يا ترى لسة فى رجال فى زمن ماتت فيه الرجولة؟ممكن حد يفهم مشكلتى؟

[medori]

مع كامل تعاطفي معاكي بس مشاكل حضرتك مش خاصة بيكي انت بس، دي مشاكل اكتر من نص الشباب دلوقتي، و نموذج والد حضرتك موجود بكترة دلوقتي للاسف. بس سهل اوي اننا نرمي كل مشاكلنا علي حد تاني و نقول والدي و والدتي السبب؛ طيب و انتي فين؟ مع كامل احترامي و مع عدم معرفتي لحضرتك؛ الملايكة مبيعيشوش بينا علي الارض؛ فاكيد حضرتك ليكي مشاكل و اخطاء و دايما اول و اهم خطوة في حل اي مشكلة هي انك تعترفي بالمشكله و تعرفيها كويس. زوج حضرتك السابق مكنش شيطان بدليل انك قولتي بنفسك انة كان بيحاول يرضيكي باي طريقة؛ و في نفس الوقت بيضربك، ازاي طيب؟ المزيج دة مينفعش يكون موجود غير في واحد مدمن بيكون اغلب الاوقات مش في وعية؛ و حضرتك قولتة ان الحاجة الوحيدة اللي بيهتم بيها والدك ان اللي متقدم ميكونش بتاع مخدرات او بنات و انتي لازم تشكرية علي كدة لان دة كلام صح جدا و عشان محدش يقولي التدين؛ مفيش حد مش هيكون بتاع مخدرات و بنات غير لما يكون بني ادم علي درجة كبيرة من الاحترام و علي الاقل درجة مقبولة من التدين فاعتقد ان قصة زواج حضرتك ناقصها احداث اساسية حضرتك مقولتيهاش و دة طبيعي في المواقف دي عشان الاعتراف بالخطأ فيها بيبقي تقيل شوية و بالمناسبة لو هو مش محترم مكنش طلقك كدة بالساهل و اداكي مؤخرك كمان و انت ملكيش ضهر زي ما بتقولي و بتعافري معاه بطولك بالعكس دي انت كنتي هتبقي فريسة مثالية و يمكن كان يخليكي تدفعي فلوس كمان.
اسئلة حضرتك ملهاش اجابات؛ دي ظروف الزمن بتاعنا دلوقتي ولازم يكون عندك القوة انك تواجهي المجتمع و مشاكله و تتعايشي معاها عشان احنا سبنا الجنة من زمان اوي.
ملاحظة اخيرة، مينفعش كل ما تقابلنا مشكلة في مكان نسيبة و نمشي و نقول اختلاط!!!! هو في مكان دلوقتي في اي حتة في العالم مفيهاش اختلاط. الحجة دي واهية اوي اننا نهرب بيها. كلنا شغالين في شركات عامة او خاصة و بنعامل زميلاتنا بمنتهي الادب رغم اننا بنعد كتير نتكلم مع بعض و ناكل مع بعض و كلة زي الفل و لو حتي حد اتعرضلك في الشركة دة اسهل مكان ممكن تاخدي فية حقك اللي متعرفيش تاخدية لو حد اتعرضلك في الشارع مثلا؛ في امن و في شكاوي و في تحقيقات وبلاوي و خاصة لو شركة خاصة دي فيها رفد علي طول.
عامة ربنا يوفقك للي فية الخير و يساعدك علي حل مشاكلك.

[r0xer]

الموضوع دا في حد ذاته لازم يعلم شباب مصر ورجالتها حاجة مهمة جداً...اظفر بذات الدين اه لكن لازم تتأكد انها مثقفة ومتعلمة مش حاصلة على شهادة فقط. ودمتم ذخرا للوطن.

[medori]

