

انتي محتاجة حد غيرنا احنا يساعدك...الحد دا هو نفسك، والدكتور النفسي اللي هترتاحي له وتروحيله. ومن ثم لما تخرجي من محنتك..هتلاقي الوظيفة المناسبة مستنياكي وهتلاقي بعدها ابن الحلال اللي هيعوضك عن كل مآسيكي دي...لكن قبل كل دا، ساعدي نفسك واستعيني بدكتور نفسي...

اي كلام تاني اصدقائي الاعضاء قالوه فهو من باب جبر الخاطر ليكي، وانا كنت هقول زيه لو محدش قاله لكن بما انهم قالوه فلازم حد يقولك الحقيقة عشان منبقاش غشيناكي.

ملاحظتين عالهامش:
1- المفروض نتعلم اننا منحكمش على زواج فشل من طرف واحد، هل حضرتك مورثتيش الصفات اللي في والدتك بتاعت التسلط والسيطرة؟
2- مش ليكي اخت ونجحت في حياتها؟ وكانت في نفس ظروفك؟ طب اشمعنى هي نجحت وانتي لا؟

سامحيني لو كنت قاسي في كلامي او ناشف، لكن انتي عارفة المثل المصري...ابكيكي احسن ما اضحكك واضحك الناس عليكي.

وهدعيلك من قلبي وفي صلاتي ربنا يزيح عنك غمتك ويسعدك في حياتك.

[AshTurbo]

وبعدين فى ناس طلبت منى اكمل كلامى وشكوتى .......بدون ما اخبط فى حد
يبقى انتو الى عايزين طبطبة ...............مش انا ...........ولا إيه ؟؟

هو علشان بنقولك فضفضي وأحكي يمكن ترتاحي يبقى أحنا اللي عاوزين طبطبة ؟!

[wounded woman]

بس انا مش كاتبة هنا عشان افضفض

لانى بالفعل فضفضت مع ناس كتير وصديقات كتير ..........اغلبهم مش مصريين
منهم اسر تركية وسورية وفلسطينية
لكن نظرا لاختلاف اللهجات ...........فالتواصل بينى وبينهم مكنش اد كدا وفي مصطلحات عندهم مقدرتش افهمها
----------------------
الى خلانى اكتب هنا ..........عايزة اعرف وجهة نظر الطرف الاخر الى هو الشباب .......رجال اليوم والغد
تجاوبوا على استفساراتى
انا بابايا فى منه كتير ............نسخ متكررة ................
و اخواتى نسخة متكررة من مامتى وبابايا
وجايز اكون اخدت حاجات منهم ..........بس مش هى دى القضية
القضية قضيتكم انتم
رجالة مصر
فين رجالة مصر؟
فى الدول العربية التانية
لو واحدة باباها هاجر او مات او واحدة جوزها مات او معتقل او اى شئ
بتلاقى ميت راجل يقف جنبها ويسندها
بس طبعا بدون ما يطمع فيها او يخون الامانة
الرجالة برة مصر ...........ميخلوش الست تطلع برة البيت وتجيب طلبات البيت وتتبهدل
بيخلوها معززة مكرمة جوا بيتها ودورها بس
تربية الاولاد ورعاية البيت ونظافته
انا بتكلم لو ان الست دى بقت وحيدة فى الدنيا من غير سند
بتفضل تحس بالامان لأن ولاد بلدها رجالة
هتلاقى الجار المحترم الوقور .........بيبعتلها اكل وشرب وطلبات الببيت وهو منزل عينه فى الارض
هتلاقى شباب الشارع كله بيعزيزوها فى بيتها عشان متتهنش بالنزول والخروج والبهدلة
هتلاقى قرايبها الرجالة ابن خالتها وابن عمها وابن عمتها
كل يوم يشقروا عليها يشوفوا طلباتها
لكن طبعا حتى لو دا حصل فى مصر
فى الغالب هتلاقى الراجل من دول
طمعان فى الارملة ولا المطلقة ولا اليتيمة
يمثل دور الرجل الشهم الجدع وهو يبطن مصلحة معينة
===============
لو مش مصدقين ان فى رجالة فى العالم بتعمل كدا

اسألوا السعوديين بتوع القبائل واسئلوا الفلسطنيين الغزاوية
واسألوا الشوام
واسألوا الاتراك المسلمين الى على السنة
واسألوا الشهيد خطاب فى الشيشان
واسألوا الجنود البواسل الشجعان فى البوسنة والهرسك

[r0xer]

تفتكري لما تشتمي رجالة وشباب المنتدى وتقولي عليهم ان مبقاش في رجولة دا هيريحك نفسياً؟ طيب ياستي احنا راضيين طالما دا هيشفيكي ويخليكي satisfied!

مفيش آمل غير بالعلاج النفسي المكثف...أي كلام تاني صدقيني بالنسبالك هو تضييع وقت.