بس انا مش كاتبة هنا عشان افضفض

لانى بالفعل فضفضت مع ناس كتير وصديقات كتير ..........اغلبهم مش مصريين
منهم اسر تركية وسورية وفلسطينية
لكن نظرا لاختلاف اللهجات ...........فالتواصل بينى وبينهم مكنش اد كدا وفي مصطلحات عندهم مقدرتش افهمها
----------------------
الى خلانى اكتب هنا ..........عايزة اعرف وجهة نظر الطرف الاخر الى هو الشباب .......رجال اليوم والغد
تجاوبوا على استفساراتى
انا بابايا فى منه كتير ............نسخ متكررة ................
و اخواتى نسخة متكررة من مامتى وبابايا
وجايز اكون اخدت حاجات منهم ..........بس مش هى دى القضية
القضية قضيتكم انتم
رجالة مصر
فين رجالة مصر؟
فى الدول العربية التانية
لو واحدة باباها هاجر او مات او واحدة جوزها مات او معتقل او اى شئ
بتلاقى ميت راجل يقف جنبها ويسندها
بس طبعا بدون ما يطمع فيها او يخون الامانة
الرجالة برة مصر ...........ميخلوش الست تطلع برة البيت وتجيب طلبات البيت وتتبهدل
بيخلوها معززة مكرمة جوا بيتها ودورها بس
تربية الاولاد ورعاية البيت ونظافته
انا بتكلم لو ان الست دى بقت وحيدة فى الدنيا من غير سند
بتفضل تحس بالامان لأن ولاد بلدها رجالة
هتلاقى الجار المحترم الوقور .........بيبعتلها اكل وشرب وطلبات الببيت وهو منزل عينه فى الارض
هتلاقى شباب الشارع كله بيعزيزوها فى بيتها عشان متتهنش بالنزول والخروج والبهدلة
هتلاقى قرايبها الرجالة ابن خالتها وابن عمها وابن عمتها
كل يوم يشقروا عليها يشوفوا طلباتها
لكن طبعا حتى لو دا حصل فى مصر
فى الغالب هتلاقى الراجل من دول
طمعان فى الارملة ولا المطلقة ولا اليتيمة
يمثل دور الرجل الشهم الجدع وهو يبطن مصلحة معينة
===============
لو مش مصدقين ان فى رجالة فى العالم بتعمل كدا

اسألوا السعوديين بتوع القبائل واسئلوا الفلسطنيين الغزاوية
واسألوا الشوام
واسألوا الاتراك المسلمين الى على السنة
واسألوا الشهيد خطاب فى الشيشان
واسألوا الجنود البواسل الشجعان فى البوسنة والهرسك

لا احنا كدة قلبناها مسلسل تركي!!!!! الحمد لله الواحد سافر حتت كتير اوي في الخليج و في اوروبا و عشت فترة كويسة في اوروبا مفيش في اي حتة الكلام دة! الكلام دة خلص من مصر المدينة من الخمسينات و خلص من اي مدينة من زمان اوي. الكلام دة ممكن يكون موجود في بعض القري الصغيرة في الارياف او في اماكن محدودة جدا في الخليج. عامة لو حضرتك عندك فكرة عن مكان بيعملوا فية كدة انصحك تشدي الرحال لية علي طول و حضرتك قولتي انك جالك شغل في دولة عربية حضرتك مروحتيش لية بدل الدنيا عندهم جميلة اوي كدة.
عجبني اوي الجو الكوول اوي بتاع الغزاوية و الاتراك و الشيشان و البوسنة دة. شي الله يا اتراك.

[medori]

الموضوع دا في حد ذاته لازم يعلم شباب مصر ورجالتها حاجة مهمة جداً...اظفر بذات الدين اه لكن لازم تتأكد انها مثقفة ومتعلمة مش حاصلة على شهادة فقط. ودمتم ذخرا للوطن.

المشكلة يا فندم ان ذات الدين مبتختمش :) انت عشان تعرف انها ذات دين بجد مش تمثيل لازم تعد و تتعامل معاها فترة محترمة و لو هي ذات دين فعلا مش هتسمحلك بدة!!! و للأسف متقدرش تثق في ترشيحات الاهل و الاقارب اللي بتبقي عن طريق المعارف و الكلام دة لان الواحد شاف كتير و ياما شوفنا بنات سود من فوقهم لتحتهم و بيعملوا بلاوي سودة في الجامعات و ما شابة و طبعا لما حضرتك تروح تعد في الصالون هتلاقي الادب و الاخلاق كلها قاعدة قدامك؛ ملاك نازل من السما. و لو قولتلها نخرج و لا نعد فترة تعارف تبقي عايزة تقيم عليك الحد هي و اهلها. يا عم قول يا باسط.

[r0xer]

المشكلة يا فندم ان ذات الدين مبتختمش :) انت عشان تعرف انها ذات دين بجد مش تمثيل لازم تعد و تتعامل معاها فترة محترمة و لو هي ذات دين فعلا مش هتسمحلك بدة!!! و للأسف متقدرش تثق في ترشيحات الاهل و الاقارب اللي بتبقي عن طريق المعارف و الكلام دة لان الواحد شاف كتير و ياما شوفنا بنات سود من فوقهم لتحتهم و بيعملوا بلاوي سودة في الجامعات و ما شابة و طبعا لما حضرتك تروح تعد في الصالون هتلاقي الادب و الاخلاق كلها قاعدة قدامك؛ ملاك نازل من السما. و لو قولتلها نخرج و لا نعد فترة تعارف تبقي عايزة تقيم عليك الحد هي و اهلها. يا عم قول يا باسط.

اوعى تتجوز واحدة يجيبوها اهلك طبعاً، اوعى ثم اوعى ثم اوعى...

بفكر نعمل موضوع عن اختيار شريكة الحياة المناسبة ومتكنش معقدة نفسيا او متأثرة بأهلها ومتكنش شمال وبتمثل التدين...ممكن نعمله سويا انا وانت واي حد تاني عايز يشارك لكن في موضوع تاني :)

[تامر.محمد]

ما شاء الله ما عجبناش كلام صاحبة الموضوع فبدأنا نلبخ فيها و نخش فيها شمال و مش بعيد نشتمها من تحت لتحت و لو مافيش اشراف في المنتدى كان زماننا شتمناها علنا من بدري اوي و بكثافة

لأ برافو و الله

[mr_vampire]

لا حول ولا قوة الا بالله.

الردود بقت هجوم.

الرحمة حلوة علي فكرة.

[elfarashah]

سلام الله عليكم ورحمته وبركاته

إخوتي في الله بعد إذن حضراتكم لي تعليق أرجو أن تتسع صدوركم له:ـ
ليس من المروءة في شيء أن نغلظ بالقول على كل ذي جرح أو ألم أو مشكلة
تعلمنا من ديننا السماحة ولين الجانب والرحمة
فلما الحدة في الكلام؟ والهجوم؟ والتجريح أو الإيحاء به؟؟
إذا ربنا سبحانه وتعالى قدرنا على قول شيء أو نصيحة مفيدة نقولها لوجهه الكريم
وإلا فلنصمت أو نتابع فقط
قال صلى الله عليه وسلم-:من كان يؤمن بالله واليوم الآخر فليقل خيرا أو ليصمت،
أي إنسان صاحب مشكلة أو معاناة بيكون كالمريض يجب تحمله ولكن أيضاً
في حدود ألا يخرج عن اللياقة وإذا حدث ذلك نوجهه بشكل يصلح ويعلم أكثر
من أنه يجرح ويفسد ويؤدي للعدوانية
((فَبِمَا رَحْمَةٍ مِنَ اللَّهِ لِنْتَ لَهُمْ ۖ وَلَوْ كُنْتَ فَظًّا غَلِيظَ الْقَلْبِ لَانْفَضُّوا مِنْ حَوْلِكَ))
صدق الله العظيم

[إنسانة]

المنتدى مش كله شباب ^^

عايزة أقولك أنا حاسة بكل كلمة قولتيها لإني برضو مليش سند

بس العكس أنا كل اللي حوليا متشددين جدا بس متشددين تشدد صوري

بس من كلامك استغربت جدا من وضع مصر مفيش امان للدرجادي !!

طيب ليه ماتطلعيش وتتفسحي وتروحي الاسواق وعندكم سينما و اماكن سياحية كتير دي الناس بتتمنى تزور مصر سياحة

عيشي حياتك ومتفكريش طالما مفيش حد بيمنعك ليه حابسة نفسك

صاحبي بنات واخرجوا مع بعض اتفسحوا وسيبك من موضوع الجواز والكلام الفاضي دا متفكريش فيه

طالما عندك فرصة ليه مش بتستغليها طيب ؟

واشتغلي واعتمدي على نفسك لو تقدري وعيشي حياتك

بتمنى ليكي السعادة : )

[إنسانة]

بس انا مش كاتبة هنا عشان افضفض

لانى بالفعل فضفضت مع ناس كتير وصديقات كتير ..........اغلبهم مش مصريين
منهم اسر تركية وسورية وفلسطينية
لكن نظرا لاختلاف اللهجات ...........فالتواصل بينى وبينهم مكنش اد كدا وفي مصطلحات عندهم مقدرتش افهمها
----------------------
الى خلانى اكتب هنا ..........عايزة اعرف وجهة نظر الطرف الاخر الى هو الشباب .......رجال اليوم والغد
تجاوبوا على استفساراتى
انا بابايا فى منه كتير ............نسخ متكررة ................
و اخواتى نسخة متكررة من مامتى وبابايا
وجايز اكون اخدت حاجات منهم ..........بس مش هى دى القضية
القضية قضيتكم انتم
رجالة مصر
فين رجالة مصر؟
فى الدول العربية التانية
لو واحدة باباها هاجر او مات او واحدة جوزها مات او معتقل او اى شئ
بتلاقى ميت راجل يقف جنبها ويسندها
بس طبعا بدون ما يطمع فيها او يخون الامانة
الرجالة برة مصر ...........ميخلوش الست تطلع برة البيت وتجيب طلبات البيت وتتبهدل
بيخلوها معززة مكرمة جوا بيتها ودورها بس
تربية الاولاد ورعاية البيت ونظافته
انا بتكلم لو ان الست دى بقت وحيدة فى الدنيا من غير سند
بتفضل تحس بالامان لأن ولاد بلدها رجالة
هتلاقى الجار المحترم الوقور .........بيبعتلها اكل وشرب وطلبات الببيت وهو منزل عينه فى الارض
هتلاقى شباب الشارع كله بيعزيزوها فى بيتها عشان متتهنش بالنزول والخروج والبهدلة
هتلاقى قرايبها الرجالة ابن خالتها وابن عمها وابن عمتها
كل يوم يشقروا عليها يشوفوا طلباتها
لكن طبعا حتى لو دا حصل فى مصر
فى الغالب هتلاقى الراجل من دول
طمعان فى الارملة ولا المطلقة ولا اليتيمة
يمثل دور الرجل الشهم الجدع وهو يبطن مصلحة معينة
===============
لو مش مصدقين ان فى رجالة فى العالم بتعمل كدا

اسألوا السعوديين بتوع القبائل واسئلوا الفلسطنيين الغزاوية
واسألوا الشوام
واسألوا الاتراك المسلمين الى على السنة
واسألوا الشهيد خطاب فى الشيشان
واسألوا الجنود البواسل الشجعان فى البوسنة والهرسك

لسه شايفة الكلام دا

طيب أنا زوجة سعودي أهوه

طفشانة من عيشتي

نفسي أعيش إنسانة زي الناس

صح بيعمل كل حاجة وأنا عليا أكل وأشرب وألبس وبس <<< مليش رأي حتى في اكلي الا ماندر

انسان كويس ومحترم أنا مقولتش حاجة ... بس لما تعيشي زي القطة اللي ملهاش رأي دي عيشة كويسة ؟

على فكرة العيشة دي مميتة

انتي عرفتي تطلقي أنا مش عارفة ولو عيطت وسرخت وزعت بيعد يضحك وخلاص كدا الموضوع انتهى

وفاكرة ممكن تطلعي برا البيت خطوة ؟ انا ساكنة في شقة مفروشة عليها حراسة لو حاولت اخرج وجوزي مش موجود هلاقي 10 فوشي

ولو وديتيني الشارع اللي ورى معرفش ارجع ... بجد مش هعرف ارجع

ولما كنت بدرس بنزل ادخل اللجنة وهو واقف بالعربيه ادام الباب وبمجرد ما يعدي نص الوقت يتصل مليون اتصال مش بلحق اكلم حد ولا بص يمين ولا شمال <<< والجامعة بنات بس

طيب دي عيشة ؟ عايزة تعيشي كدا ؟


نسيت اقولك لا زيارات ولا ازور حد ولا حد يزورني لوحدي لحد مامموت مش هيخليني اتعرف على حد

[wounded woman]

المنتدى مش كله شباب ^^

عايزة أقولك أنا حاسة بكل كلمة قولتيها لإني برضو مليش سند

بس العكس أنا كل اللي حوليا متشددين جدا بس متشددين تشدد صوري

بس من كلامك استغربت جدا من وضع مصر مفيش امان للدرجادي !!

طيب ليه ماتطلعيش وتتفسحي وتروحي الاسواق وعندكم سينما و اماكن سياحية كتير دي الناس بتتمنى تزور مصر سياحة

عيشي حياتك ومتفكريش طالما مفيش حد بيمنعك ليه حابسة نفسك

صاحبي بنات واخرجوا مع بعض اتفسحوا وسيبك من موضوع الجواز والكلام الفاضي دا متفكريش فيه

طالما عندك فرصة ليه مش بتستغليها طيب ؟

واشتغلي واعتمدي على نفسك لو تقدري وعيشي حياتك

بتمنى ليكي السعادة : )

جزاك الله خيرا اختى .........على مرورك الكريم
ايوة للأسف مصر بقت سيئة جدا من بعد الثورة وبالتحديد بعد الانقلاب العسكرى
لو نزلتى فى اى وقت هتلاقى مظاهرات وناس بتجرى و عساكر امن مركزى بيجرى ورا ثوار
بقنابل الغاز والعصيان وبلطجية ماشية ادامهم بتضرب بسنج ومطاوى وطنبجات

وصيع ماشين فى الشارع وبلطجية بيسرقوا شنط الستات فى كل زمان ومكان
مصر بقت بزرميط للأسف
مفيش امان فى اى شارع من الشوارع
ولا مترو فى امان ولا تاكسى فى امان ولا ميكروباص فى امان بسبب التحرش الظاهر
ولا مشى على الاقدام فى امان
يعنى عشان تنزلى تشتغلى او تمارسى اى عمل تطوعى حتى
بتمرى ببهدلة وخطر وربنا وحده الى بيستر
ولما بيشوفوا واحدة لابسة لبس شبه بتوع الاخوان بياخدوهم فى الرجلين

[إنسانة]

جزاك الله خيرا اختى .........على مرورك الكريم
ايوة للأسف مصر بقت سيئة جدا من بعد الثورة وبالتحديد بعد الانقلاب العسكرى
لو نزلتى فى اى وقت هتلاقى مظاهرات وناس بتجرى و عساكر امن مركزى بيجرى ورا ثوار
بقنابل الغاز والعصيان وبلطجية ماشية ادامهم بتضرب بسنج ومطاوى وطنبجات

وصيع ماشين فى الشارع وبلطجية بيسرقوا شنط الستات فى كل زمان ومكان
مصر بقت بزرميط للأسف
مفيش امان فى اى شارع من الشوارع
ولا مترو فى امان ولا تاكسى فى امان ولا ميكروباص فى امان بسبب التحرش الظاهر
ولا مشى على الاقدام فى امان
يعنى عشان تنزلى تشتغلى او تمارسى اى عمل تطوعى حتى
بتمرى ببهدلة وخطر وربنا وحده الى بيستر
ولما بيشوفوا واحدة لابسة لبس شبه بتوع الاخوان بياخدوهم فى الرجلين

ايوه متابعة الوضع السياسي وفاهمة انه فيه قلق بس كنت فاكرة في مناطق معينة مش في كل البلد
طيب طالما عندك فرصة تهاجري ليه ماهجرتيش أمريكا مثلا ومفتكرش فيها تحرش لإن اصلا النساء هناك كل وحدة معتمدة على نفسها
فافتكر وضعها افضل من وضع البلد
وحتى تتجوزي امريكي شبه توم كروز وتعيشي في بيت خشب وجنينة برا هههههههههههه
بكلمك بجد الهجرة طالما متاحة خيار ممتاز
أنا لو أقدر هطير النهردة قبل بكرة هههههههه
حاولي تلاقي حل غير تقليدي بس قوي قلبك : )

[elfarashah]

سلام الله عليكم ورحمته وبركاته

كلامي موجه للسيدات فقط

يمكن حالتين فقط واحدة لصاحبة الموضوع والتانية لإنسانة أصعب من بعض
لكن صدقوني فيه كتير مآسي وأبواب مقفلة على أصحابها تشوفهم برة البيت او وسط الناس تحسدهم على لبسهم ولياقتهم ولباقتهم وثقافتهم لكن أول ماتقرب منهم
تقول ألف حمد وشكر ليك يارب إني مش في مكانهم ، الناس بترسم الابتسامة
وجواها ألف وجع ولو حبت تشتكي أو تفتح بوقها بتلاقي كم من الهجوم والانتقادات
يخليها تتحمل كل صنوف العذاب في صمت وحسرة وتقول أهي عيشة والسلام
لأنها لا هترضى تصدم أهلها بوضعها ده وترجع ليهم مطلقة ولا هتقدر تتحمل كلام الناس لو اشتكت يبقى مفيش غير رحمة ربنا ولطفه بس بأصحاب هذه المآسي
ربنا يخفف عنكم ويزيل همومكم ويبدل حياتكم لنعمة ورضا وسعادة ويهديكم للخير
علشان كدة سيدنا وحبيبنا النبي صلوات ربي وسلامه عليه قال:ـ
رفقاً بالقوارير

[إنسانة]

سلام الله عليكم ورحمته وبركاته

كلامي موجه للسيدات فقط

يمكن حالتين فقط واحدة لصاحبة الموضوع والتانية لإنسانة أصعب من بعض
لكن صدقوني فيه كتير مآسي وأبواب مقفلة على أصحابها تشوفهم برة البيت او وسط الناس تحسدهم على لبسهم ولياقتهم ولباقتهم وثقافتهم لكن أول ماتقرب منهم
تقول ألف حمد وشكر ليك يارب إني مش في مكانهم ، الناس بترسم الابتسامة
وجواها ألف وجع ولو حبت تشتكي أو تفتح بوقها بتلاقي كم من الهجوم والانتقادات
يخليها تتحمل كل صنوف العذاب في صمت وحسرة وتقول أهي عيشة والسلام
لأنها لا هترضى تصدم أهلها بوضعها ده وترجع ليهم مطلقة ولا هتقدر تتحمل كلام الناس لو اشتكت يبقى مفيش غير رحمة ربنا ولطفه بس بأصحاب هذه المآسي
ربنا يخفف عنكم ويزيل همومكم ويبدل حياتكم لنعمة ورضا وسعادة ويهديكم للخير
علشان كدة سيدنا وحبيبنا النبي صلوات ربي وسلامه عليه قال:ـ
رفقاً بالقوارير

وعليكم السلام ورحمة الله وبركاته

شكرا لنبل اخلاقك

بتمنى صاحبة الموضوع تقرى كلامك ويخفف عنها

انسانة تستحق الاحترام فعلا لان اللي حصلها زادها ثبات ولحظات الغضب والتساؤل بتمر بأي حد

كنت اتمنى الردود تكون فيها تخفيف او على الاقل الي مش عارف يقول كلمة تخفف عنها يدعيلها

[الاستاذ]

جزاك الله خيرا اختى .........على مرورك الكريم
ايوة للأسف مصر بقت سيئة جدا من بعد الثورة وبالتحديد بعد الانقلاب العسكرى
لو نزلتى فى اى وقت هتلاقى مظاهرات وناس بتجرى و عساكر امن مركزى بيجرى ورا ثوار
بقنابل الغاز والعصيان وبلطجية ماشية ادامهم بتضرب بسنج ومطاوى وطنبجات

وصيع ماشين فى الشارع وبلطجية بيسرقوا شنط الستات فى كل زمان ومكان
مصر بقت بزرميط للأسف
مفيش امان فى اى شارع من الشوارع
ولا مترو فى امان ولا تاكسى فى امان ولا ميكروباص فى امان بسبب التحرش الظاهر
ولا مشى على الاقدام فى امان
يعنى عشان تنزلى تشتغلى او تمارسى اى عمل تطوعى حتى
بتمرى ببهدلة وخطر وربنا وحده الى بيستر
ولما بيشوفوا واحدة لابسة لبس شبه بتوع الاخوان بياخدوهم فى الرجلين

بصى انا مش هعلق على مشكلتك لانى حاسس انى الموضوع مش حقيقى
والردود بتعتك بردوا مش مقنعة وكلامك عن الرجل المصرى بالبلدى كدة معندوش نخوة
وباقى الرجالة العرب عندهم نخوة عننا مع انى الكلام دة مش صح لانى كلمت حنسيات كتير
واقدر اقلك انى اكتر شعب عنده نخوة دة الشاب مننا بيتخانق لو بنت اتعكست قدامة وهو ميعرفهاش وممكن يموت
ابقى اقرى الحوادث كدة دة نقطة النقطة التانية عن الااخلاق بعد الثورة بردوا كلامك مش صح لانى الشعب كدة من زمان بس مع غياب الامن بقا ملحوظ لينا اكتر وموضوع واحدة لابسة لبس شبه بتوع الاخوان بياخدوهم فى الرجلين دة ممكن تعرفينى اية لبسكم دة اصلى احنا كل يوم بنشوف منقاب وحجبات ومبيحصلهمش حاجة
نقطة اخيرة على افتراض انى موضوعك حقيقى الى عايز يصنع من نفسه شئ هيعمل كدة وياما ابهات كانوا خمورجية وعيالهم طلعوا دكاترة وبناتهم اتجوزوا احسن جوازت